DUNGWVNC 10:21 - Hawa Naga Bible 2001

²¹ Kvruex yimaq Yehowa rueq Moshe muex ngoc, “M-yauk kuex raungx nuex tenz shuiuz, raungnyauk suip rueq Ejip mungx kuex mpuingc wvnc shueq,” ngoz tueq jungx tueq.

ASII LAKDAP Bible (BSI)

²¹ Kiijiishe Tatiwe raq Mosheq ma nguto, “Ümjaq ka ra nü na dolaq. Raüla Ejip mung tlotli na ranyaq tang tang she minyaq wan.”

DUNGWVNC 10:21 Referencias Cruzadas

YOBA 5:14

tsuingshiq kuex raungnuiyq shalhtungx nuex doc muinz, raungnyauk nuex ikhoc htamz shuex htamz khuemx yaq.

Tvtsvmc 105:28

Tishox rueq kvruex mungtan kvyuq raungx tv-nyauk gay tueq, yuq muinz Ejip miqsaz kuex vpiq rueq nvrc bomc kuex phvnx wuez muq.

Tvtsvmc 35:6

Yehowa raungkamx waz rueq tsuingshiq kuex wung tvrul ruiux yuq, tsuingshiq khuemc juing lvmx kuex raungnyauk wvnc vtueq lvmx mnyel wvnc kueq!

Tvtsvmc 78:49

Vpiq rueq vpiq thuinkhvy kuex ruiuc koq tueq vthueyc kamx waz htenc httuiuc kaz tueq ikhoc jamjaux kuilc daz yunghvlc tsuingshiq muex tvyaungc kuq tueq.

DUNGWVNC 7:19

Yehowa rueq Moshe muex ngoc, “Arun muex jungx shuiuz, mngvlhtulc kuex shuimx vtueq Ejip mungx nuex httax yaq yuix saz, yuix yungx, jumx, htvmx htenc htauk kvyuq m-yauk kuex tenz shuiuz. Wvmungx tuimx wawc yuix kuex tvguiy muex yaungx wvnc tuex, pulx khok nuiyc lung khok htenc wawc yuix muinz tvguiy muex yaungx wvnc tuex,” ngoz tueq jungx tueq.

DUNGWVNC 9:22

Kvruex yimaq Yehowa rueq Moshe muex ngoc, “Ejip mungx lotlaz nuex miq htenc, nyvmx saz htenc, wuik vnax nuex kemz yaq jungx htenc htauk kvyuq tv-nguirx dvy tvkoc m-yauk kuex raungx kox nuex tenz shuiuz,” ngoz tueq jungx tueq.

TAKSU LAK 4:19

Layx bac jix lvmx kuex raungnyauk ikhoc nyauk wvnc tueq. Tsuingshiq kuex jel ruiux muinz, tsuingshiq mkhoc lac kvhtuiuc wvnc tvnx tuiuz muq.

THARC TVLUINGC 2:14

Taksux httaz jix waz rueq vkay juing lvmx khiz lot yaq, vngaz jix rueq kuex khiz lot muq.” Yuq muinz naungshiq lotlaz tvkoc bvmc yaq vtvsuip wawc lvmx kuex rv-ngvlc dvyx rvtueq ngaz rueq tuiuz tauk.

THARC TVLUINGC 6:4

Kvruex nox kuex jawx muq ngoz ruiux jix vhvlx rvkhvmz tueq; kvruex kuex tvhelc lvp muq baung ngoz yaq raungnyauk mungx nuex moz wvnc tuex.

EJEKIEL 32:7

Ngaz rueq mnoz tvbac gay shaungx nuex, raungx kuex puingc gay ruiux ruiysuiyq htenc kuex tvmoz gay shaungx. Shalx kuex phuemx yix nuex kvhttuiyq httax ruiux yapix rueq muinz tvlez kuq lvp muq.

Matthew 27:45

Raungnuiyq shalhtungx maq raungyac shalhtaz thuimx nuex httuiuc laz mungkawx lotlaz nuex raungnyauk kaz tueq.

Mark 15:33

Raungnuiyq shalhtungx maq raz tueq raungyac shalhtaz thuimx nuex httuiuc laz mungkawx lotlaz nuex raungnyauk suip nyauk kaz tueq.

Luke 23:44

Kvruex vkhing kuex shalhtungx baung shalhtaz 12 tanc khvnc rvtueq, kvruex vkhing maq phaungc vtueq raungyac shalhtaz thuimx nuex httuiuc laz shalx kawc muq buingc wvnc vtueq, wvmungx tuimx nuex raungnyauk suip rvtueq.

TRI CHONGKE 1:30

Yehowa nuimshiq Tishox rueq Ejip mungx nuiyc kumtsvy tvnx maq nuimshiq muex tvkhup wungx kuq wvnc kv-phuinx ikhoc, majuiuc muinz nuimshiq kuex shunshvlx vtueq nuimshiq muex ralx khvt kuq kv-phuinx. Vwaz rueq vsaz boq pvmx yaq ikhoc Yehowa rueq nuimshiq kuex boq pvmx vtueq vruex hong nuex tvhttuiuc laz shunshvlx kuq kv-phuinx lvmz kuex nuimshiq rueq khiz wvnc tuit shex,’ ngoz tueq jungx wvnc phaungx.

TRI CHONGKE 28:29

Raungnuiyq shalhtungx nuex doc muinz tsuik ruik mvlx rawx buinglez bawlez khuemx yaq muik mawz jix ikhoc nuimshiq rueq lvmz kuex thuiyx ruiux humc muit yaungx tuinx. Shuimx kaz shuinx htenc kuex lvp luz shuinx rvmuq. Nuimshiq kuex tuinghtuing gay rvhumc vtueq vguirc vguenc nuiyc yauk laungc yalawx dvyx rvhumc tuinx, nuimshiq kuex uraq muinz romc kuq kv-phuinx rvmuq.

TRI CHONGKE 4:34

Yehowa nuimshiq Tishox rueq nuimshiq tvkoc Ejip mungx maq shuimx wvnc tueq ikhoc, vganc phvnx wawc miqsaz kuex shvlx wvnc vtueq piq miqsaz muex tvyaungc khvmc jix tishox httax tueq haz? Vpiq rueq nuimshiq muik lawc nuex luimc vkawc yunghvlc nuiyc hungc vlaungc kuex shuimx vtueq, vmac vtsac nuiyc ralx rvkhvt, vwangc juing nuiyc romzyac htenc nuiyc kvhiz juing phvnx htenc tvdung tueq.

2 Peter 2:17

Vruex miq htenc kuex yuix vruic kay wuez yuix ruilx htenc rulc muinz, raunghtiq raungguil rueq pvnc gay yaq phuemx htenc rulc muinz rv-ngvlc yaq; Tishox rueq raungnyauk duk thuiuz hvlc nuex tsuingshiq tvkoc baungshiz tvtsuingc taq shec tueq.

2 Peter 2:4

Tishox rueq mvrax yaq jix raungkamx bix doc muinz raungluingx muinz tvjungx muq maq ngarvyx nuex tvdvy gay ruiux, kvruex yuq raungnyauk mungx nuex khvrc gay ruiux Khac phoc Raungnuiyq kuex bvmc httax yaq.

Jude 1:13

Tsuingshiq kuex svmuktvrax yuix daungx dauk yaq rulc rv-ngvlc yaq, svmuktvrax wawc yuix bomx ikhoc tsuingshiq kuex yvlc svy juing honc vyaungc kvkhic yaq. Tsuingshiq kuex vlvmx rvkhauk khuemx muq ruiysuiyq ikhoc rvtueq, tsuingshiq muex Tishox rueq raungnyauk hvlc mungx nuex baungshiz tvhungx kuq shec tueq.

Jude 1:6

Miqmac rueq vlvp taq vrangx vpangx nuex thuinz suing muq rvtueq, miqmac ghaq vraungx gay shec kay wvnc jix raungkamx bix lvmx kvmuinz rvwvl wuez shuinz. Tishox vpiq rueq phox kuq shuex Raungnuiyq vyungx nuex tsuingshiq muex phox kuq ruiux murx tvgurc tvkoc raungnyauk mungx nuex pattup yanx ruiuz maq khvrc taq gay tueq.

Revelation 8:12

Bvlic ngoc yaungc raungkamx waz rueq bolic tuimz koq tueq, shalx mvnthuimx wawc mvnshiz, yapix mvnthuimx wawc mvnshiz, ruiysuiyq mvnthuimx wawc mvnshiz kuex mut wvnc vtueq, tsuinghez wuic kuex mvnthuimx wawc mvnshiz nyauk wvnc tueq, raungnuiyq mvnthuimx wawc mvnshiz, raungwvrx mvnthuimx wawc mvnshiz rueq raungwuic lvp muq shex.