DANIEL 9:16 - ASII LAKDAP Bible (BSI)

¹⁶ Ümniiraq man na naishiq tiikhup wongkuq wan laü. Krai mren, ümchaü min Jerusalemti ma ümtsan ka naq tiikhiq kiq she. Kriika ümchela, ümnaq asii hiqlam. Naimung tro na siti mung ahinti tlotli raq, Jerusalem nai ümsenginok ka shummii laqpii she saisitlo. Arka naishiq ngarai khana kiimaq naititiim raq abi ashut klo wantaq kriikha na shummiitlo.

Hawa Naga Bible 2001

¹⁶ Mnoz rueq lvy wvnc tueq pat nuex nuiyshiq tvkhup wungx wvnc phux, kvkhoc rvtueq Yerusalem muex mthuinz raungluingx muinz nauk tvkhaq kaz. Kvruex kuex m-ghaqyungx, mnoz vsawc kanx rvtueq. Nuiyshiq mvrax htenc nuiyc nuiyshiq jix vwaz layx bac ningkhvnc nuex mungx phic mungx phaungx wuinz lotlaz rueq Yerusalem ghaqyungx nuiyc mmiqsaz htenc shummarc yaq.

DANIEL 9:16 Referencias Cruzadas

NEHEMIA 9:8

Ümniiraq apaiq ka tsapkapkap maq, ümnaq lungwiitiwe nguta sap wan laü. Krai mren ümniiraq apaiq rai, tongshong wan laü. Laüta ümniiraq apaiq ma, Kanannok hiqshong, Hitaitnok nai Amoraiqnok hiqshong, kiimaq Perisaiqnok hiqshong, Jebusaiqnok nai Girgashaiqnok hiqshong thun kra, apaiq saü setiim hiqshong ma, tiite wan miitu mikuq wan ha, nguta kiqkham kuq laü ihata. Krai mren, ümniiraq ümkiqkham ka, kunkun shiikupi kuq wan laü. Jamkhano ngukla ümniika tsapkapkap maq, kiqkham raüpot rümwantiwe.

Tvtsvmc 143:1

Tatiwe lei, ngi achujaü ara tailaq! Ümkechu maq ngi tiipaiqnea tiitsang tailaq; ümtsapkap wokhong maq ngi achujaü trelaq!

Tvtsvmc 31:1

Ngi ümphana watiikang, Tatiwe lei, tiiwongkuq laq nguta, ngi ka re ma ümtiikii jiimin naq tiitangkiq. Ümniika tingting Shiikeawe, ngi chhiilaq, achujaü tiikang!

Tvtsvmc 41:13

Tatiwe tiitsam laq, Israilnok Shiikeawe ka! Apaiq ka ümchaü kiimaq pattup pat-sa tiitsam laq! Amen! Amen!

Tvtsvmc 71:2

Jamkhano ngukla ümniika kechu, ngi khrumlaq kiimaq tiichhiikuqlaq. Ngi achujaü tailaq laüta ngi khupwong kuqlaq!

Tvtsvmc 79:4

Naimung tro na siti maiqmung thun raq naishiq shummiitlo; tsangshiq raq naishiq naikütlo kiimaq naishiq ka thophi riiqphi slailiitlo.

Tvtsvmc 85:4

Manna jamkho arong awin sikai kiikha tiisi wan nonglaq, O Shiikeawe naishiq chhiitiwe lei, laüta naishiq ma ümtsan ka naq tiibikiq she!

Tvtsvmc 89:51

Ümjaqtinok raq ümniiraq tsea laüta ashonghaü hokhamwe ka shummiitlo, O Tatiwe lei! Tsangshiq raq apaiq ümbano kitlaq kiijaq shummiitlo.

DUNGWVNC 20:5

Jamlai phan sumla khaki na jiimin naq bumkiq. Riimakla kra shomnoq maimak. Jamkhano ngukla Ngi ka Tatiwe üm Shiikeawe. Kiimaq Ngi rai riilongti ka ashi min thümang phan. Ngi ngengti ma mo tiiho tiikang. Kra mo ka asetiim kiimaq asaütiim maiq pat tsam nai patblai na saüli mo mitiihoha.

ISAIA 5:25

Tati ka asenginok ma atsankhiq. Kra ningkhan tsangshiq ma mo tiiho miitu ajaq ka ra na doshat she. Pum thun ka mitiikhai. Kiimaq maiq tsaitlaq maiqmaa phong ka chiihea wea lam thun kiijaq sinchiitsap ikha küramliira mirphong. Kiitinkhan taü miimin, Tati tsankhiq ka shimakli misi. Apaiq jaq ka ra na tiipiishat maq tsangshiq ka mitsat wan.

JEREMIA 24:9

Ngi raq tsangshiq khuthaq na pinthum achonglot mai, chamchao sangrai mitiisaüha. Kra tsangshiq thenjen wan kra chhi raüta pongmungti thun pahea ka phiip raq mitsai. Maiqse raq tsangshiq ka pinthum aslailii she mirwan. Kiimaq tsangshiq ka slailii raüta naikü sherüli she miraq. Raüta, shummii shaqshaq mirwan. Kiimaq tsangshiqnok mang kra chong raüta, Ngi raq tsangshiq ka maiq mung ümtin niiwa tiipin baiq kang kiijaq maiq manson tiihap chang bomtsi miishe mitiija wan.

JEREMIA 29:18

Ngi raq tsangshiq ka re ma mitiijo wanha. Ram tiidong lata, ram ma mitiihaüha, kiimaq tsangshiq ma tha mitiidongha. Raüta tsangshiq thenjen wan kra chhi raüta mangjong hiq na siti maiq mung thun tlotli ka phiip raq mitsai. Ngi raq tsangshiq ka barap binrii na mitiipin baiqha. Tsangshiq thenjen wan ka chhi raüta mangjong maiqse ka akii anyii phiipraq atsai miraq. Maiqse raq tsangshiq ka aslailii, ashummii she mirwan. Raüta tsangshiq mang ka chong raüta maiqse liipan na manson bom shiiton ma mitiija wan.

JEREMIA 32:31

Ara chelati nokmaiqse raq, chela ara tei wan phaji niiphü dongdii, itsan ka pinthum tiikhiq riq wanto. Kiimaq walüwa ikha amok dung dung shaü wanto. Ngi raq ara chela ka atiithen baiq chang dongdii nguta kha ka atoq tan kun she.

JEREMIA 32:32

Jamkhano ngukla tsangshiq raq Juda mungti nai Jerusalemti raq, tsangshiq hokhambi rai kiimaq tsangshiq welabi rai adam na, kiimaq tsangshiq ramwebi nai shammibi rai adam na pong raüta, ashut aphit bihea phan pahea she klo wanto.

EJEKIEL 22:4

Ümniika kra maiqthun tsatbaiq laü khana shut laü. Kiimaq ümniiraq sumla phra phong shomnoq laüta ümkhum ka tiishebaiq laü. Kriikha na ümningthoi ranaiq ka saü wantlo she. Ümrilung ka thumto she! Kra ningkhan tiina, Ngi raq pong mungti pahea ma ümniika tiishummii wan kang. Kiimaq mangjong hiq wa maiq mung tlotli raq ümniika slailiisiqtlo.

EJEKIEL 5:14

Ümtro na maiq mung thun sitlaq kriiwa maiq loweatek alea wan lam maq ümniika chhi raüta thophi riiqphi mishummii. Kiimaq apaiq ümtho na wamak, alu miilishe milii.

DANIEL 11:45

Kiimaq apaiq raq apaiq hokham tombutiip thun jonghea ka khamjong raikii nai Shomjam haichang hiqlam liipan na mihai. Shatmaq apaiq ka re na mitsai. Apaiq khrumti maiq ka jumin ahü she miraq.”

DANIEL 9:20

Ngi raq achujaü ka triilü wantlii maq jaü wan kang. Ingarai thun tiidii wan kang, kiimaq iphan, imaq Israilnok ngarai kra diikuq liidea nguta, Tatiwe, i Shiikeawe jaq wa apaiq asii Shomjam kra tiiheakuq liidea nguta tiipaiqnea kang.

Yoel 3:17

Riita namshiq raq ngi dea, Tati namshiq Shiikeawe ka, asii Jajon hiqlam pumkhu thaq na sitiikang nguta sap ronglaq. Jerusalem chela ka asii chela she mija wan. Pongmungti raq kra chela ka niwamak she miraq.

JEKERIA 8:3

Arningkhan ngi ka Jajon na hali mijangki nongha. Lata asii Jerusalem na misiki nong ha. Kra chela ka tsapkapkap chela nguta mingu. Kiimaq Tati Ningkun Ajong Pinthumwe asii pum nguta mimang wan.

2 Thessalonians 1:6

Shiikeawe raq tri raü ka riikhaqli maq sham raüta kha mipho kuq. Apaiq raq ümchaü namshiq tiichamchaotibi ka mitiichamchao.

1 John 1:9

Shatmaq, nashiq raq nashiq ngarai ka Shiikeawe man na troq hai jiika, apaiq raq nashiq ma jamlai wa khamkuq taq kra tengteng mikuq. Kiimaq tengman tlaq lam na mishun shea. Apaiq raq nashiq ngarai thun ka wiita midii kuq. Kiimaq nashiq tsan mong na ashe ashi tiima ümchuwa sitlaq thun kiimin wiita mitiisii hekuq.

1 SAMUEL 2:7

Apaiq raq maiq wiijam miitsan tiijatlo, kiimaq wiijam chiithe ma tiijatlo; apaiq raq maiq wiijam aran ma tiijatlo, kiimaq maiq wiijam ajong ma tiijatlo.