Acts 18:9 - ASII LAKDAP Bible (BSI)

⁹ Rawashi Paul raq riisham mak maq Tatiwe ka chhito. Tatiwe raq apaiq ma ningkun shoqke bom ka akha chongkuqto, “Ümniika maiq ma akhiismin naqhai songkiq. Shatmaq, traho bom chongke kli shiichaq wan ruq riilaq. Akhiismin naq nungpaq kiq.

Hawa Naga Bible 2001

⁹ Raungwvrx shiz Polu rueq siyac maq khiz tueq nuex Taungjix rueq piq muex jungx kuq tueq kuex, “Nauk hiz kaz, mnoz rueq jungx vshuiux kvjaz kvmuinz nauk httvr kaz,

Muklom

⁹ Palshey, Teyhungwa máng o Paul ma batta, “Cho hung aa, ning ma tung aa raaq bat chey u, etho shu shu eq nak tong u.

Acts 18:9 Referencias Cruzadas

ISAIA 58:1

Tatiwe raq ngutlo, “Tiihong laüta agilülü riimlaq! Isengi Israilnok ma tsangshiq ngarai thun kra chongkuqlaq!

JEREMIA 1:17

Jeremia lei, tiijelaq; kilaq laüta ngi raq ümniima jamlai aming wa kuqkang thun kra wiita tsangshiq ma chongkuq kiqkiq. Ümniika ümchaü tsangshiq ma naqhaikiq. Riimakla, ngi raq ümniika tsangshiq rai she riihumtlaü na ngi raq ümhai ka tiisihea she mitiisiha.

AJONJÜ 3:57

Ümniiraq ngi achu jaü tre laü. Kiimaq ngi ma naqha aikiq ngulaü.

Jona 3:2

Apaiq thaüto, “Tiidolaq, laüta Ninewi chelajong kiina walaq. Laüta ngi raq chongkang traho bomtsi kra chii riimho riimho chongkuq wakiq.”

Mikha 3:8

Shatmaq ngi kla Tatiwe ningkun raq asho awo kiimaq, apaiq wenyi raq alüm alei sitiikang. Kiimaq Israilnok raq jamlai ngarai wa klotlaq kra, tiichhit tra chongke miitu, achaq awaq ningkun tri kuqtlo.

Acts 16:9

Kra rawa shaqshaq she, Paul raq rawa na riisham mak maq, Mesidonia wang wa maiq weshi ka, apaiq khaki na chap raüta, “Mesidonia wang na warong ra. Lanta naishiq ara khrum kuqwa rongkiq!” nguta apaiq ma tiipaiqnea bom chongrea chhito.

Acts 18:10

Ngi asi. Ngi ka ümniirai nong shnong. Jurmin ümdü na jaqkaiq maq sham lot mak miraq. Kiimaq ara chela na i sengi maiq pahea asi,” nguta Paul ma tsii ka chongkuqto.

Acts 22:18

ngi raq riisham mak maq Tatiwe ka chhikang. Apaiq raq ni ma bom ka akha chongto, ‘Jaqlo tiije laq. Laüta, Jerusalem wa ahin na wawan tlo laq. Ümniiraq ngi miitu hakhi kuq tlaü kriika, nokwe raq lang mak miraq.’

Acts 23:11

Kra rawa na Tatiwe ka Paul rai adam chapto. Raüta, apaiq ma, “Ümniika naqhaikiq! Ümniiraq arjaq Jerusalem na i ruk i kiimwe ma jamkho jawan laü, kiikhiisii hali, Rom chela niimin hakhi kewa raa tlo,” nguta ningkun shoqke bom hali chongkuqto.

Acts 9:10

Kiijaq, Damaskas chela na Phungmaiqse weshi asi. Apaiq mang ka Ananias. Apaiq raq riisham mak maq Tatiwe ka chhito. Kiimaq Tatiwe raq apaiq ma, “Ananias!” nguta heato. Kiijiishe, “Tatiwe loi, ngi ajaq asi lii,” nguta apaiq bom ka treto.

1 Corinthians 9:1

Riita ngi ka aki miikiim we riimang shiita? Ngi ka Jesuq Khristo kiimwe riimang sha? Ngi ka nashiq Tati Jesuq Khristo rai ka sham riichhi mang dea sha riikang? Kiimaq namshiq sitlan ka ngi raq Tatiwe jaqsham hun nü wan kang kra tsingo she riimak sha?

1 Thessalonians 2:2

Naishiq ka namshiq phana, Thesalonia chela na misaü wan hai shaq niiphü, Philipia chela maq, Tsütsa Ahea chongke wan kha na, maiqse raq pinthum ngeng raüta, tiitsü ngii wanto, kiimaq shummiito, kra tsütsa ka namshiq raq atai wishe dongdii riilan. Kiimaq naishiq ka namshiq phana saü wan kai akhing niimin, Tsütsa Ahea chongke lam kra tangtati, maiq ka pahea asi riito. Li jiimin, Shiikeawe raq naishiq ma ningkun kewan kha maq, Tsütsa Ahea Shiikeawe apaiq nübok wa adong bomtsi kra, namshiq ma chongkuqkai.