DANIEL 12:9 - ASII LAKDAP Bible (BSI)

⁹ Apaiq raq treto, “Daniel lei, ümniika ümchaü awa wan chang she. Jamkhano ngukla ara bomtsi thun arka phangthum akhing misaü shaq wiiwii maiq ahinti ma tiisap raamak, ahukse maq apaü raütli thüchang.

Hawa Naga Bible 2001

⁹ Piq rueq tvralc phuex, “Daniel lex, mnoz majuiuc dvyx kaz wvnc tuiux, vruex kvjaz kuex vhtuing tvy juing ningkhvnc nuex vtvsuip nuex httuiuc laz httuiyq tvy shec juing rvtueq.

DANIEL 12:9 Referencias Cruzadas

ISAIA 29:11

Riisham mak chhi aweatek liichum ka namshiq ma chongkuq mak apaü mirbaiq. Kriika lakdam kom sil maq phanje ikha miraq. Kriikha maq ümniiraq lakdam kom ka lamho laüta maiq weshi ra aphat atsinti nang nga kra phat kuqlaq nguta chonghaü jiila, kriiwe raq apaiq raq phattsü mang ngutli michong. Jamkhano ngukla kra lakdam kom ka sil maq phanje.

ISAIA 8:16

Namshiq ijaqshisetiim raq Shiikeawe raq ngi ma tsütsa bomtsi achongkuq thun kra tsapkapkap maq saiqsam lantea riim ratlo.

DANIEL 10:14

Ngi ümphana saükikang arka, rawiishiqwii namshiqnok ka jamkha jawan chang wa miraq kra ümniiraq sap wan miitu chongkekai kikang. Riita ara riishammakchhi arka rawiichii miitu tiichhi kuqto.”

DANIEL 11:40

“Riita Siria mung hokhamwe ma, apaiq ningthoi she saüwanto angu na, Ejip mung hokhamwe raq apaiq ka mikhat. Kiijiishe Siria mung hokhamwe raq asengi phenlabi ka ra ma hiq ma tsuq raütiishe, apaiq ningkun wiita shoq raüta, kumrang leng thun, kumrang thun, kiimaq mokkiitu pahea riichom raütiishe, Ejip mung hokhamwe ka mikhat. Kiimaq apaiq raq maiqmung thun pahea ka, raju jüchhang watlaq ikha mikhat wan.

DANIEL 12:4

Apaiq raq ngi ma nguto, “Riita, Daniel lei, kra lakdamkom ka, ümchaü akom laüta shaq thülaq. Laüta phangthum akhing misaüho shaq wiiwii, sil maq trap laüta phan thü laq. Kiimaq kra liipan na maiqse pahea raq, jamlai mra wa pin tlaq kra, sap wan haijaq nguta atu na phaqchi rit, kai mihun niiwan.”

DANIEL 12:8

Apaiq raq jamlai wa chongtaq, kriika ngi raq taikang. Shatmaq kra liichum ka ngi raq taklot mang riikang. Kriikha niishe ngi raq, “Shatmaq shiilangwe lei, arka jamkho mithum wan?” nguta waikang.

DANIEL 8:26

Riita ara ranap nai raji honglu kewan jaqsham riisham mak maq tiichhikuqto. Raüta chongkuqto. Arka tengteng miku wan. Shatmaq ümchaü ka apaü laütli thülaq. Jamkhano ngukla ara kupi wan miika rahiq luhea shaq dea asi.”

Revelation 10:4

Tsangshiq raq kra chonglot ri she, ngi raq awaiq riithü la nguta dankang. Shatmaq, ngi ma ramungtan maq maiq bom ashi raq, “Ramok miishi raq jamlai bom wa chongtaq kriika kaiqshak maq apaü laüta thülaq. Kriika naq waiqthü kiq!” nguta tiiwin riimto taikang.