Acts 3:23 - ASII LAKDAP Bible (BSI)

²³ Juwa kra shammiwe aming wokhong na simak, kriiti ka, Shiikeawe sengi phong wa ashleq mirbaiq. Raüta apaiq ka atsea mirbaiq,’ nguta chongtlo chhi tiikai.

Hawa Naga Bible 2001

²³ Kvruex shvmmax waz kvjaz tay phvnx muq jix ukhaq yuq muinz Tishox miqsaz wawc tv-phvlc vtueq tvbac gay rvhumc tuex,’ ngoz tueq.

Muklom

²³ Utang eq eshi rangsamal raaq tat moq, piq sha Shkewa miqtang wang adak som eq tathom chakna.’

Acts 3:23 Referencias Cruzadas

LEWI 23:29

Jurwa kra ranaiq phanshi ra phaqsiqtlaq kriiti ka Shiikeawe sengi nguta weamak she miraq.

Mark 16:16

Jurwa Tsütsa Ahea kiima kamwan tlaq, raüta kham lam wan tlaq, kriiti ka mitiichhii wan. Jurwa Tsütsa Ahea kiima kamwan mak, kriiti ma kha mitiiho.

John 12:48

Riita kriikha na, jurwa ngi ka shipoq tlaq, kiimaq i bomtsi ara lang mak riitlaq, kriiti khaphoke wanti ka phowe asi miraq. Ara ngi raq chongkuq tiikang i bomtsi arli she, phangthum ranaiq na, apaiq kha phoke wanti phowe ma mija!

John 8:24

Ara chong tiikang arningkhan tiina, namshiq ka namshiq maiqmii ngarai kho na dea lantli mitsai han nguta chongkuq tiipha ara. Namshiq raq ngi ka, ‘Ngi Santla Ngi,’ nguta tiichong tlaq we kriidea nguta kam man wiiwii, namshiq ka maiqmii ngarai mong niili mitsai han.”

Acts 2:41

Krai mren, Petar traho bomchong kra tai raüta, maiq pahea raq, Jesuq ma kamto. Kiimaq, tsangshiq ma kham lamkuqto. Krai mren, kra ranaiq liipan niili phungtu na maiqnye ka hingtsam tiitsuq shang wanto.

TRI CHONGKE 18:19

Apaiq raq i mang na bom ka michong kuq. Kiimaq jurwa apaiq bom taimak tlea tlaq kriiti ka Ngi raq mo mitiihoha.

Hebrews 10:39

Shatmaq, nashiq ka jai na janghoti, raüta tsailam phanhoti ka riimai. Shatmaq, kamtsantsii rümti setiim nguta sitiikai. Kiimaq, Shiikeawe ma kamtiikai. Krai mren, nashiq ka apaiq raq tiikhup wongkuq shat maq sitiikai.

Hebrews 12:25

Ümchaü sanha, phaq tiitsii ni tiitsii lantiishe, tai ronglaq. Shiikeawe bom chong ka, naq tlea rongkiq she. Shiikeawe tsütsa achong kuq, tai mak, shishetibi, ara mangjong hiq na siti maiqse ka, tiihang mak maq tsat wanto. Riita, ikhiijiika, ümchaü nashiq raq, ramungtan maq ki raüta, tsiichong keti we bom kra, tlea hai jiika jamkhii riita jiimin, hangki lot mai she miraq!

Hebrews 2:3

Riita, rasetiim lümaq atiichongkuq tsütsa bomtsi kra shishe wantibi thun wiita raq, Shiikeawe sintsang ka hophaqtaq jiika, ümchaü Shiikeawe raq nashiq ma tiichhii wan jonghea kilü dikuq wantaq, kra tsütsa ahea kra nashiq raq tai mai shishe hai jiika, Shiikeawe mo howan mai maq milun lot rong i sha? Kriiwa nashiq ka hangki lot mai miraq. Ara tiichhii wan tsütsa jonghea arka, Tatiwe apaiq raq akiq maq atiidea bomtsi. Kiimaq ara tsütsa tai wantibi tarü raq, arka poimak phan tengteng bomtsi dea nguta, nashiq ma hakhi kuqtlo.

Revelation 13:8

Mangjong maiqse, ra takiq na siti kunli raq, ara jü mong maq adong ngamthaiq kaü arshe mishomnoq. Shatmaq tsatbaiqtaq Skuse jaq na sitlaq, maiq atrati mang waiq chang lakdam na, juju mang wa ra nai hiq ara miphan sang shaq niiphü dongdii awaiq wan wishe asi, kriiti thun riili she, ara jü mong maq adong wan ngamthaiq kaü ka shomnoq mak miraq.

Revelation 20:15

Ju mang wa atra lakdap na ahü, kriiti thun ka ara walü tum wamungtan arjiishe tiidea baiqto.