2 Peter 3:12 - ASII LAKDAP Bible (BSI)

¹² Riita namshiq raq, ara chongtiikai Shiikeawe raq mangjong maiqse kha phoke ranaiq saükai, namshiq raq khewan tlan kra ranaiq ka jaqloli tiisaüho miitu, phanrap namshiq raq lot tlan lan, athuk atsom jaqsham kra sham lanta singa kli shiikut chaq rong laq. Kra ranaiq na ra thun kra wa riishe wiita mikhiim baiq. Raüta wiita mithenki. Kiimaq ra na diim tlaq raiqsaiq jipi thun ka wa riishe khiim baiq raüta wiita ajam mirki.

Hawa Naga Bible 2001

¹² nuimshiq rueq Tishox Raungnuiyq bvmc vshuinx kuex yauk lox mhttuiuc wvnc rueq, vhvlx pinhtumc maq nanx vtueq bvmc shuinz. Kvruex Raungnuiyq nuex raungmungx htenc kuex khamc gay ruiux bac wvnc tuex, raungshvmx htenc muinz kalc hvlc khuec nuex vyuimx rvwvnc tuex.

Muklom

¹² Nim aa Shkewa saal ban ching etho esha kalo hun thok ma chamlang somlo ching shi somlo inn; eshi saal sha rangkang aa wal wang jungti eq shiti na, etho eshiwang thaji sha jimti na

2 Peter 3:12 Referencias Cruzadas

Tvtsvmc 50:3

Nashiq Shiikeawe kitlo, shatmaq kaishakshakse miika riimak; akhaki na walü henghea nyaitlo, atro na rathaiq henghea asi.

ISAIA 24:19

Mangjong hiqraikhü ka wiita abok kaütiim mikhoki. Raüta abun mirki. Raüta kholam kholiiq mikhoki.

ISAIA 34:4

Rashe kaü, jipi kaü kiimaq raiqsaiq thun ka dea wan raüta bunlak buncha bunki raüta botkhulai miishe mijaki. Ra ka lakdam kom raüta thübaiqtlaq ikhli mimoki. Kiimaq raiqsaiq thun ka spiqraü chong wa spiqjaq rokki tlaq ikha riimakla phupmup jaq rok wantlaq ikha mirok wan.

Mikha 1:4

Raüla pum thun kra, simi wakii thun, wa raq jowan tlaq ikha wiita mijam wan, raüta pum heawea jüwii thun ka jüchhang watlaq ikha milüm wan.

Matthew 16:27

Jamkhano ngukla Maiq Se ka Awe khushü ngao kra ho raüta, apaiq rasetiim rai saüho ma akhing ka ajeli she. Kiimaq kiitiikaq apaiq maiq loweatek ma apaiq raq jaq shamtaq kra khankhan poksi mikuq.

Matthew 16:28

Ngi raq namshiq ma chongtiikang arka tengteng. Ümchaü namshiq sitlan phong arwa maiq wiijamti raq Maiq Se ka mangjong maiqse kunli langkai Hokham jakai akai rai chhi mak wiiwii tsai mak miraq.”

Philippians 1:6

Krai mren, Shiikeawe raq namshiq rilung na, ara jaqsham ahea shampha wantaq arka, Khristo Jesuq saükai Ranaiq na saüli, apaiq jaq thiq kra kunli mitiinyi wan dongdii nguta, tsankhun maq sitiikang.

Titus 2:13

Nashiq raq tsankhun maq, ranaiqshishi ka, nashiq ma Ajong Shiikeawe khushü jonghea luhea achhai anyii liliim sitlaq kra, michhi rong i nguta, khewan tiikai. Kriika nashiq Chhiitiwe Jesuq Khristo saüki tlaq, achu shiiman jonghea Ranaiq na michhi rong i nguta kamto maq khe laita sitiikai.

2 Peter 3:10

Shatmaq Tatiwe Saükai Ranaiq ka ahuk dong wa tlaq ikhli, tiihanghiiq miili misaüki. Kra Ranaiq na ra thun nai ra na diim tlaq raiqsaiq jipi thun wiita hiq maq hutse, amok dungdung, apat arat wa trang liishe, wa raq tiibunlak, apun min ahü mikhiim baiq. Kiimaq ara mangjong hiq diim armin, hiq raikhü na ümchuwa diim tlaq kra wiita hutjok, tiisiirai wa maq michaq baiq.

2 Peter 3:11

Riita ümchaü nashiq raq asap i, ra nai hiq arka, arjaq chongtlaq akha wiita ashthen mirbaiq. Riita arkha maq, namshiq ka asii kechu maiqsetiim nguta, Shiikeawe ma khum kiinong kuq lanta, apaiq wokhong na tingting maq sichang.

2 Peter 3:4

Kiimaq tsangshiq raq sapshatshat taü maq, namshiq ma akha nguta atairai lam maq miwai, “Jesuq Khristo raq ajang mirki nong ha nguta kiqkham thütaq riimak sha? Riita ümchaü min, apaiq ka ümbano haiki tiita? Nashiq ma awetiim pat min atsaikai kun she. Shatmaq phanrap ra nai hiq ka man na rapha hiq wa maq jamkho sitaq kiikha sishatli! Ra nai hiq ka klai mak li shat shat!”

2 Peter 3:7

Kiimaq ümchaü ara ra thun nai mangjong hiqdiim sitlaq armin, Shiikeawe aming ningkun maq sii hali shiikum pan raüta rüm tlo. Armin ranaiq shishi ka, wa maq tiikhiim chaq raütiishe shiithen baiq wan miitu rüm tlo. Riita ara ra nai hiq ümchaü Shiikeawe raq rüm tlaq arka, jai maq Shiikeawe lamphan sapmakti abi maiqse thun ümchuwa sitlaq kriikha phokuq tlaq akhing na tiinamtok thaübaiq wan miitu rüm tlo.

Jude 1:21

Kiimaq, namshiq riika Shiikeawe mangchan wokhong mong na siwan ruq sirong laq. Lanta, khekham maq, pattup pat-sa rilung kongphiq kra, lap wan miitu sirong laq. Kriika Tati Jesuq Khristo raq, namshiq ma mikuq. Apaiq raq kra kaphap mangchan wokhong maq mikuq.