Acts 26:16 - Muklom

¹⁶ Etharin tunshat u etho baja o lang u. Nga nang raa ijaksom tasom lot rangma barel náng thu taphang. Thaney nang aa chamlang khitu etho inapja chamlang khinu iri tang ri miqtang ma bat u.

ASII LAKDAP Bible (BSI)

¹⁶ ‘Shatmaq, ümchaü sanha, ümniika tiidolaq! Laüta chap laq. Ngi raq ümchaü ranaiq, ümniika i kiimwe ma shongkai miitu, ngi ümniiphana i sham tiichhikai kikang. Ümchaü ranaiq ngi ümniirai sham riichhi kang akhing na ümniiraq ngi jonglu ka jamkho chhi laü, kiimaq arjai miimin ngi raq ümniima ngi jonglu kra jamkho mitiichhi kuq kang, kriithun ka ümniiraq nanok miishe michong kuq wan haü.

Hawa Naga Bible 2001

¹⁶ Yuq muinz majuiuc kvtenc jvp kuiuz, mnoz kuex ngvy nvrc waz muex tvyaungc tvkoc mnoz kox nuex ngaz kaz vraungx. Majuiuc mnoz rueq khiz vshuiux lvmz nuiyc yix maq ngaz rueq tvkhic kuy juing lvmx htenc kuex miq muex hakhix khvmc kuq shuiuz.

Acts 26:16 Referencias Cruzadas

Luke 1:2

Bari miqtang rey jakho wangduk ning miik eq khita, ethitang tha í ma battaphi, ethi raaq tha ning aa witta.

Acts 1:17

Judas sha hiqtang jamna ashey miq angta, chammatakoi piq sha tho hiqtang jaksom o som ma talta.

Acts 1:25

Piq sha Judas kaley Apostle angna. Judas rangma bari haq raa shingta eshi haq náng qhingchu wangta.”

Acts 20:24

Etharin nga irollung ma ahan tathin mong. I tatut jol uthun angma etho Teyhungwa Jesu aa kot ta jaksom sha tahom ma hun nga tathin ang. Eshi jaksom sha Shkewa ráng manchan tungtang qhal phanchan jaksom.

Acts 21:19

Paul aa ning thaji jamoq jaktachap ta etho Shkewa ujaksom tungkang o chamal Gentile phan jamoq somlot ching ta ning ma bat kot ta.

Acts 22:10

Nga pit táng, ‘Teyhungwa, nga chamlang somlo ching aa?’ Etho Teyhungwa nga ma bat taphang, ‘Shat eq Damascus náng ka u, etho nang ma chamlang jaksom ching ta eshina nang ma bat kot phanu.’

Acts 23:11

Ethi rangpal tho Teyhungwa Paul relna lang eq batta, “Nak cho u! Nang aa ba miikkhi tha Jerusalem na battu, thimal nang aa Rome na tho irimal hun som ching.”

Acts 26:15

Nga pit táng, ‘Teyhungwa, nang utang aa?’ Etho Teyhungwa thawel batta, ‘Nga Jesu, bara nang aa tahikham phu.

Acts 6:4

Etho í thaji romtam chukna etho phanchan thaji rangham o tong ni.”

Romans 1:5

Piq tungkang o hiqtang aa ráng manchan nia apostle jaksom kapti, irimal ang eq piq miing rangma thaji phan ajat miqtang han ching etho piq raaq tat ching.

Romans 15:16

Gentile tang rangma Khristo Jesu thoksil battey ang rangma Shkewa ngama iri ráng manchan raa kot ta. Gentile tang Asang Tsija wang sang eq Shkewa tasungrang pinthong angma piq aa ngama Gentile tang ma tungtang qhal phanchan jaksom kot ta.

2 Corinthians 4:1

Shkewa í ma tinshit eq iri jaksom raa kot taphi, ethi rangma í tin thajungnáng ching ang moq.

2 Corinthians 5:18

Iri tang thaji raa Shkewa hun somlo ta, bara Khristo o hiqtang raa ural tang thiwang unokwa tang ma kalik ti. Etho adak miqtang sha tho unoknu nia nokwa tang hun ma iri jaksom raa somlo ma hiqtang ma kot taphi.

Galatians 1:12

Esha nga miqtang ching kowang kap mong ang táng etho ngama utang eq tho tatal kot moq angta. Esha Jesu Khristo aa ngama takhi bat kot taphang.

Galatians 2:2

Nga ukat ang ching ta Shkewa takhi batta, eshirangma nga katáng. Etho tungtang qhal bara nga Gentile tang ma phanchan ang, eshi tung aa raaq nga ning jamoq o tachong rangham tho bat kotáng. Thanga rangham o tho etho chiwang angta rangham o tho, thanghung o lingqhing ma nga nuk mong.

Ephesians 3:3

Shkewa apu asum raaq tha piq aa nga ma takhi ta etho esha usam eq ma kot ta. Eshi tung aa raaq nga jakho athol eq wit táng.

Colossians 1:23

Nim kam sha thóng mal achíng ang ching, etho eshi tungtang qhal tungmang shiwang nim mot ching ang moq. Eshi tungtang qhal sha nim aa tat tin etho esha rangkan anim thaji phang shina phanchan ta etho eshina nga Paul sanga ma ang táng.

Colossians 1:25

Nga Shkewa eshi raaqkhat sanga ang táng, bara nim rangma nga raa kot ta, irimal ang eq nga Shkewa raaq thaji sha jin phanchan náng.

Colossians 1:7

Iri ráng manchan raaq raa hiqtang tinmat sanga Epaphras wang sam tin, bara í rangma Khristo o asing sanga.

1 Thessalonians 3:2

Etho í aa Timothy tha jin takat sey taphi. Piq sha hiqtang no etho Khristo tungtang qhal phanchan ma í jamoq Shkewa sanga. Nim taching rangma etho kam o tin tharong ma piq sha takat taphi.

1 Timothy 1:12

Nga hiqtang Teyhungwa Khristo Jesu ma kechu ajong kot ang, barey nga ma piq jaksom ma tarong kot taphang, chammatakoi piq aa nga han eq piq jaksom rangma nga raa tal taphang.

1 Timothy 4:6

Nang aa iri raaq tang raa uhantey tangma tatal kot ujo Khristo Jesu aqhal sanga ma angnu; etho nang kam na chalo nu etho nang aa bara jaqhal tatal kap tu eshina tho nang chalo angnu.

2 Timothy 4:5

Etharin nang irimal raaq wang rangtun eq tong u, tsamnang nan u, tungtang qhal phanchan u etho Shkewa bajak o jaksom kota phu eshi thaji shi tahom u.