Acts 26:18 - ASII LAKDAP Bible (BSI)

¹⁸ Ümniiraq tsangshiq mak ka mitiipiiq kuq wan haü. Kiimaq tsangshiq ka ranyaq nyang mong wa rawü lam phan niishe mishun shea wan haü. Kiimaq tsangshiq ka Thupkaü Thawe jaqkhon mong wa, Shiikeawe wokhong niishe mishun shea wan haü. Krai mren, tsangshiq raq ngi ma kamtsantsii thü tlaq kra lii miishetiq, tsangshiq ngarai ka midii kuq wan. Raüta tsangshiq ka Shiikeawe sengi maiqsetiim rai she shongnga wan dam miitu tsangshiq ma chapchang ngachang she mitiihong thaq kuq wan.’

Hawa Naga Bible 2001

¹⁸ Mnoz rueq Pungnuk miqsaz htenc muik kuex tvkalc kuy rax, tsuingshiq kuex raungnyauk wawc raungwuic nuex tvhttuiuc kuq ruiux, Satan yauk mungx wawc Tishox kox nuex tvyenc wvnc shuiux. Tsuingshiq kuex ngaz muex kvmluimx ningkhvnc nuex mvrax dawc kuy rvhumc vtueq, Tishox rueq vthvl taq miqsaz muex yaungx wvnc tuex,’ ngoz tueq jungx phuex.

Muklom

¹⁸ Nang aa ning miik sha ulak eq ching etho rangnak wang rangwung náng sol ching etho Thangwa tarong wang ning Shkewa jamnáng sol ching, irimal ang ajo ning ngarey sha tolchak eq na etho Shkewa umiqtang rangma bara haq shingta sho ning aa tho eshi haq sha kapna.’

Acts 26:18 Referencias Cruzadas

Tvtsvmc 119:18

Imak ara tiipiiq kuqlaq, üm tri raütu mong na, amao chang tengteng bomtsi sitlaq kra chhiwan miitu.

Tvtsvmc 146:8

Kiimaq makchukti ma mak tiipiiqkuqtlo. Apaiq raq juwa hiq na riwantiiti ka ra na ado riikuqtlo; apaiq asengi kechu maiqsebi ka lungwiitlo.

ISAIA 29:18

Kra ranaiq she saüwa raüla, nitangwe riika apaiq ma tiihong raüta lakdap ashi ka phatkuqtlaq kra mitai. Kiimaq makchuktitiim riimin, ranyaq tangtang mong na siwantibi riimin, tsangshiq mak ka apiiq she mirki. Krai mren tsangshiq raq phanrap ka michhi.

ISAIA 32:3

Tsang mak thun nai tsangni thun ka mungmaiqse ma rongraatlaq thun kra chhi miitu tiipiiq shat miraq.

ISAIA 35:5

Makchukti raq min michhi she, kiimaq nibiiti riimin mitai she.

ISAIA 42:16

“Ngi raq isengi makchukti thun mishun sheaha, tsangshiq raq jangshi min khum mak lam thun maq. Ngi raq tsangshiq ranyaq ka rawü ma mitiijaha, kiimaq tsangshiq khaki na rumtang lam thun ka, nyeadang danghea mitan kuqha. Arthun ara ikiqkham raüpot, kiimaq bom poshi min tiikhoi mang maq mitiiku wanha.

ISAIA 42:7

Ümniiraq makchuktibi ma mak mitiipiiq haü, kiimaq ranyaq tangtang phaqtek mong na sitibi ka midakuq haü.

ISAIA 43:8

Shiikeawe raq ngutlo, “Isenginok ka rung na tiichap ronglaq. Tsangshiq ka wiimak shatmaq makchuk; tsangshiq ka wiini, shatmaq nibii!

ISAIA 49:6

Tatiwe raq ngi ma nguto, “Ngi raq ümniima jaqsham jonghea tiisham chang asi, Ijaqshi se lei. Ümniiraq Israilnok aso tiichongtaq ka, atiijonglu wan lam lam li ka riimak; shatmaq Ngi raq ümniika maiqphan thun ma walüli ashi ma mitiijaha; krai mren mangjong maiqse kunli mitiichhii wanlaq.”

ISAIA 9:2

Ranyaq nyang na shongtinok raq, rawüli jonghea she chhi wanto. Tsangshiq ka ranyam biibangbang hiq na sito, shatmaq ümchaü tsangshiq ma rawü liliimtlo.

MALAKI 4:2

Shatmaq namshiq ibom taitai siti miika, kra ranaiq na ngi tiichhii wan ningkun ka rashe kiitlaq ikha, namshiq khuthaq na mililiim wan. Raüta namshiq ma khusang maq siwan miitu rashekiili ikha mikii kiimaq rashekii chai ikha namshiq khum na ra miwiikuq. Kiimaq namshiq ka wase miishe mija han kiimaq khoqriiq shishiiq, minsaü setiim minsaütiip mong wa nyiim tiiphaq kai kilü dibaiq kiijaq riichunchea tlaq ikha michochi han.

Matthew 4:10

Kiijiishe Jesuq raq treto, “Thawe ümniika tiibin tlo laq! Asii bomtsi na, ‘Tati Shiikeawe kli shomnoq laq, kiimaq apaiq kli shreng laq!’ nguta chongtlo.”

Matthew 4:16

Ranyaq mong na siti maiqse raq, rawü li jonghea ashi she michhi wan. Atsai ranyaq nyang na siti ma, rawü li jonghea ashi she mili liim wan.”

Luke 1:77

Laüta Tatiwe sengi ma, Shiikeawe raq tsangshiq ngarai ka midii kuq wan, raüta, tsangshiq ka mitiichhii kuq wan, nguta michong kuq ho haü.

Luke 1:79

Kra rashe kii ka ramungtan maq, ranyaq tangtang mong na siti tarü ma mili liim wan. Raüta, nashiq ka khusang rakhang rilung lam na, mishun shea wan.”

Luke 2:32

Apaiq ka Pongnok phan maiqse ma, Ümrawü li tiichhike wanti, Apaiq ka ümsenginok Israil mung ma, ümkhushü jonglu kra tiichhike wanti.”

Luke 24:45

Kra tru chongkuq raütiishe, Asii Bomtsi kra takwan miitu, apaiq raq tsangshiq khutsai kra tiikhang kuqto.

Luke 24:47

Kiimaq, apaiq mang na ngarai tiidii wan tsütsa nai ngarai diike wan tsütsa kra, Jerusalem maq phaho raüta, mangjong hiq tlotli na chongke wan chang miraq.

Luke 4:18

“Tatiwe Wenyi ka i khum na asi. Ara jamkhano chongtiikang ngukla, apaiq raq ngi ka, miitsan miijan maiqse ma, tsütsa ahea chongke miitu shongto. Apaiq raq ngi ka kharü mong na siti ma, kharü diike tsütsa chongke kai tiikito. Di ama ikha chamchao maiqse sitlaq, kriiti ka dokda kai tiikito.

John 17:17

Tsangshiq ka tengteng bomtsi phumram kham maq tiisii bat kuq laüta, ümwokhong na asii wiq maq rümkom laq. Ümbomtsi ka tengteng.

John 3:19

Shiikeawe raq mangjong maiqse shin chang kappe ka ara: Rawü ka mangjong hiq na saükito she. Shatmaq, mangjong maiqse raq ranyaq mong na si kli lungwiitlo. Kra jamto lungwiitla ngukla, tsangshiq ka ashut jaqshamti kha maq lungwiitlo.

John 4:10

Kiijiishe, “Shiikeawe raq maiqse ma jamlai kongphiq kewan ro wa, kra ümniiraq tak haü jiika, kiimaq ümjaq wa kham jaüti we ka juwa, kra ümniiraq sap haü jiika, apaiq jaq wa ümniiraq jaü haü jaq, apaiq raq ümniima rilung tsitsü kham mikuq wa”

John 4:14

Shatmaq, jurwa ngi raq akuq ha kham nyang tlaq, kriiti ma kham nyang tsi ka dong mak she miraq. Ngi raq akuq ha kham ka apaiq tsan mong na, tsitsü khamphok rai se miishe mija wan. Kiimaq apaiq ma pattup pat-sa rilung she mikuq.”

John 8:12

Jesuq raq Phorisinok ma thongshi ri hali akha chongkuqto, “Ngi ahata mangjong maiqse ma rawü li. Juwa i puk na nyap tlaq kriiti raq rilung rawü milap wan. Kiimaq ümtiikiimin ranyaq mong na khum mak she miraq.”

John 9:39

Jesuq raq apaiq ma chongto, “Ngi mangjong hiq na kikang arka, maiq chechiip kai kikang. Krai mren, makchukti ka makpiiq ma mija wan. Kiimaq makpiiqti ka makchuk ma mija wan.”

John 9:5

Mangjong hiq na ngi sitiikang bala na, mangjong maiqse ma rawü li ka ngi.”

Acts 10:43

Shammibi thun wiita raq, apaiq mangchong tsa kra chongkuq wanto she. Apaiq ma kamwanti maiq loweatek ngarai ka Shiikeawe raq, Jesuq lümaq wiita midii kuq nguta tsangshiq raq chongkuqto.”

Acts 13:47

Ara jamkhano chongtiikai ngukla, Shiikeawe raq naishiq ma akha aming ake kun she: ‘Ngi raq namshiq ka, mangjong hiq na siti Pongnok phan maiqse miitu, walü tu ashi miishe tiija wan kang, Krai mren, mangjong maiqse kunli ka mitiichhii wan.’ ”

Acts 15:9

Shiikeawe raq nashiq nok nai tsangshiq nok liipan na, jam lai min tiikhothiq mak dea. Tsangshiq raq Shiikeawe ma kamto. Krai mren apaiq raq tsangshiq ngarai ka diikuqto.

Acts 2:38

Kiijiishe, Petar raq tsangshiq bom ka akha treto, “Namshiq maiq loweatek raq, maiqmii ngarai ka tiidii wan raa tlo. Lanta, Jesuq Khristo mang na kham lam wan raa tlo. Kra riihan jiitiq, Shiikeawe raq namshiq ngarai kra midii kuq. Kiimaq, Shiikeawe raq akuq kongphiq Asii Wenyi kra namshiq raq milap han.

Acts 20:21

Jehudinok nai Pongnok phan maiqse ma romshaq na, ngi raq tsangshiq tarü ka tsangshiq ngarai lamphan kiiwa jang wan raüta, Shiikeawe puk na nyap wan raa tlo, raüta Tati Jesuq ma kamwan raa tlo nguta kiq atsin maq trantsii chongkuq kang.

Acts 20:32

“Riita, ija, ümchaü sanha, ngi raq namshiq ka Shiikeawe khoqram kii maq ta thü tiikang. Kiimaq apaiq kaphap tsütsa wura mong na tiiham thü tiikang. Shiikeawe khoqram kii nai apaiq kaphap tsütsa raq namshiq ka jaqkhaq shat maq mitiichhan chhi kuq wan. Shiikeawe raq achu shiiman ümchuwa asetiim miitu rüm tlaq kriimin namshiq ma mikuq.

Acts 26:19

“O ajong Hokham we Agripa lei, riita ara chong tiikang arai mren, ngi ma ramungtan maq riisham bomchong aming akuq wan kriika, ngi raq phaqchii nichii maq lang wan kang.

Acts 26:23

Tsangshiq riimin: Khristo ngutlaq kriika ka pinthum chamchao wan chang dongdii miraq, nguta chongthüto. Raüta apaiq ka mitsai. Raüta apaiq ka tarü thaq na apha shaqshaq amaa wa dong wanti we miraq. Kiimaq Jehudinok ma nai Pongnok phan maiqse ma tiichhii wan rawii lam phan kra chongke wanti we miraq nguta chongkuq thüto.”

Acts 3:19

Riita, ümchaü min, ara chong tiikai arai mren, namshiq raq maiqmii ngarai ka tiidii tlo ronglaq. Lanta, Shiikeawe wokhong na nyap wan tlo ronglaq. Kra riihan jiitiq, Shiikeawe raq namshiq ngarai kra midii kuq. Namshiq raq kra riihan jiila,

Acts 5:31

Raüta, Shiikeawe raq Jesuq ka, apaiq ma jaqtsi nü na, aki miikiim ngachang niishe tiinga wanto. Raüta, Jesuq ka maiqse Rümti nai maiqse Chhiiti miishe shongto. Arka, Israilnok raq, tsangshiq ngarai ka tiidii raüta, tsangshiq mra ka mitiisii laq nguta, lamlu jonghea tankuqto.

Romans 8:17

Riita, ija, ümchaü sanha, nashiq ka asetiim she jawan kai kha maq, Shiikeawe apaiq raq, aphan amaq she nguta asengi miitu, achu shiiman ümtin khan wa rüm tlaq, kra thun ka wiita milap wan dam rong i. Kiimaq nashiq riika, Shiikeawe apaiq raq Khristo miitu, ümchuwa achu shiiman rüm tlaq, kra wiimin milap wan dam rong i. Riita arka, nashiq raq Khristo chamchao wantaq homa kra, jamkho riisha howan dam tiikai, kra tinkhan, nashiq raq apaiq achhai anyii khushü ngao kriimin, milap wan dam rong i.

1 Corinthians 1:2

Korin chela na siti Shiikeawe phungtuti, kiimaq Shiikeawe sengi asii maiqsetiim miitu ahea wantibi ma, juwa Jesuq rai pumshi hanshi sitlaq kra lümaq Shiikeawe riishe jawantiiti thun ma, kiimaq Tati Jesuq Khristo shomnoqti mangjong tlotli na sitibi rai adam maq, tsangshiq TATIWE kiimaq nashiq TATIWE shomnoqti ma:

1 Corinthians 1:30

Shatmaq Shiikeawe raq namshiq ka Jesuq Khristo rai pumshi hanshi she tiija wanto. Kiimaq Shiikeawe raq Jesuq Khristo ka nashiq ma pinja kaüshe tiija kuqto. Apaiq lümaq nashiq ara Shiikeawe rai wehea she tiija wanto. Nashiq ka Shiikeawe sengi asii arai maiqsetiim she jawan kai. Kiimaq nashiq ka ümchaü aki miikiim maiqse siisaq she jawankai. Thawe dikong ka riimai she. Nashiq ka Jesuq Khristo raq ngarai mong wa adaa wan wishe.

2 Corinthians 4:4

Tsangshiq raq Tsütsa Ahea ma kam mak riitlaq kriika, Thawe raq tsangshiq wenyi makpo kra pangho kha maq chhi mak sitlo. Ara mangjong hiq rümti thawe abi raq, tsangshiq wenyi mak ka apang riibaiqto. Tsangshiq khuthaq na rawüli liliim wan tlaq kriika, tsangshiq raq chhi mak sitlo. Ara chong tiikai rawüli litlaq ngutiikai arka Tsütsa Ahea Khristo khushü jonglu liliim chhainyii rawüli kra nangnga chong tiikai. Khristo ka Shiikeawe rai shamshi ngamshi sitlaq kra tiichhikuq tlo.

2 Corinthians 4:6

Shiikeawe raq ra nai hiq tiiq wan lam maq, “Ranyaq mong ka rawüli miishe mija laq” nguta aming tatto. Ara chongtiikai Shiikeawe riisü hali, naishiq tsan mong na, apaiq tiichhii wan wanii tu ka tliliim kuqtlo. Ara naishiq tsan mong na liliim tlaq walüli raq, Shiikeawe khushü chhainyii tlaq kra naishiq ma tiichhikuq tlo. Riita ara walüli ka Khristo theaphi wa liliim tlo.

2 Corinthians 6:14

Thatsang maiqse rai reraüshi maq naqpong dam rongkiq. Ara jamkhano chongtiikang ngukla, akha shamshi kaishi ka riikong lot mai. Ajiq we nai alam we ka, adam na jamkho mirkong? Ranyaq nai rawüli ka adam na jamkho misi?

Galatians 2:20

Riita, ara chongtiikang, i han-ngam arka atsai kaikun she kha maq, ümchaü ngi atra sitiikang arka, i han-ngam maq atra si ka riimak she. Arka, ümchaü sanha, i khum niika, Jesuq Khristo lishe atra sitlo. Krai mren, ümchaü ngi atra sitiikang i rilung arka, ngi raq Shiikeawe Se, ngi ara pinthum mangchan raüta, ngi miitu tsaiti we ma kamtsantsii thü tiikang kra, lü miili she atra sitiikang.

Galatians 3:14

Khristo raq, ara lamtan kuqwantaq arka, Shiikeawe raq Abraham ma achu shiiman mikuq ha nguta kiqkham kuqtaq kra, Pongnok phan maiqse riimin, Khristo Jesuq apaiq lümaq milap wan laq, nguta tankuqto. Arka nashiq raq kamtsantsii thü tiikai kra lümaq, Shiikeawe raq nashiq ma Asii Wenyi mikuq ha nguta, kiqkham kuqtaq kra milap wan laq nguta, Khristo raq ara lam ara tankuqto.

Galatians 3:2

Riita ümchaü min, namshiq raq, ngi ma riikhaqli maq chongkuq rongphiita: Namshiq khum na Shiikeawe Asii Wenyi lap wan lan kriika, Tsütsa Ahea ma kamwan lanta sha, sha Thungtri aming lang wan lan tiiwa lap wan lan?

Ephesians 1:11

Phanrap kiimung tlaq arka, Shiikeawe apaiq raq sürii tlaq nai thimi tlaq kra phanphan tiikutlo. Kiimaq Shiikeawe raq nashiq ka, Jesuq Khristo rai pumshi hanshi she tiija wantaq kra lümaq, asengi she nguta phumram kham maq bat wanto she. Arka apaiq raq man na rapha hiqwa niiphü athapthi wan wi she dongdii kra tiiku pi miitu she nashiq ara tsea wanto.

Ephesians 1:14

Nashiq ma, Asii Wenyi kuqtaq arka, Shiikeawe raq asengi ma kongphiq mikuq ha nguta kiq khamkuqtaq kra arshe dea nguta bom tiipha shat wan she riito. Kiimaq Shiikeawe raq asengi ka awongsii wasetiim miishe dea tiija wan tlo nguta tri raü kha tiipha shat wan she riito. Ümchaü sanha apaiq khushü jonglu kriili she tiitsam kam rong i!

Ephesians 1:18

Arkha maq, ngi raq namshiq ma chongkuq tiipha ara, namshiq tsantsii kilü ka dilanta, apaiq raq tli kuq tlaq rawüli kra sap ronglaq. Kra wenyi rawüli kra miitiq tiina, apaiq raq namshiq hea wantaq tsantsii ranphan tlan, alap wan chang sitlaq thun kra mitak wanlot han. Shiikeawe raq asengi ma mikuq ha nguta khamkuqtaq, kra achu shiiman ka nashiq raq nü maq achong aphan min lot mai, rahea phan sitlo.

Ephesians 1:7

Jesuq Khristo tsaitaq kra lümaq, nashiq ka thawe kharü mong wa daa wanto she. Ümchaü sanha nashiq ngarai ka diikuqto she. Nashiq ka wasetiim miishe tiija wanto. Shiikeawe kaphap mangchan, nashiq ma kuqtaq arka nü maq achong lot mai jonghea.

Ephesians 2:8

Riita, ara chongtiikai arai mren, Shiikeawe raq namshiq tiichhii kuqtaq kriika, apaiq kaphap mangchan wokhong maq, namshiq raq kamtsantsii thü lan kha maq, tiichhii kuqto. Arka namshiq raq jaqsham ahea phan sham lanta, tiichhiike ka riimak. Shatmaq arka, apaiq raq, namshiq ma phe maq akuq, kongphiq. Krai mren, juwe riimin maiqmii dea kechu maiqse nguta tiisom ra chang lam ka ahü.

Ephesians 4:18

Kiimaq tsangshiq khutsai kiimin khang mak. Ranyaq tangtang li sitlo. Tsangshiq riika Shiikeawe raq akuq rilung anye lamphan wa alap wandam chang min ahü. Ara jamkhano chongtiikai ngukla tsangshiq raq, jam min sapmak. Kiimaq tsangshiq ni ka wanshakshak, chongkuq raü min taimak phan.

Ephesians 5:11

Nanok raq amiinu ahü, ranyaq jaqsham thun jamlai wa sham tlaq, kriika alii min naqlii ki dam rongkiq. Kra rii na, ranyaq jaqsham thun kriika, rawü li na khot lanta, tiichhikuq ronglaq.

Ephesians 5:14

Jamlai wa rawüli niishe phong baiq tlaq, kriika tarü raq rashra she. Apaü chang ka jam min ahü she. Kriikha maq, Asii bomtsi na akha chong tlo, “O, akonti lei sam liishe na, laüta ümchaü sanha, amaa wa dong tlo liishe, ümkhum na Khristo she mililiim.”

Ephesians 5:8

Man na, namshiq min la, ara chongtiikai ranyaq mong na siwan lan ihata. Shatmaq, ümchaü sanha, namshiq ka Tatiwe sengi miishe jawan lan. Krai mren, namshiq ka rawü maiqsetiim she. Kra ningkhan, rawii maiqse jamkho sitlaq, kiikha si rong laq.

Ephesians 6:12

Ara jamkhano chongtiikang ngukla, nashiq rekhat ka han-ngam rewebi rai ka riimak. Shatmaq rawang win na Thawe abi winji welabi rai, arang hotibi kiimaq ara ranyaq pat wa mangjong hiq arwa maiqse jamshati abi winjibi rai riikhat tiikai.

2 Timothy 2:26

Raüta, tsangshiq raq, maiqmii shutphit lam kra misap wan. Raüta tsangshiq ka Thawe raq, apaiq dikong ma shiinüm sha wan ma, apaiq thiikho mong na tiimin tlo nguta misap. Raüta Thawe thiikho mong wa milun wanlot.

Hebrews 10:10

Shiikeawe raq Jesuq Khristo ma jamlai jaqsham wa thaütaq kra, Jesuq Khristo raq shamto. Krai mren, nashiq ngarai ka tiisii kuqto. Raüta, nashiq ka asii maiqsetiim, Shiikeawe wokhong na siwan miitu she pong na rai raüta tsea wanto. Arka, Khristo raq apaiq khum ka klang maq lakshi wa niili, pattup pat-sa miitu panthit honglu na kuqtaq kra lümaq, nashiq ara tiisii kuqto.

Hebrews 10:14

Riita, i ja, ara apaiq raq akhum ka, lakshi honglu na kuqtaq ara lü miili she, maiqse ngarai ka tiisii hekuqto. Raüta, tsangshiq ka Shiikeawe wokhong na siti, awongsii maiqsetiim ma tiijakuqto.

Hebrews 11:6

Kamtsantsii ahü maq, jurmin Shiikeawe tiichochi lot mak. Arkha maq, juwa Shiikeawe phana watlaq, kriiti raq Shiikeawe ka asi kiimaq apaiq rit wanti miika poksi mikuq dongdii nguta, kamtsantsii thü raa tlo.

Hebrews 9:15

Riita, ara chongtiikai arkha maq, Khristo ka tongshong anye arthaq na kiimwe miishe jawanto. Shiikeawe raq ara tongshong nye ashi shongkuqtaq arka, apaiq raq mangjong maiqse ümchuwa apaiq wokhong na tiisi miitu hea wan tlaq, kriiti ma tachong rilung achu shiiman pattup pat-sa rilung mikuq ha nguta kiqkham kuqtaq kra kewan miitu she shongkuqto. Riita, ara maiqse raq tachong achu shiiman lap tlaq arka, Khristo tsaitaq, kriikha maq maiqse ka tongshong chü pat na ngarai tangtaq kra, achü tri raq ngarai ka tiikhoi kuq lot mak dea riito, kiiwiishe tiichhii kuqtlo.

James 2:5

Lungwii phuno nyinotiim lei, ngi chongpha, namshiq raq samhea wiq maq tiitsang tairong laq! Namshiq raq asap han, thatsang maiqse raq miitsan miijan maiqse nguta shipoq raüta liitlaqti ka, Shiikeawe raq asengi miishe tsea wanto. Tsangshiq ka Jesuq Khristo ma kam tlaq krai mren, ümchaü sanha wenyi rilung na chiithe maiqse she. Shiikeawe raq apaiq lungwiiti asengi thun ka, awokhong na mitiisi ha nguta ramram kiqkham kuqto. Ara chongtiikai miitsan maiqsetiim thun min, ümchaü sanha, Shiikeawe wokhong niishe tiisi damtlo. Kra namshiq raq chhi man sha.

1 Peter 1:4

Arkha miitiina, nashiq raq mongngam maq, Shiikeawe raq asengi ma kewan miitu achu shiiman alüm alei, jonghea tiije thü tlaq kra, milap rong i she dongdii nguta khekham maq sitiikai. Shiikeawe raq kra achu shiiman tum thun kra, namshiq miitu ramungtan na thü tiije tlo. Kra achu shiiman thun kriika, ariim kai chang phan ka riimak. Kriika ümtiikiimin riimki mak phan. Kiimaq athen min thenki mak phan. Kiimaq amiinu ka ajomkai chang phan min riimak.

1 Peter 2:25

Man na, namshiq ka skuse kong tsangshiq lam tiimii raüta, rum na amiiki ikha silan. Shatmaq ümchaü sanha, Sku Rümti we kiimaq namshiq tsaiji Rümti we Khristo wokhong na hali tiijang shea nongto.

1 Peter 2:9

Shatmaq, namshiq riiwe kla, Shiikeawe raq atsea arwan maiq phan she. Hokham we ramwebi. Asii mung ashi nguta sitlan. Shiikeawe sengi. Namshiq ka Shiikeawe raq ngarai ranyaq tangtang mong wa, apaiq tiichhii wan rawüli, achong lot mai awang chang liliim rilung she kuqto. Apaiq raq namshiq hea wantaq kriika, apaiq raq awang chang tiichhii wan jaqsham wantaq kra nanok ma chongke wan miitu tseatsiiq wanto.

1 John 1:9

Shatmaq, nashiq raq nashiq ngarai ka Shiikeawe man na troq hai jiika, apaiq raq nashiq ma jamlai wa khamkuq taq kra tengteng mikuq. Kiimaq tengman tlaq lam na mishun shea. Apaiq raq nashiq ngarai thun ka wiita midii kuq. Kiimaq nashiq tsan mong na ashe ashi tiima ümchuwa sitlaq thun kiimin wiita mitiisii hekuq.

1 John 2:12

I setiim lei, Khristo mang na namshiq ngarai thun wiita diibaiq wanto. Kra ngo maq ngi raq namshiq ma waiq tiikang.

1 John 3:8

Jurwa ngarai tang ruq miili sitlaq, kriiti ka Thawe rii. Ara jamkhano chongtiikang ngukla Thawe ka apha miiphü dongdii ngarai tangti we. Shiikeawe Se saükitaq arka, ara chongtiikai Thawe raq ngarai jaqsham miitu mintin ningkun tu rüm tlaq, kra arang chong maq babaiq kai kito.

1 John 5:19

Ara mangjong hiq arka Abi Thawe jaqkhon mong niili sitlo. Li jiimin, nashiq raq asap i, nashiq ka Shiikeawe rii she nguta sitiikai.

Jude 1:1

Ngi, Jud, Jesuq Khristo jaqshise, kiimaq Jakob ma ano raq-- Shiikeawe raq ahea arwan maiqsetiim ma, juwa Shiikea Awe lungwii wokhong na nai Jesuq Khristo tiiwong na siti ma tiiho wan tiikang:

Revelation 21:27

Ashe ashi ngarai thun ka ara chela na tiinyap mak she miraq. Kiimaq, jurwa jeasi chang sham tlaq kiimaq jurwa arot akiq chong tlaq, kriiti thun ka ara chela na walot mak she. Ju mang wa Skuse atra rilung lakdap na waiqje asi, kriiti thun kli she ara chela mong na miwa lot.