Acts 3:13 - ASII LAKDAP Bible (BSI)

¹³ Natitiim Abraham, Isak kiimaq Jakob Shiikeawe kiimaq natitiim Shiikeawe raq Ajaqshi se Jesuq ma, Shiikeawe apaiq asii khushü ngao kriika ake kun she. Shatmaq, namshiq raq, apaiq ka lap lanta, Jehudinok jaq na kiinong kuq lan. Kiimaq, lanta, Pilat raq apaiq ka namshiq makki na, apaiq dü na kha ahü, atiidong baiq chang nguta, kha ka photo. Shatmaq, namshiq raq apaiq ka atiidong baiq raa mak dongdii ngutiishe, tiishaü baiq lan.

Hawa Naga Bible 2001

¹³ Abraham nuiyc Esak, Yaku hez Tishox ngoz yaq, naungshiq jix vwaz hez Tishox rueq vpiq nvrc waz Yesu muex ngauz vngax tvdung kuq tueq. Yuq muinz nuimshiq rueq vpiq kuex vrangx vpangx vhttax jix muex lekuq gay ruiux, Pilat rueq doc muinz vpiq kuex tvdungc gay tvkoc htvp htaz kv-phuinx tueq, nuimshiq rueq Pilat htumc nuex vpiq kuex tvdux gay tuit.

Muklom

¹³ Abraham, Isaac etho Jacob Shkewa bara í aa tey aa wa Shkewa, piq aa usanga Jesu ma uphun amun sha kot ta. Etharin nim aa piq sha jaktáng o shingtey tangma thalo tin, etho Pilate aa piq sha qhap ma nukta etharin nim aa ràa moq ta raaq tin.

Acts 3:13 Referencias Cruzadas

DUNGWVNC 3:13

Shatmaq Mosheq raq treto, “Riita ngi ka Israilnok phana kilata, tsangshiq ma, ‘Namtitiim Shiikeawe raq ngi ka namshiq phana tiikito,’ nguta nguha jaq tsangshiq raq ngi ma, ‘Riita Apaiq mang ka juwa?’ nguta miwai. Kra ngu raüjaq ngi raq tsangshiq ma jamkho michongha?”

DUNGWVNC 3:15

Israilnok ma chonglaq, Ngi, Tatiwe, tsangtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe raq ümniika tsangshiq phana tiikito nguta chonglaq. Arka pattup pat-sa miitu imang. Rawiichii maiqpat ümchuwa saü wantlaq kriiraq imang ka akha chong chang.

DUNGWVNC 3:6

Ngi ka ümtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe.” Kra ningkhan Mosheq raq atheaphi ka khea maq pangto. Jamkhano ngukla apaiq ka Shiikeawe theaphi na liikham mak ahaisi riito.

Matthew 11:27

“I We raq i jaq na phanrap arang ake kun she. Ase ka jurmin sap mak. Awe raq saptlaq kli. Kiimaq Awe ka jurmin sapmak. Ase raq saptlaq kli. Kiimaq Ase raq ümriiti miiwa tiichhikuq tlaq kriiti riili saptlo.”

Matthew 20:19

Raüta tsangshiq raq Pongmung maiqse jaq mong na mihit kuq baiq. Tsangshiq raq apaiq ka mihaihii. Chunpo-nyam chongwai maq mitsat. Raüta pumsongkham na mitübaiq. Shatmaq ranaiqtsam jai maq, apaiq ka ama wa adong mirwan nong.”

Matthew 22:32

‘Ngi ka Abraham Shiikeawe, Isak Shiikeawe kiimaq Jakob Shiikeawe.’ Krai mren, Apaiq ka maiqse amati sitlaq kra Shiikeawe ka riimak. Maiq atrati siwan tlaq kra Shiikeawe.”

Matthew 27:2

Tsangshiq raq apaiq ka ajaq ka raü maq kha raüta Roman Wanghupti we Pilat rung na hithoto.

Matthew 28:18

Kiijiishe, Jesuq ka tsangshiq tiinap niishe tiisotto. Raüta tsangshiq ma akhiishe chongkuqto, “Ramungtan nai mangjong hiq ara lang miitu arang ka ngi ma thumli ake kun she.

Mark 15:11

Shatmaq, ramwe jongbi raq, mungmaiqse ma, Jesuq la na Barabas kra tiidongke raa, nguta jaü ronglaq nguta, mungmaiqse ma raikao ka atatke kun she riito.

Luke 22:57

Kiijiishe, Petar raq, “Maiqnyung, apaiq ka juwa, ngi raq asap min sapmang!” nguta kra nyung kiq ka khiito.

Luke 23:4

Kiijiishe, Pilat raq ramwe jongbi nai mungmaiqse thungtlaq kiima, “Ngi raq arwe dü na apaiq tsaili chang kha ahü, jam min chhi mang,” nguta chongkuqto.

Luke 6:37

“Nanok naqsetsiiq rongkiq. Shiikeawe raq namshiq ka shin mak miraq. Nanok ka naq tiishut phit rongkiq. Shiikeawe raq namshiq tiishut phit mak miraq. Nanok mra ka adii riikuq ronglaq. Shiikeawe raq namshiq mra kiimin midii kuq.

John 12:16

Kra akhing na ajaqshisetiim raq ara chong tlaq bomtsi liichum arka, tak mak dea riito. Shatmaq, Jesuq ka amaa wa dong wan raüta, apaiq khushü ngao jonglu wantaq kra chhi wan jai shetiq, tsangshiq raq Asii bomtsi na awaiq thü bomtsi liichum arka, apaiq miitu dea chong tlo nguta tak wanto. Kiimaq tsangshiq raq kra akhing na klo wantaq jaqsham kriika apaiq miitu dea shamkuqkai ngutiishe takto.

John 18:40

Kiijiishe, “Raa mak! Apaiq ka raa mak! Naishiq ma Barabas kra tiidong kuq laq!” nguta, tsangshiq ka agi lülü, asii watrang lam miishe, Pilat bom ka treto. (Barabas ka thiimeaq jati we riito.)

John 19:11

Kiijiishe, Jesuq raq Pilat bom ka treto, “Ümjaq na i tsitsü ara tiipit miitu arang ka Shiikeawe raq akuq tiina. Kriikha na, jurwa ngi ka ümjaq mong na shaphaq baiqtaq, kriiti riika, ümngarai thaq niimin ngarai jonghea she tang wanto.”

John 19:12

Pilat raq ara bomtsi ara tai raütiishe sanha apaiq raq, Jesuq ka tiichhiike wan miitu lamlu ka ritto. Shatmaq, mungmaiqse phong riitsap rai tlaq kriiraq, ja sru wanwan she, “Ümniiraq apaiq kla khalot kuq haü jiila, ümniika Roman Hokham we kongti riimak! Jurwa ngi ka hokham we nguta tiichong tlaq, kriiti ka Roman Hokham ngachang kra jiibaiq tanti we ngushat!” nguta siitrang nongto.

John 19:15

Kiijiishe, tsangshiq raq, tüsaiqsaiq she hali, “Apaiq ka tsatbaiq ronglaq! Apaiq ka tsatbaiq ronglaq! Apaiq ka pumsongkham na tübaiq tlo ronglaq!” ngutiishe agi lülü she gitrang nongto. Kiijiishe, Pilat raq hali tsangshiq ma, “Riita, nam hokham we ka ngi riisha mitübaiq ha?” nguta bom ka mungmaiqse kiima hali wai nongto. Kiijiishe, ramwe jongbi raq, “Naishiq ma hokham ka Roman Hokham we sitlaq kli!” nguta Pilat bom ka tre nongto.

John 7:39

Jesuq raq ara chong taq arka, apaiq ma kamwantibi ma jai maq, Asii Wenyi kewan chang asi kra nangnga chongtlo. Kra akhing na Jesuq ma kamwanti maiqse ma, Asii Wenyi ka mikuq shaqli riito. Jamkhano mikuq shaqli ngukla, Jesuq ka ra na mitsom thü shaqli riito. Kiimaq apaiq khushü ngao kiimin mitiijong wan shaqli.

Acts 22:14

Kiijiishe, Ananias raq ngi ma bom ka akha chongto, ‘Natitiim Shiikeawe raq ümniika apaiq tiima tsantsii kra khon wan miitu tsea wanto. Kiimaq apaiq Tingting dise krai sham riichhi miitu, kiimaq apaiq raq ümniima pumsii maq, bom chongkuq tlaq kra taiwan miitu she tsea wanto.

Acts 24:14

O, riita bom poshi kla tengto dea. Naititiim Shiikeawe ka, ngi raq kriidea Shiikeawe shomnoq chang Lamjong kaü nguta, chong tlaq kra lam kra phan phan miidea, shomnoq tiikang. Kra lam phan ka tsangshiq raq lamjiq nguta ngutlo. Shatmaq, ngi riimin la Mosheq Thungtri na awaiq thü nai shammibi lakdap thun na awaiqthü tengteng bomtsi kiima kam tiikang.

Acts 3:12

Petar raq nokmaiqse riitsap khat rai wan tlaq kra chhi raütiishe, apaiq raq tsangshiq ma akha ngutiishe trahokuq hoto, “I nok i hiq Israil mungti lei; namshiq ka ara maiqwe thatsi heakai kra chhi lanta, jam nguto wangrai tlan? Kiimaq namshiq raq naishiq ka jamlai nguto liirat holan? Arka naishiq ningkun maq nai naishiq ka kechu maiqse kha maq, arwe thatsi ara tiihea kuqto ngutiisha tiima tlan?

Acts 3:26

Riita, ara chongtiikai arai mren, Shiikeawe raq Akoli se ka shongto. Raüta, apaiq ka namshiq phana kongkhu tiikito. Ara tiikitaq arka, namshiq ma achu shiiman kekai tiikito. Kiimaq namshiq ka maiqmii ngarai lamphan kra miimbaiq thü lanta, Shiikeawe wokhong na tiijang shea kai nong miitu tiikito.”

Acts 4:27

Ara chongtlaq arka riikhaqli she dea teng wanto. Herod nai Pontias Pilat ka ara chela na Pongmung maiqse nai Israilnok welabi rai, adam na reraü shi maq pong raüta, ümbom taiti asii ümluqkhapse Jesuq, ümniiraq apaiq ka Khristo ma shong laü we kra ngeng seng wanto.

Acts 4:30

Kiimaq, asii üm Luqkhapse Jesuq mang na, pinthum awang chang nai amao chang jaqsham ka, atsi asiti ka tiihea kuq laüta, ümningkun jong kra tiichhi kuq laq,” nguta achu jaüto.

Acts 7:32

‘Ngi ahata ümtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe.’ Kra bom ka ta raüta, Mosheq ka akiinyii ahai, atiikhai rokshrok riito. Apaiq raq kra liikham mak riito.

Romans 9:5

Tsangshiq kata chiisan Jehudinok phan. Tsangtitiim thun ka ajong ala, amang ra tsa ikha, lüsi lüwa siisaq siwanto. Atiisup niishe ka, Khristo maiqkhum na pokitaq kiimin, tsangshiq nok phan na pokito. Riita, ümchaü sanha, maiqse angu tarü raq, phanrap rümkomti we, Shiikeawe mang kli she pattup pat-sa mitiitsam laq! Amen.

Hebrews 2:9

Shatmiitiina, nashiq raq, Jesuq ka alose miitu, rasetiim nam miimin anun ma tiijato chhikai. Kra anun ma tiijataq kriika, apaiq raq Shiikeawe kaphap mangchan wokhong maq, maiqse angu tarü miitu mitsai laq nguta atiiki. Raüta, apaiq raq maiqse miitu tsaitaq krai mren, Shiikeawe raq apaiq ka wiitarü thaq na ajong alu miishe shongto. Apaiq khushü ngao ka achhai anyii she kuqto chhi tiikai.

Revelation 1:18

Ngi ka atra sitiwe! Ngi ka amaa wa shatmaq, ümchaü ka pattup pat-sa miitu atrali she misiha. Amaati nai wulum mung na siti ka, i jaqkhon mong niishe.

Revelation 1:5

kiimaq Jesuq khristo, tsapkap maq Shiikeawe bomtsi chongketi we raq, apaiq ka tarü thaq na apha shaq shaq amaa wa atiidong wanti we, kiimaq apaiq ka mangjong hiq na honyung hokham ümchuwa sitlaq kriithaq na, hupkhang wanti we raq, namshiq ma ara lungwii bomtsi ara tiisaü tlo. Jurwa nashiq lungwii tlaq, raüta nashiq ka nashiq ngarai kharü mong wa apaiq tiijai maq dokdaa wantaq,