DUNGWVNC 10:21 - ASII LAKDAP Bible (BSI)

²¹ Kiijiishe Tatiwe raq Mosheq ma nguto, “Ümjaq ka ra nü na dolaq. Raüla Ejip mung tlotli na ranyaq tang tang she minyaq wan.”

Hawa Naga Bible 2001

²¹ Kvruex yimaq Yehowa rueq Moshe muex ngoc, “M-yauk kuex raungx nuex tenz shuiuz, raungnyauk suip rueq Ejip mungx kuex mpuingc wvnc shueq,” ngoz tueq jungx tueq.

DUNGWVNC 10:21 Referencias Cruzadas

YOBA 5:14

ranaiq shethungpii niimin tsangshiq ka ranyaq nyang na phang phiim tlo.

Tvtsvmc 105:28

Shiikeawe raq kra mung na rathup ranyaq tiisaüto, shatmaq Ejip mungti raq apaiq aming langmak riito.

Tvtsvmc 35:6

Tsangshiq lam ka ranyaq nyang kiimaq nyelaplap mijakilaq, Tatiwe rase raq tsangshiq tsatbaiq wantlaq akhing na!

Tvtsvmc 78:49

Apaiq raq tsangshiq ma pinthum chamchao sawa thawe tiisaüto apaiq tsankhiq walütu maq chaqbaiqto, kriika tsangshiq ma atsai tsasoqti kong saükai riito.

DUNGWVNC 7:19

Tatiwe raq Mosheq ma thaüto, “Aron ma chonglaq, anyeakii ka lamho raüta Ejip mung na sitlaq tlotli jürai thun, khamchelam thun, kiimaq thamchum thun thaq na tiinyi raüta anyeakii ka ra na midolaq. Kra raüla kham thun ka wiita tiijai ma mijaki. Mung tlotli na tiijai tonglong lishe miraq. Pe maq ahai khamthii chang waqkhü thun nai long tsabum thun wiimin kham ka wiita tiijai ma siisaq mijaki.”

DUNGWVNC 9:22

Kiijiishe Tatiwe raq Mosheq ma thaüto, “Ümjaq ka ra nü na tiinyi laüta dolaq. Raüla, Ejip mung tlotli na tsak-hiiq ka henghea mirok. Maiqse khuthaq na, nyamse kong thaq na, kiimaq pechong wiirü wakram na chamtlaq kriithaq na mirok.”

TAKSU LAK 4:19

Shatmaq ngarai maiqse rilung lam ka, ranyaq tang tang li sitlo. Tsangshiq tiithap tharai chang thiikhobok ka, tsangshiq raq chhimak.

THARC TVLUINGC 2:14

Taksu maiqse ka khutsai asi. Shatmaq angok angiti ka ranyaq mong na khumtlo.” Shatmaq ngi raq asapha. Nashiq tarü ka khoshi na dea wanti siisaq.

THARC TVLUINGC 6:4

Kra nonose rilung na rawü chhikai ka jamliip min ahüli. No ka maase baiqkai jai, ranyaq mong niili she kihotlo. Krai mren apaiq ka jurmin tsan na tiitsang mak she.

EJEKIEL 32:7

Ümtiikiiwa Ngi raq ümniika tiithenbaiq tiikang, Ngi raq ra ka apang she mirbaiqha. Kiimaq raiqsaiq thun ka wiita milambaiqha. Kiimaq rashekaü ka phumda jai niishe mitiipaü kiimaq jipi kaü riimin likuq mak she miraq.

Matthew 27:45

Ranaiq shethung shekham akhing na, mangjong tlotli na nari tsam na saüli ranyaq kito.

Mark 15:33

Kra ranaiq, shethung shekham akhing maq phaho raüta, konta tsam na saüli, kra mung thun hamli na ranyaq wanto.

Luke 23:44

Ranaiq nari roqshi ri anai na rashe kii ka abang she riikito. Kiimaq kra mung tlotli na raji nari tsam na saüli ranyaq kito.

TRI CHONGKE 1:30

Tatiwe namshiq Shiikeawe raq namshiq ka mishea wan. Raüta apaiq raq namshiq miitu re ka mikhat kuq. Arka namshiq raq Ejip mungti jamkho khat kuqtaq kiikha mikhat kuq.

TRI CHONGKE 28:29

Ümniika ranaiq shethungpii niimin, makchukwe ikhli mangli miili mirhaü. Kiimaq ümniiraq maiqmii khum chang lam kriimin humphaq maü mirhaü. Ümniiraq ümchuwa minshiiqtlaü ka achu shiiman ahü miraq. Ümniika wranaiqshe maiq raq nan shan shan li mijam sha. Raüta thiimeaq daku raq mitek phaq. Kriiwa ümnaq khrumketi ka jumin ahü miraq.

TRI CHONGKE 4:34

Tatiwe namshiq Shiikeawe raq apaiq ka Ejip mung na kiraüta namshiq ka asengi ma tiija wan miitu shea wantaq kiikha, phra ashi ra raq maiq mung mungshi ra na kiraüta, maiq phan phanshi ra ka asengi ma tiija wan miitu tsuq wan ka kham tiisha? Namshiq makki na apaiq raq apaiq ningkun jonghea kiimaq apaiq hong ala jonghea kra lang wanto. Apaiq raq thabi pahea tiisaüto. Kiimaq re tiidongto. Kiimaq awang chang jaqsham pahea shamto. Kiimaq amao chang jaqsham pahea kloto. Raüta phiiptsi chang jaqsham pahea shamto.

2 Peter 2:17

Ara arot shrabi thun arka khamrai arü arki, jükhü sitlaq ikha süpotpot. Kiimahali tsangshiq ka phumlü da, ra na rahai raq pan tlaq ikha, khampü ahü phumda sitlaq ikha. Shiikeawe raq tsangshiq ka Phangthum Khapho Ranaiq, ranyaq tangtang mong kiina mitiidea baiq.

2 Peter 2:4

Nashiq raq asap i, Shiikeawe raq ashutti rasetiim kha ka tiihang mak maq photo she. Raüta tsangshiq kha ka tanto she. Raüta tsangshiq ka wamungtan na tiidea baiq wanto she. Ümchaü tsangshiq ka wamungtan na jinraü kharü maq kha raüta ranyaq tangtang phaqtek mong na shaq raüta thü tlo. Phangthum Khapho Ranaiq na saüli tsangshiq ka kiijiili she mishaq baiq.

Jude 1:13

Tsangshiq raq ngarai jaqsham tlaq arka, sammoktra kham raq takii na ashe khamphom tsuqbaiq tlaq ikha. Tsangshiq ka pongmü riimü khumti, ra na raiqsaiq khumtlaq ikha. Tsangshiq miitu, makse riimin khonlot mak chang, ranyaq jonghea ka Shiikeawe raq tiijeje she thü tlo.

Jude 1:6

Kiimahali, namshiq raq tsan na tiitsang shat rong laq. Rasetiim phong wa, Shiikeawe raq tsangshiq ma arang kuqtaq, kra aming liipan na siwan mak maq, Shiikeawe aming kra jin raüta, ahin na kaihoti thun ka, Shiikeawe raq tsangshiq ka ümchaü, pattup tiipanki mak chang phan kharü maq kha raüta, ümchaü ka ranyaq nyang mong na kharü maq kha raüta thütlo. Shiikeawe raq tsangshiq ka Phangthum Khapho Ranaiq na, wamungtan na mitiidea baiq. Raüta wa maq mitiikhiim chaq baiq.

Revelation 8:12

Kiijiishe, rase blai ngojati riishe alerong ka tsüto. Kra tsükiita rashe kaü ka mantsam wa manshi thento. Kiimaq jipi kiimin mantsam wa manshi kiimaq raiqsaiq diim tlaq kiiwa min, mantsam wa manshi rii ka thento. Krai mren, tsangshiq liliim kiimin mantsam wa manshi ka anyam she riikito. Krai mren ranaiq shi ka mantsam rii wa manshi rii ka rawüli ahü she riito. Kiimaq rawa ka mantsam wa manshi rii ka aliliim ahü she riito.