Acts 15:3 - ASII LAKDAP Bible (BSI)

³ Tsangshiq ka phungtuti raq tiikito. Tsangshiq ka akai lam maq, Phonesia nai Samaria wang lam maq kihoto. Kiimaq tsangshiq ma Pongnok phan raq Shiikeawe ma kamwantaq tsütsa kra tiitai chongkuq hoto. Kra tsütsa ka tairaüta, phunainotiim kunli ka kai khoqriiqto.

Hawa Naga Bible 2001

³ Phungc miqsaz htenc rueq tsuinghez kuex tvkaz gay tueq, tsuinghez Phoenikia mungx nuiyc Samaria mungx lvmx maq kaz vtueq, Pungnuk miqsaz htenc yvmx khoc kvlayc wvnc vtueq lac Tishox kox nuex kvroz wvnc wuez tvnx lvmz kuex jungphvnx kuq tueq; kvruex thaungc kuex tay vtueq lvmx kvmluimx jix miqsaz lotlaz muex tvkoz kez wuez tueq.

Muklom

³ Ethirangma mondoli miqtang aa ning tha tachuwan ta; etho ning Phoenicia etho Samaria lit eq, Gentile tang chamal Shkewa relnáng thuta ta ning ni aa ning ma batta. Iri tungtang raaq tat atho uhantey miqtang rapney sungrang ta.

Acts 15:3 Referencias Cruzadas

Luke 15:32

Shatmaq, ümchaü akhing akha ahea ranaiq arka, nashiq raq khoqriiq shishiiq maq, poi ka klo chang. Ara jamkhano chongtiikang ngukla, ümno ka ama arki wa, ümchaü ka atra she. Apaiq ka amo arki wa, ümchaü ka hum kai she.’ ”

Acts 1:15

Kiitincho ji na kamasham maiqsetiim ka adam na rintii thungngato. Tsangshiq ka wiitarü shishi ri roqnai tin khan riito. Kiimaq kiitiikaq Petar ka chap raüta akongtibi kiima akha chongto,

Acts 13:48

Kra traho bomtsi chongkuqtaq kra, Pongnok phan maiqse raq tai raüta, tsangshiq ka kai khoqriiq shishiiq she chochi wanto. Kiimaq tsangshiq raq, Tatiwe bomtsi ka pinthum tiitsam kam wanto. Kiimaq, Shiikeawe raq pattup pat-sa tsitsü kewan miitu maiq ümchuwa tsea wantaq, kriiti thun ka kamasham maiqsetiim miishe tiija wanto.

Acts 13:52

Antiok chela na siti kamasham maiqsetiim thun ka kai khoqriiq shishiiq, kiimaq Asii Wenyi raq ama maq siwanto.

Acts 14:27

Tsangshiq ka Antiok na saü raütiishe, tsangshiq raq phungtuti wiitarü ka adam na triitam raüta, Shiikeawe raq tsangshiq lümaq, apaiq jaqsham ka ümtinkhan jonglu wa shamtaq, kiimaq Pongnok phan maiqse miimin, Shiikeawe raq apaiq ma kam wan miitu, lamlu ka jamkho dikuqtaq, kra thun tsütsa ka wiita phanchan chongkuqto.

Acts 15:1

Maiq wiijamti Judia wang wa Antiok na waraüta, phunainotiim ma traho bomtsi ka akha shrinkuqto, “Namshiq raq Mosheq Thungtri na chongtlaq kra phan phan, athohan poi ka lang man wiiwii, Shiikeawe raq nam khum ka tiichhii kuq mak miraq.”

Acts 15:12

Krai mren, Barnabas nai Paul raq tsangnai lümaq, Shiikeawe raq Pongnok phan maiqse ma ümtinkhan wa awang chang nai amao chang jaqsham kuqtaq, kra tsütsa ka tiitai phanchan chongkuq wan kiita, ngongthunti kiimwebi nai phukhu welabi thun tarü raq bom ka sanglili maq tiitsang taito.

Acts 15:22

Kra riichongtaq krai mren she, kiimwebi nai maiqlare ka phungtuti tlotli rai adam maq kiqri raütiishe, tsangshiq phong wa maiq wiijamti kra tsea raüta, Paul nai Barnabas rai Antiok phungtuti rai riihum wa chang miraq ngutiishe, bom ka shatto. Krai mren she, tsangshiq kamasham maiqse wiitarü raq shreng tlaq maiqla wenai kriishe tseato. Tsangnai wenai wa weshi mang ka Barsabas. Apaiq ka Judas ngutiimin ngutlo. Kiimaq weshi mang ka Silas. Apaiq kriiri tseato.

Acts 15:32

Kiimaq Judas nai Silas tsangnai wenai kiimin shammi sii riito. Krai mren, tsangnai ka tsangshiq rai rahiq ashaqpuq sithü damto. Raüta, tsangshiq ma kamasham na tsaido jido ningkun shoqke wan bomtsi pahea chongphan kuqto.

Acts 15:4

Tsangshiq ka Jerusalem niishe saüki kiita, phungtuti raq nai kiimwebi raq kiimaq maiqlare raq khoqriiq shishiiq miishe taoto. Kiimaq Shiikeawe raq tsangshiq lümaq ümtinkhan wa jaq shamtaq, kra tsütsa ka tsangshiq ma tiitai chongphan kuqto.

Acts 17:15

Paul thükaiti maiqwere kitaq ka Athens chela na saüli wawan damto. Raüta tsangshiq ka Berea na jang wan nongto. Paul raq Silas nai Timothi raq apaiq ka jaqlo maq mitlo wan li laq nguta bom ka apaiq thüwati ma tiichong wanto.

Acts 20:38

Apaiq raq tsangshiq rai sham ka riichhi nong mang she miraq nguta bom chongkuqtaq kra tai raüta, tsangshiq tsan ka pinthum bito. Kra lot raütiishe, tsangshiq raq apaiq ka laijong na saüli she shea thükito.

Acts 21:5

Shatmaq, tsangshiq rai hai dam rahiq akhing ka thumkai jai she, naishiq ka kiimaq atiido she riiwan nong kai. Tsangshiq tarü, jechak nose thun min nong nong, naishiq thükai nguta chela khamjongraikii kumtsai phii na saüli naishiq rai kidamto. Kiijaq naishiq tarü kaütsrong na nga laita achu jaükai.

Acts 28:15

Rom na siti phunainotiim raq naishiq watlo nguta tsütsa taito. Krai mren, tsangshiq ka Rom maq kiraüta Appijas Kejat thung nai Wanjaptiiptsam Hiq kiina saüli kiraüta naishiq ka humkito. Paul raq tsangshiq rai riihum raüta Shiikeawe ma kechu tumto. Kiimaq apaiq ma tsaiji kongtam puqshi she riito.

Acts 8:14

Kiimaq, Jerusalem na siti kiimwebi riimin, Samaria na siti mungmaiqsetiim raq Shiikeawe bomtsi ma kamwanto nguta tsütsa ka taito. Krai mren, tsangshiq raq Petar nai Johan ka tsangshiq phana tiiwato.

Romans 15:24

ümchaü she miwaha nguta tiima wan tiikang. Ngi ka Spen mung na kaiho lam maq, namshiq rai, heashi mirhum thü ha nguta tiima tiikang. Namshiq rai heashi haithü latiishetiq, Spen mung niika mikiha nguta thapthi wan tiikang. Kiimaq namshiq raq ngi ka kiina kai miitu mikhrum kuq dam han nguta tiima tiikang.

1 Corinthians 16:11

Jurmin apaiq ka shipoq raa mak; shatmaq namshiq raq apaiq wanhiq khum jaqsham kra tiinyi thü raüta, ana ngi phana hali khusang rakhang maq saüho nong miitu liikuq rong laq. Ngi raq apaiq ka kongtitiim phunobi rai ana mijangki nonglaq nguta khe tiikang.

1 Corinthians 16:6

Ngi ka namshiq rai ashaqpuq misi wanha sham nguta tiima tiikang. Diwin ji liipan thun ka namshiq rai misiha sham. Kiimaq kra jai miishetiq, ngi ka ümnü na khumchang wa dong jiiq, kra phan phan, namshiq riimin, wanhiq khum miitu mikhrum kuq han.

2 Corinthians 1:16

Ngi raq akha tiima kang arka, ngi ka Mesidonia wang na walam maq namshiq rai mirhum wan ha. Lata hali ajang nü na, namshiq phana midongho ha nguta tiima wankang. Kra ngu raü ka, ngi Judia wang na kai miitu, namshiq raq khrumke ma ahea miraq.

Titus 3:13

Phowe Jenas nai Apolos raq wanhiq na wachang nguta tiijetlo. Ümniiraq tsangnai wanhiq khum pha wan miitu, ümchuwa tang tlaü kra khrumkuq laq. Tsangnai ma jamlai phan wa raa tlaq, kra wiita hongli chang liikuq dam laq.