Acts 18:10 - ASII LAKDAP Bible (BSI)

¹⁰ Ngi asi. Ngi ka ümniirai nong shnong. Jurmin ümdü na jaqkaiq maq sham lot mak miraq. Kiimaq ara chela na i sengi maiq pahea asi,” nguta Paul ma tsii ka chongkuqto.

Hawa Naga Bible 2001

¹⁰ yvmx khoc lac ngoz ruiux lec ngaz mnoz rulc roc nuex httax vtaungx. Mnoz muex uraq muinz vgvrx vtsvrx tvhttuiuc kuq kv-phux rvmuq, vruex ghaq vwawc miq paunghvlc kuex ngvy miq htenc rvtueq,” ngoz tueq jungx kuq tueq.

Muklom

¹⁰ Chammatakoi nga bajamna, etho utang eq nang khim eq tasamnang phamu ang phanu, chammatakoi iri samhaq ro i rangma miqtang daqhan.”

Acts 18:10 Referencias Cruzadas

DUNGWVNC 4:12

Ümchaü min, kilaq! Ümnaq jamkhii bom chang wa ka Ngi raq mikhrum kuqkang. Kiimaq jamlai chong chang wa kra Ngi raq michong kuq kang.”

ISAIA 41:10

Naqhaikiq - Ngi ka ümniirai asi! Ngi ka üm Shiikeawe - ümniika jam miimin naqphiip jiipkiq! Ngi raq üm ningkun ka mitiiheng kang; lata mikhrumkuq kang. Ngi raq ümniika mitiiwong kang lata mitiichhiiha.

ISAIA 43:2

Ümniiraq kham tsaühea raptlaü na, Ngi ümniirai adam mirha; Ümtinkhan chamchaoli riihum haü min; ümniika tiingathu tiinga mak miraq. Ümniika wa mong maq khumtlaü na, ümniika wa raq khiimak miraq. Maitai henghea saütlaq kriiraq, ümniika tiimitsi mak miraq.

ISAIA 54:17

Shatmaq jamlai chuntsi nyiimwin riimin ümdü na tiimitsi mak miraq; ümnaq shrati tlotli loweatek ma ümkiq khiichang bom asi miraq. Ngi raq ijaqshisetiim ka mitiichhii wanha, lata tsangshiq ma rekhat ka mitiitangha.” Arka Tatiwe raq ngutlo.

ISAIA 8:10

Namshiq raq rechap wan ma wutan langphok ronglaq! Shatmaq tiina tsangshiq raq ümtiikiimin tangmak miraq. Namshiq raq aroro tsütsit siq rongliina! Shatmaq kriithun ka atuli miraq. Jamkhano ngukla Shiikeawe ka naishiq rai asi.

Matthew 1:23

Bomtsi ka akha tiichongto, “Junrii junsang se ashi raq asewok miho. Kiimaq ase ka maiqwe se michii. Kiimaq no mang ka Immanuel nguta mimang (kra liichum ka Shiikeawe nashiq rai nguta ngo.)”

Matthew 10:30

Riita kriimaq thi miika namshiq rilung thii ka tsinhea rahea. Shiikeawe raq namshiq khupo na namkhubin thun kiimin wiita weaje maq sitlo.

Matthew 28:20

Kiimaq ngi raq namshiq ma aming ümchuwa kuq kang kra tsangshiq raq lang raüta si miitu wiita shrin kuq rong laq. Kiimaq ngi ka namshiq rai wranaiqshe, ara mangjong hiq ara thum ranaiq na saüli adam na siruq misi kang!”

Luke 21:18

Shatmiitiina, namshiq khu wa khubin loshi se dongdii min tiidea wan lot mak miraq.

John 10:16

I skukong ka arli ka riimak. Konghin min asi. Kra kong thun kiimin, ngi raq ashea wan chang sitlo. Tsangshiq raq i bom ka mitai. Raüta, tsangshiq tarü ka arüm wanti weshi jaqkhong niishe, kongshi miishe mija wan.

John 11:52

Apaiq tsai tlaq arka, Jehudinok mung miitu lamlam li ka riimak. Shatmaq, Shiikeawe sengi ümchuwa pongmung mung na riinyin shin raüta sitlaq, kriithun ka wiita pumshi ma tiija wan miitu mitsai.

Acts 15:14

Ümchaü namshiq tarü nitai na Simon raq chong phan kuqtaq kra bomtsi ka tai wan kaishe. Riita, Shiikeawe raq Pongnok phan maiqse ka apaiq wura maq kongkhu tiiham wanto she. Raüta, tsangshiq ka asengi miishe tsea wanto.

Acts 15:18

Riita ija arka Tati apaiq bomchong. Arka rathup rapha niiphü achongthü.’

Acts 18:11

Krai mren she, Paul ka Korin chela na wiishi ri wiithiq sito. Raüta, kiijaq siti mungmaiqse ma Shiikeawe tsütsa kra shrinkuqto.

Acts 18:9

Rawashi Paul raq riisham mak maq Tatiwe ka chhito. Tatiwe raq apaiq ma ningkun shoqke bom ka akha chongkuqto, “Ümniika maiq ma akhiismin naqhai songkiq. Shatmaq, traho bom chongke kli shiichaq wan ruq riilaq. Akhiismin naq nungpaq kiq.

Romans 8:31

Riita, arthun chong wan kai arthaq na seng laita, nashiq raq jamlai she wa mingu rong i? Nashiq raq ong wan tiikai arka achong lot mai pahea she sitlo! Shiikeawe ri nashiq rai she jiika, nashiq ngeng wanti ka jushe wa misi? Ahü she!

2 Corinthians 12:9

Shatmaq, apaiq raq akha ngutli treto, “Ngi raq ümnaq kaphap tiikang kriili ümniima mihong rai. Ara jamkhano chongtiikang ngukla, ümtiikiiwa ümniika ningkun ajom sitlaü, kiitiikaq ümkhum na i ningkun ka ajong riiwan tlo.” Krai mren, ngi ka i ningkun ajom maq siwan riiwe ka, tiishomra tiikang. Jesuq Khristo ningkun maq, ngi ara tiikhup wongke kra sap wanro tiikang.

2 Timothy 4:17

Shatmaq, Tatiwe ka ngi rai nong shiinong. Kiimaq apaiq raq ngi ma ningkun kuqto. Krai mren, ngi raq Tsütsa Ahea ka kunli ma chongkuq kang. Pongnok phan maiqse wiitarü raq taili chang chongkuq kang she. Kiimaq ngi ka phaqsi na thübaiq chang wiimin tiichhii kuq wanto.

2 Timothy 4:22

Tatiwe ka ümtsaiji rai misilaq. Shiikeawe kaphap ka namshiq tarü rai misilaq.

JOSHUA 1:5

Joshua lei, ümrilung pattup ümniika chiq nai re riimin khatlot mak miraq. Ngi ka Mosheq rai jamkho adam siwan kang, kiikha ümniirai min adam maq pong dam lata misi kang. Ngi ka ümniirai riinap shat miili misi kang. Ngi raq ümniika ümtiikiimin tiishaü mang.

JOSHUA 1:9

Ngi raq ümchaü ümniima aming kuq tiikang. Ümniika ningkun shoqwiishoq maq srea nola ma jalaq; ümtiikiimin naqhaikiq kiimaq ümtsaiji naqtrankiq. Tatiwe üm Shiikeawe ka ümnaq ümbano kitlaü, kiijaq ümnaq rairai.”

PHOWEBI 2:18

Ümtiikiiwa Tatiwe raq Israilnok ma wela ashi shongkuq tlaq, Tatiwe raq apaiq kra khrumkuq tlo. Raüta apaiq atra sishat wiiwii mungmaiqse ka chiqse rewe jaqkhon mong wa tiiwong kuqtlo. Tatiwe raq chiqse rewe jaqkhon mong na tsangshiq chamchao kaidi hansii trang nai aho trang kra tairaüta, tsangshiq ma tiihang wan mangchan kuqtlo.