Acts 4:1 - ASII LAKDAP Bible (BSI)

¹ Petar nai Johan raq mungmaiqse ma traho bom chongke ka mithum shaq liipan niili, ramwebi phong wa wiijamti, kiimaq shomjam kheti peta siihiipwe kiimaq Sadusinok wa maiq wiijamti ka shomjam na dongchhaq li saükito.

Hawa Naga Bible 2001

¹ Peter nuiyc Yohan rueq nuk miqsaz muex jungphvnx kuq yaq nuex shomc waz hez, shomc yuimx bvmc jix nolaungx yungx bix nuiyc Saduke nuk wvyvmc kuex httuiuc kaz tueq.

Muklom

¹ Peter nia John aa miqtang ma bat cheyta tho, tingwa tang, rangnuk him ajong ubantey etho Saddusi tang thuta.

Acts 4:1 Referencias Cruzadas

Matthew 16:12

Kra tiitsang chongkuq kiita shetiq, ajaqshisetiim raq apaiq raq tsangshiq ma pithob maq shiiton chongtaq kriika Phorisinok nai Sadusinok traho bom chong kra nangnga ngutlo ngutiishe takto. Apaiq raq tsangshiq ka winsii sho chang pithob kriima honkam bom ka riimak nguta sapto.

Matthew 22:16

Raütiishe tsangshiq raq tsangshiq jaqshisetiim wiijamti ka Herod sengibi rai adam maq, Jesuq phana tiiwato. Raüta tsangshiq raq Jesuq ma bom ka akha waito, “Shrinketiwe naishiq raq asap hai, ümniika tingting maiqse. Shiikeawe bomtsi lang raüta maiqse loweatek ka Shiikeawe wokhong na jamkhii shongnga chang wa kra bomtsi ka kholam kholiiq khaqkhaq chongkuq tlaü. Maiqse raq jamlai wa tiima tlaq kra thaq na seng laütiika chong maü. Kiimaq maiq ka asham na lii laüta tiikhothiq maü phan.

Matthew 27:20

Kra liipan bala, ramwe jongbi nai welabi raq mungmaiqse ma Pilat jaq wa Barabas ka tiidongke ra. Kiimaq Jesuq ka atsea riibaiq ra, nguta jaü ronglaq nguta, raikao ka atat wishe riito.

Matthew 27:41

Kra niq riri sii hali, ramwe jongbi nai Thungtri shrinketibi kiimaq welabi riimin apaiq ka akha slailiisiqto:

Matthew 3:7

Shatmaq, Johan raq Phorisinok nai Sadusinok ka apaiq phana khamlamkai nguta pahea akai rai kra chhi raüta, tsangshiq ma akha sonto, “Namshiq ka paüsang nyiqla ikha khonglaq tlan! Namshiq ka Shiikeawe raq ngarai maiqse ma chamchao tiisaüho tlaq kiiwa kham lam wan laita mihang wanlot rong i ngutiisha tiima tlan?

Luke 20:1

Ranaiqshi Jesuq ka Shomjam na nokwe ma, Tsütsa Ahea shrinke rea nai traho bom chongke rea riito. Kra akhing na, ramwe jongbi nai Thungtri shrinketibi thun ka welabi rai adam na ri raüta, Jesuq phana wato.

Luke 22:4

Krai mren she, Judas ka ramwe jongbi nai Shomjam kheti hokra siihiipbi rai, apaiq raq Jesuq ka tsangshiq ma mishaphaq lot ha nguta bomhuk riichong kito.

John 15:20

‘Dise ngutlaq kriika atijong we thaq na ajong ka riimak,’ nguta bom tiihap hong chong tlaq bomtsi ka ngi raq namshiq ma chong kuq pha she ihata. Tsangshiq raq ngi santla tiichamchao wantaq jiika, namshiq kiimin mitiichamchao wan dongdii. Tsangshiq raq i bomchong ka tai raüta lang wantaq jiika, namshiq bomchong kiimin mitai wan, raüta milang wan.

John 18:3

Krai mren, Judas ka Roman phenlanok kongshi, kiimaq ramwe jongbi nai Phorisinok raq atiiwa Shomjam kheti petanok kriiri kongshi shea wan raütiishe kra, Olip pero kiina wawanto. Tsangshiq ka rewa awarai. Kriikha maq, tsangshiq ka wiija wiipiq, kiimaq waniitei thun piraq chhaq kiimaq lemtem thun ka doraq chhaq maq kiijaq saü wanto.

Acts 4:6

Tsangshiq ka Ramwe Ajong Pinthum We Annas rai riihumto. Kiimaq Ramwe Ajong Pinthum we jamti welabi, Kaiaphas, Johan Alekjendar kiimaq tsangta wa maiq welabi ahinti sitlaq kriiti thun rai min riihumto.

Acts 5:17

Arthun ara chhi raütiishe, Ramwe Ajong Pinthum we nai akongtibi kiimaq, kiiwa nokti Sadusinok phung raq kiimwebi ka pinthum makshu rashe miishe shulii wanto. Krai mren, tsangshiq raq kiimwebi ka atiichamchao chang ngutiishe bom ka riichongto.

Acts 5:24

Kra tsütsa ka Ramwe jongbi nai Shomjam kheti peta siihiip we raq tairaüta, kiimwebi ka jamkho jakita nguta kai awang riito.

Acts 5:26

Kra tairaütiishe, peta siihiip we ka asengi petanok sheaho raüta, kiimwebi ka Rung na shea wanto. Kiitiina, tsangshiq raq ningkun ningkaq ka riimak. Ahea miili shea wanto. Nokmaiqse raq tsangshiq ka long maq tiiqbaiq jiiq nguta tsangshiq min ahai ka asi.

Acts 6:12

Tsangshiq raq akha lule klo raüta, mungmaiqse, welabi kiimaq Thungtri shrabi thun kra tiishai baiqto. Raüta, tsangshiq raq Stephen ka lap raüta, Rung na hit wanto.

Acts 6:7

Krai mren, Shiikeawe bomtsi ka maiq pahea raq taiwan wan she riito. Raüta, maiq pahea raq Shiikeawe bomtsi ma kamwanto. Krai mren, Jesuq ma kamwanti maiqnye kong ka, Jerusalem na pahea riiwan wan she pa wanto. Kiimaq ramwe weraü phan wa maiq pahea raq, Tsütsa Ahea ma kamwanto.