DANIEL 4:3 - Hawa Naga Bible 2001

³ “Tishox rueq naungshiq muex tvkhic phuex vtawz juing htenc kuex vtanc khvnc yungx luz yaq nyix! Vpiq rueq shuimx wvnc tueq vwangc juing htenc kuex vtanc khvnc luimc vkawc yungx yaq nyix! Tishox kuex pattup pat-sac hokhvmx, vpiq rueq pattup guimz lawc shuex.

ASII LAKDAP Bible (BSI)

³ “Shiikeawe raq amao chang jaqsham jonghea, nashiq ma tiichhikuqtlo! Apaiq raq awang chang jaqsham, ningkun henghea maq shamtlo! Shiikeawe kli pattup pat-sa miitu hokham, Apaiq riili pattup pat-sa mipeng wan.

DANIEL 4:3 Referencias Cruzadas

Tvtsvmc 104:24

Yehowa lex, mnoz rueq vtvdung sung phvnx htenc kuex paunghvlc httax yaq! Mnoz rueq kvruex htenc kuex tharc vhttax jvnc tvdung sung taq toq! Ghaq nuex mnoz rueq vtvdung sung phvnx htenc mvrc yaq.

Tvtsvmc 105:27

Tsuingshiq rueq Tishox vwangc juing yauk shuimc htenc nuiyc vromz yac phvnx ruip saz htenc kuex Ejip mungx nuex tvkhic kuq tueq.

Tvtsvmc 145:13

Mnoz rueq guimz lawc lvmx kuex pattup phaungx ngaungx vtueq, mnoz kuex pattup phaungx duingduing hokhvmx waz rvtoq. Yehowa kuex vpiq bomkhvmc nuex tvmtuing httax ruiux, yauk shuimc kay waungc lotlaz nuex lungwawc jix waz rvtueq.

Tvtsvmc 66:7

Vpiq hungc vlaungc maq pattup guimz lawc vtueq miqphvnx htenc htauk nuex vpiq rueq lawc tvtsuingc yaq. Vpiq kuex uraq muinz khawx lvlx muq mruez shueq.

Tvtsvmc 72:18

Yehowa Israel Tishox muex tvtsvmc wuez shuinz! Vpiq rueq dvyx vkhoc vwangc juing yauk shuimc kuex shuimx lot yaq.

Tvtsvmc 77:19

Mnoz kuex svmuktvrax yuix htauk nuex khuemx lvy wvnc vtueq thuiuz hvlc svmuktvrax kuex yanz wvnc toq; yuq muinz mhuk mal htenc kuex khiz lot miq.

Tvtsvmc 86:10

Mnoz kuex vyungx vluz raz tueq vwangc juing htenc kuex shuimx vshuiux; mnoz dvyx Tishox rvtoq.

Tvtsvmc 92:5

Yehowa lex, m-yauk shuimc htenc kuex vtanc khvnc yungx yaq nyix! Mnoz rueq dvndawc vshuiux lvmx muinz thuiuz sungx hvlc rvtueq!

ISAIA 25:1

Yehowa lex, mnoz kuex ngvy Tishox; ngaz rueq mnoz muex tvtsanc nganc vtueq mmuingc kuex tvtsvmc shaungx. Mnoz rueq vwangc juing phvnx htenc shuimx wvnc toq; kungkhux nuex phuex vshuimx wvnc kvmungx htenc kuex rvkhauk laz tvdung wvnc toq.

ISAIA 28:29

Vruex taksux tharc lotlaz kuex Tvphaungc Tvsuip Yehowa kox wawc vkaz rvtueq. Tishox rueq tvhungx yaq kvmungx htenc kuex taksux mvrc vtueq mkaq muinz lotlaungc lvmz lvp yaq.

ISAIA 9:7

Vpiq honoc luimc vkawc kuex tvhttoarc vtueq yungx luz wvnc tuex; Vpiq mungtan kuex mkaq muinz nomic rvtuex. Vpiq kuex Hokhvmx Dawid hoc nuex duiz vtueq guimz lawc shuex, vpiq luimc vkawc kuex tsuingrux nuiyc tvrac vlvmz nuex vruingx waungc vtueq majuiuc vmaq raz tueq tvsuip nuex httuiuc laz phaungx ngaungx wvnc tuex. Tvphaungc Tvsuip Yehowa rueq vruex lotlaz yaungc wvnc tvkoc vhtvp htaz wuez shex rvtueq.

JEREMIA 10:10

Yuq muinz, Yehowa lex, mnoz kuex tsuingrux Tishox rvtoq, mnoz kuex tvraungx Tishox rvtoq nuiyc pattup pat-sac hokhvmx rvtoq. Mnoz khaq koq tueq, ghaq kuex kvkhuirc dvndvnz rvtueq; miqphvnx htenc kuex mthuinz khvy nanx lot muq. (

DANIEL 2:2

kvkhoc rvtueq piq maung kuex jalc jungc tvkoc, mvntan tuiuz jix, luinglawc jix, htaungc kvpumz jix, ngvmc khic tuiuz thenc jix htenc kuex tvgvl tueq. Tsuinghez kuex hokhvmx waz khaungkac nuex jvp kaz wuez tueq,

DANIEL 2:44

Kvruex mungx walaungx bix rueq guimz yaq nuex raungmungx Tishox rueq mkaq muinz vhtumx kay ngoz tueq vguez mungtan vshiz tec taq shuex. Kvruex kuex mkaq muinz taungx shuex rvmuq, yuq muinz honoc mungtan htenc tvsawc ric tvbac gay shuex yix maq jix pattup phaungx ngaungx wvnc tuex.

DANIEL 4:17

Vruex kuex honc lvmz hvt maq bvmc yaq raungkamx waz hez rueq htvp htaz yaq lvmz rvtueq. Kvkhoc rvtueq Johvlc Tishox rueq miqsaz mungtan htenc htauk nuex luimc vkawc httax yaq lvmx muinz, vpiq rueq yvmx muinz rvmuq miq kuex thvl wvnc vtueq vkhek miq muex tvyaungc tueq lvmx muinz baung ruip saz wawc miq rueq mtuiuz wvnc shueq,’ ngoz tueq ramc tueq.

DANIEL 7:14

Vpiq kuex vrangx vpangx, tvtsanc nganc, hokhvmx luimc vkawc kuy rvhumc jix waz rvtueq, miqphvnx htenc wawc miq lotlaz muinz, vphvnx htenc, nuiyc phvnx ruip kvjaz htenc rueq muinz piq muex shuimx kuq wuez shuex. Vpiq vrangx vpangx kuex pattup phaungx ngaungx yaq, vpiq mungtan mkaq muinz maq kaz muq.

DANIEL 7:27

Ghaq htauk wawc mungtan lotlaz luimc vkawc nuiyc yungx luz yaq htenc kuex Johvlc Tishox miqsaz htenc muex kuq gay shuex. Tsuingshiq hokhvmx luimc vkawc kuex mkaq muinz htumx wvnc tuex rvmuq, ghaq htauk wawc guimz lawc jix vyungx vlaungx bix lotlaz rueq muinz vpiq muex shuimx kuq ruiux vpiq kvjaz kuex phvnx wuez shuex,” ngoz tueq jungx tueq.

Romans 11:33

Tishox rungwanx kuex vtanc khvnc yungx yaq nyix! Vpiq taksux tharc nuiyc phaqjic kuex vtanc khvnc thuiuz sungx yaq nyix! Vpiq rueq htvp htaz tvhungx yaq kuex uraq lac jungphvnx kuq lot shvnx? Vpiq lvmz kuex uraq lac tuiuz lot shvnx?

TRI CHONGKE 4:34

Yehowa nuimshiq Tishox rueq nuimshiq tvkoc Ejip mungx maq shuimx wvnc tueq ikhoc, vganc phvnx wawc miqsaz kuex shvlx wvnc vtueq piq miqsaz muex tvyaungc khvmc jix tishox httax tueq haz? Vpiq rueq nuimshiq muik lawc nuex luimc vkawc yunghvlc nuiyc hungc vlaungc kuex shuimx vtueq, vmac vtsac nuiyc ralx rvkhvt, vwangc juing nuiyc romzyac htenc nuiyc kvhiz juing phvnx htenc tvdung tueq.

1 Timothy 1:17

Pattup pat-sac Hokhvmx yaungx yaq, batac momaq kaz muq, muik maq khiz lot miq, vshiz dvyx httax yaq Tishox kuex pattup pat-sac rullungx wvlex tvtsanc nganc nuiyc ngauz vngax mhttax wvnc kueq! Amen.

Hebrews 1:8

Vsaz lvmz jungx tueq nuex, Tishox rueq, “O Tishox lex, mmungtan kuex pattup pat-sac phaungx ngaungx wvnc tuex! Mnoz rueq mmiqsaz htenc kuex tvrac vlvmz maq guimz lawc vshuiux.

Hebrews 2:4

Kvmaq raz tueq Tishox rueq romzyac htenc, vwangc juing phvnx ruip saz tvkhic kuy ikhoc muinz, Vsawc Siyac nuex seng yaq yauk noalc htenc kuex vpiq thuinroc maq phvlc kuy ikhoc muinz, tsuingshiq hakhix htenc nuex tvhtvp vtueq tvkhic kuq tueq.

1 Peter 4:11

Miq vshiz shiz rueq jungphvnx kuq ruiux yuq, Tishox bomjungc kuex mjungx phvnx kuq shueq; miq vshiz shiz rueq juiux kax kuq ruiux yuq Tishox rueq vkuq hungc vlaungc rulc rv-ngvlc mshuimx kaz shueq; kvkhoc ngoz ruiux jix shuimx kaz wvnc shuex lotlaz ningkhvnc nuex, Yesu Christu maq Tishox ngauz vngax kuex tvdung wvnc shuex. Yesu Christu kuex ngauz vngax nuiyc luimc vkawc kuex pattup pat-sac mhttax wvnc tueq. Amen.

Revelation 11:15

Kvruex yimaq mvshix ngoc yaungc raungkamx waz rueq piq bolic kuex tuimz tueq, kvkaq raungmungx wawc tvruingc yunghvlc guyc dung wvnc tueq kuex, “Mungkawx guimz juing luimc vkawc kuex naungshiq Taungjix Mesia yauk nuex httuiuc kaz tueq, vpiq rueq pattup pat-sac guimz wvnc shuex,” ngoz tueq jungx yaq.