Acts 13:41 - ASII LAKDAP Bible (BSI)

⁴¹ ‘Liirong laq, angok anginok lei, Shiikeawe bom shipoqtitiim lei! Wangthang rai ronglaq, lanta miqphaq wan ronglaq! Ara jamkhano chongtiikang ngukla, ümchaü namshiq pat na ngi raq jaqsham tiikang arka, maiq weshi ra raq namshiq ma chongkuq raü min, namshiq raq kam man!’ ”

Hawa Naga Bible 2001

⁴¹ ‘Lawc shuinz, miq shummarc jix nuk lex! Kawc yawc vtueq thueyc wvnc kuinz! Majuiuc raungnuiyq ngaz rueq shuimc juing yauk shuimc kuex miq washiz rueq jungx kuq ruiux muinz nuimshiq kvmx tuinx rvmuq!’” ngoz tueq httax yaq.

Muklom

⁴¹ Miiksuk tey tang siin inn, nim rapney patja eq ti inn. Chammatakoi nga nim rangham tang o somlo ang bara utang eq nim ma bat phin jo tho, nim aa han min ang nin!

Acts 13:41 Referencias Cruzadas

TAKSU LAK 5:12

Kra akhing na, “Ngi dea shut kang. Itsii chhiwan mang riikang. Ngi ma hon atsii achongkuq, taimang shipoq wan kang.

ISAIA 5:24

Kriikha na ümchaü min, tsamkü dap nai sangphii shinriiqriiq shinkitlaq raüta wa na phongchaq tlaq ikha michaqbaiq. Nam rangchong thun ka anam she mirki. Raüta namshiq pülii rai tlan ka ashin she mirki. Raüta rahai raq mipan wan. Jamkhano ngukla, Ajong Pinthum Tati, Israilnok asii Shiikeawe raq nashiq ma jamlai wa shrin kuqtaq kra namshiq raq no na tsuqbaiqlan.

ISAIA 65:15

Ngi raq atsea arwanha isenginok raq namshiq mang ka chong raüta maiq ma manson miitu mishton wan. Ngi Ajong Thaq Na Ajong Pinthum Tatiwe raq, namshiq ka mitsatbaiqha. Shatmaq jurwa ibom tai tlaq raüta iwokhong na sitlaq kriiti miika mang anye she mikuq wanha.

EJEKIEL 33:9

Shatmaq, ümniiraq abiwe ma honlam bom chongkuq haü jiila, shatmaq apaiq raq ngarai ka tangruq tang raüta, apaiq ka ngarai mong niili mitsai wan. Shatmaq ümrilung ka atiiwong mirkuq.”

HABAKUK 1:5

Kiijiishe Tatiwe raq asengi ma chongto, “Liirong liina, nam tro na mangjong hiq thun, Kra chhi han jiila namshiq ka, namnü tiiki raq raq, awang she mirwan han. Namshiq pat niili ngi raq, jaqsham jonghea misham wan ha. Kra tai han jiitiq namshiq ka, awang thang rai li she mirhan.

Luke 16:14

Phorisinok raq ara traho bomchong ara taiwi raüta, tsangshiq ka khüphit nüphit wa li she, Jesuq ka shummiito. Jamkhano ngukla, tsangshiq ka kampho ma süram heanok.

Luke 23:35

Nokwe thun ka kra thun kra liisea chapkito. Kiimaq Jehudinok welabi raq, “Apaiq raq nanok ka chhii kuqto. Ümchaü min, apaiq ka Shiikeawe raq ashong Khristo dea jiika, apaiq khum ka mitiichhii liina!” nguta apaiq ka shummii siqto.

Acts 13:47

Ara jamkhano chongtiikai ngukla, Shiikeawe raq naishiq ma akha aming ake kun she: ‘Ngi raq namshiq ka, mangjong hiq na siti Pongnok phan maiqse miitu, walü tu ashi miishe tiija wan kang, Krai mren, mangjong maiqse kunli ka mitiichhii wan.’ ”

Acts 22:21

Shatmaq, Tatiwe raq ngi ka, ‘Tiido laq. Walaq. Ngi raq ümniika maiq mung ahin luhea na siti Pongnok phan maiqse ma tsütsa ahea kra chongke wa she mitiiwa kang,’ ” nguta Tatiwe raq ngi ma bom ka chongkuqto.

Acts 3:23

Juwa kra shammiwe aming wokhong na simak, kriiti ka, Shiikeawe sengi phong wa ashleq mirbaiq. Raüta apaiq ka atsea mirbaiq,’ nguta chongtlo chhi tiikai.

Acts 6:14

Apaiq nga Najareth hiqti we Jesuq raq, ara Jerusalem wa Shomjam arka, atiithen mirbaiq nguta chongkuqtlo. Kiimahali, Mosheq raq natitiim ma thung alai achongkuq thü thun kriika, ümchaü nashiq raq lang wan raa mak she, shatmaq thunglai ahin she lang laita sichang nguta chongkuqtlo!” ngutiishe kha ka nyanto.

1 Thessalonians 2:16

Tsangshiq raq naishiq ka, Tsütsa Ahea ka Pongnok phan ma tiichhii wan rilung lap chang bomtsi ara chongke wan kiimin, wiita tangta baiq lai nguta kintangto. Shatmaq, tangta wan lot mak dea riito. Tsangshiq raq atinkhan ngarai tang wantaq kriikha maq, tsangshiq ka ümchaü sanha ngarai bu hotibi miishe jawan tlo. Arkha maq ümchaü atiisup wan na sanha, Shiikeawe tsankhiq ka tsangshiq khuthaq niishe saükito!

1 Peter 4:17

Phangthum Khapho ranaiq saüho miika ajeli she. Shiikeawe raq asengi kha ka kongkhu mipho phaho. Shiikeawe raq nashiq kha ka kongkhu mipho. Ikhiijiika, Shiikeawe raq atiichongki Tsütsa Ahea ma kam wan makti ka Shiikeawe raq ümtinkhan she wa tiichamchao jiiq riila! Kra chamchao ngutlaq kriika, achonglot mai phiiptsi chang!