2 Peter 1:9 - ASII LAKDAP Bible (BSI)

⁹ Shatmaq kamasham maiqse ngu raü, ju khum niiwa ara chongtiikai thun angu tu ka ahü, kriiti ka amak achuk we, lairap samhea chhi tsii mak we ikha. Kiimaq amak chuktlii we ikhli sitlo. Akhiiti riika, Shiikeawe raq akhum wa anyung pukdong ngarai ka diibaiqto she ngutiimin sapphaq mak miili, angi we ikhli sitlo.

Hawa Naga Bible 2001

⁹ Yuq muinz kvruex hungc lvp muq jix htenc ukhaq yuq muinz vluz wawc khiz muq muik mawz waz rvtueq, piq lvy wvnc tueq wawc mvrax htenc tvsawc rvhumc tueq lvmz kuex rvwvl muq lauk gay tueq.

Muklom

⁹ Etharin barima iri tang raa ahung ang jo, ning miikduk nia amun khi aa etho ning ma jakho ngarey tang tasang ta tha lakchak ta.

2 Peter 1:9 Referencias Cruzadas

LEWI 13:55

Kra raütiishe apaiq raq hupsam ka mishri ra liinong. Kiimaq kra thathaü ka rong klai mak dea jiila, bahin na nyam wan mak dea li jiimin, kriika ashe li riishatshat. Namshiq raq kra hupsam ka wa na chaq baiq raa dongdii. Kra anam ba kriika kinphai nü na lo, among nü na lo, kriika wa na chaqbaiq chang dongdii.

Mark 10:21

Kiijiishe Jesuq raq apaiq phanü na, mangchan lam maq lii raüta apaiq ma akha chongkuqto, “Ümniiraq phanshi jaqsham chang dea asi shaq li. Ümniika ümjam na jangkikiq. Laüta tachong tsiiq anyam ka wiita asha riilaq. Laüta, kra kampho ka miitsan maiqse ma pheakuq laq. Akha riihaü jiila, ümniika ramungtan na chiithe ma mija haü. Kra laüta, i phana wara. Laüta i jaqshi se miishe jawan laq.”

Luke 18:22

Jesuq raq ara bomtre kra tai raüta, apaiq ma chongkuqto, “Ümniiraq phanshi ri dea sham chang asi shaq. Ümtachong hupsam ümchuwa, kra wiita asha riilaq. Laüta, kra sha kampho ka, miitsan maiqse ma phea kuq laq. Kra riihaü jiila, ümniika ramungtan na chiithe ma mija haü. Laüta wara. I jai arshe phan laq.”

Romans 6:11

Ara chongtiikai akhiisii hali, ümchaü sanha, namshiq riimin, namshiq ka ngarai lamphan niika, atsai kaikun she nguta sap chang. Ngarai raq namshiq ka jamsha wanlot mak she, nguta sap chang. Shatmaq, ümchaü sanha, namshiq ka Jesuq Khristo lümaq, Shiikeawe rai kongshi miishe atra sitlan.

Galatians 5:13

Riita, i phu i notiim lei, namshiq riiwe kla, Shiikeawe raq wasetiim ma tiija raüta, awokhong na tiisi miitu hea wanto. Shatmaq, ümchaü sanha, namshiq ma wasetiim rilung kuq taq arka, namshiq han-ngam sükha tsi ma, naq tiijamsha rongkiq she. Kra rii na, mangchan tsantsii maq kaütak rishi lanta, riilung riiwii miili she singa rong laq.

Galatians 5:6

Jamkhano akha riichopi tiikai ngukla, jangshi she Jesuq Khristo rai pumshi hanshi she powan kai miiphat, athohan kai lo, han mai lo, kriika thiihüli she. Shatmaq, riikhaqli maq nashiq jaq riiwiiq wan chang khearapaq sitlaq kriika, Jesuq Khristo ma kamwankai, kra lungwii tsantsii jaqsham maq tiichhi chang kli she akhek.

Ephesians 5:26

Apaiq raq ara, apaiq miisaq kuq raüta phungtu ka Shiikeawe ma apkuqto. Apaiq raq tsangshiq khum ka kham maq tiisii hetse kuqlot raütiishe, Shiikeawe ma kiinong kuqto.

Titus 2:14

Apaiq raq nashiq miitu, amiisaq khamto. Raüta nashiq ka abi ngarai kharü mong wa daa wanto she. Raüta nashiq ka ashe ngarai jaqkhon mong wa tiisii hetse wanto she. Raüta nashiq ka apaiq sengi she nguta rairii wan raüta, awura maq tiiham wanto she. Arka nashiq raq apaiq lishe shomnoq wan miitu riito. Raüta nashiq ka shamhea kaiwa jaqsham wan miituli she nguta pong na rairiito she.

Hebrews 9:14

Riita ija, akha mrochhi raüta mra ka tiisii kuq tlaq jiika, Khristo raq, akhum ka honglu na kuq raüta, atiijai raübaiqtaq kriika wiitarü thaq na araa pinthum she! Apaiq raq akhum ka pattup pat-sa Shiikeawe Wenyi sitlaq kra lümaq, asii pinthum honglu she kuqto. Apaiq tiijai raq nashiq hon atsii, nashiq mong nai jii ara thiihü, thatsang tri kharü mong wa, apii ashan lang tiikai thungtri kharü mong wa tiisii kuq tlo. Arka nashiq raq, atra Shiikeawe ka tiima tsantsii khangriri maq shomnoq miitu she tiisii kuqto.

1 Peter 3:21

Kra rathup jüjang wantaq liichum ka, ümchaü namshiq raq kham lam tlan kra lümaq, namshiq khum tiichhii kuq tlaq kra tiiji shi kuqto. Kriika han-ngam khum wa ashe ashi maqraiq hebaiq riimak. Shatmaq Shiikeawe ma tsantsii siirairai maq kiqkham raüpot khake wan achu jaü bomtsi. Ara lümq namshiq ka Jesuq Khristo amaa wa dongwantaq ningkun maq chhiito.

1 John 1:7

Shatmaq apaiq ka jamkho rawü na sitlaq, kiikha nashiq min rawüli na sihai jiika, nashiq liipan na riilung riiwii maq misi rong i. Kiimaq Shiikeawe Se Jesuq tiijai maq nashiq khum na phanrap ngarai sitlaq thun kra wiita mitiisii he baiq.

Revelation 3:17

Namshiq ka, ‘Ngi ka chiithe kiimaq rongboq; ngi ka winta sitiikang,’ nguta tiishom ra rai tlan. Shatmaq, namshiq raq, maiqmii ka thümse sang, kiimaq tiinan miishan sitiikai nguta heman! Namshiq ka miitsan, makchuk, kiimaq kheahü sitlan.