2 Peter 3:13 - ASII LAKDAP Bible (BSI)

¹³ Shatmaq nashiq riika, Shiikeawe raq ra thun ka anye kiimaq mangjong hiq diim ka anye she mikuq ha nguta nashiq ma kiqkham kuqtaq kra miitu, khe tiikai. Kra chongtlaq, ra thun anye kiimaq hiq anye tiiq wan tlaq kiijiika, Shiikeawe sengi kechu maiqsetiim siisaq li she misi.

Hawa Naga Bible 2001

¹³ Yuq muinz naungshiq kuex Tishox bomkhvmc taq shec tueq tsuingrux jix httax juing yuimx ngoz yaq raungnyalx nuiyc ghaqnyalx kuex naungshiq rueq thuinz tvluimc bvmc shix.

Muklom

¹³ Etharin Shkewa hiqtang ma anal mungtan nia anal mingkang sha kot ma rangtum ta, barina asing eq phung na; hiqtang aa eshima tin kot eq ban siin i.

2 Peter 3:13 Referencias Cruzadas

ISAIA 60:21

Ümsenginok tarü raq riikhaqli kli misham. Kiimaq tsangshiq raq nam mung ka pattup pat-sa she misiq wan. Ngi raq tsangshiq ka hiq na chhi wan kang she. Ngi raq tsangshiq ka phansang kang she. Arka Ngi jonglu kra maiqse kunli ma tiichhike miitu klokang.

ISAIA 65:17

Tatiwe raq nguto, “Ngi raq hiq ka anye kiimaq ramungtan thun kiimin anye she tiiqtiikang. Man niiwa mrong mra ümchuwa pin wantaq kriika tiisiirai alaq she mirbaiq wan.

ISAIA 65:25

Shekong nai skuse aransetiim ka adam na hai raüta sangphii miphaq. Hangsikong riimin minsaü kong raq phaqtlaq ikha tsamkü shin miphaq. Kiimaq paüsang nyiqla kong miimin ahai chang ka ahü she miraq. Jajon chela na, ngi asii hiqlam na, kiijaq maiqse ma ahai song chang phan ka ahü she miraq. Kiimaq abi ati phan ka ahü she miraq.”

ISAIA 66:22

“Hiq anye kiimaq ramungtan thun anye ka jamkho iningkun wokhong maq pattup pat-sa mingang wan, kiikhiisii hali ümsaü ümsetiim thun nai ümmang ka mingang wan.

Romans 8:21

Shiikeawe raq phanrap ümchuwa phansang wantaq thun kunli raq, ranaiqshi shi akhing na, tsangshiq khum ka, arüm wan chang nai anam kai chang thiikho mong na ashaq baiq wan kiiwa, wiita adaa mirwan. Raüta, tsangshiq riimin, Shiikeawe setiim ma, achhai anyii wasetiim rilung achu shiiman pheakuq wantlaq, kra thun kra mirsha lap wan dam.

2 Peter 1:4

Shiikeawe raq nashiq ma achong lot mai achu shiiman mikuq ha nguta kongphiq akhakuq, kriika ümchaü nashiq ma kuqto she. Arka nashiq khum na Asii Wenyi kuqtaq kra nangnga chongtlo. Ara ningkun lümaq, nashiq rilung ka ara mangjong hiq na, maiqse ngarai sükha tsii raq, ümchuwa mangjong hiq na siti maiqse khum, shiithen baiq tlaq, kiiwa nashiq khum ka mitiichhii kuq. Kiimaq nashiq ka, Shiikeawe setiim awongsii ma mitiija.

Revelation 21:1

Kiijiishe, ngi raq ra nai hiq ka anye she chhikang. Apha wa ra nai hiq ka akoq she riibaiqto. Kiimaq sammoktra jü kiimin ahü she.

Revelation 21:27

Ashe ashi ngarai thun ka ara chela na tiinyap mak she miraq. Kiimaq, jurwa jeasi chang sham tlaq kiimaq jurwa arot akiq chong tlaq, kriiti thun ka ara chela na walot mak she. Ju mang wa Skuse atra rilung lakdap na waiqje asi, kriiti thun kli she ara chela mong na miwa lot.