Acts 26:16 - ASII LAKDAP Bible (BSI)

¹⁶ ‘Shatmaq, ümchaü sanha, ümniika tiidolaq! Laüta chap laq. Ngi raq ümchaü ranaiq, ümniika i kiimwe ma shongkai miitu, ngi ümniiphana i sham tiichhikai kikang. Ümchaü ranaiq ngi ümniirai sham riichhi kang akhing na ümniiraq ngi jonglu ka jamkho chhi laü, kiimaq arjai miimin ngi raq ümniima ngi jonglu kra jamkho mitiichhi kuq kang, kriithun ka ümniiraq nanok miishe michong kuq wan haü.

Hawa Naga Bible 2001

¹⁶ Yuq muinz majuiuc kvtenc jvp kuiuz, mnoz kuex ngvy nvrc waz muex tvyaungc tvkoc mnoz kox nuex ngaz kaz vraungx. Majuiuc mnoz rueq khiz vshuiux lvmz nuiyc yix maq ngaz rueq tvkhic kuy juing lvmx htenc kuex miq muex hakhix khvmc kuq shuiuz.

Muklom

¹⁶ Etharin tunshat u etho baja o lang u. Nga nang raa ijaksom tasom lot rangma barel náng thu taphang. Thaney nang aa chamlang khitu etho inapja chamlang khinu iri tang ri miqtang ma bat u.

Acts 26:16 Referencias Cruzadas

EJEKIEL 2:1

Ngi ma akha chongtlo taikang, “Maiqse lei, chap laq. Ngi raq ümniima bom chongchang asi.”

DANIEL 10:11

Kiijiishe rase raq ngi ma nguto, “Daniel lei, Shiikeawe raq ümnaq lungwiitlo. Chap laq. Laüta ümchaü ngi raq jamlai bom wa chongkuq tiikang kra tiitsang dada tailaq. Ngi ka ümphana tiikito.” Ümtiikiiwa apaiq raq kra ngutaq, ngi ka achap she riikang. Li jiimin ihok ijaq thun ka tiikhai ruqli riito.

Luke 1:2

Tsangshiq raq waiq wantaq kriika, nashiq ma chongkuqtaq, manphan kriili. Kra manphan ka, Phungmaiqse ka jamkho parai wanta, kra manphan, apha wan ranaiq miiphü, arang chong maq tiichap tlii maq, jujuro maiqmii mak maq chhi wantaq, raüta kra tsütsa ka nashiq ma trahokuq wan wan, phanchan chongkuqtaq, kriiwa riichom raüta, waiqto.

Acts 1:17

Judas Iskariot ka nashiq rai kongshi maq, shamshi kaishi maq siwan miitu atsea wan. Shatmaq, apaiq ka sho lam wai lam phanho raüta mowanto.”

Acts 1:25

Apaiq ka Judas, sho na kaiho chang dongdii kha maq, sho na kihotaq kra changkhü song miitu she tsea laq. Laüta, apaiq ka ümkiim we miishe shong laq.”

Acts 20:24

Shatmaq, ngi raq i rilung arka rariq mang she. Tati Jesuq raq ngi ka Tsütsa Ahea Shiikeawe kaphap bomtsi kra chongke miitu shongto. Kra jaqsham kra tlot wan tlo hajaq ngutli tsinngin tiikang.

Acts 21:19

Paul raq tsangshiq rai riihum raüta, “Khusang khata,” nguta riibom phahoto. Raüta, apaiq traho bomchong jaqsham wantaq kra lümaq, Shiikeawe raq Pongnok phan maiqse phong na jonghea jaqsham wantaq kra thun tsütsa kriishe wiita tiitho tiipha raüta, tsangshiq ma phanchan chongkuqto.

Acts 22:10

Kiijiishe, ‘Tatiwe, riita ümchaü ngi raq jamlai phan jaq sham chang she wa?’ nguta ngi raq apaiq ma bom ka wai nong kang. Kiijiishe Tati we raq ngi ma, ‘Tiidolaq. Laüta Damaskas chela na walaq. Shiikeawe raq ümnaq miitu jamlai phan jaqsham kaiwa wa tiihong tha kuq wantaq, kra thun ka, kra miishetiq wiita ümniima michong kuq,’ nguta ngi ma bom ka chongkuqto.

Acts 23:11

Kra rawa na Tatiwe ka Paul rai adam chapto. Raüta, apaiq ma, “Ümniika naqhaikiq! Ümniiraq arjaq Jerusalem na i ruk i kiimwe ma jamkho jawan laü, kiikhiisii hali, Rom chela niimin hakhi kewa raa tlo,” nguta ningkun shoqke bom hali chongkuqto.

Acts 26:15

Kra tai latiishe ngi raq, ‘Tatiwe, ümniika juwa?’ nguta waikang. Kiijiishe, ‘Ngi ka Jesuq, ümniiraq tiichamchao tlaü we ahata,’ ngutiishe Tatiwe raq i bom ka treto.

Acts 6:4

Laita, naishiq riika, atsi dada maq, achu jaü nai trahoke jaqsham na tsan tiitsi phai.”

Romans 1:5

Apaiq lümaq, Shiikeawe raq ngi ma ara kiimwe jaqsham rahea phan arshe, kiimaq jonghea arshe, kuq wanto. Ara jaqsham arka, aram ari jaqsham. Arka Jesuq Khristo mang tiijong wan miitu. Ara i jaqsham ara lümaq, mangjong maiqse tlotli ka, Shiikeawe ma tiikam wan miitu, ara jaqsham ara kuq wanto. Raüta, apaiq ma kamwanti thun maiqse angu ka, apaiq wokhong na misi wan laq nguta akuq wan.

Romans 15:16

Shiikeawe raq ngi ka Khristo Jesuq jaqshi se ma shongto. Arka ngi raq, namshiq Pongnok phan maiqse ma, Khristo Jesuq tsütsa ahea kra chongke wan miitu shongto. Ngi ka Shiikeawe raq akuq Tsütsa Ahea ara chongketi ramwe. Ara ramwe jaqsham tiikang arka, Pongnok phan maiqse wa maiq ümchuwa sitlaq kra thun ka, Shiikeawe ma akuq honglu ikha misi laq nguta ngo maq sham tiikang. Raüta, Asii Wenyi raq tsangshiq ka siirairai she ngamrea ikhiishe, Shiikeawe ma mikuq wan.

2 Corinthians 4:1

Shiikeawe raq apaiq lungwiitsii jaqkhong maq, naishiq ma ara Tsütsa Ahea ara chongke wan jaqsham kra kewan kha maq, ara jaqsham wan lam maq naishiq ka akhiismin tsaiji tran mai phan maq shiichaq tiikai.

2 Corinthians 5:18

Riita ara maiqse ka anye ma tiija tiiq wan tlaq arka, Shiikeawe raq nashiq miitu klo wanto. Kiimaq Khristo raq jaqsham jonghea sham wan kha maq, Shiikeawe raq nashiq ka apaiq ma wesang wa, apaiq kongtibi miishe tiija wanto. Apaiq raq ümchaü sanha, ara maiqse angu thun arka, Shiikeawe rai wesang siwan tlaq kiiwa, wehea miishe shram kewan jaqsham arka nashiq miishe kuqto.

Galatians 1:12

Arka ngi raq maiq bomtho alap wan ha min riimak. Kiimaq ngi ma maiq raq ashrinkuq min riimak. Arka ngi ma Jesuq Khristo apaiq raq atiichhi arkuq. Kiimaq tiitsangdada achong arkuq.

Galatians 2:2

Kra lak na, ngi Jerusalem na kikang kriika, Shiikeawe raq ngi ma kiina kai chang nguta tiichhike kha maq kikang. Lata ngi raq, Shiikeawe jaqshamti phungtu sheati maiqlare lamlam raili ngalata, ngi raq Tsütsa Ahea Pongnok phan maiqse ma chongkuq kang kra, tsangshiq ma tiitho tiipha tiitai, phanchan kuq kang. Kriika tsangshiq raq, ngi ma atru chongke chang asi raüla, mitru chong kuq laq ngo maq tiitai kang. Ara jamkhano chongtiikang ngukla, ngi raq kongkhu na jaqsham wan kang thun nai ümchaü sham tiikang thun kriika, atu na tiimo baiq ka romang.

Ephesians 3:3

Shiikeawe raq ngarai maiqse ka, Tsütsa Ahea kra lümaq tiichhii wan chang nguta, apaiq raq man niiphü thimi wanto. Shatmaq, arka apaiq raq apaü raütli thüto. Ümchaü, apaiq raq ara ngi ma tiichhi kuqto she. Ngi raq, ara ngi ma tiichhi kuqtaq tsütsa ka, namshiq ma atoqse maq waiq lata tiitai kuq wankang.

Colossians 1:23

Krai mren ümchaü sanha, namshiq ka kamtsantsii tiipha chang Tsütsa Ahea bomtsi thaq na pharangrang maq jaq riiwiiq lanta sirong laq. Riita man na, namshiq raq Tsütsa Ahea tai wan lan akhing na, jamkhiiwa pharangrang maq kamwan lan, kriiwa akhiismin naq tiimeshi rongkiq maq sirong laq. Riita ngi Paul ka, ara Tsütsa Ahea, mangjong hiq wiita na chongkuq wantaq ara chongke miitu jaqshise miishe jawankang.

Colossians 1:25

Kiimaq ngi arka, Shiikeawe raq phungtu miitu jaqshise ashi nguta shongto. Riita ara minshiiq chang arka, Tsütsa Ahea ka tiitho tiipha maq nokwe ma chiiriim wan lata chongke miitu kuqto.

Colossians 1:7

Namshiq raq Shiikeawe kaphap mangchan tsii jong ka, naishiq kongti phunowe, naishiq rii na namshiq ma tsapkapkap maq jaqsham ketiwe, Jesuq Khristo dise, Epaphroditas raq tiitai kuq wantaq ihata. Kiiwa namshiq raq tai wan lan she.

1 Thessalonians 3:2

Laita, naitsam wetsam wa, naphuno we Timothi, naishiq rai kongshi maq namshiq ma, Jesuq Khristo Tsütsa Ahea chongke wanti, Shiikeawe jaqshamti kra, namshiq phaniishe tiiwa kai. Naishiq raq apaiq ka, namshiq tsaiji doke wa, kiimaq kamasham na thüdake wa miitu tiiwakai.

1 Timothy 1:12

Ngi raq nashiq Tatiwe Khristo Jesuq ma pinthum kechu tum tiikang. Apaiq raq ngi ka apaiq kiimwe ma shongto. Raüta ngi ma kiimwe jaqsham Tsütsa Ahea chongke wan jaqsham ka ngut wan miitu, wenyi ningkun kuq wan ruq maq khrum kuq tlo.

1 Timothy 4:6

Riita arthun sungkhu tsiilam chongkuq tiipha bomtsi ara, Phungmaiqse kongtibi ma tsapkapkap maq shrinkuq laq. Akha jaqsham laüta, ümniika Jesuq Khristo jaqshi maiqla weshi ma ja laq. Phungmaiqse raq kam tiikai asii thungtri raü bomtsi kra, ahea wiq maq sidi laüta, phaqsiq laq. Kiimaq ümniiraq tengteng awongsii kamasham rilung lamphan ka, pharangrang maq phan wan ruq riilaq.

2 Timothy 4:5

Shatmaq, ümniiriiwe kla jamlai phan rahai ahea abili saü wan raü min, ümkam tsantsii ka pharangrang maq thü wan ruq riilaq. Chamchao litkot ümtinkhan wa saü tlaq, kra nin wan ruq maq silaq. Tsütsa Ahea chongketi, maiqshaq weshi nguta kamto maq silaq. Shiikeawe jaqshi, maiqshaq ashi nguta kamto maq silaq.