DANIEL 4:3 - ASII LAKDAP Bible (BSI)

³ “Shiikeawe raq amao chang jaqsham jonghea, nashiq ma tiichhikuqtlo! Apaiq raq awang chang jaqsham, ningkun henghea maq shamtlo! Shiikeawe kli pattup pat-sa miitu hokham, Apaiq riili pattup pat-sa mipeng wan.

Hawa Naga Bible 2001

³ “Tishox rueq naungshiq muex tvkhic phuex vtawz juing htenc kuex vtanc khvnc yungx luz yaq nyix! Vpiq rueq shuimx wvnc tueq vwangc juing htenc kuex vtanc khvnc luimc vkawc yungx yaq nyix! Tishox kuex pattup pat-sac hokhvmx, vpiq rueq pattup guimz lawc shuex.

DANIEL 4:3 Referencias Cruzadas

Tvtsvmc 104:24

Tatiwe lei, ümniiraq phanrap phanrii klolaü! Ümniiraq tsangshiq tarü pinthum phaqchi maq klolaü! Hiqraikhü ka ümniiraq atiiqhaü atra phan riili aphong along.

Tvtsvmc 105:27

Tsangnai raq Shiikea jaqsham jonghea shamto kiimaq Ejip mung na amaochang thun shamto.

Tvtsvmc 145:13

Üm mungtan ka thumkimak phan, kiimaq ümniika pattup pat-sa miitu hokham. Tatiwe raq akiqkham bomtsi ka tsapkapkap tiikupi wantlo, kiimaq apaiq raq ümchuwa jaqshamtlaq kra tiihang shatmaq shamtlo.

Tvtsvmc 66:7

Apaiq ningkun maq mung ka pattup pengtlo kiimaq maiq mung thun kra amak maq liishat rümtlo. Apaiq jaq wa mung nyeati jumin dong mai mak.

Tvtsvmc 72:18

Tatiwe, Israilnok Shiikeawe ka tiitsam ronglaq! Apaiq riili atinkhan amao chang jaqshamtlo.

Tvtsvmc 77:19

Ümniika sammoktra chum blun tlaq kiijaq khumlaü; ümniiraq khamjong chum tsaühea kra jinwan laü, shatmaq kham thaq na ümhokme ka ahü riito.

Tvtsvmc 86:10

Ümningkun ka jonghea kiimaq pahea awang chang shamtlaü; ümniilishe Shiikeawe.

Tvtsvmc 92:5

Ümjaq sham thun ka pinthum jonghea, Tatiwe lei! Ümtiima tsantsii thun ka tsaühea!

ISAIA 25:1

Tatiwe, ümniika i Shiikeawe; Ngi raq ümnaq mishrengha, lata ümmang mitiitsamha. Ümniiraq amao chang pahea shamlaü; ümniiraq man niiphü jaqsham chang thun sürii wan ka kunkun tsapkapkap klo wan laü.

ISAIA 28:29

Arthun jaqsham miitu taksu tsü ka Ajong Thaq Na Ajong Tatiwe raq akuq siisaq. Shiikeawe raq kiimung süriitlaq kriika athuk atsom siisaq. Kiimaq kriithun ka hong wan ruq phan!

ISAIA 9:7

Apaiq hokham ningkun ka jong wan ruqli miraq; apaiq mungtan ka wranaiqshe mungtsing miraq. Apaiq ka Dawit Hokham pumsongtiwe miraq, apaiq raq tri kappe ka tingting kiimaq riikhaqli maq milang wan, ümchaü ranaiq maq pha wan raüta, phangthum ranaiq na saüli. Tati Ajong Pinthum raq arka mishamha nguta atoqtan wanwi she dongdii.

JEREMIA 10:10

Shatmaq Tatiwe, ümniika riikhaqli Shiikeawe, ümniika atra Shiikeawe, kiimaq pattup pat-sa hokham. Ümtsankhiq raüla hiqraikhü ka atiikhai riitlo; maiq mung thun raq ümtsankhiq ka ninlot mak.

DANIEL 2:2

Kriikha niishe apaiq raq asengi maiqjaq liitibi, mintin kloti, maiqwuqtibi, kiimaq along liitibi thun ka waraüta apaiq rawa ma liichum ka michongkuq laq nguta tiiheakito. Krai mren tsangshiq ka saüwa raüta hokhamwe man na chapto.

DANIEL 2:44

Kra hokhambi raq mung lang wantlaq akhing niishe, ramungtan na siti Shiikeawe raq mungtan ashi she mishong wan. Kra mungtan ka pattup pat-sa thenki mak phan she miraq. Kra mungtan ka hokham ahinti juwe riimin khat lot mak she miraq. Shatmaq kra hokhamwe raq mungtan ahin thun ka wiita tiithumpak mikhat wan. Raüta apaiq mungtan kriili she pattup pat-sa thummak miqmak miishe mung ka misiq wan.

DANIEL 4:17

Arka tsangrak maq khebomti rasetiim raq, khatan tri raütu ashat thü. Arka maiqse angu wiita raq, ratsan ramong nyang na siti, Ningkun Ajong Shiikeawe raq, mangjong maiqse kunli, hupkhangtlo nguta misap laq. Apaiq kli honyung hokham shongti, wepuq wese miili jiimin wela jaqshamke, apaiq raq thithi.’

DANIEL 7:14

Apaiq ma arang, shreng, kiimaq hokham jaqsham ningkun kuqto. Krai mren maiqmung thun, maiqphan thun, kiimaq maiq phan phan bomti thun, wiita raq apaiq kli she minoq wan. Apaiq arang ka pattup pat-sa thummak miraq, kiimaq apaiq mungtan ka, ümtiikiimin thummak miraq.

DANIEL 7:27

Mangjong hiq wa mungtan thun ningkun, kiimaq tsangshiq jonglu thun ka, Ajong Thaq Na Ajong Shiikeawe, sengi miishe mikiinong kuqbaiq wan. Tsangshiq hokham jaqsham ningkun ka, ümtiikiimin thumki mak she. Kiimaq mangjong hiq wa hokham wiita raq, tsangshiq puk na nyap raüta, tsangshiq ka mishli wan.”

Romans 11:33

Riita, ija, Shiikeawe chiithe ngutlaq arka, maiqse raq nü maq achong aphan lot mai jonghea siwan tlo! Apaiq raq taksu tsii nai anyan phaqchi rüm wan tlaq kriika, tsaühea! Apaiq raq phanrap thapthi wan tlaq kriika, juwero michong kuq wan lot? Apaiq jaqsham kaiwa lam kriika, juwero mitak wan lot?

TRI CHONGKE 4:34

Tatiwe namshiq Shiikeawe raq apaiq ka Ejip mung na kiraüta namshiq ka asengi ma tiija wan miitu shea wantaq kiikha, phra ashi ra raq maiq mung mungshi ra na kiraüta, maiq phan phanshi ra ka asengi ma tiija wan miitu tsuq wan ka kham tiisha? Namshiq makki na apaiq raq apaiq ningkun jonghea kiimaq apaiq hong ala jonghea kra lang wanto. Apaiq raq thabi pahea tiisaüto. Kiimaq re tiidongto. Kiimaq awang chang jaqsham pahea shamto. Kiimaq amao chang jaqsham pahea kloto. Raüta phiiptsi chang jaqsham pahea shamto.

1 Timothy 1:17

Riita, ümchaü min, pattup Hokham we, atsai tsai mak phan we, kiimaq makhia maq chhilot mai we, apaiq kli riikhaqli Shiikeawe nguta sitlaq, Shiikeawe kli maiqse angu tarü raq mishreng laq. Kiimaq apaiq achhai anyii khushü ngao ka pattup thum mak miq mak misi laq! Amen.

Hebrews 1:8

Shatmaq tiina Shiikeawe raq Ase miitu bom ka akha chongto: “O Shiikeawe lei, ümniiraq ümhokham jaqsham tlaü kriika, pattup pat-sa mitsing wan! Ümniiraq ümsengi mungmaiqse ka, tingting tri raütu sham laüta peng tlaü.

Hebrews 2:4

Tsangshiq raq kuqtlaq hakhi thaq kiijaq hali, Shiikeawe raq kao raüta awang chang nai phiiptsi chang jaqsham ka pahea sham wan ruq miili, nashiq ma khangriri hea maq tiichhikuq nongtlo. Ara chongtiikai, Asii Wenyi kongphiq ningkun thun arka, Asii Wenyi raq maiqse loweatek ma jamkhii kewan wa lungwii tlaq, kra phanphan kuq tlo.

1 Peter 4:11

Jurwa Shiikeawe bomtsi chongkuq tlan, kriiti riika Shiikeawe kiq wa adeaki ikha, trahoke raa tlo. Jurwa phungtuti ma jaqsham kuq tlan, kriiti riimin Shiikeawe raq akuq ningkun maq shamke wan chang. Kra namshiq liipan na akha jaqsham tlan krai mren, wiitarü raq Jesuq Khristo lümaq Shiikeawe kli mishom ra wan laq. Jesuq Khristo kli pattup pat-sa khushü kiimaq ningkun ajong rümti we. Amen.

Revelation 11:15

Kiijiishe, rase miishi ngoja raq alerong ka tsüto. Krai mren, ngi raq ramungtan na maiq bom hong raüta abom kra taikang. Tsangshiq raq akha arü ariiq rütrangto: “Mangjong hiq peng arang ningkun ka nashiq Tatiwe nai apaiq Khristo rii she. Apaiq raq pattup pat-sa she mung ka milang wan.”