2 Peter 3:11 - ASII LAKDAP Bible (BSI)

¹¹ Riita ümchaü nashiq raq asap i, ra nai hiq arka, arjaq chongtlaq akha wiita ashthen mirbaiq. Riita arkha maq, namshiq ka asii kechu maiqsetiim nguta, Shiikeawe ma khum kiinong kuq lanta, apaiq wokhong na tingting maq sichang.

Hawa Naga Bible 2001

¹¹ Phvnx ruip saz kuex vkhoc maq tvbac gay rvhumc tuex ngoz ruiux yuq, nuimshiq kuex yvmx khoc miqsaz htenc muex yaungc juing lac? Nuimshiq rullungx tvraungx lvmx kuex vsawc raz tueq Tishox muex vlekuq rullungx tvraungx lvmx yaungc rax yaq,

Muklom

¹¹ Irimal uphan sha uthun ang ajo, nim chammal miq ang ching? Nim asang nia Shkewa rangkatey ang ching.

2 Peter 3:11 Referencias Cruzadas

Tvtsvmc 37:14

Abi maiqsetiim raq tsangshiq nepja ka ahi wa chattlo kiimaq tsangshiq liq ka nguttlo miitsan maiqsetiim nai thümsaü litsetiim tseabaiq miitu, riikhaqli jaqshamtibi jaqsham kra jiipbaiq miitu;

Tvtsvmc 50:23

Kechutum honglu kuqtlaq kriika, ngi ma riikhaqli shreng wanto, kiimaq ibom taitibi ka ngi raq tengteng mitiichhii kuqha dongdii.”

Tvtsvmc 75:3

Atra wiitsitsü phan wiita tiikhai raü min kiimaq mangjong hiqraikhü ka wiita tiime wan raü min, Ngi raq hiq tiinga chang khamchong thun ka phataqtaq mithüha.

ISAIA 14:31

Agi lülü hoqtrang ronglaq. Lantea khrum jaü hoqtrang ronglaq, Namshiq Philistain mung wa chela thun tlotli raq hoqtrang ronglaq! Phiip jiip ronglaq, namshiq tarü! Shekhu nü mung maq botkhulai khuk wa rathaiq saü wantlo. Kra rekong saü wan tlaq phong niika wepuq ngutiika weshi ra min ahü. Srea nolakong siisaq.

ISAIA 24:19

Mangjong hiqraikhü ka wiita abok kaütiim mikhoki. Raüta abun mirki. Raüta kholam kholiiq mikhoki.

ISAIA 34:4

Rashe kaü, jipi kaü kiimaq raiqsaiq thun ka dea wan raüta bunlak buncha bunki raüta botkhulai miishe mijaki. Ra ka lakdam kom raüta thübaiqtlaq ikhli mimoki. Kiimaq raiqsaiq thun ka spiqraü chong wa spiqjaq rokki tlaq ikha riimakla phupmup jaq rok wantlaq ikha mirok wan.

Matthew 8:27

Kra chhi raütiishe, tsangshiq wiitarü ka, “Rathaiq watrang nai khamtso blun watrang riimin apaiq aming tailili arka jamkhiinok maiq wiinya?” nguta awang rai lam maq riibomto.

Romans 13:11

Namshiq ka akha shongnga chang akhing she saü wato. Namshiq ka akon wa sam wan akhing she saüwato. Man na nashiq apha na kamwankai ranaiq kiimaq thi wan raüka, ümchaü sanha, nashiq tiichhii wan rahiq jipi akhing ka, aje niili she.

Romans 13:12

Rawa luhea akhing ka lea wanto she. Ümchaü ka rawüho she. Ümchaü ka rawü she. Riita, ümchaü ka nashiq raq ranyaq jaqsham ümchuwa sitlaq kra, wiita she thaq baiq rong i. Kiimaq kra thaq baiq laita, rawii na rekhat wan chang miirii ümchuwa sitlaq, kriimaq tiimiikhiiq rong i. Laita re ka khat rong i.

2 Corinthians 1:12

Naishiq ka phanshi miitu tiishomra wan tiikai. Riita arka tengteng chongtiikai. Shiikeawe raq jamkho lungwii tlaq, kra phan phan naishiq ka namshiq rai jaqsham kaiwa na, abom asa na tingting kiimaq tsangriri hea maq sitiikai. Naishiq hon atsii ka maiqse taksu tsii raq shun shea raüta riimak, shatmaq Shiikeawe kaphap ningkun raq shunshea raüta sitiikai.

Philippians 1:27

Riita, ümchaü namshiq ma akhek pinthum ka, namshiq rilung ka Khristo Tsütsa na jamkhiiwa chong tlaq, kra phanphan singa chang. Krai mren, ngi ka namshiq liiwa wakang lo, kiimaq walap mang lo, li jiimin, ngi raq namshiq ka miitung ashi niili, pharang rang maq chap tlo nguta mitaiha. Kiimaq kra rekhu ashi jaqsham kra ningkhan li, reraüshi maq, Tsütsa Ahea chongke wan jaqsham na misi wan han.

Philippians 3:20

Nashiq riiwe kla, ramungtan maiqsetiim nguta sitiikai. Krai mren, nashiq Chhiiti we Tati Jesuq Khristo ka, ramungtan wa ümtincho wa saüho tla nguta, maklii khamthii maq, apaiq saükai kra khe laita sitiikai.

1 Thessalonians 1:5

Man na naishiq raq, namshiq ma Shiikeawe Tsütsa Ahea chongkuq wankai akhing na, namshiq ma nü maq chongke wan lamlamli ka riimak; shatmaq, namshiq ma Asii Wenyi ningkun ajong maq, awang chang jaqsham maq tiichhikuq kai. Kiimaq tengtlaq bomtsi chongkuqkai irka, pharangrang maq chongkuq wan kai. Naishiq ka, namshiq rai adam siwan kai liipan na, awongsii Phungmaiqse rilung ka jamkhii sichang wa, kra tiichhikuq kai. Irka namshiq ma ahea miitu tiichhikuq kai.

1 Timothy 3:16

Nashiq raq kam tiikai tengteng bomtsi manphan ka, nashiq ma tiichhi kuqto she. Arka pinthum maiq mao chang manphan: Khristo ka mangjong hiq na maiqse ma pokito: Apaiq ka amaa wa dong wanto. Raüta apaiq ka TATIWE dea nguta tiichhi kuqto. Apaiq raq rasetiim kunli peng tlo. Asengi Phungmaiqse raq apaiq tsa ka barap na chongkuq wanto. Krai mren mangjong maiqse pahea raq apaiq ma kamwanto. Apaiq ka Shiikeawe rai siwa wawanto.

1 Timothy 4:12

Ümniika ümchaü jero we. Kriikha maq, maiq raq ümsham na lii raüta, ümkhakam ka midiq shaqli nguta, maiq ma, naq tiishummii kiq. Shatmaq, ümniiriika Phungmaiqse wiitarü thaq na, lamsheati maiqla ashi dea nguta, ümbom ümsa na, ümkamtsantsii na, ümrong ümrai na, maiq ma lungwii tsii rüm na, kiimaq asii arai tiima tsantsii na, khangriri hea maq silaq.

1 Timothy 6:11

Shatmaq, ümniika Shiikeawe jaqshise. Krai mren, ara chongtiikai ngarai rahai thun arka ümdü na naq tiisaükiq. Ümniiriika wranaiqshe, Shiikeawe raq jamlai jaqsham wa thikuq tlaq, kriili sham wan ruq maq si laq. Laüta, athuk atsom Phungmaiqse kechu rilung kra riikhaqli maq silaq. Khristo ma kamwan ruq maq silaq. Laüta, Phungmaiqse phunaino thun kra lungwii laüta, silaq. Laüta, phanrap haikaiq haike ümtinkhan wa saütlaq, kra anin riilaüta silaq. Kiimaq nanok tarü rai sobsob bombom maq silaq.

1 Timothy 6:3

Phungmaiqse liipan na, nashiq Tati Jesuq Khristo raq achongkuq kamtsantsii bomtsi, kiimaq nashiq Khristan kamasham tingting tri raü ka jin raüta, lamhin, ajiq lamphan shrinketi, arot shrabi maiq asi.

1 Timothy 6:6

Tsiiq anyam maiqmii jaq na ümchuwa asi, kriili hong raijiiq nguta, tsantsii asii maq siti miika, kamasham rilung ka chiithe jong rilung ashi.

Hebrews 13:5

Kampho ma naq sü ramrai rongkiq. Kra rii na, namjaq na jamlai wa asi, kra sham lantli, chochikhiq maq si ronglaq. Jamkhano ngukla, Shiikeawe raq, “Ngi raq namshiq ka ümtiikii jiimin, amang ale maq tiichamchao mang. Ngi raq namshiq ka ümtiikii jiimin, tiishaü baiq mang,” nguta ngutlo.

James 1:24

Apaiq raq asham ka chamni mong na chhi tlaq kra milii siq. Raüta mikiho. Krai mren, asham ka chamni mong na jamkho chhitaq kriika alaq she mirbaiq.

James 3:13

Namshiq phong na taksu maiqse, kiimaq anyan phaqchi rümti sitiikai nguta tiingoti weshi ra asi sha? Sitlan jiila, apaiq raq, apaiq ka taksu maiqse kiimaq anyan phaqchi rümti we dea nguta, apaiq rong arai ka ahea rüm raüta, nanok ma tiichhike chang. Kiimaq maiq rai sobsob bombom maq riibom nai tlaq kiimaq tiichhike chang. Nok abin ma athuk atsom jaqshamke ka tsapkapkap maq sham raüta misi laq.

1 Peter 1:15

Kra rii na ümchaü sanha, namrilung ka siirairai she thü rong laq. Namshiq raq phanrap jaqsham tlan na, asii arai maq sham lanta sirong laq. Namshiq hea wanti we Shiikeawe ka jamkho asii sitlaq, kiikhiisii namshiq min asii si rong laq.

1 Peter 2:12

Namshiq rong arai ka thatsang maiqse maklii na ahea awa, athuk atsom, jam shut ahü maq siraa tlo. Krai mren, tsangshiq raq namshiq ka phanrap abi ati kiimungti nguta shra raü min, tsangshiq raq namshiq jaqsham, asap ada sham tlan kra, shamto dea nguta tsangshiq kiq khii chang ahü miraq. Kiimaq krai mren, Tatiwe saükai akhing Ranaiq na, namshiq dea riikhaqli nguta tsangshiq raq Shiikeawe ka mitiishom raa wan.

2 Peter 1:3

Khristo raq, apaiq asii ningkun lümaq, nashiq ka awongsii Phungmaiqse rilung siwan miitu, ningkun ümchuwa raa tlaq kra kunli kuqto she. Khristo ka nashiq ma tsanwa we she nguta sap tiikai ara lümaq, asii ningkun kra lap wan tiikai. Apaiq raq nashiq ka apaiq asii kechu rilung khushü pülii tlaq thun kra riishake miitu hea wanto.

2 Peter 1:6

Namshiq raq han-ngam ramho ka anin lanta sichang raa tlo. Kiimaq phanrap chamchao, maitai, haikaiq haike saü tlaq kiimin wiita, tsan tiibum lanta nin wan ruq maq sironglaq. Lanta, namrilung ka awongsii Phungmaiqse rilung ma tiija ronglaq.

2 Peter 3:10

Shatmaq Tatiwe Saükai Ranaiq ka ahuk dong wa tlaq ikhli, tiihanghiiq miili misaüki. Kra Ranaiq na ra thun nai ra na diim tlaq raiqsaiq jipi thun wiita hiq maq hutse, amok dungdung, apat arat wa trang liishe, wa raq tiibunlak, apun min ahü mikhiim baiq. Kiimaq ara mangjong hiq diim armin, hiq raikhü na ümchuwa diim tlaq kra wiita hutjok, tiisiirai wa maq michaq baiq.

2 Peter 3:12

Riita namshiq raq, ara chongtiikai Shiikeawe raq mangjong maiqse kha phoke ranaiq saükai, namshiq raq khewan tlan kra ranaiq ka jaqloli tiisaüho miitu, phanrap namshiq raq lot tlan lan, athuk atsom jaqsham kra sham lanta singa kli shiikut chaq rong laq. Kra ranaiq na ra thun kra wa riishe wiita mikhiim baiq. Raüta wiita mithenki. Kiimaq ra na diim tlaq raiqsaiq jipi thun ka wa riishe khiim baiq raüta wiita ajam mirki.