DANIEL 7:8 - ASII LAKDAP Bible (BSI)

⁸ Ngi raq arong thun ka liirat tiikang liipan niili, ara arong phong mong na, arong aranse ashi hali cham wanto chhikang. Kra arongse raq, kongkhu wa arong phong kiiwa, atsam ka arangchong maq chatbaiqto. Ara rongti ka maiqmak ikha, amakpo min asi. Kiimaq anübok miika pinthum shiikong miilong bomtlo.

Hawa Naga Bible 2001

⁸ Ngaz rueq vrungx htenc kuex lawc yaq nuex kvruex htenc mungx baung maq vrungx vruinx saz vshiz dung kaz tueq. Kvruex raq httax yaq vrungx vthuimx kuex phiz gay tueq. Vruex rungx saz vyuq miq ikhoc muik htenc nuiyc kvsomraungc thenc yaq nuix httax yaq.

DANIEL 7:8 Referencias Cruzadas

Tvtsvmc 12:3

O Tatiwe lei, kra jutjü rattlaq tili thun ka tiikaiq baiqlaq! ra wa raiqsaiq panthit bomti nübok ka sukbaiqlaq, tsangshiq raq akha tsütsittlo,

DANIEL 11:36

“Siria mung hokhamwe raq, apaiq raq athithi kli miklo wan. Apaiq raq apaiq ka phra thun thaq niimin, ajong nguta mitiishom rasiq. Apaiq ka Ajong Thaq Na Ajong Shiikeawe thaq niimin ajong nguta mitsütsitsiq. Apaiq raq ara abi kiimung arka, Shiikeawe raq apaiq ma mo tiiho akhing ranaiq na saüli miklo wan. Shiikeawe riika apaiq raq jamkho thimi wantaq kra phanphan miklo wan.

DANIEL 7:19

Kiijiishe, ngi raq ngamthaiq kaüblai ngoja, kra kaü ka anok ikha riimak, aliilot chang riimak phiiptsi jiiptsi, kra kaü riika ngam thun ka akhang miiki khang, awi ka jin wi, kriimaq phiimsaqsaq bunlak buncha kaqphaq hotlo. Raüta arok arii tiibun miilak raüta ahok maq nishishi kaqphaq hotlo, kra liichum ka samhea sapha jaq nguta ritkang.

2 Thessalonians 2:4

Maiqse raq phra nguta ümchuwa shomnoq tlaq thun ka, apaiq raq angeng mirwan. Raüta, apaiq kli she, wiitarü thaq na ajong pinthum nguta, mihongla wan. Raüta, apaiq kiitiina Shiikeawe nguta, Jerusalem Shomjam mong na minga wa.

2 Timothy 3:2

Maiqse angu ka maiqmii miitu tiimali she, asükha trangli she, ashkong wa trangli she, kiimaq atiibainge wa trangli she miraq. Tsangshiq ka maiqshu wa trangli she, anyung we bom tlea wa trangli she miraq. Maiq ma kechutum ke ka sap mak miraq. Kiimaq apii ashi jam min sapmak she miraq.

2 Peter 2:18

Tsangshiq riika shiikong miilong, ni na wamak chang, tiishom ra wan tlo. Kiimaq ngarai han-ngam sethoq ja lam kra phan raüta, Phung na shang nyeti, ranyaq mong wa tiichhii wan phati kra shonron ho tlo.

Jude 1:16

Tsangshiq riika wranaiqshe, abot atsaü wa trangli, kiimaq maiqse maiqtsiiq wa trang tiimin li sitlo. Tsangshiq ka tsangshiq hon atsii abi rüm tlaq kra lamphanti. Tsangshiq ka maiqmii tiishomra sea wa tiimin li. Kiimaq maiq ka shomrasiq raüta, tsangshiq wok tiipaü wan, nanok ka hirii raüta mopsiq tlo.

Revelation 13:1

Kiijiishe, ngi raq ngamthaiq kaü ashi sammoktra jü mong maq dong wanto chhikang. Arong ka roqshi. Kiimaq akhupo ka miishi. Arongtek na hokham khuphok phok raqraq riito. Kiimaq akhupotek na mang tiiwaiq raqraq asi. Kra mang tiiwaiq tlaq kriika, Shiikeawe shummii mang siisaq.

Revelation 9:7

Kra kupchi kong ka, kumrang kong rekhat kai ma tiije tlaq ikha tiije holito. Tsangshiq khupo niika chaq khuphok ikha, khuphok phokraqraq. Kiimaq tsangshiq theaphi ka, maiq theaphi ikha.

1 SAMUEL 2:3

Shiikong miilong naq gisii rongkiq, Shiikong bomchong tsaq rong laq. Tatiwe ka phaqchi Shiikeawe, maiqse raq klotlaq lotli, kha kra apaiq raq photlo.