Acts 26:17 - ASII LAKDAP Bible (BSI)

¹⁷ Ngi raq ümniika Israilnok mungmaiqse ma kiimaq Pongnok phan mungmaiqse phana i bomtsi ara chongke wa miitu she shong tiikang. Tsangshiq raq ümniika tseata wan miitu, thiikho ümchuwa thu wan tlaq, kra mong wa tiikhup wongkuq wan shat mirkang.

Hawa Naga Bible 2001

¹⁷ Ngaz rueq mnoz kuex Israel miqsaz htenc yauk wawc muinz, ngaz rueq nvr tvkaz vtueq mnoz rueq jungphvnx kuq kaz tuiux Pungnuk miqsaz htenc yauk wawc muinz palc wvnc phaungx.

Muklom

¹⁷ Nga nang raa Israel miqtang etho Gentile miqtang jamnáng takat phang, etho nga nang sha thalun phanáng.

Acts 26:17 Referencias Cruzadas

1 KAÜWA WERAÜ 16:35

Apaiq ma chong laq, “Naishiq chhii laq, O naishiq Chhiitiwe lei; naishiq ka adam na triitam laq; naishiq ka maiq mung thun jaq khon mong wa dokda kuq laq; krai mren naishiq ka ümniima kechu mitum kai; laita ümmang asii kra mitiitsam kamkai.”

Tvtsvmc 34:19

Maiqshaqti ka chamchao pahea riihumtlo, shatmaq Tatiwe raq apaiq ka kriithun wiita wa tiichhii kuqtlo;

JEREMIA 1:8

Ümniika tsangshiq ma naqhaikiq. Ngi ka ümnaq tiiwongke ümniirai nongshnong misiha. Ngi Tatiwe raq ngutiikang!”

EJEKIEL 3:5

Ngi raq ümniika pong mungti ümniiraq tsangshiqnok bom tsin maü, aheawiq nok pha niika tiikimang. Shatmaq Israilnok phana tiikitiikang.

Acts 13:50

Shatmaq, Jehudinok raq kra chela na siti shiilangbi nai Pongnok phan maiqse wa maiq wiijamti jechakre ajong alabi nyungre, Shiikeawe shomnoq wantibi thun kriima raikao tatto. Raüta, tsangshiq raq Paul nai Barnabas kriishe tiichamchao wanto. Raüta, tsangnai ka kra chela wa maiqhiq ahin niishe jobaiqto.

Acts 16:39

Kriikha maq, Roman siihiipbi ka kiraüta, Paul nai Silas ma bom tiijang chongkuqto. Raüta tsangshiq raq tsangnai ka phaqtek mong wiishe tiidong diibaiqto. Raüta, kra chela maq ahin niishe wawan ronglaq nguta bom ka chong kuqto.

Acts 17:10

Kra rajili she, ranyaqto angu niishe, phunainotiim raq Paul nai Silas ka Berea chela niishe sheathü kito. Riita tsangshiq ka Berea na saü wan raüta, sinagok na kito.

Acts 17:14

Kra thohe raütiishe, phunainotiim raq Paul ka khamjong raikii na tiishea thükito. Shatmaq, Silas nai Timothi ka Berea niili khingkito.

Acts 18:10

Ngi asi. Ngi ka ümniirai nong shnong. Jurmin ümdü na jaqkaiq maq sham lot mak miraq. Kiimaq ara chela na i sengi maiq pahea asi,” nguta Paul ma tsii ka chongkuqto.

Acts 25:3

Phestas ma Paul ka Jerusalem na tiiwa raüjaq ahea nguta bom ka thuto. Paul ka tiiwa raüla apaiq ka lam wiili tsea baiq ma nguta tsangshiq raq ahukse maq reraü ka ashun wishe riito. Kriikha maq tsangshiq raq bom ka kiikha thuto.

Acts 28:28

Kiimaq Paul raq abom ka, “Riita ümchaü sanha namshiq raq arshe sap wan ronglaq. Shiikeawe tiichhii wan tsütsa ahea kriika, Pongnok phan maiqse miishe michong kuq wan. Tsangshiq raq tsütsa ahea kra mitai!” ngutiishe abom chong kra shatto.

Acts 9:15

Kiijiishe Tatiwe raq treto, “Kilaq. Naqhai kiq. Ngi raq apaiq ka i khiiq wi ma nguta atsea wan wishe. Kiimaq, apaiq ka i mang ara, Pongnok phan ma, kiimaq honyung hokhambi ma, kiimaq Israilnok wiitarü ma tiisap wan miitu, tsea wan kang.

Romans 11:13

Riita, ümchaü ka, ngi raq namshiq Pongnok phan maiqse miishe bom ka chongkuq pha. Ngi ka Jesuq Kiimwe ma jawan lata ara traho bomtsi chongkuq tiikang arka, namshiq Pongnok phan maiqse miitu shamkuq tiikang. Ngi ka ara kiimwe jaqsham sham tiikang ara miitu kai tiishom ra wan ruq latli misi wan ha.

Romans 15:16

Shiikeawe raq ngi ka Khristo Jesuq jaqshi se ma shongto. Arka ngi raq, namshiq Pongnok phan maiqse ma, Khristo Jesuq tsütsa ahea kra chongke wan miitu shongto. Ngi ka Shiikeawe raq akuq Tsütsa Ahea ara chongketi ramwe. Ara ramwe jaqsham tiikang arka, Pongnok phan maiqse wa maiq ümchuwa sitlaq kra thun ka, Shiikeawe ma akuq honglu ikha misi laq nguta ngo maq sham tiikang. Raüta, Asii Wenyi raq tsangshiq ka siirairai she ngamrea ikhiishe, Shiikeawe ma mikuq wan.

Galatians 2:9

Jakob, Petar kiimaq Johan, tsangtsam maiqlabi raq santla, Shiikeawe raq ngi ma ara tsankhun tsanwa jaqsham arka kuqto dea, nguta sapto. Krai mren, tsangshiq raq Barnabas nainai min tsangtsam rai kongshi maq, Shiikeawe jaqsham dam tlo, nguta anato jaq shiikamto. Laita, naishiq ka tsangshiq rai adam na nga laita, jaqsham ka akha riiphea wankai. Barnabas nainai riika Pongnok phan maiqse ma, Tsütsa Ahea kra michong kuq wan i, kiimaq tsangshiq riika, Jehudinok phan ma Tsütsa Ahea kra michong kuq wanlaq nguta, Shiikeawe jaqsham kra riiphea wan bom, kiq ri wan kai.

1 Timothy 2:7

Ara ningkhan, Shiikeawe raq ngi ka akiimwe ma shongto. Kriika ngi raq ara chongtiikang Tsütsa Ahea ara, Pongnok phan maiqse ma chongke wan miitu shongto. Tsangshiq ma ngi raq tengtlaq Phungmaiqse kamasham rilung lamphan tsütsa kra phanchan kewan miitu, ngi ka shongto. Ngi raq arot chong mang. Ngi raq chongtiikang arka tengteng!

2 Timothy 1:11

Shiikeawe raq, ngi ka Tsütsa Ahea ara chongke wan nai, ara shrinke wan miitu, kiimwe ma shongto.

2 Timothy 3:11

Maiqse raq ngi ka ümtinkhan wa tiichamchao wanto. Kiimaq tsaija chhunja chamchao litkot ahin thun min ngi raq jamkho lea wan kang, irthun irka, ümchaü sanha ümniiriiri kunli asap haü siisaq she. Shatmaq, atinkhan chamchao walü mong wa, Tatiwe raq ngi ka tiichhii kuqto. Ngi ma Antiok maq, Ikoniam maq, kiimaq Listra maq tsaija chhunja, pitlang pitthea, phiiptsi jiiptsi ümtinkhan wa, maiqse raq tiichamchaotaq, ira nin wan kang. Kriithun ka wiita, ümniiraq asap haü siisaq she! Shatmaq arthun litkot chamchao mong wa, Tatiwe raq ngi ka tiichhii kuqto.