DUNGWVNC 19:24 - Hawa Naga Bible 2001

²⁴ Yehowa rueq, “Mnoz svt kaz vtueq Arun kuex gvl wvnc loq. Yuq muinz shomc waz bix nuiyc miq htenc kuex ghaqruiy yanz vtueq, ngvy kox nuex duic waungc mvy muq, rvmuq ngoz ruiux ngaz rueq tsuingshiq muex murx tvgurc shaungx,” ngoz tueq jungx tueq.

ASII LAKDAP Bible (BSI)

²⁴ Tatiwe raq treto, “Ümniika satkikiq. Laüta Aron ka ümniirai ana sheakikiq. Shatmaq ramwebi nai mungmaiqse ka hiqtrai ka jin raüta ana Ngi phana wa maimak. Riimakla Ngi raq tsangshiq ma mo mitiihoha.”

DUNGWVNC 19:24 Referencias Cruzadas

1 KAÜWA WERAÜ 13:9

Tsuinghez kuex Kidon tsvmz wungc juing nuex httuiuc vtueq, manx nueyc kvhtuy rul wvnc koq tueq Uza rueq vyauk maq Bomkhvrc Jep kuex htuiz shuimx gay tueq.

DUNGWVNC 19:12

Kanx tvroz kvyuq miq rueq yanz muq tvkoc mnoz rueq ghaqruiy taq vtueq, tsuingshiq muex kanx nuex duiz muq tvkoc nuiyc kanx hep nuex kaz muq tvkoc jungx shuiux, kanx kvyuq nuiuz kay jix kuex vthueyc rvhumc tuex,

DUNGWVNC 19:25

Moshe kuex svt kaz vtueq, Yehowa rueq jungx tueq htenc kuex tsuingshiq muex jungx kuq kaz tueq.

DUNGWVNC 24:1

Yehowa rueq Moshe muex ngoc, “Mnoz rueq Arun, Nadab, Abihu nuiyc Israel walaungx bix warok mvshix kuex shvlx laq vtueq, kanx nuex duiz woz luit; vluz maq dvyx ngaz muex bumx vtueq mnawk palx phueq.

DUNGWVNC 24:9

Moshe, Arun, Nadab, Abihu nuiyc Israel walaungx bix warok mvshix kuex kanx nuex duiz vtueq,

LEWI 10:3

Kvruex yimaq Moshe rueq Arun muex, “Yehowa rueq ngoc, ‘Ngvy yauk shuimc jix lotlaz rueq vsawc ngaz kuex tvtsanc nganc wuez rax; ngvy miq htenc muex ngvy ngauz vngax kuex tvdung tvkhic shaungx,’ ngoz tueq kuex vruex ngoc ngoz tueq,” ngoz tueq jungx tueq. Yuq muinz Arun kuex kuiyqshuik dvyx rvtueq.

Matthew 11:12

Yuix Luip Yohan rueq bomjungc jungphvnx wvnc tueq maq phaungc vtueq majuiuc nuex httuiuc laz raungx Mungtan kuex ralx rueq khvt rvhumc yaq, kvruex mungtan kuex ralx rueq nyvlc tvkoc hung yaq.

Luke 13:24

“Vtsaungx kaluix puc kvmaq nyuip lvp tvkoc nuimshiq hunglaungx wuez kuinz; yvmx khoc lac ngoz ruiux lec miq paunghvlc rueq kvruex kaluix puc kvmaq nyuip wvnc tvkoc hunglaungx wuez tuex, yuq muinz nyuip lot wuez muq rvtuex.

Luke 16:16

“Moshe Tvrac nuiyc shvmmax bix rueq vwuiyq luik htenc kuex Yuix Luip Yohan pat nuex httuiuc phaungx ngaungx wvnc tueq; Kvruex yimaq kuex Tishox Mungtan nuex seng yaq Thuix Thaungx Vhvlx htenc kuex jungphvnx wvnc koq tueq, miq ruip rawx kuex mungtan nuex rvsherc rv-phuk nyuip wvnc wuez tueq.

John 1:17

Tishox rueq Moshe maq raz tueq Tvrac kuex kuq phuex, yuq muinz kejux nuiyc tsuingrux lvmx kuex Yesu Christu maq httuiuc kaz tueq.

Romans 4:15

Tvrac kuex Tishox thuinkhvy juing dvyx tvpaung kuq yaq; yuq muinz tvrac vguez ngoz ruiux kuex tvrac yaq gay ngoz tueq muinz vguez.

Galatians 3:19

Kvkhoc ngoz ruiux Tvrac kvmungx kuex yvmx lac? Tishox rueq tvrac kuq tueq kuex vyaq vrax lvmx htenc tvkhic kuy tvkoc vtvsuq shec rvtueq; kvruex bomkhvmc taq tueq Abraham suiuz vsaz waz max httuiuc kaz shauk nuex httuiuc laz httaz tvkoc vkuq dvyx rvtueq. Tvrac kuex raungkamx bix maq raz tueq hvlwvl nuex tvlvy kuy jix washiz yauk maq kuq tueq.

Galatians 3:22

Yuq muinz mungkawx lotlaz kuex mvrax luimc vkawc rueq puingc wvnc rvhumc tueq, ngoz tueq Rumvrc luik nuex jungx shec tueq; kvkhoc rvtueq Yesu Christu muex kvmluimx htauk maq jix bomkhvmc nuex seng yaq yauk noalc kejux kuex kvmluimx jix htenc rueq lvp wvnc shuex rvtueq.

Hebrews 12:29

Yvmx khoc lac ngoz ruiux lec naungshiq Tishox kuex tvkhamc gay lot yaq wvrnarc rvtueq.

Hebrews 4:16

Kvkhoc rvtueq naungshiq khvmc thuinz maq Tishox hoc daungraungc khaungkac nuex nyuip wuez ix. Kvkhoc ngoz ruiux naungshiq kuex menjenc kuy lvmx rvhumc tix nuiyc rax yaq nuex naungshiq muex romc kuy kejux lvp wvnc wuez shix.