DANIEL 7:9 - ASII LAKDAP Bible (BSI)

⁹ Ngi raq liishat imakki na, hokham ngacho phong tiihongto. Rathup Raphawe ka, ngacho phong wa ashi na ngato. Apaiq dü na asam khea thun ka, tsak-hiiq ikha lüdiidiihea riito, kiimaq akhubin ka chiisan skurai ikha, lüdiidii hea riito; Apaiq hokham ngacho ka, watu jikom thaq na shongto, watum nyaitlaq ikha nyaitlo,

Hawa Naga Bible 2001

⁹ Ngaz rueq lawc yaq nuex, hoc daungraungc htenc kuex piq baungbaung nuex taq tueq. Pattup tvraungx httax yaq waz kuex hoc daungraungc vshiz nuex ngaungc yaq. Vpiq khoz vkhvy kuex tv-nguirx ikhoc luiz vtueq vkhux mul kuex khelbuenx mul shauk rulc rv-ngvlc yaq. Vpiq hoc daungraungc kuex wvr tsauz thuiyc yaq renc huk htenc htauk nuex tvhungx taq ruiux, wvrluic thuiyc yaq,

DANIEL 7:9 Referencias Cruzadas

1 HOKHVMX 22:19

Kiijiishe Mika raq abi ri akha tiitsuq chongkuqto, “Ümchaü min Tatiwe raq jamlai wa chongtlaq kra tairong laq! Ngi raq Tatiwe ka ramungtan na apaiq hokham ngacho na ngaraü chhikang. Kiimaq arasetiim thun ka apaiq tho na chapraqraq.

2 KAÜWA WERAÜ 18:18

Mikaia raq abi ri akha chongkuqto, “Ümchaü min Tatiwe raq jamlai wa chongtlaq kra tairong laq! Ngi raq Tatiwe ka ramungtan na apaiq hokham ngacho na ngaraü chhikang. Kiimaq arasetiim thun ka asiim tro na chap raq raq.

Tvtsvmc 45:8

Ümriihun miirii ka homsengtsai maq anyat homhea; ashi angetibi kong ka ümhokham jam chhiiwi maq atiimii kiijaq ümnaq shiipeo shingetlo.

Tvtsvmc 90:2

Ümniiraq kin thun mitiiqhaüshaq niiphü riimakla mangjonghiq ka mitiiqhaüshaq niiphü, ümniika pattup pat-sa miiphü Shiikeawe dongdii, kiimaq pattup thummak Shiikeaweli mirhaü.

Tvtsvmc 93:2

Ümhokham ngacho ka, O Tatiwe lei, rapha hiqwa min mishaq niiphü phataqtaq dongdii, kiimaq ümniika rahiq min midongshaq niiphü asi dongdii riilaü.

ISAIA 6:1

Hokhamwe Ujjia tsaikitaq rawii, ngi raq Tatiwe ka chhikang. Apaiq ka apaiq hokham ngacho na ngaraü, ratsan na, akhushü ngao jonghea khakii ngiimngiim chhikang. Kiimaq adü na samtong jongkaü samtlaq kriiraq Shomjam mong ka wiita hamto.

ISAIA 9:6

Nashiq miitu noshii ashi chhiito! Ase maiqwe se ashi nashiq ma kuqto! Kiimaq apaiq ka nashiq pengti miraq. Apaiq ka, “Amao Chang Danhonti,” “Ningkun Jonghea Shiikeawe,” “Pattup Pat-sa Awejong,” “Hansang Hokham Maiqwe Se,” nguta mingu.

JEREMIA 49:38

Ngi raq tsang hokhambi ka mijiipbaiqha. Kiimaq welabi thun ka mitsat baiqha. Lata kiijaq ihokham ngacho kriishe mishongha.

EJEKIEL 1:26

Kra jamtamkaü thaq niika hokham ngacho ikha phanshi ra asi. Kra hokham ngacho ka saphir longseng maq alo. Kiimaq kra hokham ngacho thaq na ngatiwe ka maiqwe kaü ngochang chang ikha ngaraü riito.

DANIEL 7:13

Kra rawa ma riishammak maq chhitiikang liipan niili, Ngi raq maiqse ikha, apaiq ka phumda mong na, ngi phana akai rai chhikang, raüta apaiq ka pattup pat-sa sitiwe phana wato, kiimaq apaiq ka kriiwe phana shea wanto.

DANIEL 7:22

Kiijiishe pattup pat-sa atrali sitiwe ka ki raüta, kha ka Ajong Thaq Na Ajong Shiikeawe sengi tlop na phokuqto. Shiikeawe sengi mungmaiqse raq Shiikeawe jaq wa hokham ma jawan aming lap wan akhing she saüto.

Mikha 5:2

Tatiwe raq ngutlo, “Bethlehem Ephrath le!, ümniika Juda mung na chela aranse pinthum. Shatmaq ngi raq ümchelati wa, Israil mung rümti hokham ashi, Mishong wan ha. Apaiq weraü manphan ka, rathup rapha pat achat wa miraq.”

HABAKUK 1:12

O Tati i Shiikeawe lei, ümniika pattup pat-sa miiphü, Shiikeawe dongdii, ümniika i Shiikeawe, asii kiimaq pattup pat-sa, ümniiraq Bebilon mungti ka, naishiq kha phoke miitu she, shong wan laü. Naishiq ma sintsang tiiho wan miitu, tsangshiq ma munglang wan ningkun, kuq laü.

Matthew 17:2

Tsangshiq raq apaiq ka liishat liipan niili, Jesuq sham ka aklai riikito. Apaiq theaphi ka rashe kaü ikha chhaihea langlang chhairai wanto. Kiimaq apaiq khum na khu akhea asam thun kriimin maiqmak alirat rashe kii li ikha lüdiidii hea she chhairai wanto.

Matthew 28:3

Apaiq sham ka rachhai ralüp watrang ikha achhai anyii riito. Kiimaq apaiq dü na asam apaiq miirii khu akhea thun kiimin tsakhiiq lüwa ikha, lüdiidii hea achhai anyii riito.

Mark 9:3

Kiimaq adü wa khea ka, lühea pinthum, rashekii chhaitlaq ikha, chhai raito.

Acts 2:30

Apaiq ka Shiikeawe shammi. Krai mren, Shiikeawe raq apaiq ma kiqkham kongphiq raü khakuq wantaq kriika wiita asap. Shiikeawe raq Dawit ma, Dawit apaiq lai ala phan wa, maiq weshi ka, rawiichii pat na, Dawit apaiq kiikha, Hokham ma mishong wan ha nguta kiqkham kuqto.

Acts 2:33

Awe Shiikeawe raq, Jesuq ka apaiq ma jaqtsi nü niishe tiinga wanto. Kiimaq Awe raq kongkhuji na, apaiq miika Asii Wenyi mikuq nguta kiq khamtaq kriishe kuq wanto. Riita, ümchaü namshiq raq arjaq jamlai wa chhi tlan arka, Jesuq apaiq raq, Asii Wenyi ka naishiq khum na phong tsoktsok akuq kriishe chhi tlan.

Philippians 3:9

Kiimaq klang maq, apaiq rai tiipum tlii maq siwan miitu tsuqbaiq kang. Thungtri lang lata alap wan kechu rilung ka, i khum na ahü she. I khum na, ümchaü sitlaq kechu rilung arka, Khristo ma kamtsantsii thü kangta akuq kechu rilung kriili she sitlo. Arka kamtsantsii khuthaq na seng raüta, Shiikeawe raq akuq.

1 Timothy 6:16

Apaiq kli ka tsai mak phan; Apaiq ka mangjong maiqse raq jurmin chhi walot mak chang ramungtan rawüli na siti we. Apaiq sham ka jurmin chhi mak dea; Kiimaq apaiq sham ka jurmin chhilot mak miraq. Wiitarü raq Apaiq kli mishreng laq. Kiimaq pattup thum mak miq mak maq, ra nai hiq ka milang laq! Amen.

1 John 1:5

Naishiq kiimwebi raq Ase nübok wa tsütsa ka ara tai kai. Laita ümchaü namshiq ma chiiriim laita chongkuq tiikai. Tsütsa ka ara: Shiikeawe ka rawü. Kiimaq apaiq khum na ranyaq ngutiika akhiismin ahü.

Revelation 1:14

Akhu bin ka skurai alü phan ikha lo, tsakhiiq ikha lüriirii riito. Kiimaq amakpo nai ka walü li ikha chhaihea langlang riito.

Revelation 19:18

Warong ra, lanta hokhambi phentujongbi kiimaq phenlabi kiimaq kumrang ngam nai tsangshiq raikhü na chaoti bi maiq, maiqse ümchuwa sitlaq kra ngam, disetiim nai miikiimbi, ajong kiimaq aran wiita ngam ka phaq wa rong kiq!”

Revelation 20:4

Kiijiishe, ngi raq hokham ngachang ngacho thun ka chhikang. Kiimaq hali ngi raq Jesuq tsütsa nai Shiikeawe bomtsi ka tsapkapkap maq traho bom chongke wan kha na, atsatbaiq wanti maiq tsaiji thun min chhikang. Tsangshiq raq ngamthaiq kaü lo, ngamthaiq kaü sumla lo kra shomnoq mak dea riito. Kiimaq tsangshiq raq ngamthaiq kaü abi khoqramkii maq tsangshiq khakam na lo, tsangshiq jaq na lo, tiiwaiq wan mak dea riito. Tsangshiq ka amaa wa dong wan nongto. Raüta hokham ngacho na ngatlo. Jamkhano ngukla, Shiikeawe raq tsangshiq ma hokham jawan arang ka kuqto she. Kiimaq krai mren, tsangshiq raq Khristo rai rawii hingshi mung she milang dam.

Revelation 4:2

Asii Wenyi raq ngi ka romsaq li she ramungtan na shea wanto. Kiijaq ramungtan na hokham ngacho ashi chhikang. Kiijaq maiq weshi nga raü chhikang.