Acts 3:22 - ASII LAKDAP Bible (BSI)

²² Arka, man na Mosheq raq chongkuq thütaq kriishe hong wanto. Mosheq raq akha chong thüto, ‘Tati Shiikeawe raq ngi ka namshiq miitu shammi ma jamkho shongtaq, kiikhiisii hali, apaiq raq namshiq miitu shammiwe weshi hali mishongkuq wan nong. Kiimaq apaiq ka namshiq nok phan wa mitsea wan. Namshiq nok raq, apaiq aming kra wiita phaqchii nichii maq lang chang miraq.

Hawa Naga Bible 2001

²² Yvmx khoc lac ngoz ruiux lec Moshe rueq, ‘Taungjix nuimshiq Tishox rueq ngaz tvkaz phuex vkhoc shvmmax washiz nuimshiq kox nuex tvkaz shuex. Vpiq kuex nuimshiq phvnx vmaq mungx wawc dung tuex. Vpiq rueq jungphvnx yaq kvjaz htenc kuex nuimshiq rueq phvnx wuez shuinx.

Muklom

²² Chammatakoi Moses aa batta, ‘Nim Shkewa Teyhungwa eq nga mal ashey rangsamal takat na, etho piq sha nim miq angna. Piq aa nim ma chamta bat aa nim aa piq raaq sha tat ching.

Acts 3:22 Referencias Cruzadas

Matthew 21:11

Kiijiishe Jesuq jaiphan wawan damti mungmaiqse kong phong kra raq, “Arka Shiikeawe shammiwe Jesuq, Gelili wang wa Najareth hiq na siti we,” nguta nokwe bom ka treto.

Luke 13:33

Jaqsham tlot miitu, ngi ka ara napnai jihea liipan na, Jerusalem na misaü wan ha shaq wiiwii, khum wan ruq li mirha. Shammi ngutlaq kriika, Jerusalem niitiq dongdii tsai chang. Kriikha maq, tungkam lam jam na tsea baiq kriika thek mak.

Luke 24:19

Kiijiishe, “Jamlai mra thun wiita?” nguta Jesuq raq apaiq ma waito. “Najareth hiqti we Jesuq ma mra pintaq thun kra chongla,” nguta tsangnai raq treto. “Arwe ka shammi jong we riito. Apaiq raq ümtinkhan wa awang chang jaqshamto. Kiimaq bom chongkuq wanto. Kiimahali, apaiq ka Shiikeawe raq ashong nguta tiisapshat riito. Kiimaq mungmaiqse tarü raq, apaiq ka tingting maiqse dea nguta lang wanto.

John 1:17

Shiikeawe raq Thungtri ka Mosheq lümaq kuqto. Shatmaq, kaphap mangchan nai tengteng rilung ka, Jesuq Khristo lumiitiq kuqtlo.

John 12:46

Ngi ara mangjong hiq na kikang arka, maiqse ma rawü tli kekai nguta kikang. Krai mren, jurwa ngi ma kam tlaq, kriiti ka ranyaq nyang na simak she miraq.

John 5:24

“Ngi raq chong tiikang arka tengteng: Jurwa i bom chong ara tai tlaq kiimaq ngi tiikaiti we ma kam tlaq, kriiti raq pattup pat-sa rilung ka alap wan wishe. Kriiti kha ka apho chang ahü she. Amaa wa atra she.

John 8:12

Jesuq raq Phorisinok ma thongshi ri hali akha chongkuqto, “Ngi ahata mangjong maiqse ma rawü li. Juwa i puk na nyap tlaq kriiti raq rilung rawü milap wan. Kiimaq ümtiikiimin ranyaq mong na khum mak she miraq.”

Acts 7:37

Kiimahali, Israilnok ma, ‘Shiikeawe raq ngi ka namshiq phana jamkho tiikitaq kiikha, apaiq raq namshiq phana, shammi weshi hali mitiiki nong. Kiimaq apaiq ka namshiqnok phan wa mishong,’ nguta tsii chongke wantiwe ka Mosheq riito.

Romans 8:3

Maiqse han-ngam ningkun ajom kha maq, Thungtri raq jamlai wa klo wan lot mak dea riitaq, kriika Shiikeawe riishe klo kuq wanto. Apaiq raq ngarai sitlaq kra, Ase shaq ka maiqse ngarai han-ngam ikha khum ashi na, tiipoki raüta, ngarai ka maiqse han-ngam wa, Ase tiikitaq kra lümiishe shra baiqto. Kiimaq, ngarai kharü ka chumbaiq wanto she.

Romans 9:5

Tsangshiq kata chiisan Jehudinok phan. Tsangtitiim thun ka ajong ala, amang ra tsa ikha, lüsi lüwa siisaq siwanto. Atiisup niishe ka, Khristo maiqkhum na pokitaq kiimin, tsangshiq nok phan na pokito. Riita, ümchaü sanha, maiqse angu tarü raq, phanrap rümkomti we, Shiikeawe mang kli she pattup pat-sa mitiitsam laq! Amen.

Galatians 4:4

Shatmaq, riikhaqli akhing aten she saü wan kiita, Shiikeawe raq, apaiq ma Ase shaq kriishe tiikito. Apaiq ka mangjong han-ngam na, maiq nyung ashi wok na, maiqse ma pokito. Kiimaq Jehudinok Thungtri wokhong na si raüta, jonglu wanto.

Hebrews 2:1

Ara chongtiikai arkha maq, nashiq raq tai kai tengman tlaq bomtsi ka, tsan na tiitsang shat maq rüm laita lang rong i. Akha si riihai jiika, nashiq rilung na jamlai phan rathaiq rahai saü raü min, nashiq ka tiimeshi lot mak miraq.

Hebrews 5:9

Apaiq raq ajaqsham wan chang ümchuwa sitlaq kra, kunkun tiinyi sham wan kha maq, apaiq ka minhap maiqse ashi miishe jawanto. Krai mren apaiq ma kamwantibi ma apaiq ka tiichhiiwan tsitsü raüchong miishe jawanto.

Revelation 1:1

Ara lakdap arka Jesuq Khristo raq atiichhikuq mra thun pin wan bomtsi awaiq raüpot. Shiikeawe raq, Jesuq ma ara riisham bomchong ara tiichhikuqto. Arka asenginok ma jaqlo miili mra thun ka pin wan chang dongdii sitlaq kra michongkuq laq nguta tiichhikuqto. Khristo raq arthun ara ajaqshi se Johan phana rase ashi tiiki raüta tiichong kito.