DUNGWVNC 15:7 - ASII LAKDAP Bible (BSI)

⁷ Achhai anyii khushü jonghea, ümjaqti thun tanglaü; ümtsankhiq walü hengto, kiimaq tsangshiq ka tsamkü ikha khiimbaiqto.

Hawa Naga Bible 2001

⁷ Mnoz rueq ngauz vngax maq ralx htenc kuex tvbunx gay toq; mthuinz khvy kuex wvr ikhoc luic vtueq, tsuingshiq kuex tsvmkuiz ikhoc khamc gay tueq.

DUNGWVNC 15:7 Referencias Cruzadas

YOBA 9:4

Shiikeawe ka pinthum taksma kiimaq ningkun jonghea; apaiq man na jumin chaplot mak.

Tvtsvmc 148:13

Tsangshiq kunli raq Tati mang tiitsam ronglaq! Apaiq mang ka tarü thaq na ajong; apaiq khushü ka hiq nai ramungtan thaq na.

Tvtsvmc 59:13

ümtsankhiq walü maq tsangshiq ka tiikhiim chaqlaq; tsangshiq ka laimiq miishe tiijabaiqlaq. Kra riihaütiq mangjong maiqse tlotli raq Shiikeawe ka Israil mung pengti dea, kiimaq mangjong tlotli ka apaiq riili pengtlo nguta misap wan.

Tvtsvmc 68:33

ra na chaotiwe ma, rathup rapha ra na chaotiwe ma shi ronglaq. Apaiq bom ka tai ronglaq tiihong lantea ramok wa ikha gitrang ronglaq.

Tvtsvmc 83:13

Tsangshiq ka botkhulai ikha wanbaiqlaq, O Shiikeawe lei, tsamkü rahai raq pan wantlaq ikha tiipanbaiqlaq.

DUNGWVNC 14:27

Krai mren Mosheq raq ajaq ka ra na do raüta khamjong chum nü kiina tiinyi raüta doshat maq shamto. Kiimaq ranap rawüho niishe kham tso thun ka maiqmii kaichang jükhü kiiniishe jang wan nongto. Kiimaq Ejip mungti ka aju riilai nguta shiikutto. Shatmaq Tatiwe raq tsangshiq ka khamjong chum mong niishe tiithap baiqto.

DUNGWVNC 5:12

Krai mren mungmaiqse ka Ejip mung hamli na tsamkü shin rit kai maiqmii miirang raüta kihoto.

DUNGWVNC 9:16

Shatmaq ümniima iningkun tiichhike miitu, Ngi raq ümniika atra tiisitiikang. Arka imang chong tsaki kra mangjong tlotli na tiinyam wa miitu atra tiisitiikang.

ISAIA 37:17

Ümchaü min, Tatiwe lei, naishiq achu jaü ara tailaq. Laüta naishiq ma jamlai mra wa pinwantaq kra liilaq. Sennacherib raq ümnaq atra Shiikeawe ma shumtsü miitsü bombi ümchuwa kuqtlaq kra tiitsang tailaq.

ISAIA 37:23

Ümniiriika ju shummiitiikang ngutiiwa tiima tlaü? Kiimaq chuphit nüphit laüta ju wa shipoq tiikang ngutiiwa tiima tlaü? Ümniiraq Ngi asii Israilnok Shiikeawe ka shummii shaq shaq saisi tlaü.

ISAIA 37:29

Ngi raq ümnaq hokho tlaü thun kra, kiimaq ümnaq shiikongsiq tlaü thun kra, tsütsa ka lapwan kang she. Riita ümchaü min Ngi raq ümkhü na jin raükom miishe miwa kang. Lata ümnübok na kumrang nübok na tiikaq chang jinpo kriishe mitiikaq kang. Lata ümnaq ana ümra lam mo kilaü kra lam phan phan hali mishea wan nong kang.”

ISAIA 37:36

Tatiwe rase ashi ka Asirianok phentiip teitlaq kiijaq wawanto. Raüta phenlabi ka 185,000 jiip baiqto. Anap ranap chu miishe, kra tsangshiq phentu piitiip na tsangshiq ka wiita miqchup amaa phongli she jiimto!

ISAIA 37:38

Ranaiqshi apaiq ka aphrakaü Nisrokh noqrea shomjam mong na riito. Kiijaq asenai wenai, Adrammelekh nai Sharejar raq apaiq ka tsangnai nepjasai maq sebaiqto. Raüta tsangnai ka Ararat mung na tiipaü juhoto. Apaiq changkhü songti ka asetiim phong wa weshi, amang min Esarhaddon ngutlaq kriiwe raq awe changkhü song hokham ajongwe ma jato.

ISAIA 47:14

“Tsangshiq thun ka tsamkü shin phong ikhli miraq, kiimaq wa riili mikhiimbaiq! Tsangshiq maiqmii dongdii min tiichhii wan lot mak miraq. Walü ka henghea miraq tsangshiq raq ninlot mak, walü ka tsangshiq ma awosea chang apeowiq ka riimak miraq.

ISAIA 5:16

Shatmaq Ajong Pinthum Tati riika kappe sham raüta riikhaqli maq kha photlo. Raüta apaiq jonglu kra tiichhikuqtlo. Kiimaq apaiq asii rilung ka asenginok kha phokuqtlaq kra lümaq tiichhikuqtlo.

ISAIA 5:24

Kriikha na ümchaü min, tsamkü dap nai sangphii shinriiqriiq shinkitlaq raüta wa na phongchaq tlaq ikha michaqbaiq. Nam rangchong thun ka anam she mirki. Raüta namshiq pülii rai tlan ka ashin she mirki. Raüta rahai raq mipan wan. Jamkhano ngukla, Ajong Pinthum Tati, Israilnok asii Shiikeawe raq nashiq ma jamlai wa shrin kuqtaq kra namshiq raq no na tsuqbaiqlan.

JEREMIA 10:6

Tatiwe, ümnaq khan ahin jumin ahü; ümniika honghea pinthum, kiimaq ümmang ka jonghea kiimaq ningkun henghea.

Mikha 4:11

Maiqmung pahea pong raüta ümnaq khatkai miitu thungto. Tsangshiq raq akha riichong tlo, “Jerusalem ka shiithenbaiq raa dongdii, Jerusalem ka athen kaiwi she michi rong i!”

JEKERIA 14:3

Kiijiishe Tatiwe kriishe miki. Raüta man na pat na khat wantaq kiikha kra maiqmung ahinti ümchu riiwa Jerusalem kra khattaq, kriiti thun kriishe mikhat wan nong.

JEKERIA 14:8

Kra akhing saü raüla, rilung khamrai khangririhea ka Jerusalem chela mong maq miphok. Kra khamrai wa khoko ka Amaa Khamjong Chum nü kiiniishe mikiho. Kiimaq khoko ka Mediterenian Khamjong nü na she mikiho. Kra khamrai ka raju ralii kiruqli she miki. Arü min rüki mak phan she miraq.

JEKERIA 2:8

Ju riiwa namshiq dü na jaq miiq tlaq, kriiti riika ngi raq pinthum lungwii tiikangti ka ajaqkaiq maq shamtlo ngushat.” Kriikha na Tati Ningkun Ajong Pinthumwe raq asengi Israil khatti ma, ngi ka tsütsa bomtsi ara tiichongkai tiikito.

MALAKI 4:1

Tati Ningkun Ajong Pinthumwe raq ngutlo, “Liirong laq, kumrong kumraq maiqse nai abi ashut kloti thun wiita tsamkü shinphong wa na chaq tlaq ikha michaq baiq. Kra ranaiq tsangshiq ka wiita tiisii rai michaq baiq.

Matthew 3:12

Apaiq raq ajaq na tsam jap wan chang wankhü ka shamshat she. Tsamphong wa aru nai achhü thun ka wiita ajap she mirbaiq wan. Raüta apaiq raq tsam awongsii thun kriika tum akhiiq mong niishe misaiq sam wan. Kiimaq aru nai achhü thun kriika pattup pat-sa matki mak phan walü rai tlaq kii- niishe miphong chaq baiq wan.”

Acts 9:4

Kiimaq apaiq ka kumrang raikhü wa, hiq na tiidearok dea wato. Kiimaq apaiq raq ra wa maiq bom ashi akha taito. “Saul, Saul! ümniiraq ngi ka jam khano tiichamchao tlaü?”

TRI CHONGKE 33:26

Israilnok lei, namshiq Shiikeawe kiikha ahin shiikea ahü, achai anyii ra na siimko maq riita siimko na saüli chaotlo, phumda mong maq chaoho raüta ümnaq khrumkai kitlo.

TRI CHONGKE 4:24

Jamkhano ngukla Tatiwe namshiq Shiikeawe ka walütu kaü. Apaiq rai riilongti ka apaiq raq akhiismin nin lot mak.

Hebrews 12:29

Jamkhano ngukla, nashiq Shiikeawe ka bunlak buncha khiim chaqti watu.