DANIEL 12:11 - ASII LAKDAP Bible (BSI)

¹¹ “Ranaiqtek honglu kewan kra tangtabaiq wan jai maq, kriika, Riikhiq Phiiptsi Chang Sumla Kaü shong wantaq kra ranaiq akhing nang nga ngutlo, kra ranaiq maq phawan raüta, ranaiq 1,290 ranaiq na saüli miraq.

Hawa Naga Bible 2001

¹¹ “Wvraungx nuiyq shomc nawk juing kuex tvthauk gay vkhing, Miq Kawc Yawc Vsac ikhoc waz kuex dung wvnc tuex maq raungnuiyq 1,290 htvmx tuex.

DANIEL 12:11 Referencias Cruzadas

DUNGWVNC 29:38

“Pattup pat-sa na saüli arawii wiishishi skuse ka anai nai ranaiqtek berong-wacha kiijaq honglu talaq.

EJEKIEL 4:6

Ümtiikiiwa ümniiraq kra milot haü, ümniika jaqtsi nü siim niishe hali bum nonglaq. Laüta Juda mungti ngarai miitu raroqblai mo ka holaq laüta chamchaolaq. Tsangshiq ümchu rawii moho chang wa sitlaq kra miitu, wiishi chamchao ka ranaiq shishi chamchao laq.

DANIEL 1:12

Raüta, akha nguto, “Naitsam ka raroqshi miitu shrira liilaq. Naishiq miika dungtsap chang jücha weashaü nai anyang chang khamsang lamlamli kuqlaq.

DANIEL 11:31

Apaiq phenlabi wiijamti raq Shomjam ka mitiishe baiq. Raüta tsangshiq raq Shomjam na ranaiqtek honglu kuq tlaq kra atiithaq mirbaiq. Raüta Riikhiq Phiiptsi Chang Sumlakaü she mitiinga shong.

DANIEL 7:25

Apaiq raq Ajong Thaq Na Ajong Shiikeawe kra mishummii. Kiimaq Shiikeawe sengi wiita, hok maq nishishi mitiichamchao. Apaiq raq tsangshiq Shiikeawe, shomnoq thunglai nai poi tri thun ka, laibaiq wan mitan khan. Kiimaq Shiikeawe sengi ka, apaiq raq wiitsam ri wiithiq mijam sha wan.

DANIEL 8:26

Riita ara ranap nai raji honglu kewan jaqsham riisham mak maq tiichhikuqto. Raüta chongkuqto. Arka tengteng miku wan. Shatmaq ümchaü ka apaü laütli thülaq. Jamkhano ngukla ara kupi wan miika rahiq luhea shaq dea asi.”

DANIEL 9:27

Kra tuwe ka mangjong hiq na siti maiqmung pahea rai, rawii wiimiishi na saüli pharang rang maq silu mirja. Kra rahiq akhing ka wiijam she nyiwanto angu na, apaiq raq nyamse honglu takuq wan tlaq kra nai laihin honglu kuq wan tlaq jaqsham ka atiitsaq she mirbaiq. Raüta Riiqkhiq Phiiptsi Chang Sumla Kaü kriishe diilu pinthum ba asii thaq na asii Shomjam khok kriijaq mishong wan. Kra Shomjam tiisheshi wantiwe ka, Shiikeawe raq mitsat baiq wan shaq wiiwii, kra Riiqkhiq Phiiptsi Chang Sumla Kaü ka tiingashat li miraq.”

Hosea 3:4

Akhiisii hali, Israilnok kiimin akhing luhea tsangshiq rümti hokhambi min ahü maq lo welabi min ahü maq siwan chang miraq. Kiimaq Shiikeawe ma honglu min kewan hümiili riimak la, asii honglu wacha longshong kaü thun min ahü miili siwan chang miraq. Kiimaq langlii wan chang nai teitlang chang sumla thun kiimin ahü miili siwan chang miraq.

Matthew 24:15

“Daniel shammi we raq, ‘Riiqkhiq Ashe Sumla Ka Shomjam Na Miraq,’ nguta chongthütaq bomtsi kra kupi wan ka namshiq riishe michhi han. Kriika Shomjam mong na Asii khok kiijaq chap raü michhi han.” (Aphat wanti raq ara liichum arka samhea maq tak rong laq!)

Mark 13:14

“Namshiq raq, ‘Shomjam Tiishechang Maiqphai Asi Sumla Kaü,’ ashi ka apaiq chapchang riimak ba kiijaq chap raü she michhihan.” (Aphatti ma: Ara liichum arka jamlai ngo wa chongtlaq kra riikhaqli tak rong laq!) “Kra chhanghang akhing ranaiq she la saüwa raüla, kra akhing na juwa Judia wang na siti, kriiti ka kin kiina tiipaü juwan chang miraq.

Revelation 11:2

Shatmaq, shomjam kinphai ka naq shinkiq. Jamkhano ngukla, kriika thatsang maiqse ma alike kun she. Tsangshiq raq Asii Chelati ka jipi lüroq blai ri lünai, ji maq nishishi mihaihii baiq.

Revelation 12:6

Kiimaq, jechak nyung ka kumtsaiphii bintang jüngi hiq bashi, Shiikeawe raq tiijeje athü, kiijaq tiipaü juhoto. Kiijaq jechak nyung ka 1,260 ranaiq aheawiq shiililii raüta mitiisi wan.

Revelation 13:5

Kra jü mong maq adong ngamthaiq kaü miika, Shiikeawe ni na wamak chang, Shiikeawe shummii bom shiikong miilong tiishomra akhing kuqto. Kiimaq apaiq ma arang ka jipi lüroq blai ri lünai miitu kuqto.