Acts 3:14 - ASII LAKDAP Bible (BSI)

¹⁴ Apaiq ka asii kiimaq kechu maiqse. Shatmaq, namshiq raq apaiq ka tiishaü baiq lan. Kiimaq, namshiq raq apaiq la na, matwe ashi phaqtek mong na ashaq kriiwe kra khoti tiidongke raa nguta, Pilat jaq wa shiichut jaü lan.

Hawa Naga Bible 2001

¹⁴ Vpiq kuex vsawc nuiyc miqhvlx waz rvtueq, yuq muinz nuimshiq rueq vpiq kuex tvdux gay ruiux, miq thvy jix waz kuex tvdungc kuy tvkoc nuimshiq rueq Pilat kox wawc thoz wuez tuit.

Muklom

¹⁴ Piq sha asang etho asing angta, etharin piq tha nim aa shingchak tin, nim aa Pilate ma adak miqwa sha qhap ma chu tin, bara miq tatiktey angta.

Acts 3:14 Referencias Cruzadas

Tvtsvmc 16:10

Jamkhano ngukla ümniiraq ngi ka atsai ningkun jaqkhon mong wa tiichhii kuq laü, Ngi raq ümniika tsapkap shiikumpan wan kang, krai mren ümniiraq ngi ka wulum mung na tiiki baiqmaü mirhaü.

JEKERIA 9:9

O Jajon chelati lei, chochi rong laq, chochi ronglaq, O, Jerusalem chelati lei chochi ronglaq! tiihong lanta gitrang ronglaq! Liimanta, nam hokhamwe ka saüwato she; Apaiq ka tingting maiqse kiimaq tiichhiiketi, apaiq ka tsannin woknin, kumtoq kaü thaq na ngaraü; kumtoq kaüse thaq na ngaraüta watlo.

Matthew 27:20

Kra liipan bala, ramwe jongbi nai welabi raq mungmaiqse ma Pilat jaq wa Barabas ka tiidongke ra. Kiimaq Jesuq ka atsea riibaiq ra, nguta jaü ronglaq nguta, raikao ka atat wishe riito.

Mark 1:24

“Najareth hiqti Jesuq le, ümniika naishiq jaqsham ara tangta baiq kai she sha saüki laü? Ümniika naishiq ara shiithen baiq kai she sha saüki laü? Ngi raq ümniika asap ha. Ümniika Shiikeawe raq atiiki Asii kiimwe kata!” nguta siiraito.

Mark 15:11

Shatmaq, ramwe jongbi raq, mungmaiqse ma, Jesuq la na Barabas kra tiidongke raa, nguta jaü ronglaq nguta, mungmaiqse ma raikao ka atatke kun she riito.

Mark 15:7

Ara chongtiikai akhing bala min, maiq weshi ka mungshuk wantibi rai lom dam raüta, matwe ma jawan kha na alap, phaqtek mong na asi riito. Apaiq mang ka Barabas.

Luke 1:35

Kiijiishe, rase raq abom ka tre nongto, “Asii Wenyi ka ümkhum na miki. Raüta, Shiikeawe ningkun ka ümhan na mishang. Krai mren, Asii no kriika, Shiikeawe Se nguta mingu.

Luke 23:25

Raüta, mungmaiqse raq shiichut wantaq kra phanphan she, mungshuk kha nai maiqtsea kha na phaqtek na ashaq wanwe kriishe tsangshiq ma tiidong kuqto. Raüta, tsangshiq raq thapthi wantlaq kra phanphan she, apaiq raq Jesuq ka pumsongkham na tübaiq kai miitu, tsangshiq jaq na kiinong kuq baiqto.

John 16:10

Tsangshiq raq kechu rilung nai tingting jaqsham ka sapmak, ajiq tiimatlo. Ara jamkhano chongtiikang ngukla, ngi ka i We phaniishe wawan nong tiikang. Kiimaq, namshiq raq ngi ka chhi man she mirhan.

John 18:40

Kiijiishe, “Raa mak! Apaiq ka raa mak! Naishiq ma Barabas kra tiidong kuq laq!” nguta, tsangshiq ka agi lülü, asii watrang lam miishe, Pilat bom ka treto. (Barabas ka thiimeaq jati we riito.)

Acts 13:28

Kiimaq tsangshiq raq apaiq lang tiipit li chang kha ka, apaiq dü na chhi mak li jiimin, apaiq ka tsea baiq wan raa dongdii nguta Pilat ma shiichut raüta, tiitsat baiqto.

Acts 2:27

Shiikeawe ümniiraq ngi ka wulum mung na tiinam baiq maü. Ümjaqshise maiqshaq ashi ka, maakho niili ka triim baiq maü.

Acts 22:14

Kiijiishe, Ananias raq ngi ma bom ka akha chongto, ‘Natitiim Shiikeawe raq ümniika apaiq tiima tsantsii kra khon wan miitu tsea wanto. Kiimaq apaiq Tingting dise krai sham riichhi miitu, kiimaq apaiq raq ümniima pumsii maq, bom chongkuq tlaq kra taiwan miitu she tsea wanto.

Acts 4:27

Ara chongtlaq arka riikhaqli she dea teng wanto. Herod nai Pontias Pilat ka ara chela na Pongmung maiqse nai Israilnok welabi rai, adam na reraü shi maq pong raüta, ümbom taiti asii ümluqkhapse Jesuq, ümniiraq apaiq ka Khristo ma shong laü we kra ngeng seng wanto.

Acts 5:28

“Naishiq raq, Jesuq aming holanta, mungmaiqse ma trahoke maimak nguta, tri atsin maq, namshiq ma aming kuq kai. Shatmaq, liirong laq, namshiq raq jamlai wa riilan ara! Namshiq traho bomchong maq, Jerusalem chela ka wiita she tiinyam baiq lan. Kiimaq, namshiq raq apaiq tsaitaq mat kha ka, naishiq khuthaq na tiikü kuq tlan!” ngutiishe tsangshiq ma kha ka nyanto.

Acts 7:52

Riita, namtitiim raq, shammibi ka wiitarü tiichamchao wan je siisaq riito. Shiikeawe raq apaiq kechu Kolise tiikitlaq kra tsütsa chongke miitu, man na rathup rapha ji niiphü, apaiq tsütsa chongke wanti shammibi ümchuwa tiikitaq thun kriika, tsangshiq raq wiita tsatbaiq wanto. Krai mren, ümchaü namshiq riimin, apaiq luqkhapse ka tiishaü baiq lan. Lanta, apaiq ka tsatbaiq lan.

2 Corinthians 5:21

Khristo raq ngarai ka tangmak dea. Shatmaq Shiikeawe raq nashiq miitu, apaiq ka ngarai kaq ma tiija wanto. Kriikha maq, ümchaü nashiq ka, Khristo puk na nyap wankai krai mren, nashiq ka Shiikeawe raq kechu maiqsetiim miishe tiija wanto.

James 5:6

Namshiq raq jam min sap makti, maiqsangti ka shaphaq baiq wan lan ihata. Kiimaq wiita atsea riibaiq wan lan ihata. Kiimaq tsangshiq raq namshiq jaq ka towan lot mak riito.

1 Peter 3:18

Khristo ka chiisan maiqse, jam shut phit ahü we, nashiq ngarai maiqse miitu tsaito. Kriikha na, namshiq raq athuk atsom jaqsham tlan ningkhan, Jesuq chamchao wantaq kiikha namshiq min chamchao chang dongki raüka, tiijeshat maq sironglaq. Apaiq tsaitaq kra lümaq, nashiq ngarai kha ka tiithumtlii she tiisup baiqto. Raüta nashiq ngarai kha ka tiisiirai tiikhoi kuqto. Krai mren, apaiq raq nashiq ka Shiikeawe rai wehea she tiija wanto. Khristo ka tsatbaiqtaq akhing na, apaiq khum ka maiqse hanngam khum riito. Shatmaq Shiikeawe raq amaa wa tiidong wan jai she, apaiq khum ka pattup pat-sa wenyi khum she riito.

1 John 2:1

I setiim lei, ngi raq ara namshiq ma waiq tiikang. Arka namshiq ngarai na dea man chang miitu waiq tiikang. Shatmaq ashi ra ka ngarai na chhan wa raüla, nashiq kha phoketi we weshi asi. Nashiq kha phoketi we ka tingting phowe Jesuq Khristo, Awe Shiikeawe man na nga raüta nashiq kha phokuq tlo.

Revelation 3:7

“Philadalphia na phungtu sitlaq kra liiti rase ma ara waiq laq: “Ara tsütsa arka Asii kiimaq tingting sitiwe raq atiiwan. Apaiq jaq na Dawit sapitu ka asi. Krai mren ümtiikiiwa apaiq raq kilü ashi ka ditlaq, kriika jurmin shaqlot mak she, kiimaq ümtiikiiwa apaiq raq kra ashaq riitlaq, kriika jurmin dilot mak she.