Acts 18:8 - ASII LAKDAP Bible (BSI)

⁸ Krispas ka kiijaq sinagok na maiqla weshi riito. Apaiq ka ajamti thun rai adam na Tati Jesuq ma kam wanto. Kiimaq Korin na siti maiq ahinti pahea raq tsütsa ka tai wanto. Raüta kam wanto. Kiimaq tsangshiq raq kham ka lamto.

Hawa Naga Bible 2001

⁸ Vjux thoz yuimx lawc jix walaungx waz Krispu nuiyc vyuimx wuinz lotlaz muinz Taungjix muex kvmluimx jix miq rvtueq, Vganc Korinhtu ghaq wuinz paunghvlc rueq muinz bomjungc kuex tay vtueq kvmluimx wvnc ruiux yuix luip lvmz wuez tueq.

Muklom

⁸ Synagogue solwa Crispus etho uhimtey tang aa Teyhungwa hanta; etho Corinth wang daqhan miqtang aa Paul raaq tha tat eq han ta etho ning thaji ma jung thalam kot ta.

Acts 18:8 Referencias Cruzadas

RAPHA HIQWA LAK 17:27

Abraham disetiim thun miimin adam na athohan poi ka klo kuqto.

RAPHA HIQWA LAK 18:19

Ngi raq apaiq ka tsea wan kang she. Kriika apaiq raq asetiim nai asaütiim ka apaiq wokhong maq, Ngi raq akuqha aming thun kra lang laü raüta kiimaq riikhaqli nai tingting jaq sham raüta siwan miitu tsea wan kang. Tsangshiq raq kra klo raüla, Ngi raq apaiq ma kiq kham kuq kang kra kunli miklo kuqha.”

Matthew 28:19

Arkha maq, mangjong hiq na maiqphan ümchu wa sitlaq, kiijaq barap se na kirong laq. Lanta tsangshiq ka i jaqshisetiim ma tiija rong laq. Tsangshiq ma Awe mang na, Ase mang na kiimaq Asii Wenyi mang na kham lamkuq rong laq.

Mark 5:22

Jairas ka kiijaq sinagok sitlaq kra liiwan damti maiqla weshi. Apaiq ka kiijaq saükito. Apaiq raq Jesuq ka chhi raüta, Jesuq jichong na bumsaq raüta,

Mark 5:35

Jesuq ka apaiq rai riibom liipan niili, Jairas jam wa tsütsa chongti ka saükito. Raüta, “Ümse ka ahü she. Shrinketi we min jaram li she wa mitiinüko siq haü?” nguta apaiq ma chongto.

Acts 10:2

Apaiq ka Shiikeawe shomnoqti. Apaiq rai ajamti thun tarü ka Shiikeawe shomnoqti siisaq. Apaiq ka Jehudinok miitsan miijan maiqse khrumketi. Kiimaq apaiq ka Shiikeawe jaq wa achu jaü na tsapkap hea we.

Acts 11:14

Apaiq ka wa raüta, ümniima nai ümjamtitiim ma bom ka michongkuq. Kra apaiq bomtsi taitlan kra lü miitiq, ümkhum nai ümjamtitiim thun khum kra mitiichhii wan,’ nguta chong kuqto nguta naishiq ma chongto.

Acts 13:15

Mosheq Thungtri lakdap wa nai Shammibi lakdap wa phat wan jai miishe, sinagok liiwanti maiqlare raq, tsangnai ma, “Phuno we nai, namnai raq tsaido jido bomtsi chongke chang tsishi ra asi jiila, nokwe ngatlaq arma chongke miitu akhing asi miraq,” nguta bom ka tiiwaito.

Acts 16:34

Kra raütiishe, apaiq raq Paul nai Silas ka tsangshiq jam na shea wanto. Raüta, phaq asea tiihong tha kuq raüta tiiphaq siqto. Kiimaq apaiq nai ajamtitiim kunli ka Shiikeawe miishe kamwan kha maq, kai khoqriiq shishiiq she chochi wanto.

Acts 18:1

Paul raq Athens chela na trahokuq lot raütiishe, apaiq ka Korin chela niishe wawanto.

Acts 18:17

Kra riikiitiishe, tsangshiq tarü raq sinagok wa maiqla we Sosthenes ka rangho raüta, wanghupti we rung jamkea maq ninta she tsatto. Shatmaq, Gallio riika akhiismin brorii mak li she riito.

Acts 19:1

Apolo ka Korin na sishon, Paul ka Galatia nai Phrigia wang na wawanto. Raüta wangmong binjü thun ka wiita khonli khum wanto. Raüta Ephisia niishe saü wanto. Kiijaq Paul raq Phung maiqsetiim wiijamti riihumto.

Acts 8:12

Shatmaq, ümtiikiiwa Shiikeawe mungtan tsütsa ahea kra nai Jesuq Khristo tsütsa kra Philip raq tsangshiq ma chongkuq wantaq, krai mren, tsangshiq raq kra tsütsa kiima kamwanto. Krai mren, tsangshiq jechak maiqwe kamwantiiti thun wiita ma kham lamkuqto.

1 Corinthians 1:2

Korin chela na siti Shiikeawe phungtuti, kiimaq Shiikeawe sengi asii maiqsetiim miitu ahea wantibi ma, juwa Jesuq rai pumshi hanshi sitlaq kra lümaq Shiikeawe riishe jawantiiti thun ma, kiimaq Tati Jesuq Khristo shomnoqti mangjong tlotli na sitibi rai adam maq, tsangshiq TATIWE kiimaq nashiq TATIWE shomnoqti ma:

2 Corinthians 1:1

Ngi, Paul, Khristo Jesuq kiimwe, Shiikeawe raq thapthi raüta ashong nai naphuno we Timothi raq-- Korin chela na siti Shiikeawe Phungtuti ma, kiimaq Shiikeawe sengi Akaia wangti tlotli ma:

2 Corinthians 1:23

Ngi raq Shiikeawe ka ngi hakhi ma tiija wan lata chong tiikang. Apaiq raq i tsantsii ka sapshat! Riita, ngi namshiq rai riihum wa, Korin na wamang dea tsaqki kang kriika, namshiq han tiihang wan ma nguta tiima lata tiina, wamang dea tsaqkikang.

2 Corinthians 6:11

Korin chela na sitibi lungwii phunainotiim lei! Naishiq raq namshiq ma kholam kholiiq maq chongkuq kai ihata. Naishiq tsantsii kilü ka namshiq ma linje thü tiikai.

2 Timothy 4:20

Erastas ka Korin niili sitlo. Kiimaq ngi raq Trophimas ka Miletas wang niili baiqthü kang. Jamkhano ngukla, apaiq ka atsi riito.

JOSHUA 24:15

Kiimaq namshiq raq apaiq ka shomnoq man ngochang jiila, ümchaü ranaiq namshiq raq thapthi ronglaq, ju wa mishomnoq han. Namtitiim raq Mesapotamia mung maq shomnoqtaq phra thun kriisha mishomnoq han, shea namshiq sitlan hiqshong wa Amoraiqnok phra thun kriiwa mishomnoq han. Shatmaq ijamtitiim nai ngi raq kla, Tatiwe kriili mishomnoq hai.”