Acts 15:5 - ASII LAKDAP Bible (BSI)

⁵ Shatmaq, Phorisinok phong wa, kamasham maiqsetiim maiq wiijamti raq, chap raüta, “Pongnok phan riimin athohan poi nai Mosheq Thungtri ka lang raa dongdii” nguta tsangshiq kiq ka khiito.

Hawa Naga Bible 2001

⁵ Yuq muinz Pharise nuk phungc wawc kvmluimx jix miq wvyvmc jvp vtueq, “Pungnuk miqsaz rueq muinz vhttoar gvnc vhtungx nuiyc Moshe Tvrac kuex phvnc rax tuex,” ngoz tueq jungx wuez yaq.

Muklom

⁵ Etharin Phorisi waan wang chamtey uhantey tang lang eq batta, “Gentile tang atho hankhup qhan ching etho Moses thong tat ma raaqkhat kot ching.”

Acts 15:5 Referencias Cruzadas

Matthew 3:7

Shatmaq, Johan raq Phorisinok nai Sadusinok ka apaiq phana khamlamkai nguta pahea akai rai kra chhi raüta, tsangshiq ma akha sonto, “Namshiq ka paüsang nyiqla ikha khonglaq tlan! Namshiq ka Shiikeawe raq ngarai maiqse ma chamchao tiisaüho tlaq kiiwa kham lam wan laita mihang wanlot rong i ngutiisha tiima tlan?

Acts 15:1

Maiq wiijamti Judia wang wa Antiok na waraüta, phunainotiim ma traho bomtsi ka akha shrinkuqto, “Namshiq raq Mosheq Thungtri na chongtlaq kra phan phan, athohan poi ka lang man wiiwii, Shiikeawe raq nam khum ka tiichhii kuq mak miraq.”

Acts 15:24

Naishiq phong wa maiq wiijamti ka, kiina namshiq phana wato nguta tsütsa ka tai kai. Raüta, tsangshiq traho bom chongke lümaq, namshiq ka kamasham lamphan na trang ra wan tlo, kiimaq namshiq kamtsantsii ka runbaiq wantlo nguta tsütsa ka tai kai. Naishiq raq tsangshiq ka namshiq ma kiikha bom asa chongphan kuq wa rongkiq ngutiika thaü mai dea.

Acts 21:20

Tsangshiq raq ara tsütsa ka tai raüta Shiikeawe ka tiitsam kamto. Raüta, tsangshiq raq apaiq ma chongto, “Phuno we Paul lei, Jerusalem wa maiq pahea ahing ahing she phung na shang wanto. Kriika ümniiriimin asap haü. Kiimaq tsangshiq ka nashiq Jehudinok Thungtri ka jaqkhon tiipha raüta atsin maq lang wanti siisaq.

Acts 24:14

O, riita bom poshi kla tengto dea. Naititiim Shiikeawe ka, ngi raq kriidea Shiikeawe shomnoq chang Lamjong kaü nguta, chong tlaq kra lam kra phan phan miidea, shomnoq tiikang. Kra lam phan ka tsangshiq raq lamjiq nguta ngutlo. Shatmaq, ngi riimin la Mosheq Thungtri na awaiq thü nai shammibi lakdap thun na awaiqthü tengteng bomtsi kiima kam tiikang.

Acts 24:5

Naishiq raq arwe arka mungshuk shaqti pinthum haisi chang ashi chhi tiikai. Apaiq raq mangjong tlotli na, Jehudinok phan liipan na, tatso wiinyi pahea tiibrak shaq wantlo chhi tiikai. Kiimaq apaiq arka, Najareth hiqti we phung wa lamsheati wela ashi.

Acts 28:22

Shatmaq naishiq riimin, ümnaq shang wan dam laü phungnok tsütsa kra kiitiina atai wan ka ro tiikai dea. Ara jamkhano chongtiikai ngukla, barap binrii na, nanok raq arphung ara ngengseng wanti siisaq chhi tai wan tiikai,” ngutiishe tsangshiq raq Paul bom ka treto.

Acts 5:17

Arthun ara chhi raütiishe, Ramwe Ajong Pinthum we nai akongtibi kiimaq, kiiwa nokti Sadusinok phung raq kiimwebi ka pinthum makshu rashe miishe shulii wanto. Krai mren, tsangshiq raq kiimwebi ka atiichamchao chang ngutiishe bom ka riichongto.

1 Corinthians 7:18

Ümriiti wa maiqmii athohan alot wishe na Shiikeawe raq hea wantaq jiika, apaiq raq athohan miphan ka tiimaq baiq la nguta tiima raa mak she. Kiimahali, ümriiti riiwa athohan mishaq niili, Shiikeawe lam ka phan wantaq jiika, apaiq raq athohan ka raa mak.

Galatians 2:11

Shatmaq, ümtiikiiwa Antiok na Petar wataq, kiitiikaq ngi raq apaiq ka Phungmaiqse nokwe man na, ashut klo kha na, ason riikang. Ngi raq apaiq son kang kriika, apaiq raq ajiq klo wan kha na sonkang.

Galatians 2:14

Kiitiikaq, ngi raq tsangshiq wiitarü, wiikongtam ka, tengman tlaq Tsütsa Ahea lam phan na simak she, ajiq nü na kaiho kra chhi lata, ngi raq Petar ka tsangshiq Phungmaiqse nokwe wiitarü man na, “Ümniika Jehudi we riimak sha? Shatmaq, ümniika Jehudinok thunglai maq jamkhii phaqsea chang wa kiikhiika simaü maq, Pongnok phan maiqse ikha sitlaü riimak sha? Ikhiijiika, ümniiraq Pongnok phan Phungmaiqsetiim ka, Jehudinok thunglai kra lang raüta siraa, ngutiika jam nübok mo bom tlaü?” nguta son kang.