DANIEL 7:13 - ASII LAKDAP Bible (BSI)

¹³ Kra rawa ma riishammak maq chhitiikang liipan niili, Ngi raq maiqse ikha, apaiq ka phumda mong na, ngi phana akai rai chhikang, raüta apaiq ka pattup pat-sa sitiwe phana wato, kiimaq apaiq ka kriiwe phana shea wanto.

Hawa Naga Bible 2001

¹³ Raungyac nuex vruex romzyac tvkhic khiz yaq baunglaung, miq ikhoc vshiz kuex ngaz rueq khiz tauk. Piq kuex ngaz kox nuex kvnvp kaz vtueq, phuemx maq kvyop ruiux pattup tvraungx yaq waz kox nuex kaz vtueq vpiq khaungkac nuex httax yaq.

DANIEL 7:13 Referencias Cruzadas

Tvtsvmc 110:2

Tatiwe raq Jajon chela maq ümhokham ningkun ka mitiijong. “Ümjaqtinok thun ka penglaq,” nguta apaiq raq ngutlo.

Tvtsvmc 2:8

Jaülaq, raüla ngi raq ümniima maiqmung thun kunli mikuq kang; hiqraikhü tlotli ka ümniirii she miraq.

Tvtsvmc 47:5

Shiikeawe ka apaiq hokham ngachang na düwanto. Kiijaq chojong chise arü ariiq watrangla kiimaq paison lerong tsü trang la, Tatiwe düwan kiita.

JEREMIA 49:19

Jordan raikii binjü na rumnyangkhi mong wa, hangsi kaü ka dongho raüta Jordan rai tan na skukong rümchang sangphii rü wak ram binjü na dongho tlaq ikha. Ngi ka tiihanghiiq miili dongho lata Edom mungti ka tsang mung kiiwa mitiipin jobaiqha. Kra latiishe tsang mung pengti wela ka Ngi raq tsea lata mishongha. Ngi rai thapthi chang maiq ka asi sha? Ngi rai riilongti ka maiq asi sha? Ngi rai riikhettotti hokham ka asi sha?

EJEKIEL 1:26

Kra jamtamkaü thaq niika hokham ngacho ikha phanshi ra asi. Kra hokham ngacho ka saphir longseng maq alo. Kiimaq kra hokham ngacho thaq na ngatiwe ka maiqwe kaü ngochang chang ikha ngaraü riito.

DANIEL 2:44

Kra hokhambi raq mung lang wantlaq akhing niishe, ramungtan na siti Shiikeawe raq mungtan ashi she mishong wan. Kra mungtan ka pattup pat-sa thenki mak phan she miraq. Kra mungtan ka hokham ahinti juwe riimin khat lot mak she miraq. Shatmaq kra hokhamwe raq mungtan ahin thun ka wiita tiithumpak mikhat wan. Raüta apaiq mungtan kriili she pattup pat-sa thummak miqmak miishe mung ka misiq wan.

DANIEL 7:12

Kiimaq ngamthaiqkaü ahinti ningkun ka anyea riihoto. Shatmaq tsangshiq ka akhing phanshi ri tiisi nong miitu atrali thüto.

DANIEL 7:2

arthun ara riito: Rahai ka trotam maq haiwanto. Raüta sammoktra chum ka wiita brakshaq wanto.

DANIEL 7:22

Kiijiishe pattup pat-sa atrali sitiwe ka ki raüta, kha ka Ajong Thaq Na Ajong Shiikeawe sengi tlop na phokuqto. Shiikeawe sengi mungmaiqse raq Shiikeawe jaq wa hokham ma jawan aming lap wan akhing she saüto.

DANIEL 7:9

Ngi raq liishat imakki na, hokham ngacho phong tiihongto. Rathup Raphawe ka, ngacho phong wa ashi na ngato. Apaiq dü na asam khea thun ka, tsak-hiiq ikha lüdiidiihea riito, kiimaq akhubin ka chiisan skurai ikha, lüdiidii hea riito; Apaiq hokham ngacho ka, watu jikom thaq na shongto, watum nyaitlaq ikha nyaitlo,

DANIEL 8:15

Ngi raq kra riisham makchhi liichum kra jamlai wa riita ahiq nguta, rashi hiqwea chapa rai tiikang liipan niili, tiihanghiiq miili maiq weshi ikhaki na chapsaq chapkito.

Matthew 13:41

Kra akhing na Maiq Se raq apaiq rasetiim ka mitiiki. Raüta rasetiim raq Shiikeawe man na maiqse thungtii wan tlaq kra phong mong wa, maiq ümriiti riiwa nanok ka Shiikeawe wokhong wa, lamjiq nü na sheahotaq, kiimaq tsangshiq maiqmii kiimin lamjiq nü na kihowitaqti thun kra wiita adam na mirchom wan.

Matthew 24:30

Kiijiishetiq Maiq Se saükai akhing ka saüto she dea nguta rawang win na phanrap ka mitiiji shi. Kiimaq kra tiiji shi tlaq kriishe mangjong maiqse wiita raq michhi. Kiimaq mangjong maiqse kunli raq rawang win na Maiq Se ka phumda mong na Shiikeawe ningkun ajong kra ho raüta kiimaq achhai anyii khushü liliim kra horaüta apaiq saüho kra michhi. Kra chhi raüta, mangjong maiqse kra maaho manyi she mihoqsii trang.

Matthew 25:31

“Ümra akhing niiwa Maiq Se ka Hokham ma jaraüta rasetiim rai she saüho tlaq, raüta apaiq ka ahokham ngachang ngacho kiijaq minga,

Matthew 26:64

Kiijiishe Jesuq raq, “Ümniiraq ümnü maq ngu tlaü kata. Shatmaq ngi raq chongtiikang arka tengteng: Ümchaü armiiphat she namshiq raq Maiq Se ka Ningkun Ajong Pinthumwe ma jaqtsi nü na nga raü michhi han. Kiimaq apaiq ka phumkhu thaq nga raüta mangjong hiq na satkai akai rai she michhi han!”

Matthew 28:18

Kiijiishe, Jesuq ka tsangshiq tiinap niishe tiisotto. Raüta tsangshiq ma akhiishe chongkuqto, “Ramungtan nai mangjong hiq ara lang miitu arang ka ngi ma thumli ake kun she.

Matthew 8:20

Kiijiishe, Jesuq raq treto, “Miikakoi kong thun miika tsangshiq bum chang asha asi. Kiimaq wushi kong miimin achü asi. Shatmaq Maiq Se miika, asi anga chang jam awak min ahü.”

Mark 13:26

Kra akhing na Maiq Se ka ningkun ajong ho raüta kiimaq apaiq khushü jonghea kra ho raüta ali aliim wahea liishe phum thaq na akai rai she michhi han.

Luke 21:27

Kra ra nai hiq thun kra brak shaq wan jai shetiq, Maiq Se kriika phum mong na, apaiq ningkun ajong pinthum kra ho raüta nai achhai anyii khushü ngao jonghea kra ho raütiishe misaüho.

Luke 21:36

Ara chong tiikai mra pin akhing saü wan tlaq kra thun ka wiita kunkun tang wan miitu, lanta namshiq ka tiichhii wan miitu, achu jaü shatmaq kiimaq, honkamshat maq si ronglaq. Lanta, namshiq ka Maiq Se man na chap wan li chang miitu, pharang rang maq si ronglaq.”

Luke 24:27

Kra ngu raütiishe, Jesuq raq tsangnai ma, apaiq miitu, Asii bomtsi na Mosheq raq awaiq thü lakdap thun kiimaq pha wan raüta, shammibi raq awaiq lakdap thun na chong tlaq thun kra wiita phanchan kuqto.

John 12:34

Kra tai raütiishe, “Nashiq Thungtri na Khristo ka pattup misi nguta chongtlo ihata. Shatmaq, ümniiriika Maiq Se ka ra na tsom chang dongdii miraq ngutiika jamkho ngutlaü? Riita, ara Maiq Se ngutlaü arka juwa?” nguta mungmaiqse phong thung tlaq kriiraq Jesuq ma bom ka waito.

John 3:13

Kiimaq, ramungtan wa aki Maiq Se kra tlea raütiika, ümchaü niitaq maiqse phongwa jumin ramungtan niika wamak shaq li.”

John 5:27

Kiimaq Awe raq, Ase ma kha phoke wan arang ka akekun she. Ara jamkhano chongtiikang ngukla, ngi ahata Maiq Se.

Acts 7:56

Krai mren, “Liirong laq! Ngi raq ramungtan kilü ka atiidi raü chhi tiikang. Kiimaq Maiq Se ka Shiikeawe ma jaqtsi nü na chap raü chhi tiikang!” nguta Stephen raq chongto.

1 Thessalonians 4:17

Kra jai niishetiq, kra akhing na nashiq ümchuwa atra sitiikaiti thun kra, tsangshiq rai adam maq, phum rai mishea wan dam. Raüta, Tatiwe rai rawang win na mirhum rong i. Kiimaq nashiq ka Tatiwe rai pattup patsa she misi wan dam rong i.

1 Timothy 6:16

Apaiq kli ka tsai mak phan; Apaiq ka mangjong maiqse raq jurmin chhi walot mak chang ramungtan rawüli na siti we. Apaiq sham ka jurmin chhi mak dea; Kiimaq apaiq sham ka jurmin chhilot mak miraq. Wiitarü raq Apaiq kli mishreng laq. Kiimaq pattup thum mak miq mak maq, ra nai hiq ka milang laq! Amen.

Hebrews 2:14

Riita, Shiikeawe raq tsangshiq ka asetiim she nguta awura maq tiiham wanto. Tsangshiq ka mangjong maiqse tiijai han-ngam khum na siti siisaq. Kra ningkhan, Jesuq apaiq kiimin tsangshiq jamkho tiijai han-ngam khum na sitlaq, kiikhiisii hali maiqse khum na poki raüta, tsangshiq kiikha shamshi ngamshi siwan damto. Apaiq raq ara maiqse han-ngam khum na pokitaq arka, Thawe raq maiqse angu kra, atsai ningkun kharü maq kha raüta rüm tlaq kiiwa, apaiq tsaitaq kra lümaq Thawe ningkun tu kra, tiibun baiq kai miitu pokito.

Hebrews 9:24

Krai mren, Khristo ka maiqse jaq maq ahaihun jolitiip, Asii khok mong kiijiika wamak dea. Maiqse raq, jaq ma ahaihun jolitiip kriika, ramungtan na chiisan jolitiip sitlaq kra sumla li. Shatmaq, Khristo ka lakshi miili ramungtan na wawanto. Raüta, ümchaü ka apaiq, Shiikeawe man na ngatlo. Raüta, nashiq khrum kuq tlo.

Revelation 1:13

Kiimaq kra piijongteng kham wang mong na, maiqwe ikha samtong honglu jonghea, ahokphi na saüli samraü, kiimaq chaq shinket pa raü chhikang.

Revelation 1:18

Ngi ka atra sitiwe! Ngi ka amaa wa shatmaq, ümchaü ka pattup pat-sa miitu atrali she misiha. Amaati nai wulum mung na siti ka, i jaqkhon mong niishe.

Revelation 1:7

Liirong laq, apaiq ka phum rai saühotlo she! Wiitarü raq apaiq kai rai ka michhi. Apaiq ka piq maq shukti riimin michhi. Apaiq saükai chhiwi raüta, mangjong maiqse wiita aho anyi miraq. Amen.

Revelation 14:14

Kiijiishe ngi raq liinong kang. Lata kiijaq phum lüda kaü thaq na maiqse ikha, akhu na chaq khuphok ashi kra phok raü, kiimaq ningshao asiwiq ashi kra, ajaq na shamraü she chhikang.