Acts 3:25 - ASII LAKDAP Bible (BSI)

²⁵ Namshiq ka shammi lai ala nok sitlan. Kiimaq Shiikeawe raq namtitiim rai tongshong wantaq kra ramkham maq tiibok wanje she. Shiikeawe raq Abraham ma, ‘Ümsaü ümsetiim lümaq, ngi raq mangjong maiqse tlotli ma achu mishman kuq ha,’ nguta kiqkham kuqto.

Hawa Naga Bible 2001

²⁵ Vpiq shvmmax bix maq raz tueq nuimshiq muex Tishox rueq kuq tueq bomkhvmc htenc kuex nuimshiq tvkoc rvtueq, nuimshiq jix vwaz tamx rulc Tishox rueq tvhungx wvnc tueq bomkhvrc htenc rulc muinz seng yaq rvtueq. Vpiq rueq Abraham muex, ‘Msuiuz msaz hez ningkhvnc nuex ghaq htauk wawc miqsaz lotlaz rueq ruimrix kejux lvp wvnc wuez shuex,’ ngoz tueq.

Muklom

²⁵ Shkewa rangsamal tang tungkang o rangtum ta tha nim rangma, etho piq aa tey aa wa jamoq raaqkhak hunta shina nim tho urum ang inn. Piq aa Abraham ma batta, ‘Nim phi aa lí tungkang o nga mung wang chamtan miqtang ma sunmaan kot náng.’

Acts 3:25 Referencias Cruzadas

RAPHA HIQWA LAK 12:3

Jurwa ümnaq shiimantlaq kriiti ka Ngi raq mishmanha, Shatmaq jurwa ümniima mansontlaq kriiti ka Ngi raq misonha. Kiimaq ümnaq lümaq Ngi raq mangjong maiqse kunli mishmanha.”

RAPHA HIQWA LAK 17:19

Shatmaq Shiikeawe raq nguto, “Riimak. Ümjamti nyung Sara raq ümniima ase maiqwese ashi mihumkuq. Kiimaq ümniiraq apaiq ka Isak nguta mimang haü. Ngi raq itongshong raukha ka apaiq rai she mithüha. Kiimaq apaiq lai ala phan rai pattup pat-sa miitu mithüha.

RAPHA HIQWA LAK 18:18

Apaiq saüse phan thun ka maiq mung jonghea ashi kiimaq maiq pahea ahong ala mung ashi miishe mija wan. Kiimaq apaiq lümaq Ngi raq maiq phan thun tlotli mishmanha.

RAPHA HIQWA LAK 20:7

Shatmaq ümchaü maiq nyung ka tsangwe miishe jangkuqlaq. Apaiq ka shammiwe. Kiimaq apaiq raq ümnaq miitu achu mijaü kuq. Kra riihaüla ümniika tsaimaü mirhaü. Shatmaq ümniiraq kriinyung ka apaiq ma jangkuq maü riihaüla, Ngi raq ümniima hon lam bom chongtiikang, ümniika mitsai haü, ümnaq nai ümsenginok ka mijiimhan.”

RAPHA HIQWA LAK 22:18

Ngi raq ümsaü ümsetiim shiiman kuq kang kiikha maiq phan wiita raq Ngi ma tsangshiq kiimin shiiman kuqlaq nguta mijaü. Jamkhano ngukla ümniiraq Ngi aming langlaü.”

RAPHA HIQWA LAK 26:4

Ngi raq ümsaü ümsetiim ka ra na raiqsaiq diimtlaq kiikha awealot mai mitiipu kuqha. Kiimaq Ngi raq tsangshiq ma armung thun ara tlotli mikuqha. Ngi raq ümsaü ümsetiim shiiman kuq kang kiikha, maiq mung thun tlotli raq tsangshiq kiimin shiiman kuqlaq nguta Ngi jaq wa mijaü.

RAPHA HIQWA LAK 28:14

Tsangshiq ka hiq raikhü na botkhulai riiphongtlaq kiikha awea lot mai miraq. Tsangshiq raq tsangshiq hiq rai ka trotam na mitiijong wan. Kiimaq ümnaq lümaq nai ümsaü ümsetiim lümaq, Ngi raq maiq phan thun ka mishman kuqha.

1 KAÜWA WERAÜ 16:16

Apaiq raq Abraham rai tongshongto, apaiq raq Isak ma kiqkham kuqto.

1 KAÜWA WERAÜ 16:17

Tatiwe raq Jakob rai tongshongto, kriika pattup pat-sa misi wan.

NEHEMIA 9:8

Ümniiraq apaiq ka tsapkapkap maq, ümnaq lungwiitiwe nguta sap wan laü. Krai mren ümniiraq apaiq rai, tongshong wan laü. Laüta ümniiraq apaiq ma, Kanannok hiqshong, Hitaitnok nai Amoraiqnok hiqshong, kiimaq Perisaiqnok hiqshong, Jebusaiqnok nai Girgashaiqnok hiqshong thun kra, apaiq saü setiim hiqshong ma, tiite wan miitu mikuq wan ha, nguta kiqkham kuq laü ihata. Krai mren, ümniiraq ümkiqkham ka, kunkun shiikupi kuq wan laü. Jamkhano ngukla ümniika tsapkapkap maq, kiqkham raüpot rümwantiwe.

Tvtsvmc 22:27

Mangjong maiqse kunli raq Tatiwe ka tsan na mitiitsang. Mangjong hiqraikhü na siti barapseti apaiq wokhong na minyap wan; Maiqphan tlotli raq apaiq mishomnoq wan.

Tvtsvmc 96:7

Tatiwe tiitsam ronglaq, mangjong maiqse wiita raq; tiitsam ronglaq apaiq khushü nai aningkun ka.

Luke 1:72

Apaiq raq na saü nase pat niimin, kaphap mangchan laq mang nguto. Apaiq raq tongshong khoqram kii ka thaq mang nguto.

Acts 13:26

Paul raq tsangshiq ma, “I phan i maq Israilnok Abraham saü asetiim, kiimaq Shiikeawe ma haisong tsantsii thü wanti Pongnok phan maiqsetiim lei: Ara chong tiikang tiichhii wan tsütsa arka, Shiikeawe raq nashiq tarü miitu tiisaü hoto!

Acts 2:39

Ara jamkhano chong tiikang ngukla, Shiikeawe raq ara kiqkham raüpot khakuq wantaq arka namshiq miitu. Kiimaq, namsaü namsetiim miitu. Kiimaq ara kiqkham arka, maiqse angu alulang na ümchuwa sitlaq kriiti thun ka, nashiq Tati Shiikeawe raq, apaiq rii she nguta hea wantiiti thun kra kunli miitu.”

Romans 15:8

Ara jamkhano ngutiikang ngukla, Khristo kitaq kriika, Jehudinok khrumkai nguta kito. Apaiq saükitaq arka, Shiikeawe raq Jehudinok titiim ma, kiqkham raüpot khakuq wantaq kra tiikupikai nguta kito.

Romans 4:13

Akhing ashi na Shiikeawe raq, Abraham nai apaiq lai ala phan maiqse ma, ara mangjong hiq arka, tsangshiq rii she mija wan nguta, kiqkham kongphiq raüpot khakuqto. Shiikeawe raq ara kiqkham kongphiq raüpot khakuqtaq arka, Abraham raq Thungtri ka samheawiq maq lang tlo nguta akuq ka riimak. Shatmaq, apaiq raq Shiikeawe ma kamtsantsii thü wantaq, kra thaq na seng raüta, apaiq ka Shiikeawe raq kechu maiqse she nguta, apaiq rai wehea she tiija wanto. Kra ningkhan tiina, apaiq ma kra kongphiq khakuq wantaq kra.

Galatians 3:16

Riita, Shiikeawe riika, Abraham ma nai Abraham lai ala ma, kiqkham raüpot kha kuqto. Riita, ara chong tiikai kiqkham bomtsi arka, Asii bomtsi na waiqto. Kiijiika, “Asetiim ma,” nguta, asetiim apawiq ma khamke wan bomtsi ka ahü.

Galatians 3:29

Riita ija, namshiq ka Jesuq Khristo rii she nguta sitlan jiika, namshiq kiimin Abraham setiim siisaq she. Kiimaq krai mren, Shiikeawe raq jamlai wa mikuq ha nguta, Abraham ma kiqkham kuq taq, kra achu shiiman tachong hupsam kra, milap wan she nguta kamto maq sirong laq.

Galatians 3:8

Asii bomtsi na, kongkhu miiphü dongdii, Shiikeawe raq Pongnok phan maiqse ka, apaiq ma kamtsantsii thü tlaq kra lümaq, tsangshiq ka kechu maiqsetiim ma mitiija wan nguta chongke thü je she dongdii. Kiimaq kra chongtaq krai mren, Asii bomtsi raq, Abraham ma: “Ümrilung lümaq Shiikeawe raq mangjong maiqse wiitarü ma achu shiiman mikuq,” nguta Tsütsa Ahea chong kuq thiito.

Revelation 14:6

Kiijiishe, ngi raq rase ashi chhi nong kang. Apaiq ka ratsan ramong nyang na abisea riito. Apaiq ka pattup pat-sa Tsütsa Ahea mangjong maiqse tlotli ma tiitaiketi. Apaiq raq kra tsütsa ka maiq kaüwa weraü tek ma, maiq aphan tek ma, maiq abom pongbom bomtlaq tek ma, kiimaq maiq amung amung tek ma tiitaike kai nguta kitlo.

Revelation 5:9

Atra ngam kaütiim nai nyungwere raq Skuse ma tiitsam shi anye ashi akha shito: “Maiqshaq ka ümniili ara lakdam kom jaüti. Sil atrap phan kra tiibun laüta lakdam kom linti ka ümniili. Ümniika maiqse angu khupi ma tsat baiqto, Ümniika honglu na tsai laü. Laüta ümtiijai maq rilaü Shiikeawe miitu, maiq aphantek wa, abomtek wa, amungtek wa, kaüwatek wa.

Revelation 7:9

Arjai miishe, ngi raq liinong kang. Liikangta, kiijaq mungmaiqse phong angu kla jako michong. Ahing amun, awea lot chang riimak chhikang! Tsangshiq ka maiq aphantek wa, kaüwa tek wa, mungtek wa, kiimaq maiq aphan aphan bom tek wa athung rai. Tsangshiq ka hokham ngacho na ngati we nai Skuse ngacho khaki nü na chap raqraq maq thungto chhikang. Tsangshiq ka khealü miirii samtong jong sam raq chhaq riito. Kiimaq tsangshiq jaq na taitsi hii doraq chhaq maq chapraq raq riito.