AJONJÜ 2:15 - ASII LAKDAP Bible (BSI)

¹⁵ Chela lam maq alea wanti thun raq, ümniika thophi riiqphi lea wantlo. Tsangshiq raq tokbai laqlaq raüta, Jerusalem then wantaq kra liitlo. “O, arshea man na tsomhea chela ira? Mangjong tlotli raq ra tsa ikha tsaki wantaq ira?”

Hawa Naga Bible 2001

¹⁵ Ghaqyungx kvmaq lvy wvnc jix miq rueq mnoz muex shum -marc nueykuic wuez yaq. Tsuingshiq rueq khux kuex buil vtueq Yerusalem bac wvnc tueq kuex nueykuic wuez yaq. “Vruex ghaqyungx kuex vlungwawc juing ghaqyungx rvmuq haz? Vruex ghaqyungx kuex mungkawx kvsomc parc juing rvmuq haz?”

AJONJÜ 2:15 Referencias Cruzadas

2 HOKHVMX 19:21

Tatiwe bom ka akha tiichonghoto, “Sennacherib lei, Jerusalem chela raq ümsham na liiraüta anai khoti riitlo, kiimaq ümniika thophi riiqphi shummiitlo.

2 KAÜWA WERAÜ 7:21

“Ara Shomjam kaü arka ümchaü maiqse raq pinthum shrengtlo. Shatmaq kra akhing na maiq loweatek arlam lea wanti ka kai awang mirwan. Raüta bom ka akha miwai, ‘Riita Tatiwe raq atin khan lang langtiq armung arka jam nguto tiithen baiqta? Kiimaq ara Shomjam armin jam nguto tiithen baiqta?’

Tvtsvmc 109:25

Maiq raq ngi chhiraüla ngi ma anailishe riitlo; tsang shummiitsi ma tokbai laqlaq riitlo.

Tvtsvmc 22:7

Maiq tarü ngi chhiti raq ngi ka riimshoto; tsangtili ka tiidong shun raüta bailaqlaq kiimaq tokpan laqpan raüta shummiito.

Tvtsvmc 48:2

Jajon ka Shiikeawe pum adii luhea kiimaq tsomhea; hokham jongheawe chela raq mangjong tlotli ma pinthum tiikhoqriiqtlo.

Tvtsvmc 48:3

Shiikeawe raq tiichhikuqto apaiq rai si ka hansang kra chela ruk mong na.

Tvtsvmc 50:2

Shiikeawe ka Jajon maq liliimtlo, kra chela ka minhap tsomhea.

Tvtsvmc 64:8

Apaiq raq tsangshiq ka kriithun bombi bom kha na mishthenbaiq; tsangshiq then wan chhitibi thun raq tokbai laqlaq miraq.

ISAIA 28:21

Tatiwe raq Perajim Pum maq khattaq ikha mikhat. Kiimaq Gideon hiq thung tan maq khattaq ikha mikhat. Apaiq raq jamlai klo chang ngutiiwa thimi wantaq kriika miklo dongdii. Apaiq jaqsham ka maiq awang thang rai miraq. Apaiq raq ajaqsham ka mitlot. Apaiq kiimung ka amao chang.

ISAIA 37:22

Tatiwe raq apaiq achujaü tre akha nguto, “Jerusalem chela raq ümniika naikü sherüli liitlo, Sennacherib lei. Kiimaq ümniika shummiitlo.

ISAIA 64:11

Kiimaq naishiq Shomjam, asii jam kiimaq pinthum tsom hea ba, naititiim pat na ümnaq tiitsamkam chang jam, ka wa maq chaq raüta tiithen baiqto. Naishiq raq lungwiitiikai hiqshong rahai thun ka wiita tiithen baiqto she.

JEREMIA 18:16

Tsangshiq raq armung ka phiiptsi chang mung miishe tiijabaiqto, pattup pat-sa maiq thoda phong chang she miraq. Maiq ümchu riiwa wanlea lam maq chhijiiq; tsangshiq ka phiip raq atsai miraq; tsangshiq ka amaorai raüta tsangtok bai laqlaq miraq.

JEREMIA 19:8

Ngi raq ara chela na pinthum maiqse nübok maq chonglot mai chang khan, phiiptsi chang thenjen wan jaqsham mitiichhi kuqha. Krai mren maiq loweatek arlam maq lea wanti raq kra chhiraüta akiinyii mirwan kiimaq awang athangli mirwan.

JEREMIA 25:18

Jerusalemti kiimaq Juda mung na chela thun sitlaq wiita ma, tsangshiq hokhambi kiimaq mung welabi thun rai nong nong adam maq tiibak nyang kang. Kriika tsangmung thun ka botkhulai rai shot raüta kumtsaiphii ma tiijabaiq tlii mirlaq nguta kuq kang. Kriika hiqmiq changkhü ikhiishe maklii jai na tiijang phat she mija wan. Krai mren maiqse raq tsangshiq mang ka maiq ma manson chang ashi ikhiishe mitiija wan. Kriika ümchaü min nguruqli ngutlo.

JEREMIA 25:9

‘Ngi raq mangjong maiqse tlotli khuthaq na, shekhu nü mung wa, re mitiikiha, kiimaq ijaqshise Bebilon Hokhamwe Nebukadnejar kriishe mitiikiha. Ngi raq tsangshiq kra sheaho lata Juda mungti nai Juda mung tro na siti maiq mung thun kra mitiikhat wanha. Ngi raq armung ara kiimaq armung tro na siti maiq mung thun kra wiita re ma tiikhat lata botkhulai rai she pattup miitu mishotbaiqha. Maklii jai na tiijangphat kiimaq maiqphiip maiqjiip she mitiithen baiqha. Arka Ngi, Tatiwe raq toqtan tiikang.

JEREMIA 26:6

Namshiq raq ibomchong ka tlea wanruqli la riihanla, Ngi raq Shilo chela wa asii jam ka jamkho tiithen baiqkang, kiikha, ara Shomjam armin atiithen mirbaiqha. Kiimaq maiq mung thun raq ara chela mang ka chong raüta manson shiiton miishe mitiija.”

JEREMIA 29:18

Ngi raq tsangshiq ka re ma mitiijo wanha. Ram tiidong lata, ram ma mitiihaüha, kiimaq tsangshiq ma tha mitiidongha. Raüta tsangshiq thenjen wan kra chhi raüta mangjong hiq na siti maiq mung thun tlotli ka phiip raq mitsai. Ngi raq tsangshiq ka barap binrii na mitiipin baiqha. Tsangshiq thenjen wan ka chhi raüta mangjong maiqse ka akii anyii phiipraq atsai miraq. Maiqse raq tsangshiq ka aslailii, ashummii she mirwan. Raüta tsangshiq mang ka chong raüta maiqse liipan na manson bom shiiton ma mitiija wan.

JEREMIA 48:27

Mob lei, ümtsan na tiitsang laq, ümniiraq Israilnok ka jamkho naiküsiq laü ira? Ümniiraq tsangshiq ka thiimeaq kong rai alap wan ikha haihii laü ihata.

JEREMIA 51:37

Kra mung ka hiqmiq changkhü miishe mijaki. Kiijaq rumngam phongli she misi wan. Kriika aliilot chang riimak miraq. Maklii jai na tiijang phat miraq. Kiijaq maiq ka simak she. Kiimaq kra mung ka chhiti maiqse kunli ka phiipraq mitsai.

AJONJÜ 1:21

“Ngi hannyi tailaq, ngi khrumti jumin ahüshe. Ümniiraq ngi ma waqkhükham tiinyang laü, irewe thun ka chochikhiq she. Ümniiraq khamkuq laü ranaiq ira tiisaü laq, ijaqtinok kiimin ngi akhiisii michamchao laq.

AJONJÜ 1:8

Apaiq shreng manto thumto she, Apaiq ümchaü naiqhü ma she. Maiq thoda na chetlo. Angam agu amitsi ma hanynyi tlo, Jeasitsi ma atok hiq na kushat. Jerusalem raq akhum ka achong lot mai, ashut ashai ngarai klo raüta sheshi wanto.

AJONJÜ 2:16

Ümjaqtinok raq ümniika slailiisiq tlo, kiimaq ümtheaphi na liiraü raüta, thophi riiqphi tsaihai wantlo. Tsangtili ka leahihi raüta, “Naishiq raq tiithenbaiqkai! Nashiq raq ara akhing ardea khe wan kai ihata!” nguta slaisiqtlo.

AJONJÜ 2:6

Apaiq shomnoq chang Jam, bunlak buncha tiibun baiqto. Apaiq raq asii liipan ranaiq thun, nai Asii Niitiitsak Ranaiq lang akhing, wiita tangta baiqto. Atsankhiq moho sintsang ka, Hokhamwe nai ramwebi ma, pilichhaq tiihoto.

EJEKIEL 16:13

Ümniima chaq nai kampho laktum thun kuq kang. Kiimaq ümniiraq wranaiqshe aheawiq awaiq angon raihi-nairai nai nairai maq ataq khea samtlaü. Kiimaq ümniika ahea pinthum bunwong wongwin maq alum winsii kli phaqsiq wan laü. Kiimaq ngiq ngu nai olip tai maq ashong lum phaq asea kli phaqsiq wan laü. Ümsham hea wa ka makse chathit achhai anyii wali riiliip riiliip silaü. Kiimaq ümniika hokham nyung miishe jawan laü.

EJEKIEL 16:14

Ümshamhea tsomwa ka mangjong hiq na maiq mung ümchuwa sitlaq kriithun na ratsa la ratsa she nyam wanto. Ümshamhea ka minhap. Jamkhano ngukla Ngi raq ümsham ka tarü thaq na ahea atsom pinthum tiijakuq kang.” Arka, Tati Rakaü Hiqwe raq ngutlo.

EJEKIEL 23:32

Tati Rakaü Hiqwe raq ngutlo, “Ümniiriimin ümnyi raq nyangtaq khap kiiwa minyang haü; kra khap ka ajong kiimaq atsaü wiq. Maiq wiitarü raq ümniika shummiikhiq misaisi wan; kra khap ka amatup she.

EJEKIEL 25:6

“Tati Rakaü Hiqwe raq akha ngutlo: Ümniika ümjaq phi ka phok laüta adoqhaha chojong chise chochisiq laü. Ümniiraq Israil mung ka thophi riiqphi saisi laü.

EJEKIEL 5:15

“Ümtiikiiwa Ngi ka itsankhiq tsi hea walü wa ikha ningkhan ümniima mo tiihotiikang kra chhi raüta, ümtro na siti maiq mungti thun ka phiip raq mitsai. Tsangshiq raq ümniika chuphit nüphit raüta milii kiimaq ümniika mislailii.

DANIEL 9:16

Ümniiraq man na naishiq tiikhup wongkuq wan laü. Krai mren, ümchaü min Jerusalemti ma ümtsan ka naq tiikhiq kiq she. Kriika ümchela, ümnaq asii hiqlam. Naimung tro na siti mung ahinti tlotli raq, Jerusalem nai ümsenginok ka shummii laqpii she saisitlo. Arka naishiq ngarai khana kiimaq naititiim raq abi ashut klo wantaq kriikha na shummiitlo.

Mikha 6:16

Ara chongtiikang sumrum wan thun ümniiraq mirhum haü, jamkhano ngukla, ümniiraq, Hokham Omri nai ase Hokham Ahab, raq ashut tri langwantaq kra phan wan laü. Ümniiraq tsangshiq ashut tri lam ka lang wan laü, Kriikha na ngi raq ümniika mishthen baiqha. Krai mren maiq tarü raq ümniika mishummii. Maiq barapseti raq ümniika misaisi wan.”

NAHUM 3:19

Ümmi phum chang tsiq ahü she, kiimaq ümmitsi hea lot mak. Ümnaq then wan tsütsa taitibi, chochi raüta jaqphi phoktlo. Jamkhano ngu raüla, ümniiraq abi kiimung wan kra, riihum wan makti maiq asi shea?

JEPHANIA 2:15

Jarap jirap siwanti chela ka, maiqmii ningkun kiidea ajong nguta, shiikong mlong siti ka, kiimaq jamlai riimin chhechha lot mak nguta, tiimaseati ka akha mithenki. Kra chelati raq tsang chela kli, mangjong hiqraikhü na ajong pinthum nguta, tiimasiqtlo. Kriika hiqmiq changkhü miishe mijaki; kiijiika rumnyamsekong li she misi! Maiq loweatek kra lam maq khumti, kra chhi raüta phiip raq mitsai.

Matthew 27:39

Kiimaq, maiq kra lam maq lea wanti raq, Jesuq ka chhi raüta, tsangshiq raq apaiq ka thophi riiqphi, tokbai laqbaiq raüta slailiisiqto.

Mark 15:29

Kra akhing na mungmaiqse ka kra lam maq akhum ashiim wantibi riimin, alea wan lam maq, tsangshiq ka tokbai laqlaq raüta, “Aha! ümniisha Shomjam ka runbaiq laüta, ranaiqtsam liipan niili mihai ha nguta ngoti we ira!