DUNGWVNC 11:8 - ASII LAKDAP Bible (BSI)

⁸ Raüta Mosheq raq bom ka akhiishe tiisupto, “Ümsengi ajong alabi thun ka ijichong na waraüta hiq na bum raüta ngi minoq wa. Kiimaq tsangshiq raq ngi nangnga inok ita phan tlotli ka tsuq wantlo laq nguta mitiipaiq nea wa. Kra jai miishetiq ngi ka miwa wanha.” Kiijiishe Mosheq ka akhiq khiqshii miishe hokhamwe khaki wa wanto.

Hawa Naga Bible 2001

⁸ Moshe rueq bomc tvsuip jungx tueq kuex, “Mmiq vyungx vlaungx bix lotlaz ngaz kox nuex kaz vtueq, ngvy max nuex bumx vtueq nawk ruiux, ngvy miq htenc kuex shvlx laq vtueq kaz wvnc kuinz ngoz tueq tsuinghez rueq kvmenc jenc thoz kv-phuinx. Kvruex yimaq jix ngaz kaz wvnc taungx,” ngoz tueq jungx tueq. Kvkaq Moshe kuex hokhvmx waz kox maq thuinz tvkhaq vtueq dung kaz tueq.

DUNGWVNC 11:8 Referencias Cruzadas

1 HOKHVMX 20:10

Benhadad raq akha hali tiichonghoto: “Ahea Ngi raq maiq pahea sheaho lata ara ümchela arka tiibunlak mitiithen baiqkang. Lata longbun phong kra tsangshiq jaqphi na mitso wanha. Ngi raq ara klo mang riiha jiila, phrakong raq ngi ka tiitsailaq mitsat baiq laq!”

2 HOKHVMX 3:9

Krai mren Hokhamwe Joram kiimaq Juda mung hokhamwe nai Edom mung hokhamwe ka rekhat kai kihoto. Tsangshiq ka ramiishi she kumtsai phii rumnyangkhi na khumjai, tsangshiq raq ahoho kham ka athum she riikito. Tsangshiq maiqmii miitu min kiimaq hupsam hoti kong nyamse miitu min kham ka ahü she riito.

NEHEMIA 5:6

Tsangshiq raq kha shoktaq kra tai lata, ngi ka kai khiq kang.

Tvtsvmc 6:1

O Tatiwe lei, ümtsan naq tiikhiqkiq kiimaq ngi naq sonkiq! Tsankhiq phiiwa nguta ngi ma mo naq tiihokiq!

DUNGWVNC 10:29

“Riikhaqli ngutlaü!” nguta Mosheq raq treto. “Ümniiraq isham ka ümtiikiimin chhi maü she.”

ISAIA 49:23

Hokhambi ka ümniima awe ma mija wan; hokham nyungre ka ümniima anyung re ma mija wan. Tsangshiq ka ümkhaki na hiq na bum raüta ümnaq minoq; tsangshiq ka aransetiim ja raüta ümniima shreng manto mikuq. Kiijiishetiq ümniiraq Ngi ardea Tatiwe nguta misaphaü; ijaq wa khrum jaü khetiti ka ju min jaqmii tiijangbaiq mak miraq.”

ISAIA 49:26

Ngi raq ümnaq tlitkotti ka tsangshiq liipan na mitriijiipbaiqha; Tsangshiq ka riitsea riita tsankhiq watrangli miraq. Kiijiishetiq maiqse angu tarü raq Ngi ardea Tatiwe nguta misap, ümnaq chhiiti kiimaq ümniika wase ma tiijati. Tsangshiq raq Ngi ka Israilnok Shiikeawe ningkun ajong riimti nguta misap wan.”

EJEKIEL 3:14

Tatiwe ningkun ka ikhum na henghea maq saükito. Kiimaq ngi ka apaiq wenyi raq jamkho dowantlaq kra phan phan, ngi ka kiqdaqtam dokdok kiimaq tsankhiqhea riito.

DANIEL 3:19

Kiijiishe Nebukadnejar tsankhiq ka, amok riidungli phokto. Kiimaq Shadrakh, Meshakh, kiimaq Abednego ma atsankhiqtsi ma atheaphi ka ashiila anyaq liishe riito. Krai mren, asengi ma watum ka rahinjaq chaq tlaq kriithaq na lakmiishi achan aheng tiike chaq ronglaq nguta aming kuqto.

WEAWEA 12:3

(Mosheq ka tsan nin heawe, mangjong hiq na apaiq khan tsan nin pinthum ka maiq ahü.)

Mark 3:5

Jesuq raq tsangshiq ka lii raüta, atsan khiq wa la riito. Shatmaq, tsanko miika, tsangshiq shut tlaq kra nai tsangshiq tsantsii wanrai tlaq kra chhi raüta, tsangshiq ma amang chan tsi wala hali riito. Kiijiishe apaiq raq maiq we kiima, “Ümjaq phi ka tlii laq,” nguta thaüto. Krai mren, apaiq raq ajaq ka tliisaq riito. Kiimaq ajaq tsi ka tiidoqra, heakisaq heakito.

TRI CHONGKE 29:24

Kiijiishe mangjong hiq raikhü na siti maiqse tlotli raq miwai, ‘Tatiwe raq atinkhan tsang mung ka jam nguto tiithen baiqta? Apaiq tsan atinkhan khiq chang ka jamlai wa riita?’

TRI CHONGKE 32:24

Tsangshiq ka ramdong raq nai tsidong raq mitsai; tsangshiq ka phiiptsi chang thadong raq mitsai. Ngi raq rum ngam kong tiiki lata tsangshiq miitiikaqha, kiimaq alai henghea paükong tiiki lata mitiithaüha.

Hebrews 11:27

Kiimahali, Mosheq raq kamtsantsii maq, Ejip mung ka miimthüto. Apaiq ka, hokham we tsankhiq miimin hai mak maq, Ejip mung wa laü wanto. Apaiq raq, mak maq chhilot mai Shiikeawe ka, asham chhi shat ngo chang chang ikha, apaiq tsan ka jai nü na jangkai nong nguta akhiismin man mak she wawanto.

Revelation 3:9

Tai rong laq! Kiijaq siti Thawe sengi arot kong raq, tsangshiq ka Jehudinok nguta tiichong tlo. Shatmaq, arot. Ngi raq tsangshiq ka namshiq jichong na mitiibum ha. Raütiq tiina, tsangshiq raq, namshiq ka ngi raq lungwii tiikang dea nguta misap.

PHOWEBI 4:10

Barak riimin, Naphtali phan nai Jebulun phan wa maiq ka Kedesh chela na tiiheato. Krai mren sreabi maiq hingroqshi ka apaiq jaiphan kihoto. Kiimaq Debora kiimin apaiq rai kihodamto.

PHOWEBI 8:5

Ümtiikiiwa tsangshiq ka Sakkoth chela niishe saütaq, apaiq raq kra chelati ma akha nguto, “Mangchan lanta isengi sreabi ma winsii phanshi ra kuq ronglaq. Tsangshiq anü makaiq she. Kiimaq ngi ara Midiannok hokhamwenai Jeba nai Jalmunna joho kitiikang.”