DANIEL 4:4 - ASII LAKDAP Bible (BSI)

⁴ “Ngi ka ihokham jamjong na chamtraq peokhiq chiithejong siwan kang.

Hawa Naga Bible 2001

⁴ “Ngaz kuex ngvy hoc nuex vlenc vlauk httax vtueq, vrungx vwanx yunghvlc maq vkoz vkez httax vtaungx.

DANIEL 4:4 Referencias Cruzadas

ISAIA 56:12

‘Che ka abiri nyang rong i na,’ nguta ara cherop kong raq ngutlo. ‘Laita nashiq raq atangtang bak nyang rong i na! Anap ka ümchaü ranaiq nam ma ahealin miraq!’”

JEREMIA 48:11

Tatiwe raq nguto, “Mob ka pattup khusang maq sito. Kiimaq jangshi ra min pongmung na munglu shumwi ma tsuq wan mak. Mob mung ka che pükhaü na ato ikha. Jurmin tiimeshi mak dongdii. Piikhaü ashi wa ashi na jangshi min tiidong mak dongdii. Kriikha na asum ka ümtiikiimin tiibi mak dea. Anyang ma sumhea.

EJEKIEL 28:17

Ümniika ümsham tsomhea khana shiikongsiq laü, kiimaq ümmang jong tsaki raq ümniika angiwe ikhiishe tiijabaiqto. Kiimaq angiwe ikha kiimung tlaü. Arningkhan Ngi raq ümniika hiq na tiidea baiqkang. Kiimaq ümnaq tiideabaiq kang kriika hokhambi ahinti ma honlam chongke riito.

EJEKIEL 29:3

Tati Rakaü Hiqwe raq Ejip mung hokhamwe ma ara chongkuqtlo nguta chonglaq: Ngi ka ümniima wesang. Ümniika chlaikaü abi thawe. Ümniika jümong na sitlaü. Ümniinga Nail rai ka ümrii kiimaq kriika ümniiraq aphan sang haü ngutlaü.

DANIEL 2:11

Chaü lei, ümniiraq jamlai bom wa waitlaü kriika tsinhea, maiqse raq khon lot chang ka riimak. Arka phra kong riili michongkuqlot. Tsangshiq ka maiqse rai simak.”

DANIEL 4:19

Kiijiishe Daniel, apaiq ka Belteshajjar ngutiimin ngutlo, ka anü maq abom min donglot mak, akiinyii rai nai atiirai she riito. Kra chhiraüta hokhamwe raq apaiq ma nguto, “Belteshajjar lei, ara rawama kra tailaüta nai kra liichum ka chhilaüta, ümniika naq kiinyiikhiq.” Kiijiishe, Belteshajjar raq treto, “Chaü lei, ngi raq tiima kla ara rawa ma kra nai kra liichum ka ümnaq miitu riimak, ümjaqtibi miitu, nguraüjaq ahea riichang nguta tiima tiikang.

DANIEL 5:8

Kiijiishe, hokhamwe danhonti thun ka kiijaq wato. Shatmaq tsangshiq phong wa jurmin kra awaiq ka phatkuq lot mak kiimaq hokhamwe ma liichum ka chongkuqlot mak riito.

JEPHANIA 1:12

“Kra akhing na, ngi raq lemtem sham lata, Jerusalem mirit kiha. Ngi raq ongkangshe nguta siwantibi, kiimaq kamto maq sitibi ma mo mitiihoha. Tsangshiq raq maiqmii nai maiqmii akha tiingotlo, ‘Tatiwe riika ahea min ngumak abi min ngumak tiina.’