DANIEL 7:15 - ASII LAKDAP Bible (BSI)

¹⁵ Ngi raq riisham mak maq kriithun ka chhilata, ngi ka ihai sito. Kiimaq kai chapa kang.

Hawa Naga Bible 2001

¹⁵ Ngaz rueq khiz tauk romzyac tvkhic htenc rueq ngaz kuex tvhuingc phuex, ngaz kuex pinhtumc ruingraung tauk.

DANIEL 7:15 Referencias Cruzadas

RAPHA HIQWA LAK 41:8

Ranap niishe apaiq ka achapa she riito. Kra ningkhan apaiq raq Ejip mung na siti mintin logle kloti thun kiimaq taksmabi thun kra tiihea kito Raüta tsangshiq ma apaiq rawa ma ka chongto. Shatmaq tsangshiq phong wa weshi ra riimin apaiq rawa ma liichum ka chongkuq lot mak riito.

JEREMIA 17:16

Shatmaq Tatiwe lei, ngi raq ümtiikiimin ümniima tsangshiq khuthaq na then wan mra ka tiipinlaq nguta thuchop mang dea, ngi raq tsangshiq khuthaq na chamchao misaülaq nguta tiimara wan mang. Tatiwe arka ümniiriimin asap haü; ngi raq jamlai wa ngukang kra ümniiraq asap haü.

DANIEL 10:16

Kiijiishe maiqwe ikha chaptlaq rase raq, ajaq ka tliisaq raüta, inübii na ajaq maq shamto. Ngi raq apaiq ma ngukang, “Shiilangwe, ara riishammakchhi ariiraq ngi ka ihü ihan wiitashe tiikhai kito. Ngi ka tiikhai mang she ngukang min, apaiq tiikhaikhai she tiikhai raitlo.

DANIEL 2:1

Nebukadnejar ka hokham jawanli maq wiinai she angu na, apaiq raq rawa ma ashi mato. Kra ama raq apaiq ka kai tiichapato kiimaq akon min tsimak she riito.

DANIEL 2:3

Kiimaq apaiq raq tsangshiq ma akha chongto, “Ngi raq rawa ma ashi makang. Kra miitu pinthum chapa tiikang. Kra liichum ka ngi raq sap rotiikang.”

DANIEL 4:19

Kiijiishe Daniel, apaiq ka Belteshajjar ngutiimin ngutlo, ka anü maq abom min donglot mak, akiinyii rai nai atiirai she riito. Kra chhiraüta hokhamwe raq apaiq ma nguto, “Belteshajjar lei, ara rawama kra tailaüta nai kra liichum ka chhilaüta, ümniika naq kiinyiikhiq.” Kiijiishe, Belteshajjar raq treto, “Chaü lei, ngi raq tiima kla ara rawa ma kra nai kra liichum ka ümnaq miitu riimak, ümjaqtibi miitu, nguraüjaq ahea riichang nguta tiima tiikang.

DANIEL 4:5

Shatmaq ngi raq rawa ma ashi akon lam maq maiqphiip maiqjiip makang. Kiimaq riisham mak maq pinthum akiinyii chang chhikang.

DANIEL 7:1

Bebilon mung langti hokhamwe Belshajar raq hokham jaqsham wan apha rawii na, ngi raq rawa ma ashi makang. Kiimaq kra rawa ma riisham mak maq rawa na phanshi ra chhikang. Kra ngi raq lak na waiqthükang. Kra rawa ma maq jamlai wa chhikang kra awaiq riithükang. Kra waiqthükang raüpot ka

DANIEL 7:28

Arshe riishammakchhi bomchong raüpot cheke thum. Ngi ka phiipraq tsaikang. Ithea ka lütaitai kiinyii kang. Kiimaq phanrap chhitai wan kang thun ka itsan mongniili shaq thükang.

DANIEL 8:2

Riisham mak maq tiihanghiiqli ngi ka Elam wang nyungchong trotam maq kiitelong maq aruk Susa chela mong na riikang. Ngi ka Ulai jürai kii na chap raü riikang.

DANIEL 8:27

Ngi ka rahiq ashaqpuq tsitsü min healot mang, tsaihü jihü sikang. Latiishe ngi ka tiido kang. Lata hokhamwe raq ngi ma jaqsham kuqtaq kriishe sham wan nong kang. Shatmaq ngi ka riisham makchhi kra tiima lata, rashi hiqwea, awang riikang. Kiimaq kra liichum ka tak lot mang riikang

HABAKUK 3:16

Arthun ara tai wan lata, ngi ka atiikhai rokrok riikang. Ichu inü hamlaklak hai kang. Irok irii wiita nin wanto; Kiim min wiiqtsü mang she, ihok tiikhai wanto. Kaishak shak maq kra akhing saü wan mikhe ha. Shiikeawe raq naishiq khatti, mitiichamchao wan.

2 Peter 1:14

Nashiq Tatiwe Jesuq Khristo raq, ngi ma atiichhike wishe, ngi ka ara mangjong hiq na alu ka nga mang she miraq.