Acts 3:12 - ASII LAKDAP Bible (BSI)

¹² Petar raq nokmaiqse riitsap khat rai wan tlaq kra chhi raütiishe, apaiq raq tsangshiq ma akha ngutiishe trahokuq hoto, “I nok i hiq Israil mungti lei; namshiq ka ara maiqwe thatsi heakai kra chhi lanta, jam nguto wangrai tlan? Kiimaq namshiq raq naishiq ka jamlai nguto liirat holan? Arka naishiq ningkun maq nai naishiq ka kechu maiqse kha maq, arwe thatsi ara tiihea kuqto ngutiisha tiima tlan?

Hawa Naga Bible 2001

¹² Peter rueq miq htenc kuex khiz vtueq, “Israel miqsaz htenc lex, yvmx ngoz tueq lac nvnueyc kuex lawc tvtsuingc laq phuinx? Nvnueyc luimc vkawc, nvnueyc honc vyaungc vhvlx maq vruex waz kuex tvkhuemc lot yaq ngoz tueq haz tvmaung vshuinx?

Muklom

¹² Baluk o Peter aa miqtang tha khita, piq aa batta, “Israel miqtang! Nim chamma patja inn, etho nim aa í ching náng chamma siin phin? Nim aa chamta tathin inn, í tarong wang ang moq tia í kam wang iri miqwa raa qhing ma taqhal ti?

Acts 3:12 Referencias Cruzadas

RAPHA HIQWA LAK 40:8

Kiijiishe tsangnai raq treto, “Nainai wiita raq, maiqmiimii rawa ma makai. Kiimaq nainai ma kra liichum chongketi maiq ka arjaq jumin ahü.” “Shiikeawe riili khata rawa ma liichum ka chongkuq lotla,” nguta Joseph raq nguto. “Ikhla namnai rawa ma ka ngi ma chong rong liina.”

RAPHA HIQWA LAK 41:16

Joseph raq treto, “Chaü lei, ngi riika chongkuq lot mang. Shatmaq Shiikeawe raq liichum ka sam heawiq michong kuq.”

John 7:18

Maiq ümriiti riiwa maiqmii raq athithi na traho bom chongkuq tlaq, kriiti riika, maiqmii khushü tiijong lamlu kli rittlo. Shatmaq, jurwa apaiq tiikaiti we khushü kra tiijong kli tiima tlaq, kriiti ka tingting maiqse. Apaiq tiima tsantsii niika arot akiq tsantsii ka ahü.

Acts 13:26

Paul raq tsangshiq ma, “I phan i maq Israilnok Abraham saü asetiim, kiimaq Shiikeawe ma haisong tsantsii thü wanti Pongnok phan maiqsetiim lei: Ara chong tiikang tiichhii wan tsütsa arka, Shiikeawe raq nashiq tarü miitu tiisaü hoto!

Acts 2:22

“I nok i hiq Israilnok lei, ara chong tiikang bomtsi ara, samhea tiitsang tai ronglaq! Najareth hiqti Jesuq ka, Shiikeawe raq apaiq jaqsham ma ashong wan maiqse dea nguta, namshiq makki na apaiq pum lümaq, ümtinkhan wa awang chang nai amao chang jaqsham pahea shamkuq wan raüta, namshiq ma khangriri hea tiichhikuq wanto. Arka namshiq tarü raq asap han siisaq. Arthun jaqsham wantaq arka, namshiq man na sham wanto.

Acts 3:11

Kriiwe ka Petar nai Johan rai napshnap miishe, Solomon Jolitiip ngutlaq kiijaq, riikong khum wan dam ka chhi raüta, nokmaiqse ka kai amao rai lam maq, tsangtsam pha nü kiiniishe jutrang raüta, riitsap khat wanto.

Acts 3:13

Natitiim Abraham, Isak kiimaq Jakob Shiikeawe kiimaq natitiim Shiikeawe raq Ajaqshi se Jesuq ma, Shiikeawe apaiq asii khushü ngao kriika ake kun she. Shatmaq, namshiq raq, apaiq ka lap lanta, Jehudinok jaq na kiinong kuq lan. Kiimaq, lanta, Pilat raq apaiq ka namshiq makki na, apaiq dü na kha ahü, atiidong baiq chang nguta, kha ka photo. Shatmaq, namshiq raq apaiq ka atiidong baiq raa mak dongdii ngutiishe, tiishaü baiq lan.

Romans 11:1

Riita, ümchaü min, ngi raq bomtsi ka akha wai pha shaq. Riita, ija, Shiikeawe raq asengi Israilnok ka, tiishaü baiq tlii she dea sha tiishaü baiq ta? Tiishaübaiq tlii langlang kla tiishaü baiq mak dea! Kriika, ümkhiiriita jiimin tiishaü baiq mak. Ara akha jamkhano chongtiikai ngukla, ngi ahata Israilnok phan. Abraham saüse lai. I weraü mang ka Benjamin weraü.

Romans 9:4

Ara jamkhano chongtiikang ngukla, tsangshiq ka Shiikeawe sengi. Apaiq raq tsangshiq ka asetiim miishe tiija wanto. Raüta, apaiq raq tsangshiq ma, apaiq achhai anyii khushü ngao kra, tiichhikuq wanto. Raüta, tsangshiq ka apaiq raq tongshong wantaq thun kra ram kham maq tiiham wanto. Raüta, apaiq raq tsangshiq ma Thungtri ka kuqto. Shiikeawe raq tsangshiq ma, riikhaqli maq, apaiq shomnoq wan lam kriimin tiichhi kuqto. Kiimaq, tsangshiq raq, Shiikeawe raq tsangshiq ma akuq, kiqkham kongphiq raütu kriimin lap wanto.

2 Corinthians 3:5

Naishiq khum na anyan phaqchi maq, ara Shiikeawe kiimwe jaqsham sham tiikai nguta tiishomra chang ka jam min ahü. Naishiq ma ara jaqsham miitu ningkun ka Shiikeawe raq kuq tlo.

Revelation 7:13

Kiijiishe, nyungwere phong wa weshi raq, “Ara khealü miirii samtong jong samraqraq maiqkong ara juwa? Tsangshiq ka ümriibati wa?” nguta ngi ma waito.