Acts 13:43 - ASII LAKDAP Bible (BSI)

⁴³ Sinagok noqku thumjai niishe, nokwe thun ka pin wanto. Tsangshiq pin wan jai she, Jehudinok phan maiq pahea raq, kiimaq Pongnok phan maiqse Jehudi khü maq tiihong raüta siti thun maiq pahea raq, tsangnai jai she phan wanto. Krai mren, kiimwe nai kra riimin, tsangshiq ma Shiikeawe wokhong na tsapkapkap maq shongnga rong laq nguta tsangshiq ma tsaido jido bomtsi she chongkuqto.

Hawa Naga Bible 2001

⁴³ Vjux thoz yuimx maq dung wvnc tueq nuex Yuda miqsaz htenc nuiyc Yuda phungc nuex kvwek wvnc jix htenc rueq Polu nuiyc Barnaba yix nuex phvnx wvnc wuez tueq. Kamx waz hez rueq tsuingshiq kuex Tishox kejux lvmx nuex tvhttoarc vtueq rullungx tvraungx wvnc tvkoc jungphvnx kuq tueq.

Muklom

⁴³ Synagogue na raaq wan thun jio, daqhan Jehudi tang etho Gentile phan wang Jehudi phan kaley tey tang eq Paul nia Barnabas ji phanta. Ningni aa ning ma Shkewa ráng manchan o tong inn ta batta etho tinthajong ta.

Acts 13:43 Referencias Cruzadas

Matthew 23:15

“Namshiq ma phiiptsi chang jonghea asi, Phorisinok nai Thungtri shrinketibi le! Mongnam nok le! Namshiq raq maiq weshi ka namshiq Jehudi nok kamasham lamphan phung kiina tiishang wan miitu sammoktra jü jin lanta, kiimaq maiqmung pahea kiina khum lanta, trahoke khum tlan. Krai mren, maiq weshi kra tiishang han jiila, namshiq raq apaiq ka namshiq jamkhiiwa siwan tlan kiikha tiinamtok chongkuq lanta, mannai rii chamchao homa kra howan raüta wamungtan na kaiho miitu tiijethü tlan!”

Acts 11:23

Barnabas ka Antiok na saüto. Kiimaq Shiikeawe raq tsangshiq ma pinthum achu shiiman kuq tlaq kra chhito. Kra chhi raüta, apaiq ka kai khoqriiqto. Kiimaq apaiq raq tsangshiq ma tsan nai tsii wiita kiinong kuq lanta tsapsaü kapse maq, Tatiwe ma kamwan ruq maq shongnga ronglaq nguta tsaido jido bomtsi chongkuqto.

Acts 13:50

Shatmaq, Jehudinok raq kra chela na siti shiilangbi nai Pongnok phan maiqse wa maiq wiijamti jechakre ajong alabi nyungre, Shiikeawe shomnoq wantibi thun kriima raikao tatto. Raüta, tsangshiq raq Paul nai Barnabas kriishe tiichamchao wanto. Raüta, tsangnai ka kra chela wa maiqhiq ahin niishe jobaiqto.

Acts 14:22

Tsangshiq raq phungmaiqsetiim ma tsangshiq kamasham rang ka samhea apha maq tiicham wan miitu bom she chongkuq wanto. Kiimaq Jesuq ma kamwan tsantsii ka pharangrang maq rüm ronglaq nguta tsaido jido bom akha tsii chongkuqto. “Nashiq ka chamchao litkot walü pahea lea wan laitiitiq Shiikeawe mungtan na saü wan chang,” nguta trahokuqto.

Acts 14:3

Kiimwe nai ka kiijaq rahiq luhea sito. Raüta, Tatiwe tsütsa ka achaq awaq maq nokmaiqse ma chongkuqto. Krai mren, tsangnai raq Tatiwe kaphap mangchan bomchong tlaq kriika, tengteng dea chongtlo nguta atai wantibi ma tiichhike wan miitu, Tatiwe raq tsangnai ma awang chang nai amao chang jaqsham miitu ningkun jonghea kuqto.

Acts 16:14

Kiijaq naishiq traho bom chongke tai wanti phong wa, jechak nyung ashi ka Lidia riito. Apaiq ka Thajatira chela wa aki rongmin khea piikiiti nyung. Apaiq ka Shiikeawe shomnoqti nyung. Kiimaq, Tati raq apaiq tsan achhü maq, Paul raq traho bom chongkuqtaq kra mitiitsang tai wanlaq nguta atsan tsii kilü ka dikuqto. Krai mren, apaiq raq Jesuq Khristo ma kamto.

Acts 17:17

Kriikha maq, apaiq raq sinagok maq Jehudinok rai kiimaq Shiikeawe shomnoqti Pongnok phan maiqse rai riiphan chanto. Kiimaq ranaiqtek kejat thung maq, kiijaq maiq juwa akhum ashiimti achachati kiima trahokuqto.

Acts 17:34

Li jiimin, Paul traho bomchong taiti nokwe phong wa, maiqwere wiijamti ka Paul rai she pong wan damto. Kiimaq Paul raq chongkuqtaq tsütsa kiima kamto. Ara kamwantiiti thun phong wiika, maiq weshi Dainosias kiimin riito. Apaiq ka kra rung phung wa wela ashi riito. Kiimahali jechak nyung min ashi riito. Apaiq mang ka Damaris riito. Apaiq kiimin kamwanto. Kiimaq nanok maiq ahinti riimin kamwanto.

Acts 17:4

Krai mren, mungmaiqse phong wa maiq wiijamti ka Paul raq traho bom chongke kra tai raüta, tengto dea nguta kamwanto. Raüta, tsangshiq ka Paul nai Silas rai kongshi she pong wan damto. Krai mren, jechakre phong wa maiqla nyungre pahea riimin, kiimaq Griknok wa pahea Shiikeawe shomnoq wantibi riimin Paul nai Silas rai kongshi she pong wan damto.

Acts 18:7

Krai mren, apaiq raq Jehudinok ka miimthü raütiishe, Pongnok phan maiqse maiq weshi, amang ka Titias Jastas ngutlaq kriiwe phaniishe kihoto. Kriiwe ka Shiikeawe shomnoqti riito. Apaiq jam ka sinagok jam tho niili riito.

Acts 2:10

Kiimaq, Phrigia nai Pamphilia mung wa, kiimaq Ejip mung nai Libia mung na Sairini chela binjü wa awa hai ahata. Nashiq wiijamti ka Rom chela wa aki hai ahata.

Acts 28:23

Krai mren she, tsangshiq raq Paul rai ngakai miitu ranaiq akhing ka tiihongto. Kiimaq kra ranaiq tiihongtaq akhing na, tsangshiq maiq pahea kra Paul sitlaq kiijaq kito. Krai mren, Paul raq ranap chu maq phaho raüta, raji ranyaq na saüli she, tsangshiq ma Shiikeawe Mungtan tsütsa kra phanchan chongkuqto. Kiimaq apaiq raq Mosheq Thungtri na awaiq thü nai shammibi lak na awaiqthü thun bomtsi kriika, Jesuq rilung nai apaiq raq jaqsham wantaq kiijiishe kuwanto nguta tsangshiq ma tsan tiinin li chang khan she, tiitho tiipha raüta chongphan kuqto.

Acts 6:5

Krai mren, tsangshiq kamasham maiqsetiim wiitutam raq, kriidea thukto nguta, kiimwebi bom na, kiqshi maq romdamsaq riito. Raütiishe, tsangshiq raq arwetiim arshe tsea raüta shiikapto: Tsangshiq mang thun ka ara. Stephen, apaiq ka kamtsantsii ajong rümtiwe, kiimaq Asii Wenyi na ama maq siti we. Kiimaq Philip, Prokhoras, Nikanor, Timon, Parmenas, kiimaq Nikolaüs riito. Apaiq ka Pongmung maiqse phan wa. Antiok chela na siti we. Apaiq ka kongkhuji na, Jehudinok kamasham lamphanti wa, Phung niishe ashang wan.

Romans 11:6

Kiitiina, apaiq raq ara tsangshiq tsea wantaq arka, apaiq kaphap mangchan jonglu khuthaq na seng raüta tsea wanto. Arka tsangshiq raq kechu lap wan li chang, Shiikeawe tsan tiihea wanli, jaq sham kuq wan raütiika riimak. Ara jamkhano chongtiikai ngukla, Shiikeawe raq maiqse ka, maiqse raq kechu jaqsham tlaq, kra thaq na seng raüta, tsangshiq ka tsea wan raü jiika, apaiq kaphap mangchang kriika, thiihüli she mijaki.

Romans 3:24

Shatmaq, Shiikeawe raq maiqse ka apaiq raq phe maq akuq, kaphap mangchan, Jesuq pum lü miishe dok daa wan raüta, maiqse ka apaiq rai wehea she nguta shram wantlo.

Romans 5:2

Apaiq raq nashiq ka, nashiq kamtsantsii maq, ara Shiikeawe kaphap mangchan wura khong niishe tiishang kuq wanto. Ümchaü nashiq ka apaiq wokhong mong niishe sitiikai. Krai mren, nashiq riimin Shiikeawe chhainyii rilung kiimin mirsha lap wan rong i she nguta, tiishom raa tiikai!

Romans 5:21

Riita, ija, ara chong tiikai arai mren, maiqse ka ngarai ningkun raq atsai kharü mong na shaq raüta, jamkho jamsha wantaq, kra jai tiijo she hali, Shiikeawe raq kaphap mangchan jonghea maq, maiqse ka, apaiq rai wehea miishe tiija wantlo. Raüta kechu maiqse she nguta, ajam na tiidii wantlo. Raüta, nashiq ma pattup pat-sa rilung tsitsü raü ka, nashiq Tati Jesuq Khristo pum lümiishe kuqtlo.

2 Corinthians 5:11

Khristo raq ranaiqshishi ka nashiq tarü tiikham raüta, apaiq rung na mitiichap wan nguta asap hai kha maq, tsan na tiihaishat maq sitiikai. Arkha miitiina, naishiq raq nanok ma Tsütsa Ahea ma kamwan ronglaq nguta, tiima tsantsii wüjangjang maq tsangshiq ka trantsii chong kuq tiikai. Ngi ka juwa kriika, Shiikeawe raq kunli asap. Kiimaq ngi raq tiima wan kla, namshiq riimin, ngi ka samhea wiq asap han ahiq nguta tiima tiikang.

2 Corinthians 6:1

Naishiq ka Shiikeawe rai adam maq apaiq jaqsham tiikai krai mren, naishiq raq namshiq ka noho ikha trantsii wan tiikai. Namshiq raq Shiikeawe kaphap mangchan lap wan lan kra, atu na naq tiiwiihii rongkiq.

Galatians 5:1

Nashiq ka wasetiim she nguta sitiikai. Khristo raq nashiq ka, kharü mong wa adaa wan kun she! Riita, krai mren, ümchaü sanha, namshiq ka wasetiim nguta, mongngam maq, tok ka ra na doshat miishe si rong laq. Namshiq ka thongshi ri hali, maiqdi kong ma, naqja kinong rongkiq she.

Galatians 5:4

Ümchaü, namshiq phong wa, ümriiti riiwa, Thungtri kra lang lanta, Shiikeawe man na, kechu maiqsetiim ma jawan rong i, nguta tiima tlanti thun riika, Khristo wokhong mong wa ahin na dongho kai she, nguta sap rong laq. Namshiq ka Shiikeawe kaphap wura mong wa dongki lan she.

Ephesians 2:8

Riita, ara chongtiikai arai mren, Shiikeawe raq namshiq tiichhii kuqtaq kriika, apaiq kaphap mangchan wokhong maq, namshiq raq kamtsantsii thü lan kha maq, tiichhii kuqto. Arka namshiq raq jaqsham ahea phan sham lanta, tiichhiike ka riimak. Shatmaq arka, apaiq raq, namshiq ma phe maq akuq, kongphiq. Krai mren, juwe riimin maiqmii dea kechu maiqse nguta tiisom ra chang lam ka ahü.

Philippians 3:16

Ümkhiimiiwa, kiikha tiima wanti li siraü jiimin, nashiq tarü raq, ümchaü ranaiq na saüli jamkho siwan kai, kra tri raü ka sham laita, sinkhu na wawan ruq wawan rong i.

Philippians 4:1

Ara chong tiikang arai mren, lungwii phunainotiim lei, namshiq ka ngi ma lakshiitum alak ha ikha sitlan! Ngi ka namshiq sham chhiro raq ahaü sitiikang! Namshiq raq ngi ka kai tiichochi tlan. Krai mren, ngi ka namshiq miitu, ra na dü ma phipii tiisomrasiq tiikang. Ija, akha riimak i jiita. Ümchaü sanha namshiq raq, Tatiwe ma pharang rang maq kam tlan kata. Akha kamwan ruq maq sirong laq.

Colossians 1:23

Krai mren ümchaü sanha, namshiq ka kamtsantsii tiipha chang Tsütsa Ahea bomtsi thaq na pharangrang maq jaq riiwiiq lanta sirong laq. Riita man na, namshiq raq Tsütsa Ahea tai wan lan akhing na, jamkhiiwa pharangrang maq kamwan lan, kriiwa akhiismin naq tiimeshi rongkiq maq sirong laq. Riita ngi Paul ka, ara Tsütsa Ahea, mangjong hiq wiita na chongkuq wantaq ara chongke miitu jaqshise miishe jawankang.

Colossians 1:28

Arkha maq tiina, naishiq raq Khristo Tsütsa Ahea ka maiqse angu wiitarü ma chongkuq tiikai. Naishiq ma anyan phaqchi ümchuwa raükuq tlaq, kriimaq naishiq raq maiqse achhi kiima trap tru maq sungkhu tsii lam ka chongkuq tiikai. Kiimaq shrin kuq tiikai. Riita ara shun shea wan tiikai arka, maiqse pumsii awea maq, Shiikeawe jichong na Jesuq Khristo pum na pumshi hanshi maq siwan rilung na maiqla tiija wan laita sheake wan miitu hunnii tiikai.

Titus 2:11

Ara jamkhano chongtiikang ngukla, maiqse angu tarü hupli kra tiichhii wan miitu, Shiikeawe raq apaiq kaphap mangchan khoqramkii ka, Jesuq Khristo pum na tiichhikuq wanto she.

Hebrews 12:15

Namshiq ka, Shiikeawe kaphap wokhong nyang wa, lamjiq na kiho man chang miitu, tsii lam shat maq si ronglaq. Namshiq phong wa, jumin akhap atsuwiq pechong ma, naqja rongkiq. Kra chong jonglu wan raüta, nanok miatsii baiq wan ka raa mak.

Hebrews 13:9

Tsütsa Ahea na chongtlaq, tingting rilung lamphan tlan kiiwa, maiq ahinti raq, namshiq ma arot akiq bomtsi thun shrinkuq raüla, namshiq tiishon ron haü la, namshiq ka naqshon rongkiq. Shiikeawe kaphap mangchan wokhong maq, nashiq ka tsailam jilam sitiikai. Ahata nashiq ma ningkun tu. Shatmaq, aphaq asea lam na seng raüta, arphan arka phaq sea raa mak; arphan arka aphaq sea chang; arphan arka phaqsiq mai chang, apii phan nguta tlang kuq tlaq, kra bomtsi ka, nashiq ma aliip dong chang ahü. Akhnok tri lamphantibi miika jamlai achu min ahü.

1 Peter 5:12

Ngi raq ara atoqse maq namshiq ma waiq kang. Ara waiq na khrumketi ka Silas. Apaiq ka ngi ma kamasham na tsapkapkap Phungmaiqse phunowe. Ngi raq namshiq ma tsaiji doke wan rotiikang, kiimaq irilung hakhi ke rotiikang, arka riikhaqli Shiikeawe kaphap. Arjaq pharang rang chap ronglaq.

2 Peter 3:14

Riita ara chongtiikai krai mren, lungwii Phungmaiqse phunobi lei, kamto maq Shiikeawe saükai ranaiq na, Shiikeawe raq namshiq ka asii kechu maiqsetiim awongsii loholi chang miitu shiikut chaq lanta sirong laq.

1 John 2:28

O raq, i setiim lei, apaiq rai pumshi hanshi maq sirong laq. Akha shongnga hai jiika ümtiikiiwa apaiq ka saüki jiiq, kra Ranaiq nashiq ka apaiq ma hai ma, atiijeasi chang jam min ahü she miraq. Kra Ranaiq nashiq ka tsailam jilam maq, chojong chise she misi rong i.

2 John 1:9

Juwa Khristo raq achongkuq bomtsi aming wokhong na simak, aming jin raüta lamjiq nü na kiho tlaq, kriiti ka Shiikeawe rai adam na simak she. Shatmaq juwa Khristo rilung manphan bomtsi chong tlaq kra lang raüta sitlaq, kriiti ka Awejong Shiikeawe kiimaq Ase tsangnai wenai wiita wokhong na sitlo ngushat.