2 Peter 3:10 - ASII LAKDAP Bible (BSI)

¹⁰ Shatmaq Tatiwe Saükai Ranaiq ka ahuk dong wa tlaq ikhli, tiihanghiiq miili misaüki. Kra Ranaiq na ra thun nai ra na diim tlaq raiqsaiq jipi thun wiita hiq maq hutse, amok dungdung, apat arat wa trang liishe, wa raq tiibunlak, apun min ahü mikhiim baiq. Kiimaq ara mangjong hiq diim armin, hiq raikhü na ümchuwa diim tlaq kra wiita hutjok, tiisiirai wa maq michaq baiq.

Hawa Naga Bible 2001

¹⁰ Yuq muinz Taungjix Raungnuiyq kuex vguiuq waz ikhoc httuiuc kaz tuex. Kvruex Raungnuiyq raungmungx kuex vthuic tvruingx ruiux moz wvnc tuex, raungshvmx htenc kuex wvr rueq khamc vtueq bac wvnc tuex, ghaq rulc vdvmz httax yaq phvnx ruip saz htenc muinz vmoz rvwvnc tuex.

Muklom

¹⁰ Etharin Teyhungwa saal ahut mal thupha na. Ethi saal tho mungtan sha jujong aa jol chuwangna, etho iriwang thaji tang sha wal wang khamti eq shiti na, etho mingkang nia chamtan tangwang tang sha phung na.

2 Peter 3:10 Referencias Cruzadas

Tvtsvmc 102:26

Kriithun ka athum mirki, shatmaq ümniika siruqli misihaü; kriithun ka wiita khea riimkitlaq ikha miriimki. Ümniiraq kriithun ka kheachüriim phong ikha mitsuqbaiqhaü, kiimaq kriithun ka wiita amaqshe mirki.

Tvtsvmc 46:6

Maiq mung thun ka phiip raq tsaitlo, maiq mungtan thun tiikhai wanto; Shiikeawe mok wanto, kiimaq hiq ka sawanto.

Tvtsvmc 97:5

Kin thun ka simikii ikha Tatiwe miki na jam wantlo, mangjong tlotli rümti Tatiwe man na jamkitlo.

ISAIA 2:12

Kra ranaiq akhing na, Ajong Pinthum Tati raq ajong ala maiqse angu thun wiita loweatek kiimaq shiikong miilong siti thun loweatek kra kiimaq akhü tiinga raüta ngi dea ajong nguta sitlaqti thun kra wiita ma jea mitiingaü.

ISAIA 24:19

Mangjong hiqraikhü ka wiita abok kaütiim mikhoki. Raüta abun mirki. Raüta kholam kholiiq mikhoki.

ISAIA 34:4

Rashe kaü, jipi kaü kiimaq raiqsaiq thun ka dea wan raüta bunlak buncha bunki raüta botkhulai miishe mijaki. Ra ka lakdam kom raüta thübaiqtlaq ikhli mimoki. Kiimaq raiqsaiq thun ka spiqraü chong wa spiqjaq rokki tlaq ikha riimakla phupmup jaq rok wantlaq ikha mirok wan.

ISAIA 51:6

Ramungtan thun kra liilaq; mangjong hiq kra liilaq! Ramungtan thun ka wakhuk mongtlaq ikha rahai raq mipan wan; hiqraikhü ka kheadiim chükii ikha miriimki, kiimaq asengi mangjong maiqse ka shecham kong jiimtlaq ikha mijiim. Shatmaq Ngi raq tiichhiiwan tiikang kriika pattup pat-sa mitsing. Ngi raq rekhat tangtiikang kriika atiisup jaqsham.

Yoel 1:15

Alei! Tatiwe ranaiq saütlo she! Tati Ajong Shiikeawe raq, mangjong maiqse shiithen baiq wan akhing saüwato she. Kra ranaiq thenjen wan akhing ka, pinthum phiiptsi chang sitlo!

Yoel 2:1

Lerong tsü ronglaq. Shiikeawe asii hiqlam maq, Shiikeawe raq atsea wan Jajon hiqlam maq tsü ronglaq. Juda mungti lei atiikhai rokrok phiip ronglaq! Tatiwe khapho wan ranaiq ka saüho tlo she!

Yoel 2:31

Ara pinthum phiiptsi chang nai kiinyiichang Tatiwe ranaiq misaü shaq na, rashekaü ka minyaqki. Jipi min tiijai ikha miklaiki.

Yoel 3:14

Maiqphong li, maiqphong li, khapho chang Tan na. Maiqphong ka khunyaq khukhi.

AMO LUIK DVP (AMOS) 9:13

Tatiwe raq ngutlo, “Liironglaq, akhing ka saü wan tlo she, Hiq ka pinthum winhea kha maq, tsamchhii ajut wan kra tum na misaiqsam wan shaq niili, tsamnye jut wan akhing raq mitong wan. Spiq tsi achu ka spiqtai ma tiikit wan milot shaq niili, spiq tsi anye ka man wan raüta mitong wan. Raüta pum thun na sumhea spiq tai misarai, raüta kin thun maq misawan.

AMO LUIK DVP (AMOS) 9:5

Jamkhano nguraüla, Ajong Thaq Na Ajong Pinthum Tatiwe raq mangjong hiqraikhü ka, ajaq maq sham raüta naüshaüshaü baitlo. Krai mren mangjong hiq ka atiikhai banban she muwanto. Mangjong maiqse kunli hoqsiitrang wantlo. Mangjong hiq raikhü tlotli ka Ejip mung wa, Nail jürai kham chhang wan tlaq ikha, ra ma hiq ma she mawantlo. Raüta tiishin riiq hali tiisii baiqto.

Mikha 1:4

Raüla pum thun kra, simi wakii thun, wa raq jowan tlaq ikha wiita mijam wan, raüta pum heawea jüwii thun ka jüchhang watlaq ikha milüm wan.

NAHUM 1:5

Tatiwe man na pum thun ka, tiikhai banban she riitlo, Ku-akin thun ka, ajam riiwan tlo. Tatiwe chhi raüta, mangjong hiqdiim tiikhai tlo, kriithaq na siti maiqse kunli hanghun wanto.

MALAKI 4:5

“Shatmaq, liirong laq, kra Tatiwe ranaiq jonghea kiimaq phiiptsi chang ranaiq kra misaüho shaq na, ngi raq namshiq phana shammiwe Elija mitiikiliha.

Matthew 24:35

Ra nai hiq ka athum mirki. Shatmaq i bomchong arka poimak phan.”

Mark 13:31

Ra nai hiq ka athen mirki. Shatmaq ara, i bomchong arka ümtiikiimin poiki mak phan.”

Luke 12:39

Kiimaq namshiq raq asap han, jamchongti we raq ahuk saüwa akhing ka sapshat ngu raü jiika, ajam ka ahuk ma tiihuk mak miraq.

Romans 8:20

Arka, Shiikeawe raq ümchuwa phansang wantaq, kra raq tsangshiq ka jamlai miitu aphansang wan wa, kra riikhaqli thin wan mak miili she, thiihü miili she sumphaq wanto. Kriika tsangshiq maiqmii raq arit wan ka riimak. Shatmaq, Shiikeawe raq jamkho thapthi wantlaq, kra phanphan hongtha wanto. Kiikha sumphaq wantli jiimin, tsaiji riichoro wan chang lam lu kla, ümchaü min asi.

1 Corinthians 1:8

Apaiq raq namshiq ka atiithum ranaiq na saüli, kamasham na pharangrang maq mithü. Krai mren, Tati Jesuq Khristo saükai akhing Ranaiq na, Shiikeawe raq namshiq ka kechu maiqse nguta mipho kuq wan.

1 Corinthians 5:5

Arwe arka Thawe jaqkhon mong na kiinong kebaiq chang. Raüta apaiq ngarai han-ngam kra mishthen baiq laq. Raüta apaiq wenyi mimi siika Tatiwe Ranaiq akhing na mitiichhii kuq laq.

1 Thessalonians 5:2

Ara jamkhano chongtiikang ngukla, namshiq maiqmii riimin la, Tatiwe saükai Ranaiq ka, rawa na ahuk saüwa tlaq ikha, tiidong chhaq miili misaüki nguta, samhea wiq asap han she.

1 Thessalonians 5:4

Shatmaq, lungwii phunobi lei, namshiq ka ranyaq nyang na siti ri riiman. Krai mren, kra Ranaiq ma, namshiq ka tiimok chhaq maq, ahuk saüwa ikhiika, jaram wa mitiitong rai han.

2 Peter 3:11

Riita ümchaü nashiq raq asap i, ra nai hiq arka, arjaq chongtlaq akha wiita ashthen mirbaiq. Riita arkha maq, namshiq ka asii kechu maiqsetiim nguta, Shiikeawe ma khum kiinong kuq lanta, apaiq wokhong na tingting maq sichang.

2 Peter 3:12

Riita namshiq raq, ara chongtiikai Shiikeawe raq mangjong maiqse kha phoke ranaiq saükai, namshiq raq khewan tlan kra ranaiq ka jaqloli tiisaüho miitu, phanrap namshiq raq lot tlan lan, athuk atsom jaqsham kra sham lanta singa kli shiikut chaq rong laq. Kra ranaiq na ra thun kra wa riishe wiita mikhiim baiq. Raüta wiita mithenki. Kiimaq ra na diim tlaq raiqsaiq jipi thun ka wa riishe khiim baiq raüta wiita ajam mirki.

2 Peter 3:7

Kiimaq ümchaü ara ra thun nai mangjong hiqdiim sitlaq armin, Shiikeawe aming ningkun maq sii hali shiikum pan raüta rüm tlo. Armin ranaiq shishi ka, wa maq tiikhiim chaq raütiishe shiithen baiq wan miitu rüm tlo. Riita ara ra nai hiq ümchaü Shiikeawe raq rüm tlaq arka, jai maq Shiikeawe lamphan sapmakti abi maiqse thun ümchuwa sitlaq kriikha phokuq tlaq akhing na tiinamtok thaübaiq wan miitu rüm tlo.

Jude 1:6

Kiimahali, namshiq raq tsan na tiitsang shat rong laq. Rasetiim phong wa, Shiikeawe raq tsangshiq ma arang kuqtaq, kra aming liipan na siwan mak maq, Shiikeawe aming kra jin raüta, ahin na kaihoti thun ka, Shiikeawe raq tsangshiq ka ümchaü, pattup tiipanki mak chang phan kharü maq kha raüta, ümchaü ka ranyaq nyang mong na kharü maq kha raüta thütlo. Shiikeawe raq tsangshiq ka Phangthum Khapho Ranaiq na, wamungtan na mitiidea baiq. Raüta wa maq mitiikhiim chaq baiq.

Revelation 16:15

Tati raq nguto, “Tairong laq! Ngi ka ahuk dong kai ikha tiihang hiiq miili misaüki ha! Kechu jonghea, juwa akon riilaq mak maq, asam maq kheshat sitlaq. Kiimaq miirii ka tiije je maq sitlaq. Krai mren nokwe phong na apaiq ka raiqhü ma kha na nguta jea ngaü chang ahü miraq!”

Revelation 20:11

Kiijiishe, ngi raq Shiikeawe ka ajong alu lüdiidiihea hokham ngachang ngacho na nga raü chhikang. Ra nai hiq kiimin maklii liipan niili she pan wanto chhikang.

Revelation 21:1

Kiijiishe, ngi raq ra nai hiq ka anye she chhikang. Apha wa ra nai hiq ka akoq she riibaiqto. Kiimaq sammoktra jü kiimin ahü she.

Revelation 3:3

Arningkhan, man na namshiq Phung na shang wan pha ji na achongkuq, tengteng bomtsi raü kra, tsan na samhea tiitsang shat thü rong laq. Lanta, lang wan ruq maq sirong laq. Lang tlan krai mren, ngarai ka baiq rong liishe. Namshiq ka akon wa sam wan man li sihan jiila, ngi ka ahuk saüki tlaq ikha, namshiq phana tiihanghiiq miili misaükiha. Namshiq riika ngi saükai akhing min sap man mirhan.

Revelation 6:14

Kiimaq ra ka lakdam kom akom baiq ikha tiikoq wanto chhikang. Kiimaq pum ümchuwa sitlaq thun kiimin, kiimaq sammoktra jü mong wa maiq hiq sitlaq thun kiimin, tsangshiq maiqmiimii diim chang hiq ba kiiwa pongbin riibin na koq baiqtoto chhikang.