Acts 3:26 - ASII LAKDAP Bible (BSI)

²⁶ Riita, ara chongtiikai arai mren, Shiikeawe raq Akoli se ka shongto. Raüta, apaiq ka namshiq phana kongkhu tiikito. Ara tiikitaq arka, namshiq ma achu shiiman kekai tiikito. Kiimaq namshiq ka maiqmii ngarai lamphan kra miimbaiq thü lanta, Shiikeawe wokhong na tiijang shea kai nong miitu tiikito.”

Hawa Naga Bible 2001

²⁶ Kvkhoc rvtueq nuimshiq layx bac lvmx htenc kuex tuip gay shec ruiux, ruimrix lvp wvnc tvkoc Tishox rueq vpiq Nvrc Waz kuex nuimshiq kox nuex vphaungc tvkaz tueq,” ngoz tueq Peter rueq jungphvnx kuq tueq.

Muklom

²⁶ Etho nim ngarey lam wang kaley eq nim ma sunmaan kot ma Shkewa usanga nim jamnáng jakho takat tapha.”

Acts 3:26 Referencias Cruzadas

Tvtsvmc 72:17

Hokhamwe mang ka ümtiikiimin laqmak she mirlaq; rashe ümkhiiwa thumkimak phan sitlaq kiikha apaiq mangchong kra misilaq. Shiikeawe raq hokhamwe shiimantaq kiikha tsang mung thun kiimin mishman laq nguta tsangshiq raq Shiikeawe jaq wa achu mijaülaq.

JEREMIA 31:18

“Ngi raq Israilnok ka tsanbitsi ma akha bomtlo tai tiikang, ‘Tatiwe naishiq ka rum ngamse tiipok hü ikha sitiikai, shatmaq ümniiraq naishiq ma ümnaq aming lang miitu shrinkuq laü. Naishiq ka sheawan nonglaq; naishiq ka ümwokhong na nyap wan miitu khekham sitiikai, Tatiwe, naishiq Shiikeawe.

Matthew 1:21

Apaiq raq ase ka maiqwe se michii. Kiimaq ümniiraq no ka Jesuq nguta mimang haü. Apaiq raq anok abin wiita tsangshiq ngarai mong wa michhii kuq wan.”

Matthew 15:24

Kiijiishe Jesuq raq treto, “Ngi arka Israilnok phan wa skuse kong amii arki ikha sitlaqti kra thun miituli atiiki.”

Luke 24:47

Kiimaq, apaiq mang na ngarai tiidii wan tsütsa nai ngarai diike wan tsütsa kra, Jerusalem maq phaho raüta, mangjong hiq tlotli na chongke wan chang miraq.

John 4:22

Namshiq Samaria phan riika, riikhaqli maq juwa shomnoq tlan kriika sap man. Shatmaq, naishiq Jehudinok phan riika juwa shomnoq tiikai kriika asap hai. Ara jamkhano chongtiikang ngukla, Shiikeawe raq maiqse ka jamkho tiichhii tlaq, kra lam phan chongketi ka, naishiq Jehudinok phan lümaq chongkuqtlo.

Acts 1:8

Shatmaq, ümtiikiiwa Asii Wenyi ka namshiq khum niishe saüki tlaq, kra akhing na, namshiq ka Asii Wenyi raq kunli arom mir wan. Krai mren, namshiq raq ningkun jonghea milap han. Kiimaq, kra ningkun lü miishetiq, namshiq ka i hakhi ma mija lot han. Lanta, namshiq raq Jerusalem na, Judia wang tlotli na, kiimaq Samaria wang na, kiimaq ra takiq na mangjong hiq sitlaq kriithun tlotli na, namshiq raq ngi rai jamkho mang riisap wan lan, kra hakhi she michong kuq han.”

Acts 13:26

Paul raq tsangshiq ma, “I phan i maq Israilnok Abraham saü asetiim, kiimaq Shiikeawe ma haisong tsantsii thü wanti Pongnok phan maiqsetiim lei: Ara chong tiikang tiichhii wan tsütsa arka, Shiikeawe raq nashiq tarü miitu tiisaü hoto!

Acts 2:24

Shatmaq, Shiikeawe raq apaiq ka amaa wa tiidong wanto. Shiikeawe raq apaiq ka atsai ningkun kharü mong wiishe daa wanto. Ara jamkhano chongtiikang ngukla, atsai ningkun kharü raq, Jesuq ka ümkhiiriita jiimin kha lot mak.

Acts 2:32

Riita, ija, ümchaü ka ara Jesuq arka amaa wa, Shiikeawe raq tiidong wanto she dea nguta, naishiq tarü raq asap hai kha maq, hakhi kuq tiikai.

Acts 26:20

Ngi raq mungmaiqse ma, namshiq ngarai ka tiidii wan tlo ronglaq. Lanta, Shiikeawe puk na nyap wan tlo ronglaq, lanta tsantsii klai wan kai she nguta, maiqse raq mak maq chhi tai wan li chang, namshiq jaqsham kaiwa ahea awa kra shamlam wan lili lantiishe, rilung jaqsham nai namshiq chapnai nga maq tiichhi kuq wan ronglaq, nguta tsangshiq ma traho bom chongkuq wan kang. Ngi raq ara traho bomchong ke wan jaqsham arka, apha na Damaskas na tra hokuq wan kang. Lata Jerusalem niishe tra hokuq wan kang. Kra jai miishe, Judia wang tlotli niishe tra hokuq wan kang. Kiimaq Pongnok phan maiqse miishe tra hokuq wankang.

Acts 3:13

Natitiim Abraham, Isak kiimaq Jakob Shiikeawe kiimaq natitiim Shiikeawe raq Ajaqshi se Jesuq ma, Shiikeawe apaiq asii khushü ngao kriika ake kun she. Shatmaq, namshiq raq, apaiq ka lap lanta, Jehudinok jaq na kiinong kuq lan. Kiimaq, lanta, Pilat raq apaiq ka namshiq makki na, apaiq dü na kha ahü, atiidong baiq chang nguta, kha ka photo. Shatmaq, namshiq raq apaiq ka atiidong baiq raa mak dongdii ngutiishe, tiishaü baiq lan.

Acts 3:15

Namshiq raq maiqse ma tsitsü raüchong tiichamketi we kriika, atsea riibaiq lan. Shatmaq, Shiikeawe raq apaiq ka amaa wiishe hali tiidong wan nongto. Kiimaq, apaiq ka amaa wa dong wantaq kra chhi wantibi hakhi ka naishiq sitiikai.

Acts 3:20

Tati Shiikeawe raq namshiq ma wenyi rilung na phintsaqtsaq hea miishe siwan miitu, akhing ahea mikuq. Apaiq raq namshiq miitu, Jesuq ka Khristo nguta man niiphü ashong wan kun she dongdii. Krai mren, apaiq ka namshiq phaniishe mitiiki.

Acts 3:22

Arka, man na Mosheq raq chongkuq thütaq kriishe hong wanto. Mosheq raq akha chong thüto, ‘Tati Shiikeawe raq ngi ka namshiq miitu shammi ma jamkho shongtaq, kiikhiisii hali, apaiq raq namshiq miitu shammiwe weshi hali mishongkuq wan nong. Kiimaq apaiq ka namshiq nok phan wa mitsea wan. Namshiq nok raq, apaiq aming kra wiita phaqchii nichii maq lang chang miraq.

Acts 3:25

Namshiq ka shammi lai ala nok sitlan. Kiimaq Shiikeawe raq namtitiim rai tongshong wantaq kra ramkham maq tiibok wanje she. Shiikeawe raq Abraham ma, ‘Ümsaü ümsetiim lümaq, ngi raq mangjong maiqse tlotli ma achu mishman kuq ha,’ nguta kiqkham kuqto.

Romans 1:16

Ngi ka Tsütsa Ahea bomtsi ka nanok ma chongke miitu jeasi mang. Jamkhano ngukla ara Tsütsa Ahea bomtsi na ningkun asi kiimaq kiima kam lata, tsankhun maq sitiikang. Maiqse angu wa, jurwa Jesuq ma kamtlaq, kriiti thun kunli ka, ngarai mong wa tiichhii wan miitu ningkun ka Tsütsa Ahea bomtsi na sitlo. Arka, apha na Jehudinok ma chongkuqto. Kiimaq kra jai maq, Pongnok phan maiqse miishe chongkuqtlo.

Romans 15:29

Riita, ngi riika asapha. Khristo raq akuq, achu shiiman ka, asho awo howan latiishetiq, ngi ka namshiq phana misaü wan kang.

Romans 15:8

Ara jamkhano ngutiikang ngukla, Khristo kitaq kriika, Jehudinok khrumkai nguta kito. Apaiq saükitaq arka, Shiikeawe raq Jehudinok titiim ma, kiqkham raüpot khakuq wantaq kra tiikupikai nguta kito.

Ephesians 1:3

Riita, ümchaü sanha, nashiq wiitarü raq, Shiikeawe, Tati Jesuq Khristo ma Awejong Shiikeawe ma, kechu tum rong i! Ara jamkhano chongtiikang ngukla, nashiq ka Jesuq Khristo rai pumshi hanshi she tiipum wan kai krai mren, Shiikeawe apaiq raq, nashiq ma ramungtan na ümchuwa achu shiiman sitlaq kra, wiita kuqto she.

1 Peter 1:3

Nashiq raq Shiikeawe, nashiq Tati Jesuq Khristo ma Awejong ma kechutum rong i! Apaiq raq nashiq ka, apaiq mongpo pankuq li khan lungwii tlo. Kriikha maq, apaiq raq Jesuq Khristo ka amaa wa tiidong wan raüta, nashiq ma rilung anye kuqto she. Ara kam tiikai arka moki mak phan.

1 Peter 3:9

Bombi ka bombi maq naq songkuq rongkiq. Kiimaq manson ka manson maq naq songkuq rongkiq. Kra rii na manson ka achu shiiman ramram maq songkuq ronglaq. Jamkhano ngukla, Shiikeawe raq namshiq hea wantaq akhing na, namshiq ma achu shiimanke miitu hea wanto.

Jude 1:24

Namshiq ka tiichhan mak maq tiiwongketiwe, kiimaq namshiq ka shutphit ahü siirairai maq apaiq khushü ngao chhainyii mong na shea wantiwe, kiimaq chojong chise maq kiijaq mantut na tiichap wantiwe--