Acts 15:4 - ASII LAKDAP Bible (BSI)

⁴ Tsangshiq ka Jerusalem niishe saüki kiita, phungtuti raq nai kiimwebi raq kiimaq maiqlare raq khoqriiq shishiiq miishe taoto. Kiimaq Shiikeawe raq tsangshiq lümaq ümtinkhan wa jaq shamtaq, kra tsütsa ka tsangshiq ma tiitai chongphan kuqto.

Hawa Naga Bible 2001

⁴ Yerusalem nuex httuiuc waung tueq nuex phungc miqsaz htenc rulc vdvmz nuex kamx waz hez nuiyc phungc walaungx bix htenc rueq tsuinghez kuex malc wvnc tueq, tsuinghez rueq muinz Tishox rueq tsuinghez htauk maq shuimx wvnc tueq lvmz lotlaz tvtay jungx kuq tueq.

Muklom

⁴ Baluk o ning Jerusalem náng sey thu atho, eshiwang mondoli miqtang apostle tang etho miqlang tang aa wangphin ta halta. Etho ningni aa ning tungkang o Shkewa chamlang jaksom somlo ta tha batta.

Acts 15:4 Referencias Cruzadas

Matthew 10:40

“Jurwa namshiq tao tlaq kriika ngi tao wan tlo. Kiimaq jurwa ngi tao tlaq, kriika ngi tiikaiti we kra tao tlo.

Acts 11:30

Tsangshiq raq ara khrum kongphiq jaqmiiq kampho arka riichom lot raütiishe, Barnabas nai Saul ma, Jerusalem na phungtu liiti maiqlare jaq niishe tiikuq kito.

Acts 14:27

Tsangshiq ka Antiok na saü raütiishe, tsangshiq raq phungtuti wiitarü ka adam na triitam raüta, Shiikeawe raq tsangshiq lümaq, apaiq jaqsham ka ümtinkhan jonglu wa shamtaq, kiimaq Pongnok phan maiqse miimin, Shiikeawe raq apaiq ma kam wan miitu, lamlu ka jamkho dikuqtaq, kra thun tsütsa ka wiita phanchan chongkuqto.

Acts 15:12

Krai mren, Barnabas nai Paul raq tsangnai lümaq, Shiikeawe raq Pongnok phan maiqse ma ümtinkhan wa awang chang nai amao chang jaqsham kuqtaq, kra tsütsa ka tiitai phanchan chongkuq wan kiita, ngongthunti kiimwebi nai phukhu welabi thun tarü raq bom ka sanglili maq tiitsang taito.

Acts 15:2

Paul nai Barnabas ka tsangshiq rai ara bomtsi khuthaq na, pinthum achaq awaq maq riikhiito. Kriikha miishe, ikhla Paul nai Barnabas rai Antiok phungtu wa maiqlare wiijam ka Jerusalem na kilanta kiimwebi nai maiqlare rai bom ka riiwaiki rongkiq ngutiishe bom ka riichongto.

Acts 15:22

Kra riichongtaq krai mren she, kiimwebi nai maiqlare ka phungtuti tlotli rai adam maq kiqri raütiishe, tsangshiq phong wa maiq wiijamti kra tsea raüta, Paul nai Barnabas rai Antiok phungtuti rai riihum wa chang miraq ngutiishe, bom ka shatto. Krai mren she, tsangshiq kamasham maiqse wiitarü raq shreng tlaq maiqla wenai kriishe tseato. Tsangnai wenai wa weshi mang ka Barsabas. Apaiq ka Judas ngutiimin ngutlo. Kiimaq weshi mang ka Silas. Apaiq kriiri tseato.

Acts 15:3

Tsangshiq ka phungtuti raq tiikito. Tsangshiq ka akai lam maq, Phonesia nai Samaria wang lam maq kihoto. Kiimaq tsangshiq ma Pongnok phan raq Shiikeawe ma kamwantaq tsütsa kra tiitai chongkuq hoto. Kra tsütsa ka tairaüta, phunainotiim kunli ka kai khoqriiqto.

Acts 15:6

Krai mren she, kiimwebi nai maiqlare ka adam nga raüta, ara bomtsi khuthaq na bom ka riichong phanto.

Acts 16:4

Tsangnai ka chela rap na khum wan wan wawanto. Raüta, kiimwebi nai phukhu welabi raq, Jerusalem maq thungtri raütu khakuq wantaq kra, phungtuti raq lang chang nguta, tsangshiq ma chekuq wan wan she wawanto.

Acts 18:27

Ephisia na trahokuqlot raütiishe, Apolo raq apaiq ka Akaia wang na wachang nguta thapthito. Krai mren she, Ephisia na siti phunainotiim raq Akaia wangti phunainotiim ma, apaiq ka samheawiq maq tao wan raü jaq ahea miraq nguta, lak ashi waiq raüta tiiho wanto. Apaiq ka Akaia wang na saü wan raütiishe, kiijaq siti Shiikeawe lungwiitsii wokhong maq Jesuq ma kamwantiiti ma jaqsham jonghea khrum kuq wanto.

Acts 21:17

Naishiq ka Jerusalem niishe saü wan kaita, kiiwa phunainotiim raq naishiq ka khoqriiq shishiiq maq taoto.

Acts 21:19

Paul raq tsangshiq rai riihum raüta, “Khusang khata,” nguta riibom phahoto. Raüta, apaiq traho bomchong jaqsham wantaq kra lümaq, Shiikeawe raq Pongnok phan maiqse phong na jonghea jaqsham wantaq kra thun tsütsa kriishe wiita tiitho tiipha raüta, tsangshiq ma phanchan chongkuqto.

Romans 15:18

Ngi raq bom ka kholam kholiiq chongkuq tiikang. Arka ngi lümaq, Khristo raq Pongnok phan maiqse ka, Shiikeawe puk na tiinyap wanto nguta chong kuq tiikang. Shiikeawe raq tsangshiq ka, trahokuq kang bomtsi kra tai raüta nai awang chang jaqsham tiichhi kuq wan raüta, apaiq puk na tiinyap wanto.

Romans 15:7

Riita, ümchaü sanha, Khristo raq namshiq ka jamkho tao wantaq, kiikha namshiq liipan niimin, weshi raq weshi ka tao wan rong laq. Namshiq ka akha shongnga wan kra chhi raüta, maiqse raq Shiikeawe ka mitiitsam kam wan.

1 Corinthians 15:10

Shatmaq Shiikeawe apaiq khoqramkii maq kekuq shat rüm wan kha maq, ngi ka ümchaü maiqse ashi wiqwiq she dea ngutiishe sitiikang. Shiikeawe raq ngi ka apaiq kaphap wokhong mong maq, tiichhan chhi tlo arka atu niika moki mak dea. Riita ümchaü sanha riikhaqli maq shin raü jiila, ahinti kiimwebi thaq na, ngi raq riiwe ka jaqsham kaiwa apa achan ana she sham tiikang. Riita ara ümtinkhan wa hongla lata, jaqsham tiikang arka, i han-ngam ningkun miika riimak. Shatmaq Shiikeawe apaiq kaphap ningkun ka i khum na ngi rai asi kra lümaq jaqsham tiikang.

2 Corinthians 5:19

Ngi raq chongrat tiikang arka, ara ngo nangnga ngutiikang: Khristo pum lümaq Shiikeawe raq mangjong maiqse angu lotli kra apaiq ma akhi alu miishe tiija wan shiichaq tlo. Apaiq raq tsangshiq ngarai raüpot thun ka phe miili she diikuq tlo. Kiimaq apaiq raq mangjong maiqse angu wiita ka akhi alu ma tiija wan lungwiitlo nguta, kra tsütsa chongke jaqsham ka naishiq kiimwebi ma arang kuqto.

2 Corinthians 6:1

Naishiq ka Shiikeawe rai adam maq apaiq jaqsham tiikai krai mren, naishiq raq namshiq ka noho ikha trantsii wan tiikai. Namshiq raq Shiikeawe kaphap mangchan lap wan lan kra, atu na naq tiiwiihii rongkiq.

Colossians 4:10

Kiimaq ngi rai phaqtek mong na siti we, Aristarkas riimin namshiq ma salam bomtsi tiitai tlo. Kiimaq Barnabas nangwe Makaq riimin namshiq ma salam bom tiitai tlo, (Namshiq phana Makaq saü wa raü jaq, apaiq ka jamkhii shiikumpan chang wa, kriika namshiq ma kongkhu na atiichong wan wishe).

2 John 1:10

Riita chongtiikang arai mren, jurwa ara tengteng bomtsi ara namshiq ma chongkuq mak, arot chongkuq tlaq, akhiiti shrabi ka namshiq jam na naq tiidii rongkiq. Kiikhiiti miika “Hansang maq silaq,” nguta ramram bomtsi bomke min maimak.