Acts 3:21 - ASII LAKDAP Bible (BSI)

²¹ Shiikeawe raq awokhong na siti asii shammibi nübok maq, man na rathup rapha richü pat na, riisham bom tiichongtaq kra phanphan, Jesuq ka ramungtan na siruqli she misi wan. Apaiq ka Shiikeawe raq, ara phanrap ra nai hiq sitlaq ara, tingsang anye ma tiija wan rahiq akhing saü tlaq kiijaq saüli, ramungtan niili she mitiisi.

Hawa Naga Bible 2001

²¹ Mvnnuex maq phuex httax yaq vpiq vsawc shvmmax bix nuix maq raz tueq, Tishox rueq jungx wvnc tueq rulc rv-ngvlc vphaungc vyaungc kuex vnyalx tvdung sung wvnc yek shuex nuex httuiuc laz, Yesu kuex raungmungx nuex dvyx httax tuex.

Muklom

²¹ Shkewa jakho wang piq aa rangsamal tang nung wang raaq ta thaji tangwang anal ang wey moq nángduk piq mungtan na tong ching.

Acts 3:21 Referencias Cruzadas

ISAIA 1:26

Ngi raq ümniima ümmung pengti tuwe jongbi nai ümniima taksu tsü chongketi ka, man na rathup raphaji na ümniiraq jamkho riimwan laü kiikha hali mishong kuq wan nongkang. Kiijiishetiq Jerusalem ka kechu chela kiimaq tsapsaü kapse chela nguta mingu wan.”

Luke 1:70

Apaiq raq rathup rapha niiphü dongdii, Asii shammibi lümaq, nashiq ma kiqkham raüpot khakuq wanto.

Acts 1:11

Kiimaq, kra wenai raq tsangshiq ma, “Gelilinok lei, namshiq ka ajaq chap lanta, ra nü na liilanta jam nguta chapphaq sea wa? Ara Jesuq ara, ümchaü namshiq phong wa jamkho ramungtan na shea wantaq, kiikhiisii hali, ara mangjong hiq na mijangki nong,” nguta tsangshiq ma chongkuqto.

Acts 10:43

Shammibi thun wiita raq, apaiq mangchong tsa kra chongkuq wanto she. Apaiq ma kamwanti maiq loweatek ngarai ka Shiikeawe raq, Jesuq lümaq wiita midii kuq nguta tsangshiq raq chongkuqto.”

Acts 3:19

Riita, ümchaü min, ara chong tiikai arai mren, namshiq raq maiqmii ngarai ka tiidii tlo ronglaq. Lanta, Shiikeawe wokhong na nyap wan tlo ronglaq. Kra riihan jiitiq, Shiikeawe raq namshiq ngarai kra midii kuq. Namshiq raq kra riihan jiila,

Acts 3:20

Tati Shiikeawe raq namshiq ma wenyi rilung na phintsaqtsaq hea miishe siwan miitu, akhing ahea mikuq. Apaiq raq namshiq miitu, Jesuq ka Khristo nguta man niiphü ashong wan kun she dongdii. Krai mren, apaiq ka namshiq phaniishe mitiiki.

Romans 8:21

Shiikeawe raq phanrap ümchuwa phansang wantaq thun kunli raq, ranaiqshi shi akhing na, tsangshiq khum ka, arüm wan chang nai anam kai chang thiikho mong na ashaq baiq wan kiiwa, wiita adaa mirwan. Raüta, tsangshiq riimin, Shiikeawe setiim ma, achhai anyii wasetiim rilung achu shiiman pheakuq wantlaq, kra thun kra mirsha lap wan dam.

Hebrews 1:1

Richü pat na Shiikeawe raq natitiim ma, apaiq wokhong na siwan lamlu hon atsii ka jang pahea chongkuqto she. Kiimaq ra shammibi lümaq phanrap phanrii lam na seng raüta, tsii ka chongkuqto.

2 Peter 1:21

Jamkhano ngukla, riisham bomchong ka, maiqse tsan mong maq adong riimak. Shatmaq Asii Wenyi raq shammibi ka rom raüta, tsangshiq raq Shiikeawe nübok wa tsütsa taitlaq kra chongkuqto.

2 Peter 3:2

Richü pat na, asii ra shammibi raq chü rüm raüta, Shiikeawe bomtsi riisham bom maq chongkuq wantaq tsütsa kra nai nashiq Tatiwe kiimaq nashiq Chhii wanti we raq ashrinkuq Tsütsa Ahea kiimwebi lümaq namshiq ma chongkuqtaq kra, ümchaü namshiq ma bliiq chongke nong rotiikang.

Revelation 18:20

Chochi ronglaq, o ramungtan lei, arnyung thentaq ara miitu! Chochi ronglaq, Shiikeawe sengi, kiimwebi kiimaq shammibi lei! Apaiq raq namshiq ma haihii wantaq, kriikha na Shiikeawe raq namshiq tiichhii wan, apaiq ka tüsaiq she tiishut baiqto!

Revelation 22:6

Kiijiishe rase raq ngi ma chongto, “Arthun bomtsi arka tengteng kiimaq akam sea chang. Kiimaq Tati Shiikeawe raq shammibi ma Asii Wenyi pheaketi we raq arase ka tiikito she. Raüta jaqlo miili she jamlai phan mra pin wan chang wa sitlaq, kra thun ka asengi miishe mitiichhi kuq.”