DANIEL 3:26 - ASII LAKDAP Bible (BSI)

²⁶ Kiijiishe, Nebukadnejar ka watum khok nyairaitlaq kilü kiina ra na wato. Raüta tiihong raüta, “Shadrakh! Meshakh! Abednego! Ajong Pinthum Shiikeawe sengi! Kinphai na dongki rongkiq!” nguta heato. Kiimaq tsangtsam ka watum mong wa donghosaqli dongkito.

Hawa Naga Bible 2001

²⁶ Kvkhoc rvtueq Nebukhadnezar kuex wvrkez kaluix nuex kaz vtueq, “Shadrak! Meshak! Abetnego! Johvlc Tishox nvrc waz hez! Dung kaz luit!” ngoz rueq ramc tueq. Tsuinghez muinz lvmx lvy dung kaz tueq.

DANIEL 3:26 Referencias Cruzadas

RAPHA HIQWA LAK 14:18

Kiimaq Melkijedek, apaiq ka Salem chela hokhamwe kiimaq apaiq ka Ratsan Ramong Nyang Na Siti Shiikeawe ramwe raq, Abraham ma winsii nai spiqtai lam kuqhoto.

1 HOKHVMX 8:51

Jamkhano ngukla tsangshiq ka ümsenginok amak shaq. Tsangshiq ka ümniiraq chamchao watum mong wa Ejip mung wa atsuq wanhaü kata.

EJRA 5:11

“Kra waiso wan kaita tsangshiq raq naishiq ma, ‘Naishiq ka ratsan ramong nyang na siti Shiikeawe ra nai hiq rümtiwe sengi. Kiimaq naishiq raq ara Shomjam tiihea hai wan tiikai. Ara Shomjam arka man na pat na Israilnok hokham ajongwe ashi siwantaq kriiwe pat na ahai wan. Raüta thepthep tiihongtha tiimiikhiiq wan raüta thü wanto.

Tvtsvmc 66:12

Ümniiraq naishiq ka re ma tiitang laü; naishiq ka wa mong maq nai jüchhang mong maq wawan kai, shatmaq ümchaü ümniiraq naishiq ka tiiwongkuq shat hiqshong niishe shea wan laü.

ISAIA 28:16

Riita, ümchaü Ajong Thaq Na Ajong Pinthum Tatiwe raq akha ngutlo: “Ngi raq Jajon chela na, chela tei wan chang jamkhü longkaü phataqtaq kiimaq angang phan ashi shongkang. Kra jamkhü longkaü thaq na Ngi raq tapshok longkaü tsinhea ashi shongtiikang. Kriithaq na ara bomtsi ara tiiwaiqshat: ‘Kamtsantsii pharang rang sitlaq kriimaq aninwan tsii.’

ISAIA 52:12

Ümchaü lak namshiq ka taülaükhiq ka laü wan man mirhan; namshiq ka chiimjin wan ajurai ngomin rarai mak. Namshiq Tatiwe, nam Shiikeawe raq namshiq ka mishun shea wan, kiimaq apaiq raq namshiq ka trotam maq khebom kuqshat miraq.

JEREMIA 11:4

Ara tongshong tri raütu arka man na ngi raq tsangtitiim pat na tsangshiq ka watum mong na khiimtlaq ikha Ejip mung na khumraitlaq kiiwa Ngi raq tsuq wan kang akhing na ashongkuq wanha. Ngi raq tsangshiq ma ibom taironglaq lanta Ngi raq aming kuqkang tri raütu kra lang lanta shong nga wan ronglaq nguta chongkang. Ngi raq tsangshiq ma chongkang tsangshiq Ngi aming wokhong na si raüla, tsangshiq ka isengi ma mija wan kiimaq Ngi ka tsangshiq Shiikeawe miaq.

DANIEL 2:47

Kiimaq hokhamwe raq nguto, “Üm Shiikeawe ka phra wiitarü thaq na ajong pinthum, hokhambi tarü thaq na Tatiwe, kiimaq apaiq ka maiqse ma amao chang hupsam thun tiichhiketi. Ara jamkho sapkang ngukla, ümniiraq ngi ma ara amao chang bomtsi kra chongkuq laü.”

DANIEL 3:17

Riita, ümchaü min, naishiq raq shomnoq tiikai Shiikeawe raq, naishiq ka ara watum mong wa michhiilot, kiimaq ümjaq khon mong wa mitiichhii lot jiika, apaiq raq mitiichhiikuq.

DANIEL 4:2

Ngi ma Ajong Thaq Na Ajong Shiikeawe raq amao chang kiimaq awang chang jaqsham thun tiichhikuqtaq kra chong tiikang tai ronglaq.

DANIEL 6:20

Apaiq ka kiijaq saü wa raütiishe, kiinyiikhiq maq, “Daniel, atra Shiikeawe jaqshise lei! Ümniiraq apaiq rai tiipumtlii laüta shomnoq tlaü Shiikeawe raq ümniika hangsikong nübok wa tiichhiikuqto dea nya?” nguta Daniel ma riimto.

DANIEL 6:21

Kiijiishe Daniel raq treto, “Chaü lei, rilung alu maq silaq!

DANIEL 7:25

Apaiq raq Ajong Thaq Na Ajong Shiikeawe kra mishummii. Kiimaq Shiikeawe sengi wiita, hok maq nishishi mitiichamchao. Apaiq raq tsangshiq Shiikeawe, shomnoq thunglai nai poi tri thun ka, laibaiq wan mitan khan. Kiimaq Shiikeawe sengi ka, apaiq raq wiitsam ri wiithiq mijam sha wan.

Acts 16:17

Apaiq raq Paul nai naishiq jai ka, phanshphan maq phan raüta, “Arwetiim arka Ratsan Ramong Nyang Na Siti Shiikeawe Ajong disetiim! Tsangshiq raq namshiq ka jamkha tiichhii wan chang wa kra chongkuqtlo!” nguta agi asii lam maq khumrai wan dam tlo.

Acts 16:37

Shatmaq, Paul raq peta siihiipbi ma chongto, “Nainai ka jamlai shutphit min ahü shatmaq, rung na mungmaiqse makki na chongwai maq tiitsatto. Kra thaq niimin, nainai ka Roman hokham sengi chiisan maiqse! Shatmaq, tsangshiq raq nainai ka phaqtek mong na shaq baiqto. Riita, ümchaütiq sha tsangshiq raq nainai ka ahukse ma tiidong baiq dan tla! Kriika riimak! Roman siihiipbi raq tsangshiq maiqmii jaq maq nainai ara mitiidongki liina,” nguta Paul raq tsangshiq ma chongto.

Acts 27:23

Ara jamkhano chongtiikang ngukla, ümwa rawa ngi raq shomnoq tiikang Shiikeawe rase ashi ka ngi phana kito. Kiimaq ngi ma bom ka akha chongkuqto,

Galatians 1:10

Riita, ara bomrai tiikang arka, namshiq raq tiima ma, ngi ka nokwe raq ngi rai mipong dam laq ngutiisha bomrai tiikang? Riimak! ümtiikiimin riimak! Ngi miika Shiikeawe raq thukto ngu raüla hongjiiq! Riita, ngi ka ümchaü min, nokwe man na, i mangjong sha rit tiikang? Ngi ka i mangjong ritti we ngu raü ka, Jesuq Khristo jaqshise ma jawan mang mirha wa.

TRI CHONGKE 4:20

Shatmaq namshiq ka Ejip mung na watum nyairaitlaq kra mong wa apaiq raq achhii wannok. Apaiq raq namshiq ka ümchaü jamkho apaiq sengi ma jalanta sitlan, kra miitu shun shea wanto.

JOSHUA 3:17

Nokwe raq jükok ka süroqroq hea konü jüreko niishe jin wanto. Mungmaiqse kunli konü jüreko na mijin wan lot shaq wiiwii, ramwebi ka Tatiwe Tongshong Tek kra pishat maq Jordan raikhü mong ba na phii süroqroq hea kriijaq chapruq li chapto.

JOSHUA 4:10

Tatiwe raq Joshua ma kra jaqsham miitu aming kuqtaq kra phanphan, Israilnok raq jaqsham ka mingut wan shaq wiiwii, ramwebi ka kra Jordan raikok phii mong ba kiijaq chapshatli chapto. Arka Mosheq riimin akha klo wan chang nguta aming kethüje dongdii riito. Mungmaiqse riimin jürai ka jaqlo witwit jin wanto.

Revelation 19:5

Kiijiishe hokham ngacho wa maiq bom ashi akha taikang, “Nashiq raq Shiikeawe tiitsam rong i! Warong ra, ajong aran asengi angu wiita apaiq ma shreng manto shiipan pin towan rong i!”