DANIEL 7:14 - ASII LAKDAP Bible (BSI)

¹⁴ Apaiq ma arang, shreng, kiimaq hokham jaqsham ningkun kuqto. Krai mren maiqmung thun, maiqphan thun, kiimaq maiq phan phan bomti thun, wiita raq apaiq kli she minoq wan. Apaiq arang ka pattup pat-sa thummak miraq, kiimaq apaiq mungtan ka, ümtiikiimin thummak miraq.

Hawa Naga Bible 2001

¹⁴ Vpiq kuex vrangx vpangx, tvtsanc nganc, hokhvmx luimc vkawc kuy rvhumc jix waz rvtueq, miqphvnx htenc wawc miq lotlaz muinz, vphvnx htenc, nuiyc phvnx ruip kvjaz htenc rueq muinz piq muex shuimx kuq wuez shuex. Vpiq vrangx vpangx kuex pattup phaungx ngaungx yaq, vpiq mungtan mkaq muinz maq kaz muq.

DANIEL 7:14 Referencias Cruzadas

Tvtsvmc 102:22

maiq ka maiqmung thun nai mungtan thun wa miwa raüta Tatiwe mishomnoq wan.

Tvtsvmc 103:19

Tatiwe raq apaiq hokham ngacho ka ramungtan na ashongwi she; apaiq ka kunli thaq na hokham.

Tvtsvmc 145:13

Üm mungtan ka thumkimak phan, kiimaq ümniika pattup pat-sa miitu hokham. Tatiwe raq akiqkham bomtsi ka tsapkapkap tiikupi wantlo, kiimaq apaiq raq ümchuwa jaqshamtlaq kra tiihang shatmaq shamtlo.

Tvtsvmc 146:10

Tatiwe ka pattup pat-sa miitu hokham. O Jajon lei, üm Shiikeawe raq pattup pat-sa mung misiq. Tatiwe tiitsamlaq!

Tvtsvmc 45:6

Shiikeawe raq ümniima mungtan kuqtaq kra pattup pat-sa thummak mitsing wan. Ümniiraq ümsengi ka tingting tri maq peng wan tlaü;

Tvtsvmc 72:11

Hokhambi thun wiitarü raq ajichong na bum raüta minoq wan; Maiqphan tlotli raq apaiq minoq wan.

Tvtsvmc 72:17

Hokhamwe mang ka ümtiikiimin laqmak she mirlaq; rashe ümkhiiwa thumkimak phan sitlaq kiikha apaiq mangchong kra misilaq. Shiikeawe raq hokhamwe shiimantaq kiikha tsang mung thun kiimin mishman laq nguta tsangshiq raq Shiikeawe jaq wa achu mijaülaq.

Tvtsvmc 8:6

Ümniiraq apaiq ka ümniiraq phansang wan laü thun kunli thaq na tuwe ma shong laü; ümniiraq apaiq ka phansang wan laü thun wiita thaq na tuwejong ma shonglaü.

ISAIA 16:5

Kra akhing na Dawit saüse phan phong wa weshi ka hokham ma mishong wan. Raüta apaiq raq mung ka tsapsaü kapse maq nai lungwii tsantsii maq mirüm wan. Apaiq riika tingting kappe tri maq mung mipeng wan. Kiimaq apaiq raq tri khaqkhaq sham raüta mung mipeng wan.)

ISAIA 60:12

Shatmaq maiq mung thun jurwa ümnaq shiikumpan mak, Krii thun ka miqchup mishthenbaiq.

ISAIA 9:6

Nashiq miitu noshii ashi chhiito! Ase maiqwe se ashi nashiq ma kuqto! Kiimaq apaiq ka nashiq pengti miraq. Apaiq ka, “Amao Chang Danhonti,” “Ningkun Jonghea Shiikeawe,” “Pattup Pat-sa Awejong,” “Hansang Hokham Maiqwe Se,” nguta mingu.

ISAIA 9:7

Apaiq hokham ningkun ka jong wan ruqli miraq; apaiq mungtan ka wranaiqshe mungtsing miraq. Apaiq ka Dawit Hokham pumsongtiwe miraq, apaiq raq tri kappe ka tingting kiimaq riikhaqli maq milang wan, ümchaü ranaiq maq pha wan raüta, phangthum ranaiq na saüli. Tati Ajong Pinthum raq arka mishamha nguta atoqtan wanwi she dongdii.

DANIEL 2:35

Maklii liipan niili, jinbu thun, hamlii hiq thun, miiki thun, kampho thun, kiimaq chaq thun ka, bunlak buncha bunkito. Raüta rajuji na khaolüm phong nichang ba, botkhulai riiphongtlaq ikhiishe jakito. Raüta rahai raq wiita tiisiirai pan wanto. Hiq na jamlai min tiichong mak she riito. Shatmaq kra longkaü ka jongwan raüta, pumkaü jonghea miishe jakito. Raüta mangjong hiq ara hamli she bumkito.

DANIEL 2:37

Chaü lei, ümniika hokhambi wiita thaq na ajong pinthum. Ramungtan na siti Shiikeawe raq ümniika ajong pinthum hokham ma shongto. Raüta ümniima ningkun, phenla ningkun, kiimaq khushü kuqto.

DANIEL 2:44

Kra hokhambi raq mung lang wantlaq akhing niishe, ramungtan na siti Shiikeawe raq mungtan ashi she mishong wan. Kra mungtan ka pattup pat-sa thenki mak phan she miraq. Kra mungtan ka hokham ahinti juwe riimin khat lot mak she miraq. Shatmaq kra hokhamwe raq mungtan ahin thun ka wiita tiithumpak mikhat wan. Raüta apaiq mungtan kriili she pattup pat-sa thummak miqmak miishe mung ka misiq wan.

DANIEL 3:4

kra akhing na, agilülü chiiriim raüta akha chongto, “Maiqmung wiitarü, maiqphan wiitarü, kiimaq maiqphan bom wiitarü!

DANIEL 4:3

“Shiikeawe raq amao chang jaqsham jonghea, nashiq ma tiichhikuqtlo! Apaiq raq awang chang jaqsham, ningkun henghea maq shamtlo! Shiikeawe kli pattup pat-sa miitu hokham, Apaiq riili pattup pat-sa mipeng wan.

DANIEL 6:26

Ngi raq ara imungtan na siti mungmaiqse wiita ma, Daniel Shiikeawe kiima haisong tsantsii thü raa, kiimaq apaiq ka shreng raa nguta aming kuq tiikang: “Apaiq ka atra Shiikeawe, kiimaq apaiq riili pattup pat-sa, mung mipeng. Apaiq mungtan ka pattup thenki mak phan, kiimaq apaiq ningkun ka ümtiikiimin thummak phan.

DANIEL 7:18

Kiimaq, Ajong Thaq Na Ajong Shiikeawe sengi raq, hokham jaqsham ningkun milap wan. Raüta mung ka pattup pat-sa misiq wan.”

DANIEL 7:27

Mangjong hiq wa mungtan thun ningkun, kiimaq tsangshiq jonglu thun ka, Ajong Thaq Na Ajong Shiikeawe, sengi miishe mikiinong kuqbaiq wan. Tsangshiq hokham jaqsham ningkun ka, ümtiikiimin thumki mak she. Kiimaq mangjong hiq wa hokham wiita raq, tsangshiq puk na nyap raüta, tsangshiq ka mishli wan.”

Obadia 1:21

Jerusalem chelati ka rekhat tang wan raüta, arü ariiq wawan tlaq kong raq, Edom mung ka mikhat wan. Raüta mitang wan. Raüta Edom mung ka misiq wan. Kiimaq kra akhing na, Tatiwe apaiq kli Hokhamwe ma mija wan,” nguta Tatiwe raq chongtlo.

Mikha 4:7

Tsangshiq ka achuk akü luhea mung na. Shatmaq aso tiichong tlaq kiiwa, ngi raq mung anye tingsang niishe mitiichhan chhi wan ha. Tsang mung ka jonghea ashi miishe mija wan. Kra akhing miishe ngi raq, tsangshiq ka Jajon pum maq, ngalata pattup pat-sa miitushe mi peng wan ha.”

Matthew 11:27

“I We raq i jaq na phanrap arang ake kun she. Ase ka jurmin sap mak. Awe raq saptlaq kli. Kiimaq Awe ka jurmin sapmak. Ase raq saptlaq kli. Kiimaq Ase raq ümriiti miiwa tiichhikuq tlaq kriiti riili saptlo.”

Matthew 28:18

Kiijiishe, Jesuq ka tsangshiq tiinap niishe tiisotto. Raüta tsangshiq ma akhiishe chongkuqto, “Ramungtan nai mangjong hiq ara lang miitu arang ka ngi ma thumli ake kun she.

Luke 1:33

Kiimaq apaiq ka, ati tipai Jakob saüsetiim thaq na, pattup pat-sa hokham we miishe mija wan. Apaiq hokham jaqsham kriika, ümtiikiimin thumki mak phan she miraq!” nguta rase raq apaiq ma chongkuqto.

Luke 10:22

“I We raq ngi ma phanrap ake kun she. Awe tlea raüta, Ase ka juwa, kriika maiq ahinti jurmin sapmak. Kiimaq Ase ka lea raüta nai Ase raq tsea raüta ümriitimo tiichhikuq tlaq, kriiti lea raüta, Awe ka juwa kriika maiq ahinti jurmin sapmak.”

John 12:34

Kra tai raütiishe, “Nashiq Thungtri na Khristo ka pattup misi nguta chongtlo ihata. Shatmaq, ümniiriika Maiq Se ka ra na tsom chang dongdii miraq ngutiika jamkho ngutlaü? Riita, ara Maiq Se ngutlaü arka juwa?” nguta mungmaiqse phong thung tlaq kriiraq Jesuq ma bom ka waito.

John 3:35

Awe raq Ase ka pinthum lungwiitlo. Krai mren, Ase ma phanrap lang wan miitu arang ka ake kun she.

Hebrews 12:28

Riita, ümchaü sanha, Shiikeawe ma pinthum kechu tum rong i. Apaiq raq nashiq ma ramungtan ka kuqto she. Nashiq ka apaiq sengi she. Ara mungtan kuqtaq arka, ümtiikiimin thenki mak phan she. Arkha maq, ümchaü sanha, nashiq raq Shiikeawe ma khoqriiq shishiiq maq, kechutum wan lili rong i. Laita, apaiq tiichochi miitu, apaiq raq lungwii tlaq kra phanphan, apaiq ka kai shreng laita, shomnoq rong i.

1 Peter 3:22

Apaiq ka ramungtan niishe wawanto. Raüta Shiikeawe ma jaqtsi nü niishe nga tlo. Kiijaq nga raüta, apaiq raq rasetiim thun tlotli khuthaq na, kiimaq ramungtan na siti arang hotibi thun khuthaq na, kiimaq ningkun hoti pahea sitlaq kra thaq na, arang ajong jonghea ho raütiishe mung rüm nga tlo.

Revelation 1:6

raüta nashiq ka Apaiq Shiikeawe, Awejong Shiikeawe kra shomnoq miitu, nashiq ka ramwe mung ashi miishe shongtaq, kriiwe miili, khushü, kiimaq ningkun kra pattup pat-sa misi wan laq. Amen.

Revelation 11:15

Kiijiishe, rase miishi ngoja raq alerong ka tsüto. Krai mren, ngi raq ramungtan na maiq bom hong raüta abom kra taikang. Tsangshiq raq akha arü ariiq rütrangto: “Mangjong hiq peng arang ningkun ka nashiq Tatiwe nai apaiq Khristo rii she. Apaiq raq pattup pat-sa she mung ka milang wan.”

Revelation 17:14

Kra ngamthaiq kaü nai hokham weroqshi raq, Skuse ka mikhat. Shatmaq, Skuse nai asengi raq tsangshiq ka mikhat wan. Raüta mitang. Apaiq ka Tati ajong pinthum. Apaiq ka hokham thaq na Hokham. Tatiwe thun thaq na Tati. Kiimaq tsangshiq ka Shiikeawe raq ashong kiimaq atsea wan kiimaq tsangshiq ka apaiq ma pinthum kamtsantsii thü raüta siwanti.”

Revelation 3:21

Jurwa rekhat tangtlaq, kriiti ka ngi hokham ngacho tho na nga dam miitu ngi raq arang mikuqha, ngi raq rekhat tang lata, srea ma jawankang krai mren, ümchaü i We hokham ngacho tiinap na nga tiikang. Kiikhiisii kriiti kiimin ngi tiinap na i hokham ngacho na mitiinga ha.