DANIEL 12:10 - ASII LAKDAP Bible (BSI)

¹⁰ Maiqse pahea khum ka atiisii mirkuq wan. Abi maiqse thun raq arka sap wanlot mak miraq. Shatmaq tsangshiq ka pahea jabi wan wan khoti miraq. Taksu maiqsetiim riili arthun ka mitak wan.

Hawa Naga Bible 2001

¹⁰ Miq paunghvlc kvsawc nawc wvnc tuex. Layx bac jix hez rueq tuiuz tay wvnc shuex rvmuq, tvhttoarc vtueq layx bac wvnc ruq dvyx rvtuex; taksux jix bix rueq dvyx tuiuz tay wvnc shuex.

DANIEL 12:10 Referencias Cruzadas

Tvtsvmc 107:43

Juwa taksu maiqse kriiti raq arthun mishiwealaq; kiimaq Tati tiipitmakphan lungwii kra mitak laq.

Tvtsvmc 51:7

Ingarai ka lambaiqlaq, raüla ngi ka asii she mirha; ikhum ka hekuqlaq, raüla ngi ka tsakhiiq nam ma alü she mirha.

TAKSU LAK 1:5

Ara taksu bomtsi arka taksmawe miimin, nyan phaqchi shrinketi, phaqchi pinja atsinti miimin, hon atsii chongketi.

ISAIA 1:18

Tati raq ngutlo, “Riita ümchaü min bom ka riichong i. Ümkhum ka ngarai na tiitsam laüta maiq tiijai maq tlo laüta shiiroro she sitlaü. Shatmaq Ngi raq ümniika tsakhiiq ikha siirairaihea lüdiidii hea she mihekuqha. Ümkhum ka ngarai maq alorat kha maq, among tsaühea na saüli achhe wan kun she shiiroro ma she, li jiimin, Ngi raq ümniika umnirai railü tam ikha lüdiidiihea she mitlü kuqha.

EJEKIEL 36:25

Ngi raq namshiq khum na kham asii maq mibatha. Lata namshiq raq sumla phra thun noq lanta kiimaq phanrap ashe ashi klo wan lanta, namkhum tiisheshi baiq lan kra, Ngi raq wiita atiisii mirkuqha.

EJEKIEL 47:11

Shatmaq kra Khamjong chumkii binjü na nongtham chum thun kham ka kiimaq bashi shi na tingjang rü nongtham chum thun sitlaq kiiwa kham riiwe kla kiikhiili tiisii mak miraq. Kriithun ka shumchum kham ma jaraütli misi.

DANIEL 11:33

Anyan phaqchi rümti welabi raq nanok ahinti mungmaiqse rai tsii ka mirchong. Shatmaq jaqlo liipan bala tsangshiq phong wa, maiq wiijamti ka re na mitsai. Kiimaq wiijam ka atra maq wa na michaq baiq. Kiimaq maiq wiijam ka tsangshiq tsiiqchong nyamchong ka wiita re raq mitsuq wan. Raüta kealokshe miraq. Kiimaq maiq wiijam ka re raq shumwikong ma milap wan.

DANIEL 11:35

Kra welabi phong wa anyan phaqchi sapti maiq wiijam ka re raq mitsatbaiq. Shatmaq kra ningkhan, Shiikeawe sengi ka asii maiqsetiim miishe mija wan. Riita arka Shiikeawe raq atiithum akhing tiihongtaq kra misaü shaq wiiwii re ka dong wan ruqli miraq.

DANIEL 12:3

Taksu maiqse welabi thun ka ra na rakhang chhaitlaq kiikha michhaisiq wan. Kiimaq maiqse ma kechu rilung lamphan tlangkuq wantiiti thun ka, ra na raiqsaiq chhaitlaq ikha pattup pat-sa mililiim wan.”

Hosea 14:9

Taksuti raq tak wan ronglaq. Ara bomchong ara. Tatiwe tri lam phan ka tingting. Tingting maiq raq arlam miphan wan. Raüta mishongnga wan. Shatmaq ngarai maiqse arjaq mithap wan. Tsangshiq raq tri raütu shipoq wanto.

JEKERIA 13:9

Kiimaq ngi raq mantsam wa manshi tiichong tlaq kra, wa mong maq mitleaha, lata kampho ikha wa na michenha. Chaq chentlaq ikha tsangshiq ka michenha. Kiijiishe tsangshiq raq, ijaq wa achu mijaü. Kiimaq ngi riimin mitreha, Ngi raq, ‘Tsangshiq ka isengi,’ nguta minguha, Kiimaq tsangshiq raq mingu, Tatiwe ka nashiq Shiikeawe.”

MALAKI 3:3

Apaiq ka, maiqse khaphokai miki. Apaiq raq kampho ngam ka khi wa na tiiqwe raq tiikhiim raüta tiijo tlaq, raüta abi ashe jinpü ka tiidoq bukbaiq tlaq ikha, maiqse kiimin michen wan. Kiimaq jatiiqti raq kampho ngam nai chaq ngam bu ka tiikhiim chaq tlaq ikha, raüta ashe ashi jinpü ka sintu maq tiihiip tiiqbaiq tlaq ikha Tatiwe kiimwe raq ramwebi ka mitiiq wan. Raüta asii ramwebi miishe mitiija wan. Kra tiisii tiiq wan tlaq krai mren ramwebi raq tsangshiq khum ka asii miishe Tatiwe ma asii honglu she mikuq wan.

Mark 4:11

Jesuq raq treto, “Shiikeawe mungtan bomtsi apaü raüta athü ka namshiq raq sap wan miitu tiichhi kuqto she. Shatmaq, maiq ahinti, Shiikeawe wura maq mitiiham wan shaqtibi miika, kra tengteng bomtsi ka, shiiton bomtsi setiim manphan miili chongkuqtlo.

Luke 24:25

Kiijiishe, Jesuq raq tsangnai ma chongto, “O angi we nai le! Shammibi raq achongthü bomtsi kiima kamwan tsii man nya! Atinkhan langlang dea tiinan shan rai tlan nya!

John 18:37

Kiijiishe, “O, ikhiijiika, ümniika hokham we dea kata nya?” nguta Pilat raq Jesuq ma bom ka wai nongto. Kiijiishe, Jesuq raq treto, “Ümniiraq ngi ka hokham we nguta ngutlaü kata. Ngi ka ara mangjong hiq na pokikang arka, ara tengteng bomtsi ara chong kekai miitu kikang. Jurwa tengteng bomtsi kra lang tlaq, kriiti riika, i bomchong arka phaqchii nichii maq taitlo.”

John 7:17

Maiq ümriiti riiwa Shiikeawe raq athithi na jaqsham kli lungwii tlaq, kriiti raq ara ngi raq shrinkuq tiikang traho bomtsi arka, Shiikeawe aming miisha chongkuq tiikang, sha ngi raq maiqmii arang miiwa chongkuq tiikang, kra mitak lot.

John 8:47

Juwa Shiikeawe pha wa aki, kriiti riili Shiikeawe bomtsi ka tiitsang tai tlo. Shatmaq, namshiq ka Shiikeawe setiim ka riimak. Kriikha maq, namshiq raq apaiq bomtsi ka tai roman.”

1 Corinthians 6:11

Namshiq phong wa maiq wiijamti ka, man na akha siwanti. Shatmaq namshiq ka ngarai mong wa tiisii hekuq wanto she. Namshiq ka Shiikeawe ma apaiq rii she nguta akiinongke wan kun she. Namshiq ka Tati Jesuq Khristo raq nai Asii Wenyi raq Shiikeawe jam niishe tiidiito. Raüta Shiikeawe rai wehea she tiijato.

2 Corinthians 7:1

Lungwii phunainotiim lei, Shiikeawe raq ara chongtiikai thun kiqkham raüpot arka nashiq ma akhakuq siisaq. Riita ara ningkhan, nashiq raq nashiq khum nai nashiq tsaiji tiishe chang phan jamlai wa sitlaq, kriika wiita runbaiq rong i. Shiikeawe ma haisong tsantsii nai shreng manto thüshat maq, nashiq rilung arka apaiq ma apkuq laita, asii arai rilung si rong i.

Titus 2:14

Apaiq raq nashiq miitu, amiisaq khamto. Raüta nashiq ka abi ngarai kharü mong wa daa wanto she. Raüta nashiq ka ashe ngarai jaqkhon mong wa tiisii hetse wanto she. Raüta nashiq ka apaiq sengi she nguta rairii wan raüta, awura maq tiiham wanto she. Arka nashiq raq apaiq lishe shomnoq wan miitu riito. Raüta nashiq ka shamhea kaiwa jaqsham wan miituli she nguta pong na rairiito she.

Hebrews 12:10

Nashiq ma han-ngam na awetiim raq, nashiq ka jaqlose miituli tsatson tlo. Kriika tsangshiq maklii na, jamlai wa ahea nguta tiima tlaq, kra khuthaq maq tsatsontlo. Shatmaq, Shiikeawe raq trantsii tlaq arka, nashiq raq Shiikeawe, apaiq asii arai rilung kra riisha lap dam miitu tsatson tlo.

1 Peter 1:22

Riita ümchaü sanha, namshiq raq Khristo aming thun ka lang lantiishe sitlan. Krai mren, namshiq ngarai ka diikuqto she. Kiimaq namshiq ka ümchaü sanha wenyi na asii maiqsetiim ngutiishe sitlan. Ümchaü sanha asii maiqsetiim ngo kha maq, namshiq kamasham maiqsetiim liipan na riilung riiwii maq sitlan. Krai mren, ümchaü sanha namshiq raq, kongti ka tsan nai mongjii wiita kuq lanta lungwii rong laq. Kiimaq namshiq lungwii tsantsii rüm tlan kriika siirairai riichang.

1 Peter 1:7

Ara chamchao litkot riihum tlan arka, namshiq kamasham ka awongsii dea nguta chen tlo. Chaq ka athen kai chang hupsam. Shatmaq wa maq tiijo chaq raütiitiq chen tlo. Krai mren, sii hali, namshiq kamasham ka ara chongtiikai chaq piikii thaq niimin ara phan. Kriikha maq, chamchao wa maq tiikhiim chaq raüta chen tlo. Kra riihan jiitiq, Jesuq Khristo saükai akhing na, Shiikeawe raq namshiq kamasham ka mishom ra. Kiimaq namshiq khushü ka mijong. Kiimaq ashreng miraq.

1 John 5:20

Nashiq raq asap i, Shiikeawe Se ka kito. Raüta nashiq ma phaqchi kuqto. Krai mren, nashiq raq riikhaqli Shiikeawe ka saptiikai. Nashiq ka riikhaqli Shiikeawe rai pumshi hanshi maq sitiikai--Ase Jesuq Khristo rai pumshi hanshi maq sitiikai. Ahata riikhaqli Shiikeawe. Kiimaq ahata pattup pat-sa rilung.

Revelation 16:11

Kiimaq tsangshiq raq tsangshiq thatsi nai tsangmi tsi ma ramungtan na siti, Shiikeawe ka riikhiq miishe son wanto. Shatmaq, tsangshiq ngarai lamphan wiika jang wan mak dea.

Revelation 19:14

Ramungtan wa phenlabi thun ka apaiq jai phanphan wa tlo. Tsangshiq thun ka kumrang lü thaq na chao raqraq riito. Kiimaq tsangshiq miirii ka siirairai raihi-nairai khea samraqraq riito.

Revelation 19:8

Junrii nyung miika siirairai hea namrai khea miirii akekun she!” (Ara namrai khea miirii arka Shiikeawe sengi raq, asii jaqsham wantaq thun kra riito.)

Revelation 22:11

Juwa abi, kriiti ka jabi wan wan li she mirlaq. Kiimaq juwa ashe, kriiti ka ja she wan wan li she mirlaq. Juwa maiqshaq, kriiti ka maiqshaq ma jawan wan li she mirlaq. Kiimaq juwa kechu maiqse, kriiti ka kechu ma jawan wan li she mirlaq.”

Revelation 3:18

Arningkhan, ngi raq namshiq ma tsii chongkuq tiikang ara. Tairong laq. Namshiq raq i jaq wa awongsii wenyi tsiiq, chiisan tsiiq ara rirong laq. Kra riihan jiitiq, riikhaqli chiithe ma mija han. Lanta, i jaq wa khealü miirii ka ri lanta sam rong laq. Lanta, namkhum kheahü ma, jeasi miari sitlan kra, pang rong laq. Lanta, namshiq mak na jut chang tsiq min rilanta, jut rong laq. Kra riihan jiila, nam mak ka mipiiq. Raüta, michhi han.

1 SAMUEL 24:13

Ümniiraq richüwe bom tiihap, ‘Abi kiimung ka abi ati maiqsetiim riili kiimung tlo,’ ngutlaq kriiri asap haü. Krai mren, ngi raq ümdü na jaq ka miiq mang.