2 Peter 3:9 - ASII LAKDAP Bible (BSI)

⁹ Tatiwe ka apaiq raq jamlai wa mikloha nguta kiqkhamtaq, kra sham wan miitu ka tiihit mrot ka riimak. Nanok maiq wiijamti raq tiima wan ka, apaiq ka atiihit rai riitlo nguta tiima tlo. Shatmaq Tatiwe raq namshiq ka tsankhun maq khe wan tlo. Jamkhano ngukla, apaiq raq ngarai maiqse ka weshi ra dongdii min tiitsai baiq romak. Shatmaq ngarai maiqse wiitarü raq tsangshiq ngarai ka tiidii raüta tiichhii wan tlo haü jaq nguta, tsangshiq ma atsan tiitsi kha maq kherat tlo.

Hawa Naga Bible 2001

⁹ Miq wvyvmc rueq tvmaung yaq ikhoc Taungjix rueq vpiq bomkhvmc kuex tvhungx tvyaungc wvnc tvkoc kvyix kvjungx kaz tuex rvmuq, yuq muinz lotlaz mvrax wawc kvwek wvnc vtueq ukhaq muinz tvbac gay rvhumc muq mruez kueq, vpiq rueq roc yaq khuec nuex vpiq rueq nuimshiq htauk nuex thuinz tvluz yaq rvtueq.

Muklom

⁹ Chamtey miqtang eq tathin aa mal Teyhungwa piq rangtum tung aa raaq na karel moq; etharin nim jamoq piq aa thanan shing aa, chammatakoi piq aa utang sha tho tathun ma tathin moq; etharin thaji ma tin kaley ma kot aa.

2 Peter 3:9 Referencias Cruzadas

Tvtsvmc 77:8

Apaiq raq nashiq lungwiimak she she thaqbaiqta? Apaiq kiqkham bomtsi thun ka akhoishe sha riikita?

Tvtsvmc 86:15

Shatmaq, O Tatiwe lei, ümniika tiihangheawe kiimaq lungwii Shiikeawe, wranaiqshe ninwan ruq, wranaiqshe lungwiihea kiimaq tsapkapkap.

DUNGWVNC 18:23

Ümniiraq akha klo haüla, Shiikeawe raq aming kuqtlaq kra phan phan, ümniika atinkhan ka hun nü rai maü mirhaü. Kiimaq ara mungmaiqse thun kiimin maiqmii khü akha thun kra riipholot raütiishe maiqmii jam na miwa wan.”

DUNGWVNC 32:32

Mangchan laüta tsangshiq ngarai ka diikuqlaq. Shatmaq ümniiraq diikuq maü jiila, ümniiraq ümsenginok mang thun waiqlaü lakdap kiiwa imang ka alamli riibaiqlaq.”

DUNGWVNC 33:11

Tatiwe raq Mosheq rai ka mantut na, maiq weshi raq akongtiwe rai riibomtlaq ikha riibomtlo. Kra lot raütiishe Mosheq ka piitiip na hali jang wan nongtlo. Shatmaq jerowe apaiq jaq thüti. Nun se Joshua ka kra Tombutiip niili sitlo.

DUNGWVNC 34:6

Raütiishe Tatiwe ka apaiq miki na lea wanto. Raüta akha riimto, “Ngi, Tatiwe ka, Shiikeawe pinthum mangchan tsii rümti kiimaq tsan tsihea maq mangchanti, mokhiq khiq mang phan, kiimaq lungwii tsii jonghea rümti kiimaq pinthum tsapkapti.

THARC TVLUINGC 8:11

Maiqse raq mat atsa ka jeriiqriiq hea jam nguto tangtla? Tri jinti ashutti ka jaqlo thit thit tsangshiq kha kra phokuq mak, raüta tsasha mak kha maq, mat atsa pahea tang wan tlo.

ISAIA 30:18

Li jiimin, Tatiwe riika namshiq ma tiihangkuq wan ruq roli miraq. Apaiq riika namshiq ma mangchan tiichhikeli sitlo. Jamkhano ngukla apaiq riika wranaiqtek tingting kli klotlo. Kechu jonghea jurwa Tatiwe miili kamtsantsii thütlaq.

ISAIA 46:13

Ngi raq rekhat tang wan ranaiq ka jeriiqriiq niishe tiisaü wan tiikang, kriika alu niika riimak she. Ngi raq rekhat tang wan akhing ka alu tiihit mak she miraq. Ngi raq Jerusalem ka mitiichhiiha, lata kiijaq Israilnok ma khushü mitiidongkuqha.”

EJEKIEL 33:11

Tsangshiq ma chonglaq, Tengteng. Ngi, Tati Rakaü Hiqwe ka atra Shiikeawe. Ngi raq ngarai maiqse ashi tsai wan kra rosi mang. Ngi riika apaiq raq ngarai klo kra thaqbaiq raüta atra siwan kli rotiikang. Israil lei, ümniiraq abi kiimungtlaü kra thaqbaiq tlolaq. Ümniika jaram tsai wa rotlaü?

DANIEL 4:29

Jipi lüroqshi ri lünai jai miili, apaiq ka Bebilon mung na asichang hokhamwe kiitelong jam wukhu na akhumsea riito.

HABAKUK 2:3

Ara riisham bomchong hongwan akhing, misaü shaqli; Arka miku wan dongdii jaqlo miili. Ngi raq jamlai wa chongkang kra, mihong wan dongdii. Alo kuwan mak tiijai tlo ngochangchang miraq, Shatmaq kherong laq miku wan dongdii; Arka poimak phan; Alu ka khing mak she.

Romans 13:11

Namshiq ka akha shongnga chang akhing she saü wato. Namshiq ka akon wa sam wan akhing she saüwato. Man na nashiq apha na kamwankai ranaiq kiimaq thi wan raüka, ümchaü sanha, nashiq tiichhii wan rahiq jipi akhing ka, aje niili she.

Romans 13:12

Rawa luhea akhing ka lea wanto she. Ümchaü ka rawüho she. Ümchaü ka rawü she. Riita, ümchaü ka nashiq raq ranyaq jaqsham ümchuwa sitlaq kra, wiita she thaq baiq rong i. Kiimaq kra thaq baiq laita, rawii na rekhat wan chang miirii ümchuwa sitlaq, kriimaq tiimiikhiiq rong i. Laita re ka khat rong i.

Romans 2:4

Arka namshiq raq, Shiikeawe raq namshiq ma, mangchan tsii jonghea rüm tlaq kra shishe lam na khat tlo. Kiimaq apaiq raq namshiq shutphit ka mangchan tsi ma, namshiq ka atsea wan chang wiimin, tsat son n mak maq, anin riiwan tlo, kiimaq ranaiq shishi kla, namshiq raq tsii michhi wan han ahiq, nguta tsan tiibum raüta, namshiq tsantsii klai wan ka khe tlo. Shiikeawe raq namshiq ka kai lungwii tlo nguta namshiq riimin asap han. Shiikeawe raq namshiq mangchan tlaq arka, namshiq raq ngarai tsantsii kra miklai tlo laq, nguta ngo maq mangchan tlo.

Romans 9:22

Krai mren sii hali, Shiikeawe riimin maiqse ka phanrap na seng raüta tiipok wan tlo! Arka, Shiikeawe raq apaiq tsankhiq nai apaiq ningkun jong kra, tiichhi kuq wan tlaq kiijaq chhi wan tiikai. Arka, apaiq tsankhiq ka ümriiti khuthaq niiwa siwan tlaq, ümriiti wa chongthum walü maq tiikhiim chaq baiq wan chang sitlaq, kriiti thun miimin, apaiq riika, pinthum anin riiwan raüta, khebom wan tlo chhi wan tiikai.

1 Timothy 1:16

Shatmaq, Shiikeawe raq ngi akhnok maiqse ashi ma, atinkhan achong lot mai apaiq tiihangke mangchan tsantsii ka jonghea thü wanto. Arka i rilung ara lümaq, Jesuq Khristo raq, ngi akha ngarai bu hoti maiqse shunshea wan lam maq, apaiq raq pinthum anin wan chang dong tlo, nguta kra manphan ashi ma tiija wan miitu riito. Ara ngi ma, atinkhan mangchan wantaq arka, jai na rawiichii pat na, ngarai maiqse ümchu riiwa, Jesuq Khristo ma mikam wan, raüta pattup pat-sa rilung milap wan, kriiti thun ma hakhi ashi tiija miitu riito.

1 Timothy 2:4

Jamkhano ngukla Shiikeawe riika maiqse angu wiitarü raq, Tsütsa Ahea kra sap wan raüta, tiichhii wan raü jaq nguta tiima tlo.

Hebrews 10:37

Riita, Asii bomtsi na akha nguta chongtlo: “Aloseli she misi, heashi se sijai, saühoti we kriishe misaüho. Alu ka tiijai rai mak she miraq.

1 Peter 3:20

Riita ara chongtiikai winji khum arka, Nowaq raq laita wantaq akhing na siti, Shiikeawe bom tleati riito. Shiikeawe riika tsangshiq ka kai tsan tiitsi raüta khe wanto. Shatmaq tsangshiq raq kam mak riito. Maiq atsapse li, tsangshiq tiichat lai mong na ngataq kriiti kli rathup jüjang mong wa kham thaq maq tiichhii kuqto.

2 Peter 1:4

Shiikeawe raq nashiq ma achong lot mai achu shiiman mikuq ha nguta kongphiq akhakuq, kriika ümchaü nashiq ma kuqto she. Arka nashiq khum na Asii Wenyi kuqtaq kra nangnga chongtlo. Ara ningkun lümaq, nashiq rilung ka ara mangjong hiq na, maiqse ngarai sükha tsii raq, ümchuwa mangjong hiq na siti maiqse khum, shiithen baiq tlaq, kiiwa nashiq khum ka mitiichhii kuq. Kiimaq nashiq ka, Shiikeawe setiim awongsii ma mitiija.

2 Peter 3:15

Tatiwe raq kai nin wan raüta namshiq khewan tlo. Apaiq raq ümtinkhan nin raüto khebom tlaq arka, namshiq ka awokhong na tiikhup wong shat maq sihan jaq nguta akhing kuq tlo. Nashiq ma lungwii phuno we Paul riimin, Shiikeawe raq apaiq ma akuq anyan phaqchi ningkun maq ara chongtiikai Tatiwe saükai tsütsa bomtsi arsii li namshiq ma waiqto.

Revelation 2:21

Ngi raq apaiq ngarai ka tiidii wan miitu akhing kuq kang she. Shatmaq, apaiq ka apaiq sethoq ngarai lamphan wa jang wan ro mak.