DANIEL 3:27 - ASII LAKDAP Bible (BSI)

²⁷ Kiijiishe, hokhamwe sengi aki miikiimbi, wanghuptibi, wanghuptibi jaqthüti kiimaq ahinti siihiipbi thun wiita adam na riitam raüta, wa raq khiimmak dea, maiq wetsam khum kriishe liito. Tsangtsam khubin kiimin ralang min khiim mak, tsangtsam khea thun kiimin khiim mak, kiimaq tsangtsam khum na ralang wakhuk tsang min ahü riito.

Hawa Naga Bible 2001

²⁷ Hokhvmx sahez, mungx yauk shuimc jix, mungtuc bix, vganc vyungx vlaungx bix kuex wvr mungx nuex thuiuz sac rvhumc muq wathuimx kuex lawc vtueq rvjungc phvnc wuez tueq. Tsuinghez khux mul loshiz muinz khamc muq, tsuinghez khoz vkhvy htenc khamc muq, tsuinghez nuex wvr khuiuq thuingc doc muinz thuingx muq.

DANIEL 3:27 Referencias Cruzadas

1 HOKHVMX 13:28

Krai mren apaiq ka kumtoq kaü thaq na ngaraüta kihoto. Raüta kra shammiwe maa ka lam na weraü chhihoto. Kiimaq kumtoq kaü nai hangsikaü kiimin kiijaq chap shat li lohoto. Hangsikaü raq kra maiq maa ka phaq mak dea. Kiimaq kumtoq kaü kiimin kaq mak dea riito.

2 HOKHVMX 19:19

Riita ümchaü min, Tatiwe, naishiq Shiikeawe lei, naishiq ara Asiria mungti jaq khon mong wa tiichhii kuq laq. Krai mren, mangjong maiqse tlotli raq ümniikli dea, O Tatiwe, Shiikeawe nguta misap wan laq.”

Tvtsvmc 83:18

Tsangshiq raq ümniikli dea Tatiwe nguta misaplaq, mangjong tlotli pengti ajong pinthum nguta misaplaq.

ISAIA 26:11

Ümjaqtinok riika ümniiraq tsangshiq ma mo mitiihohaü ngutiika sapmak. Tatiwe lei, tsangshiq ma jea tiingaülaq. Laüta tsangshiq ka tiichamchaolaq. Ümniiraq tsangshiq ma mo tiihochang tiije laü kra mihophaqlaq. Ümniiraq ümsenginok ka ümtinkhan wa lungwiitlaü kra tsangshiq ma tiichhikuqlaq.

ISAIA 43:2

Ümniiraq kham tsaühea raptlaü na, Ngi ümniirai adam mirha; Ümtinkhan chamchaoli riihum haü min; ümniika tiingathu tiinga mak miraq. Ümniika wa mong maq khumtlaü na, ümniika wa raq khiimak miraq. Maitai henghea saütlaq kriiraq, ümniika tiimitsi mak miraq.

DANIEL 3:21

Krai mren, tsangshiq raq tsangtsam ka, miirii samtong, samtongjong kaütiim, kiimaq khuphok thun kriimin wiita samraq chhaq miili raümaq khabaiqto. Raüta tsangtsam ka watum henghea nyaitlaq kra mong niishe dobaiqto.

DANIEL 6:23

Hokhamwe ka pinthum khoqriiqto. Kiimaq Daniel ka khobok mong wa tiidong hitlo ronglaq nguta aming kuqto. Krai mren tsangshiq raq apaiq ka khobok mong kiiwa ra niishe tiidong hitto. Raüta tsangshiq raq akhum na liikiita jamlai ami atsi min ahü riito. Jamkhano ngukla apaiq raq akhum ka Shiikeawe ma kiinong kuqto.

DANIEL 6:7

Naishiq tarü, ümmungtan kra pengti ngongwebi, wanghuptibi, wanghupti jaqthütibi, kiimaq ahin siihiipjongbi tarü kiqshi maq rilaita, bom ka akha riichong kai. Chaü lei, ümniiraq aming ashi tat laq. Laüta kra aming ka atsin maq mungmaiqse tarü raq lang raa nguta aming tat laq. Raroqtsam liipan na ümniika tlea raüta, maiq juwe riimin laihin phra shiikea jaq wa riimakla, maiq ahinti juwe jaq wiimin, achu jaü maimak. Jurwa ara aming jin jiiq, kriiti ka hangsikong bumchang khok mong kiijaq tiidea baiq ratlo.

Matthew 10:30

Riita kriimaq thi miika namshiq rilung thii ka tsinhea rahea. Shiikeawe raq namshiq khupo na namkhubin thun kiimin wiita weaje maq sitlo.

Acts 26:26

Ajong Hokham we Agripa lei! Ngi raq ümman na bom chong ka kholam kholiiq lata, i tsan mong na jamlai phan kankop wan min ahü maq, bom tiikang. Ara jamkhano akha bom wan tiikang ngukla, ara chongtiikang mra pin wantaq thun arka, ümniiriimin kunli asap haü siisaq. Ara chong tiikang thun mra pin taq kriika shokshaüno wa bom ka riimak.

Acts 27:34

Ngi chongpha tai ronglaq. Ümchaü namshiq tarü raq phanshi ra phaqsiq ronglaq. Amang miili ka ningkun ahü, lunlot man mirhan. Namkhu bin loshi min dea mak miraq. Naqhai rongkiq,” nguta Paul raq tsangshiq ma tsii ka chongkuqto.

Hebrews 11:34

Tsangshiq raq, walü henghea kiimin tiimat baiqto. Kiimaq, maiq raq tsangshiq ka asebaiq chang wiishe min, atiichhii riiwanto. Tsangshiq ka, han-ngam na ningkun ajom riito. Shatmaq, srea nola ma jawanto. Tsangshiq ka, srea nola ma jawan raüta, pongmungti chiq se rewe thun ka wiita, kunkun khat wanto, raüta tangto.