DANIEL 7:10 - ASII LAKDAP Bible (BSI)

¹⁰ kiimaq kiiwa wa raisetiim thun ka phoktlo. Kiijaq apaiq shiililiiti maiq ahing amun, kiimaq apaiq rung na, maiq amun aseng chaptlo. Rung na khapho pha wanto, kiimaq lakdam kom phong pahea linto.

Hawa Naga Bible 2001

¹⁰ kvruex wawc yuix saz ruilx ikhoc tsauz thuiyc yaq wvr kuex dung kaz yaq. Vpiq muex shuimc kuy tvkoc miq vhingc maq paung yaq, miq htenc kuex vlak maq vpiq khaungkac nuex jvp wuez yaq. Tvrac rungx nuex khac phox phaungc wvnc shex ningkhvnc nuex luik dvp htenc kuex lanx shec tueq.

DANIEL 7:10 Referencias Cruzadas

1 HOKHVMX 22:19

Kiijiishe Mika raq abi ri akha tiitsuq chongkuqto, “Ümchaü min Tatiwe raq jamlai wa chongtlaq kra tairong laq! Ngi raq Tatiwe ka ramungtan na apaiq hokham ngacho na ngaraü chhikang. Kiimaq arasetiim thun ka apaiq tho na chapraqraq.

2 KAÜWA WERAÜ 18:18

Mikaia raq abi ri akha chongkuqto, “Ümchaü min Tatiwe raq jamlai wa chongtlaq kra tairong laq! Ngi raq Tatiwe ka ramungtan na apaiq hokham ngacho na ngaraü chhikang. Kiimaq arasetiim thun ka asiim tro na chap raq raq.

YOBA 25:3

Apaiq shiikumpanti rasetiim ka miwealot shea? Shiikeawe liliim raq khonkilot mak ra ahiq bashi ra asi shea?

Tvtsvmc 103:21

Tatiwe tiitsam ronglaq, namshiq tlotli ramungtan na siti ningkun hotibi raq, namshiq apaiq wokhong na siti jaqshisetiim raq!

Tvtsvmc 18:8

Akhüpu maq wakhuk mong wanto, kiimaq tsekhi wakchaq walü nai wacha mong wa wachan henghea ka anübok maq dong wanto.

Tvtsvmc 50:3

Nashiq Shiikeawe kitlo, shatmaq kaishakshakse miika riimak; akhaki na walü henghea nyaitlo, atro na rathaiq henghea asi.

Tvtsvmc 68:17

Ningkun henghea akumrang leng ahing amun shea raüta Tatiwe ka Sinai pum maq asii jam na satkito.

ISAIA 30:27

Tatiwe ningkun jonglu nai apaiq khushü ngao chhainyii ka aluwiq miili tiichhi rashra. Apaiq tsankhiq ka watu nai wakhuk mongtlaq kriimaq tiichhi kuqtlo. Apaiq raq bom raüla, abomtsi raq wa ikha khiimtlo.

ISAIA 30:33

Man na rathup raphaji niiphü, ara Asiria mung hokhamwe ara chaq chang wacha ka jonghea hiq bashi na tiijethüje dongdii riito. Kra khobok kaü ka jonghea kiimaq tsaühea. Raüta chin ka pahea ratsan na saüli aphongthü wishe. Tatiwe raq atsitsü ka hea raüta walütu thun ka riijang wantlii mitiidong. Raüta kra chinphong kra mitiinyai chaq.

DANIEL 12:1

Rase raihi-nairai khea sam raütise raq nguto, “Kra akhing na, namshiqnok kheti rase jonghea, Maikel kriishe misaüho. Kiijiishe, maiq mung thun phawantaq pat maq riita ümchaü pat na saüli, abi pinthum chamchao mungbrak henghea kriishe midong wan. Kra akhing saü wan raüla, namungti Shiikeawe lakdam na tsangshiq mang asiti thun ka mitiichhiikuq wan.

DANIEL 7:22

Kiijiishe pattup pat-sa atrali sitiwe ka ki raüta, kha ka Ajong Thaq Na Ajong Shiikeawe sengi tlop na phokuqto. Shiikeawe sengi mungmaiqse raq Shiikeawe jaq wa hokham ma jawan aming lap wan akhing she saüto.

DANIEL 7:26

Kiijiishe ramungtan wa rung ka minga, Raüta apaiq kha ka mipho. Raüta apaiq ningkun ka anyea mirbaiq, raüta apaiq ka tiimiqchup mishthen baiq.

JEKERIA 14:5

Namshiq ka ara pum heawea na hiqwiikaü kriimiishe maiqmii chiimjin miju han. Namshiq ka man na namti namwe pat na hokham Ujjia pat na hiqjong mu raüta pintrang taq kiikhii she mipin trang han. Kra akhing na Tati i Shiikeawe raq apaiq rasetiim sheaho raüta miki.

Matthew 25:31

“Ümra akhing niiwa Maiq Se ka Hokham ma jaraüta rasetiim rai she saüho tlaq, raüta apaiq ka ahokham ngachang ngacho kiijaq minga,

TRI CHONGKE 33:2

Tatiwe ka Sinai Pum maq satkito; apaiq ka Edom mung thaq na rashe kaü dongtlaq ikha dongto kiimaq asenginok thaq na Paran Pum maq liliimto. Apaiq rai rasetiim ka hing roqshi asi riito, apaiq ma jaqtsi nü na walütu kaü asi riito.

Hebrews 1:14

Riita, ikha jiila, rasetiim ka ju wiita? Tsangshiq ka winji kong. Tsangshiq ka Shiikeawe shiili liiti. Tsangshiq ka tiichhii wan rilung lap wanti maiqse angu thun kra khrumke miitu, Shiikeawe raq atiiki.

Hebrews 12:22

Shatmaq, ümchaü sanha, namshiq ka Jajon pum na, kiimaq atra Shiikeawe sichang chela ramungtan Jerusalem na, ahing amun rasetiim sitlaq, kiijiishe saü wan tlan.

Jude 1:14

Tsangshiq miitu ka Enokh, Atam pat maq pha raüta pattrok wa shammi we raq tiitthai thü je she. Apaiq raq, “Tatiwe ka ahing amun, apaiq rasetiim rai misaüho.

Revelation 11:18

Thatsang maiqse ka ümniima pinthum khiqriqto! Shatmaq ümchaü ka tsangshiq khuthaq na, ümtsankhiq walü tiinyai chaq akhing she saüto. Atsai kaiwiti thun khaphoke akhing she saüto. Ümsengi shammibi ma poksi pansun kewan akhing she saüto. Ümse ümno kunkun ümwokhong na siti tarü, ajong aran wese wela pili ma poksi ke akhing she saüto. Mangjong hiq wa maiqse tiichamchaoti, kiimaq maiqse shiithen jenti ma, tsangshiq shiithen baiq akhing she saüto!”

Revelation 5:11

Kiimahali, ngi raq liinong kang. Krai mren, rasetiim bom taikang. Rasetiim ka ahing amun awea lot mai chhikang! Tsangshiq ka hokham ngacho, atra ngamkaü blai, kiimaq nyungwere thun kra trotam na chhikang.