DUNGWVNC 11:8 - Hawa Naga Bible 2001

⁸ Moshe rueq bomc tvsuip jungx tueq kuex, “Mmiq vyungx vlaungx bix lotlaz ngaz kox nuex kaz vtueq, ngvy max nuex bumx vtueq nawk ruiux, ngvy miq htenc kuex shvlx laq vtueq kaz wvnc kuinz ngoz tueq tsuinghez rueq kvmenc jenc thoz kv-phuinx. Kvruex yimaq jix ngaz kaz wvnc taungx,” ngoz tueq jungx tueq. Kvkaq Moshe kuex hokhvmx waz kox maq thuinz tvkhaq vtueq dung kaz tueq.

ASII LAKDAP Bible (BSI)

⁸ Raüta Mosheq raq bom ka akhiishe tiisupto, “Ümsengi ajong alabi thun ka ijichong na waraüta hiq na bum raüta ngi minoq wa. Kiimaq tsangshiq raq ngi nangnga inok ita phan tlotli ka tsuq wantlo laq nguta mitiipaiq nea wa. Kra jai miishetiq ngi ka miwa wanha.” Kiijiishe Mosheq ka akhiq khiqshii miishe hokhamwe khaki wa wanto.

DUNGWVNC 11:8 Referencias Cruzadas

1 HOKHVMX 20:10

Benhadad kox wawc kuex: “Vruex m-ghaqyungx kuex tvbac httak gay ruiux, tsuingshiq yauk maq lung huyx htenc kuex pix wvnc lot laz juing miq hungx tuex tanc khvnc ngaz rueq shvlx wvnc shaungx. Kvkhoc ngaz rueq ruez lot mauk ngoz ruiux yuq tishox htenc rueq ngaz kuex tvthueyc laz mthvt gay phueq!” ngoz tueq.

2 HOKHVMX 3:9

Kvkhoc rvtueq Hokhvmx Yoram muinz Yuda hokhvmx nuiyc Edom hokhvmx hez kuex kaz wvnc wuez vtueq, raungx mvshix tup kaz tueq yix maq tsuinghez rueq yuix lvp muq, miq htenc muinz hup vsvmx gurc jix nyvmx saz htenc tvkoc muinz vguez shex.

NEHEMIA 5:6

Tsuingshiq kvbot nyvnx yaq kuex tay vtueq, ngvy thuinkhaq hvlc ningkhvnc nuex

Tvtsvmc 6:1

Yehowa lex, thuinz tvkhaq vtueq ngaz kuex nauk tvtharc vkueq! Mthuinz khvy maq ngaz muex murx nauk tvgurc vkueq!

DUNGWVNC 10:29

Moshe rueq, “Mnoz rueq jungx vshuiux kvkhoc doc. Mnoz rueq mkaq muinz ngaz kuex khiz yek phux rvmuq shex,” ngoz tueq tvralc tueq.

ISAIA 49:23

Hokhvmx bix kuex mnoz tvkoc vwaz tamx muex yaungx tuex; hokhvmx nyuiuz rulx kuex vnyuiuz tamx muex yaungx tuex. Tsuingshiq kuex mkhaungkac nuex bumx vtueq mnoz muex tvtsanc nganc shuex; tsuingshiq gvnz tvyomx vtueq mnoz muex tvtsanc nganc shuex. Kvkaq tsuingshiq rueq ngaz Yehowa rvtauk kuex tuiuz wuez shuex; ngaz rueq romc kuy tvkoc bvmc jix kuex washiz muinz thuinbac tuex rvmuq,” ngoz tueq.

ISAIA 49:26

Ngaz rueq mnoz guirguenc jix kuex vdvmz dvmz tvthvt gay shaungx; tsuingshiq kuex nuingx pawx vtueq miq thvy nuiyc thuinkhvy phuk wuez tuex. Kvkaq ngaz kuex nuimshiq palc daungc wvnc jix, Yehowa rvtauk kuex miq lotlaz rueq tuiuz wuez shuex. Ngaz kuex Israel muex luimc vkawc yunghvlc Tishox rvtauk kuex tsuingshiq rueq tuiuz wuez shuex,” ngoz tueq.

EJEKIEL 3:14

Yehowa luimc vkawc kuex ngvy htauk nuex hungc vlaungc yunghvlc httuiuc kaz vtueq, vpiq siyac rueq ngaz kuex pvnc wvnc phuex, ngaz kuex pinhtumc thuinbac nuiyc thuinkhaq tauk.

DANIEL 3:19

Kvkaq Nebukhadnezar rueq Shadrak, Meshak, nuiyc Abetnego hez muex khaq vtueq vhtvlx shawx tueq. Kvkhoc rvtueq piq miq hez muex wvrkez kuex kungkhux wawc htauk nuex htvp mvshix vjvnc luic laz juing tvjauk tueq.

WEAWEA 12:3

(Moshe kuex thuinz nyenz miq rvtueq, ghaq htauk vyuq piq kvkhoc thuinz nyenz jix miq washiz muinz vguez.)

Mark 3:5

Kvkhoc tsuingshiq thuinz tsanc hvlc khuec nuex, Yesu thuinbac hvlc maq thuinkhaq vtueq tsuingshiq kuex tvroz lawc tueq. Kvruex yimaq vpiq rueq yauk maungx waz muex ngoc, “M-yauk kuex tenz shuiuz,” ngoz tueq. Kvruex waz rueq muinz vyauk tenz koq tueq vyauk kuex hvlx kaz tueq.

TRI CHONGKE 29:24

Kvruex yimaq mungkawx lotlaz wawc miq htenc rueq, ‘Yehowa rueq tsuingshiq mungtan kuex yvmx khoc lac tvbac gay tvnx nyix? Yvmx ngoz tueq lac kvtanc khvnc vhiz juing thuinkhaq yaq nguinx?’ ngoz tueq wiz wuez shuex.

TRI CHONGKE 32:24

Tsuingshiq kuex rvmc rueq nuiyc vthuiuz vsac rueq thueyc mvy wvnc tuex; tsuingshiq kuex vhiz juing vmac vtsac rueq thueyc wvnc wuez tuex. Tsuingshiq kuex khvt tvkoc vsvl vwvl ngvmx saz kuex tvkaz shaungx, tsuingshiq kuex tvhtuiuc muex vyangx httax yaq puiuc kuex tvkaz shaungx.

Hebrews 11:27

Kvmluimx vtueq Moshe kuex hokhvmx waz thuinkhvy kvmac hiz muq maq Ejip mungx wawc dung kaz wvnc tueq. Piq rueq muik maq khiz muq Tishox kuex khiz yaq ikhoc tvyaungc vtueq, yix kox nuex yek waungc muex tvlvlc tueq.

Revelation 3:9

Tay shuinz! Miqmac kuex Yuda miqsaz rvtiq ngoz ruiux muinz Yuda rvmuq jix, Satan phungc nuex lomx yaq vrot vkaq jix htenc kuex m-yaz phaungx nuex tsuingshiq muex ngaz rueq tvnawk kaz phaungx. Ngaz rueq mnoz lungwawx vphaungx kuex tsuingshiq lotlaz rueq tuiuz wvnc shuex.

PHOWEBI 4:10

Barak rueq Zebulun nuiyc Naphtali phvnx htenc kuex Kedesh nuex gvl koq tueq, miq 10,000 rueq muinz piq yix nuex phvnx laq naungx tueq. Debora muinz piq rulc vdvmz kaz naungx tueq.

PHOWEBI 8:5

Tsuinghez kuex Sukkot nuex httuiuc kaz vtueq piq rueq ghaq miqsaz muex ngoc, “Kejux maq ngvy miq hez muex wanx raungluingx kuq kuit. Tsuinghez kuex nyec hvlc shex, ngaz rueq Median hokhvmx Zeba nuiyc Zalmunna kuex yurc vshaungx,” ngoz tueq jungx tueq.