Acts 13:42 - ASII LAKDAP Bible (BSI)

⁴² Riita traho bom chongke lot jai she, Paul nai Barnabas ka sinagok maq tiido wan tlaq kiijiishe, nokwe raq tsangnai ka jai wa Asii Niitiitsak ranaiq niimin kinong raüta, bom ka abiri chongkuq kinong raüjaq ahea nguta tsangnai ma bom ka chongto.

Hawa Naga Bible 2001

⁴² Polu nuiyc Barnaba kuex vjux thoz yuimx wawc kvtenc kaz wvnc tueq nuex, miq htenc rueq tsuinghez muex yix wawc Vguilc Raungnuiyq muinz vruex lvmz htenc kuex lauk shiz jungx kuy yek tvkoc thoz tueq.

Muklom

⁴² Paul etho Barnabas synagogue wang thalat kam tho, ning ni adak Sabbath saal tho wey thu eq iri tung aa raaq tatat ma miqtang aa tinthanin eq batta.

Acts 13:42 Referencias Cruzadas

EJEKIEL 3:6

Ngi raq ümniika pongnok phan maiq mung jonghea phan, abom asa min tailot maünok mung na tiikiha jiika, tsangshiq raq ümbomchong ka mitai wan wa.

Matthew 11:21

“O, Khorajin chelati le! Namshiq ma phiiptsi chang asi jo! Kiimaq Bethsaida chelati le! Namshiq miimin phiiptsi chang asi jo! Ngi raq namshiq makki na ümchuwa awang chang jaqsham wankang thun kriika, Tajar nai Sidon mung na sham wan ha jiika, tsangshiq raq man niiphü thoila thum sam raüta, kiinyiikhiq maq makphai khüshang raüta, tsangshiq khakam na tapkhu maq nyat raüta, tsangshiq ngarai kra tiidii maaho manyi mihoqsiq wa!

Matthew 19:30

Shatmaq ümchaü maiq pahea juwa ajong nguta siwan thun ka, rawiichii maiqpat anye saüho tlaq akhing na, aran miishe mitiija wan. Kiimaq ümchaü maiq pahea, juwa aran nguta siwan tlaqti ka, rawiichii maiqpat anye saüho tlaq akhing na, ajong miishe mitiija wan.”

Matthew 9:18

Jesuq ka ara bom chongke rea liipan kiijiiniili, sinagok liiwanti we maiqla weshi ka apaiq phana kito. Raüta Jesuq khaki na kaütsrong na ngasaq raüta, “I se ka ümchaü linlintiq pitkito. Shatmaq ümniika walaüta ümjaq maq apaiq dü na sham wa haü jiila, apaiq ka achhun mirwan nong,” nguta tiipaiqneato.

Acts 10:33

Kiimaq kra chongkuqtaq krai mren, ngi raq ümniika tlothit li ana tiiheaki kang. Kechu jonghea, ümniiraq tlea maü maq saü wa laü. Riita, shiilangwe lei, ümchaü min Tatiwe raq naishiq ma jamlai chongkuq wakiq ngutiiwa tiiwataq, kra taiwan miitu naishiq tarü ajaq Shiikeawe man na riitam wan kai,” nguta treto.

Acts 13:14

Tsangnai ka Parga maq wawan raüta, Pisidia hong na Antiok chela niishe saü wanto. Raüta, Asii Niitiitsak ranaiq ka sinagok na kito. Raüta ngaki damto.

Acts 28:28

Kiimaq Paul raq abom ka, “Riita ümchaü sanha namshiq raq arshe sap wan ronglaq. Shiikeawe tiichhii wan tsütsa ahea kriika, Pongnok phan maiqse miishe michong kuq wan. Tsangshiq raq tsütsa ahea kra mitai!” ngutiishe abom chong kra shatto.